鮮味蒸滾鍋

尖沙咀高質海鮮性價比爆燈 ❤️368新鮮海鮮超豐富 + 任食火鍋配料無限添加🍹飲品任飲😍蒸活海鮮食到夠 🦀 海鮮控必去 🔥 鮮活海鮮拼盤打卡必去📸高質火鍋美食抵食攻略海鮮控站出嚟！🥳 尖沙咀加拿芬廣場有間鮮味蒸滾鍋，真係新鮮到爆，性價比又超高～每次嚟都feel到心情chill翻晒，環境明亮又乾淨，食物質素又高又好抵，所以人氣超旺，大家記得要提前訂位呀！仲有室外位置供大家睇風景。更有VIP 房可以開P夠新鮮清蒸，原汁原味，食出海鮮味😍推介point💯 - 海鮮選擇有齊龍蝦、鮑魚、肉蟹、大蟶子，每樣都係活生生游水見得人👀，啲海鮮真係新鮮到冇得輸！ - 海鮮套餐超足料，$368已經可以食到新鮮又豐富嘅海鮮，火鍋配料任加，飲品任飲，火力全開食到你大滿足～今日套餐內每位包括🥰😍養生滋補燉湯，勁養顏。龍蝦半隻，超新鮮，會游水活海貝盛盤，每口都係鮮蜆肉味今日揀左以下自選海鮮4款鮮活鮑魚1隻 ,仲加了蟲草花同薑絲，陳皮蒸😋鮮龍躉件2件，夠厚肉，夠實又鮮，還加了d 胡椒蒸生猛肉蟹 ,超鮮蟹味，多膏，好味都爆。活大蟶子1隻，鮮，又大蟲草花蒸文昌雞，超滑鮮嫩，juicy.梅菜蒸豬肉丸，好大粒，餡有少少馬蹄碎，有口感，有創意。自家製鮮蝦丸，彈牙，新鮮滿口鮮蝦味今日揀咗芫荽皮蛋湯底做火鍋，超足料。美國牛頸脊一碟，雪花分怖平均，鮮紅色超吸引，每口都係牛肉味道南瓜鮮排骨粥 每口都係精華，吸收晒所有海鮮同文昌雞肉的精華，粥底超軟綿，超鮮味。養顏紅棗糕記住仲有火鍋配料任加，飲品任飲- 養生燉湯、色香味俱全仲好滋補，啱晒鍾意健康嘅朋友，大推蟲草花蒸文昌雞、梅菜蒸豬肉丸同自家製鮮蝦丸～推介：芫荽皮蛋湯底做火鍋，特別得嚟又夾！鍾意牛可揀美國牛頸脊，肉質嫩滑冇得輸🥩。收尾有南瓜鮮排骨粥同養顏紅棗糕，暖胃又養生～📸 即場影低相片打卡，海鮮拼盤新鮮亮相，啲肉類、丸類同小食全部都咁吸引！食咗一次，真係會諗緊下次幾時再去！想食新鮮海鮮又唔想破產？呢度就係天堂啦，快啲約埋朋友空肚去hea餐，包你食到笑出聲～…查看更多

「鮮味蒸滾鍋」是位於尖沙咀一家主打新鮮生猛蒸海鮮的菜館，一個價錢只需 $ 368可以食盡新鮮蒸海鮮、滋補燉湯、蒸新鮮雞、蒸自家製手打丸、打邊爐、火鍋配料無限追加、仲有養生粥和甜品，飲品、甜品、雪糕一樣係任食，真係超高質又抵食，提提大家想食一定要book位，晚市超級爆場🫰🫰另外晚上九點之後入座，送三文魚一份及所有啤酒可以無限暢飲，蒸海鮮會有專人幫你控制時間，完全唔使擔心唔熟或蒸過龍，非常貼心👍👍，等我逐一話俾你知呢一個8️⃣部曲套餐有幾正😋1️⃣滋補養生燉湯｜是日靚湯係苦瓜燉排骨湯，味道清甜又清熱2️⃣生猛龍蝦半隻｜蒸沙白見住喺魚缸即撈，超級新鮮又鮮味，龍蝦配上次香蔥夠晒滋味3️⃣自選海鮮八選四生猛肉蟹｜鮮龍躉件｜活海生蝦｜活大蟶子睇賣相知道有多高質，全部真材實料，肉蟹多糕又多肉，龍躉肉夠晒香滑滿滿骨膠原，生蝦和蟶子都好大隻好新鮮4️⃣三款必食蒸物蟲草花蒸文昌雞配合陳村粉，美味又飽肚梅菜蒸豬肉丸｜自家製手打鮮蝦丸，不得了好新鮮，鮮味滿瀉5️⃣自選火鍋湯底八選一有八款湯底可供選擇，我哋就揀咗清湯和沙嗲，配乜嘢食物都咁正6️⃣ 美國牛頸脊｜新鮮脆肉鯇牛肉質素超高，雪花均勻入口，仲可以無限追加7️⃣數十款火鍋配料、飲品、雪糕和自家製馬豆糕和杞子桂花糕，自取無限任食，仲有自家製嘅竹蔗茅根水，清熱解渴8️⃣南瓜鮮排骨粥｜養顏紅棗糕呢個粥幾飽都一定要食埋，全部海鮮精華嘅味道，真係超鮮味，養顏紅棗糕煙靭又軟腍…查看更多

第一次試蒸滾鍋就揀咗旺角呢間「鮮味蒸滾鍋」，結果令人非常驚喜！由入座到用餐，每個環節都感受到店家嘅用心。店員會耐心講解蒸煮技巧，又會主動幫忙處理海鮮，讓客人可以專心享受美食，服務態度值得一讚。試咗佢哋嘅「時令海鮮拼盤」，最印象深刻係「珍珠蠔」，蒸完後依然保持飽滿狀態，蠔味濃郁，一啖一粒非常過癮。「沙白蜆」同樣出色，每隻都蒸到啱啱好開口，蜆肉鮮嫩無沙，證明清洗功夫做得足。另外「豉汁蒸白鱔」都係必試之選，鱔肉肥美，豉汁味道調配得恰到好處。最後嘅粥底絕對係神來之筆，集合咗所有海鮮嘅精華，味道鮮甜濃郁。店員會貼心詢問口味偏好，幫忙調配蔥花、芫茜等配料。成個用餐體驗令人相當滿意，無論係食物質素定服務水準都值得高分，絕對係會令人想再次光顧嘅好店。…查看更多

作為海鮮狂熱分子，今次喺尖沙咀「鮮味蒸滾鍋」嘅體驗真係超乎預期！佢哋嘅「至尊海鮮套餐」款式多樣，每款海鮮都保證生猛新鮮。最欣賞係佢哋嘅蒸煮時間掌握得恰到好處，令每款海鮮都能發揮最佳風味，完全展現原汁原味嘅魅力。首輪必試嘅「澳洲青年龍蝦」絕對係亮點，龍蝦肉質飽滿彈牙，蒜蓉嘅香氣完美引出龍蝦嘅鮮甜。跟住嘅「本地靚蝦」同樣出色，蝦殼一剥就離，蝦肉爽口鮮甜，完全唔需要任何醬料襯托。特別要讚嘅係「招牌蒸蟶子」，每隻都肥美肉厚，蒸熟後依然保持飽滿多汁，鮮味十足。最後壓軸嘅粥底令人驚艷，吸收咗所有海鮮精華後，粥底變得綿滑鮮甜，加入少少芫茜同蔥花更加提鮮。成個用餐過程好似經歷咗一場味覺之旅，由淡到濃，層層遞進，將海鮮嘅鮮味發揮得淋漓盡致。絕對係會令人想一再回味嘅精彩體驗！…查看更多

起放題，好多人都會諗起「量多但質素普通」，但「鮮味蒸滾鍋」嘅火鍋放題部分，絕對會打破你呢個觀念！佢哋喺食材質素上絕不馬虎，完全有驚喜。首先，佢哋嘅肉類選擇非常出色。美國安格斯肥牛，油脂花紋分布均勻，如同大理石紋般靚仔。放落個鮮甜無比嘅海鮮湯底輕輕一涮，牛肉嘅脂香同湯底嘅鮮味結合，入口即化，肉味濃郁，質素拍得住專門嘅火鍋店！除咗肥牛，佢哋嘅手切牛肩脊同樣出色，肉質更實淨，牛味更突出，適合鍾意咀嚼感嘅朋友。海鮮方面，放題區竟然都有驚喜！除咗常見嘅青口、沙白蜆，我仲發現有海蝦供應，而且都幾新鮮，蝦肉結實。當然，你唔好期望有蒸海鮮定食咁高級，但以放題來講，絕對係超班。另外，佢哋嘅手打丸類同餃類都係自家製風格，特別係香菇豬肉餃，餡料飽滿，香菇味香濃，非常好食。飲品櫃嘅選擇亦非常多，由汽水、紙包飲品到茶類應有盡有。以呢個價錢，可以食到高質蒸海鮮定食，再加一個咁有誠意嘅火鍋放題，性價比之高，實在冇得彈！…查看更多