鮮芋仙 (屯門市廣場1期)

食物質素比起以前點，就見人見智。但係佢個容器，個碗磨噬成甘，碗邊緣一圈黑黑綠綠既顏色，睇唔清楚既以為係發毛。提議快d更新一批碗。唔換既話，即使好食，都好影響食慾。…查看更多

@鮮芋仙今日響屯門市廣場食晚飯,食完晚餐梗係要滿足下第二個胃啦,朋友話想食芋圓,等咗十分鐘左右就有位#招牌仙草沙冰🍧仙草又淡淡草香,滑嫰順口芋圓軟糯,煙韌彈牙,有淡淡嘅芋頭香好食,吾太甜#珍珠奶茶布丁冰🍮呢個雪山造型嘅刨冰,睇落已經好吸引,山頂有一球香草雪糕,好滑,真係透心涼,珍珠Q彈有口感配上綿綿嘅沙冰和滑嫰布甸好有層次 ,爽爆總結：整體嚟講,布丁冰比仙草沙冰做得更好,可惜地方細,有啲位置坐得比較迫唔係好舒服,地下有少少濕笠笠,食完侍應好快就收碗忘記拍照😜…查看更多

好多時食完飯都會買回家食，以前都覺得唔錯，今次真係嬲，買回家只見得番一半，買仙草芋圓，有一半係冰，係結晒冰，又少又難食，想點呀😳係咪準備結業喇，做到咁差，已經唔平啦$48 ， 以後都唔再幫襯，好失望😞…查看更多

呢日行街行攰，口又乾乾地，正想搵個地方唞下，食啲嘢解解渴。眼尾掃到有間鮮芋仙🤩🤩毫不猶豫就點了最愛嘅紅豆燒仙草。燒仙草烏黑晶瑩好似黑寶石，紅豆煮得軟稔又香甜嘅紅豆，粒粒飽滿，再加上幾團圓滾滾嘅芋圓。燒仙草口感嫩滑，帶住淡淡嘅草香，紅豆嘅甜香同燒仙草嘅清涼完美融合，唔會太甜膩，甜度控制得啱啱好，芋圓软糯有嚼勁。…查看更多

同朋友頹食完雞蛋仔黎食個甜品就當一餐🤣。太耐無黎鮮芋仙所以又黎食下～8點幾去要排隊，等左15min左右，叫完就唔使10min有得食😌🔅芒果白玉冰 ($58)白玉有8粒左右，好軟糯。芒果🥭份量都唔少～加埋芒果醬食落好香好甜，配雲呢嗱雪糕可以balance下，但同朋友都覺得加芒果味雪糕應該正啲🤣🔅芋圓5號 ($48)5號有粉條、粉粿、珍珠同芋圓～唔知係咪食完兩啖芒果先食呢個，所以覺得芋圓無味😂…不過都好煙韌有得𡁻，仲有成10幾粒好滿足🥰。粉粿得3舊比較少，仲要無咬口，唔推❌。冰粒有啲偏大，如果變左綿綿冰其實應該會再好食啲🧊🤤💬堂食好過外賣，雖然價錢唔算平，但久唔久都係想食🤣…查看更多