鮮芋仙 (V Point )

營業中

休息中

銅鑼灣嘅鮮芋仙一直都係我心目中嘅甜品首選，每次經過都忍唔住想入去試吓🥰💫芋圓4號呢碗芋圓真係充滿驚喜！裡面有紅豆、芋圓同珍珠，每一口都帶來不同嘅口感😋 芋圓Q彈，配上熱紅豆湯，簡直係夏日消暑必備！而且份量足夠兩個人share都無問題👍💫芋香奶茶呢杯奶茶香濃可口，芋頭味道濃郁又不膩，飲落去令人心情大好☕️ 伴隨著細膩嘅奶香味，每一啖都好享受！🎵🎵🎵Indulge in the sweet delights at 鮮芋仙, where every dessert is crafted with love and tradition. Their signature taro balls and refreshing drinks are the perfect way to cool down in the bustling city.

其實除左咩天氣都想打邊爐之外，我仲咩天氣都想食冰，今日就去鮮芋仙食下冰先，芋圓依然好咬口又好食，今次再加5蚊試食芒果綿綿冰，綿綿冰軟綿綿，每啖都有芒果味，不過稍為甜左d。

最近鮮芋仙新出全新泰奶系列🤩 鍾意飲泰式奶茶嘅我即刻去咗試吓👍🏻Q脆泰奶珍珠冰 ($78) (評分：4/10)一攞到個冰感覺非常之震撼😮 超大個冰側邊放滿晒黑珍珠同埋白玉珍珠，上面鋪滿Oreo碎，加埋雪糕同埋泰式奶茶，非常之適合打卡🥰食落去泰式奶茶醬味道唔算濃郁，只係得上面面頭部份有淋上泰式奶茶醬。頭幾啖配埋雪糕Oreo脆，其實幾好食口感豐富😋 但係成盤冰都只係得大量珍珠，食到一半之後已經冇咩泰奶味，變成珍珠撈刨冰🥲

銅鑼灣呢間做咗好多年都未執笠，證明好多人幫襯價錢真係好合理，$5x, 又多選擇。食到你個肚飽，都唔使食晚餐想食芋泥紅豆，份量好多，真係好滿足不過我睇錯嘢，揀咗下面個底全部都係冰，可以選擇仙草涼粉。。。食到最底，紅豆珍珠涼粉汁溶晒落去啲冰度，啲冰又差唔多溶，好入味

今日行去銅鑼灣見到鮮芋仙好似好耐冇入去食過，咁熱入去食個冰降溫吓先0之前已經食過牛奶冰，今次我見配料有啲唔同，呢個係芋圓Q麻糬牛奶冰，配料有冬瓜凍，麻糬，芋圓，冰又牛奶上面有一球雪糕°我記得上次個牛奶冰有兩舊布甸，今次轉咗冬瓜凍冬瓜凍淡淡冬瓜味似啫喱另外麻糬黑白冇乜特別，跟住芋圓會員入邊有少少容容🌸幾好味°另外叫咗豆漿豆花4號裏便有兩舊芋頭芋頭右面又軟甜甜地好好味，紅豆就冇乜味份量偏少，豆花就唔夠滑，嚟到雖然係出煙，但唔係太夠熱，所以又覺得麻麻地°鮮芋仙都係食冰好食啲😂

鮮芋仙都食過幾次，記得一開頭食都係叫外賣，因為堂食太多人排隊，冇一次成功等過堂食。而家就少咗人食，終於可以試吓堂食會唔會再正啲。最鍾意佢嘅紅豆湯，所以一定係熱嘅。今次叫芋圓3號，有紅豆、芋圓、珍珠。佢嘅芋圓同珍珠都好煙靭，份量亦都唔少，每一啖都一定會有芋圓珍珠。每次叫一碗都要兩個人share先食得晒。不過感覺上而家嘅份量好似少過以前，以前係會多到唔想食，而家係比正常偏多。可能夏天啲人通常都係叫冰食，下次再嚟就可以試吓。

今次禮拜五食完飯之後，仲有啲時間，所以就同埋屋企人一齊食埋個甜品先至返屋企今次去咗銅鑼灣鮮芋仙，其實依間餐廳我就未食過，因為個人都唔係太好食芋頭相關的食物，今次試一下今次嗌咗兩個甜品，一個係招牌芋圓（白玉珍珠芋圓）另一個係熱的紅豆珍珠芋圓如果兩者比較之下，我就比較鍾意食熱嗰個，因為口感甜度以及材料我都比較鍾意的甜度唔算太甜，都幾適合都市人健康飲食習慣冰嗰個我就唔係太識得欣賞嗰個配合，我就覺得一般般兩個甜品加埋$100左右價錢尚可

天氣熱周圍食冰消暑鮮芋仙相對其他冰鋪真係抵好多而且又多料雖然相對而言冰嘅細滑度冇咁高始終一分錢一分貨但因為價格相對便宜吸引好多唔同人嚟食所以銅鑼灣長期爆滿溫馨提示：每人最低消費$28

鮮芋仙基本上係大家想食芋圓都會係第一時間諗起嘅地方😆👍🏻我自己就係佢嘅忠粉特別鍾意佢啲芋頭，真係好香個芋頭好大舊啖啖芋頭香味，加埋佢畀嘅奶真係一絕一般嚟講我會鍾意外賣返屋企食因為佢唔太多堂食位置唔係好想同人逼不過呢間落大雨，唔想拎住返屋企咁狼狽所以就試吓堂食原來堂食會大份啲🤣平時同女朋友要一人一碗外賣堂食可以一碗兩個分🤣同埋堂食嚿冰冇溶得咁快，冇咁水比平時外賣更好食仲有好欣賞佢啲芋圓真係好Q彈彈呢個就無論外賣定堂食都無變🙌🏻

今次好好彩，晚上8:00去到剛好有5個位，完全不用等候。因為次次去都要等半個鐘以上，今次是好好彩☺️。因為我們有一個大肚婆，她只可以食熱甜品 🍮。她要了白玉湯圓紅豆湯，不過我覺得鮮芋仙甜品特別大份，剛剛食完晚餐，食不到全份。可惜今次無叫刨冰🍧，看見別人的刨冰好大份值得一試😋😋。我就叫招牌仙草沙冰🍧，用的糖漿是啡啡色，但我不知道是什麼糖漿，但都幾特別同幾甜。auntie都好鍾意鮮芋仙的仙草，但係我個人就鍾意食他的芋圓。我們五個人都叫咗Minimum charge。下次一定要再叫他們出名的刨冰。

現在是5月11日晚上9時，很高興到鮮芋仙銅鑼灣吃冰品，但服務員用的抹布抹桌留下很重的臭味，建議抹布保持乾爽乾淨！！！希望下次來能改善，建議改善，建議改善，建議改善，立即改善

和朋友在銅鑼灣聚會吃晚餐，晚餐吃得七七八八已經差不多十點了，疫情後香港大部分餐廳都十點前就關門，沒想到我們誤打誤撞找到這家鮮芋仙，12點才關門。大概大家都是想吃個飯後甜品，我們還是稍稍等了兩桌才有位子入座。這一間有每個人最低消費限制，點餐的時候店員會問入座人數。我們點了一個仙草6號，一個芋薯圓Q麻糬牛奶冰。芋薯圓Q麻糬牛奶冰，超巨大，不止牛奶冰，還有雪糕丶年糕麻糬丶小芋圓丶小涼粉那些，沒有3個人應該很難吃完。仙草6號是個人最愛，粉粿超有口感，配上粉條和珍珠，另外有附一個鮮奶球，可以加進去，口感更順滑。

台式甜品唔係間間有保證好食。鮮芋仙就做得好出色。手工芋圓和經典豆花係鮮芋仙嘅招牌甜品之一。我哋揀咗冰芋圓4號和經典熱豆漿豆花1號加配料芋頭。冰芋圓4號(＄52) 除咗有芋圓同刨冰外，仲有芋頭，紅豆和珍珠。芋圓煙靭軟糯，有咬口又唔黏牙。 芋頭大大件，口感綿密，有少少芋泥嘅感覺，一啖 芋頭，一啖棉花冰，好配襯。 紅豆粒粒飽滿，煮得好腍不太甜，珍珠煙韌彈牙和芋頭紅豆口感上有強烈嘅對比。 一碗手工芋圓， 份量十足，兩個人一碗share分享， 綽綽有餘。 豆漿豆花1號($48＋$8)材料包括白玉湯圓和薏仁。 由於芋頭好好食，所以加一份芋頭配料。 豆漿不太甜，豆花 嫰滑，两者都有濃郁嘅豆味。 加埋白肉湯圓， 芋頭和 薏仁一齊食， 多重層次，口感豐富， 好好味。

同朋友食完Lunch，硬係要食多個甜品先心滿意足🤪下晏嘅鮮芋仙人少少，慢慢食碗冰繼續傾計hea時間先❤️✴️芋薯圓Q麻糬牛奶冰✴️$68真係物超所值，每份配料都堆得滿滿，嚟鮮芋仙食冰係唔會失望的😍🧡小芋圓｜細細粒，每啖冰撈1,2粒啱啱好🧡芋薯圓｜外面橙色係蕃薯圓，入面係芋泥，都幾大粒🧡麻糬｜黑白兩色食唔到有分別，唔算好煙韌，不過食哂會好飽🧡粉棵｜比啫喱硬彈牙有咬口，我最鍾意依個配料，唔會太甜，食落又無芋圓麻糬咁壓胃

依間芋圓甜品店間間分店成日都要排隊，要食就要早啲排。- 迷你白玉芒果冰 一年四季都要食冰 !!   叫咗個迷你版，已經好大碗，一個人食曬有啲難度。超多芒果，小丸子；沙冰就有芒果醬，煉奶，甜度都 ok。- 芋圓4號 ( 熱 )推介產品，有芋圓，芋頭，紅豆，珍珠，熱食就係紅豆湯。個人覺得芋圓係熱食會比較煙韌，同埋食到原本既味道。兩款甜品，一冷一熱，食得超滿足。