鮮粉人家

營業中

休息中

酸菜魚煲餐($198)尼間餐廳既雞煲同魚煲都好抵食，司令今次叫既係酸菜魚小辣，另外送兩份配料，司令就揀左肥牛同薯粉。一上枱，好大份喎，姐姐話食左啲魚先再開火打邊爐，魚肉唔係太入味，仲有少少老左，不過食多陣就慢慢吸左酸菜既味，雖然望落好大堆頭，但其實底個到係芽菜酸菜等等既配料，不過料咁多拓起啲魚肉可以令魚肉唔好再加熱，比個讚佢地既小心思👍🏻。 一個餐可以兩個人食到好飽，如果多人既可以叫多個雞煲或者叫多啲餸先夠。

行過，見耐無食，又有位，咪坐低食下打邊爐加雞煲。。。。先叫左個小辣雞㷛，有半隻鷄左右分量，雞件又唔會太老，但小辣真係無乜料到，要後加多d辣囉。。一個餐落order,包兩個火煱料，一碟就肥牛，一碟就薯粉，肥牛就比任食邊爐好d，反而薯粉就幾正，因為放落㷛內滾，等到薯粉成少少透明，真係吸晒d汁，幾正。。同時點左魚皮餃，量足，但普通餃，另再加一碟手切肥牛，賣相一般，同埋又唔覺真係好正，叫反碟普通肥牛好過。。但間鋪真係keep到客，一到晚上，就鬼咁多人