鮮味道麵點王

營業中

休息中

行過見到有間新鋪頭，比門口煎鍋貼吸引左入去，諗起好耐冇幫襯過鍋貼店，對上一次食已經係幾個月前，入到去望吓餐牌八隻起錶，叫10隻會抵啲，仲想食埋腸粉，但係兩個人冇咁大個胃去容納，商量之後決定放棄鍋貼，每人叫咗個餐，我揀咗薺菜小雲吞加鮮蝦腸粉，薺菜係咩我真係唔知，但食落有些少似冬菜，鹹鹹地，所謂嘅小雲吞細細粒，一碗入面有好多隻，其實食完一碗都會飽，鮮蝦腸粉除咗蝦入面有菜同雞蛋，唔算好滑，有啲似皺皮腸粉

晚上10時許收工，走到渡船街一帶揾食｡ 行到這店，見到有不小人在，便進去搵食｡ 小店一間，而且是晚上，所以只有一個店員，但服務也不錯｡店內光猛齊潔｡閱讀餐牌，見到餐廳主打餃子，看似是北方餃主為主，也有套餐。 為時太晚，不想吃得太飽，叫了一個小雲吞及牛肉雞蛋腸粉｡小雲吞餡以菜為主，一囗一個，共15個，味道不錯｡ 湯似是北方餃子湯，即係似是水，但有小小味道。腸粉有驚喜。不像常見的廣東腸粉捲成一條，而是一塊平的腸粉，上面打了一隻雞蛋。腸粉滑，最驚喜是有蛋香｡價錢不算貴，中上價，總體不錯｡