鮮入圍煮花膠雞海鮮火鍋

營業中

休息中

今天去了尖沙咀一間叫鲜入圍煮花膠鷄海鲜火鍋，環境寬敞，主打以花膠鷄為名，女士至愛😍濃厚原隻花膠鷄煲花膠湯 🐔 $308花膠湯超级濃郁，鷄隻由員工剪開，肉質嫩滑，再加上大大塊花膠，女士們至愛補充骨膠原😍手切極尚200日穀飼牛肉🐮 $338牛肉色澤鮮明，牛味濃郁，肉質鲜嫩，口感不錯😋炸響鈴 $48濃濃黃豆香味， 外脆內軟😙牛骨髓 $65白雪雪，有d似腸粉，口感鲜嫩又軟淋😝胡椒豬肚貢丸 $55豬肚的鮮味，搭配胡椒的辛香味，可以讓貢丸更加美味😋鲜嫩荀尖片 $43鲜嫩荀尖片具有清脆爽口, 口感不錯😛油麥菜🥬 $43新鲜爽脆，打邊爐必備😛飲品揀了Coke zero $18, 咸檸七 $32, 完美结束了今日邊爐 😎整體得分: 4.5/5味道: 4.5/5環境: 4.5/5🎇鮮入圍煮花膠雞海鮮火鍋🎈尖沙咀厚福街8號H8 8樓

-鮮入圍煮花膠雞海鮮火鍋-@尖沙咀.打風天果然特別想打邊爐，黑雨過後便到尖沙咀火鍋。最近先知鮮入圍煮搬到尖沙咀厚福街，諗住黑雨過後會冇咁多人，於是便Walk in一試。.但原來香港人真係好鍾意打邊爐，黑雨過後依然滿座，剛好我哋去嘅時候有一台客人埋單，等咗一陣就可以入座。.花膠雞湯(小) ($308)哩度主打的湯底花膠雞湯真係無得輸。半隻三黃雞加上多片大大塊的花膠，好足料，所以湯底好濃厚好香雞味。.湯底滾起後， 侍應會主動幫忙將半隻雞剪開。我地直接先飲2碗湯，好滿足。.飲湯後就請侍應加湯，加的係豬骨湯。因為我地飲剩一點雞湯，雞湯濃郁到加了大量豬骨湯後都仲飲到花膠雞香味。.蘇格蘭蟶子王($88/隻)價錢唔算平但真係好值得點的海鮮，好大一隻蟶子，超級厚肉，輕輕淥幾十秒就已經食得。肉質爽口細嫩， 十分新鮮，就算唔沾任何醬汁都非常好食。.澳洲和牛牛展肉($168)因為係牛展肉，所以沒有太多脂肪，同樣稍為淥一淥就可以食。食落肉質唔算好滑，但牛肉味真係好濃。.中山脆肉鯇魚骨腩 ($88)分量比想像中多，每篇鯇魚骨腩都好大件。魚皮同魚肉肉質都好爽口，夠晒鮮甜。而且如果唔多，就算唔係好識食魚嘅人都可以一

我鐘意日本嘅打邊爐，湯底係清水加一塊昆布。如果香港，我就鍾意牛乳湯底或者芫荽皮蛋。我之所以有咁嘅選擇，係因為咁樣可以盡量避免人造嘅味精湯底蓋過食材本身嘅味道。而除左牛乳湯底，其他嘅我都基本上唔會飲。 🍖 今次是呢一間好特別，喺用雞湯做湯底，而且連埋花膠一齊煲。店員推介先飲湯，咁都要比面飲一兩啖。結果上癮了。淨係雞湯嘅顏色呈現金黃，已經非常吸引。但湯真係好鮮好甜。而且個種雞汁嘅味道，一定唔喺史x生雞湯嘅味可以媲美。上面又冇多餘嘅雞油，相信師傅喺上枱前都做咗好大工程既隔油工作。我地一路飲一路食。掙扎左好耐，都唔俾店員幫我地加湯，因為加落去係豬骨湯，我地實在唔捨得雞湯嘅味道。 🍖除左響鈴，同埋菜係大路野之外，我地又特別叫左幾樣平時小啲叫嘅料。牛骨髓，比起平時食開嘅豬骨髓，一劈劈咁散開，哩嗰成條黎煮，都可以保持到實淨嘅口感，點少少醬汁，就成條鼠入個口。豬肚貢丸，我以為會用豬肚琢成好細粒，混合肉丸，點知一啖咬落，成舊豬肚彈出嚟，而且保持爽脆，好有驚喜。最正係鮮荀尖片，佢好有心機咁切到成把梳咁，咁就好似的麵條，多左好多位置掛住啲雞湯。就係咁，雞湯昇華左鮮嫩嘅筍片去到另外一個層次。 🍖手切穀飼牛，擺

濃湯原隻雞煲花膠湯中山脆肉鯇骨腩原條貴州野生竹笙王澳洲和牛牛展肉牛骨汁濃湯牛丸山根（炸麵根）雪耳杞子茶 最近成日都要ot, 想好好咁補下, 揀左間有花膠雞湯底嘅餐廳打番個養生邊爐。湯底要左半隻花膠雞, 有兩大片花膠同埋超大份雞肉。餐廳好貼心, 會俾大家影左相先再分雞肉, 雞肉大致依然嫩滑, 花膠爽脆, 食肉飲湯完先開始打邊爐。講起滋補, 當然唔少得菌菇, 見佢地有賣竹笙王, 我即刻order 左份, 黎到見到每一條貴州竹笙王都超厚, 放落湯底煮一陣吸收曬d 湯底精華真係幾好食。

以前已經聽過鮮入圍煮，但今次第一次食。無諗過尖沙咀店咁多人，book左都要等，加上等位個空間好逼，大家要有心理準備，好彩店員都好友善地安撫食客。黎得應該都係衝住佢個花膠雞湯，即使半隻份量都幾多，雞肉同花膠份量都足夠。店員建議先飲湯，再加骨湯打邊爐。湯頭的確幾出色，有雞湯既鮮甜，又有花膠個種獨有既膠質。比起一般邊爐湯底較濃，亦較有特色。娃娃菜放曬落去雞湯到煮，吸曬個湯D味之餘，又有娃娃菜既甜。澳洲和牛牛展肉呢款雖然係餐牌中比較平嘅一款，但煮完唔會鞋，有肉味又唔怕太油，OK啵薑汁皮蛋貢丸有驚喜，平時麻麻皮蛋都鐘意。牛黃喉份量好多，質地係爽脆，但配呢個湯唔太夾，如果叫麻辣就夾好多。飲品上除左一般汽水啤酒茶都有D特色野飲揀。

想食花膠雞好耐，上網睇到呢度食評好多，趁着放假，出開黎尖沙咀就上嚟試吓火鍋生料選擇好多，樣樣都有，價錢合理花膠雞煲必食！半隻雞$308，好清甜，雞味濃郁，雞好好食，花膠亦都夠淋，索晒清甜雞湯，非常出色！因為啲湯太好飲，幾乎飲晒，飽咗一半😂之後就到打邊爐嘅時間，簡單叫咗幾樣餸手切穀飼牛嫩肉（$338）牛肉大大塊，脂肪分布平均，入口軟冧牛味極濃，必食！蘇格蘭聖子王（$176）勁鮮甜又有咬口，唔使點醬更加食到佢嘅鮮味，淥1分半鐘啱啱好👍胡椒豬肚貢丸（$55），平時好少食嘅配搭，胡椒味好香，真係粒粒入邊都有豬肚手工魚皮餃（$45）本來以為係普通魚皮餃，原來完全唔同，有少少辣味，餡料彈口好食，唔係出邊食到嘅魚皮餃鮮嫩筍尖片（$43），鮮甜爽口，食完好多肉，平衡下油膩嘅感覺牛骨髓（$65），平時好少食內臟，呢個口感幾得意，如果食開內臟嘅朋友可以一試無論湯底，或者火鍋生料，質素都非常高，非常推薦！

非常洶湧澎湃嘅火鍋店，座無虛席，就算晚市九點過後都非常多人，大概等咗唔使半個鐘就有位，難怪咁多人，因為火鍋店嘅湯底真係非常正同好飲！雖然只係半隻花膠雞湯，雞件嘅份量都非常足夠，而花膠入口軟熟彈牙，以308蚊嘅湯底重包埋足湯料其實真係幾抵食，賣單都加埋兩位人頭醬料費30蚊同加一服務費。首先是半隻花膠雞湯（小）308。這一火窩的份量相當足夠，裡面有豐富的花膠和嫩滑的雞肉，湯底濃郁鮮甜，喝起來們不下來。花膠的口感軟綿，搭配雞肉的鮮嫩，讓湯的味道更加濃郁✨青檸梳打和鹹檸七。青檸梳打非常清新，擁有濃郁的青檸香氣，喝起來十分解渴。而鹹檸七則帶有微微的咸味，啱晒打邊爐飲!然爽脆牛黃喉和澳洲和牛牛展肉。牛黃喉非常爽脆，口感十分棒，搭配澳洲和牛牛展肉的鮮嫩，味道更加突出，每一口都讓人回味無窮。爆炸薑汁皮蛋貢丸內裡鮮嫩多汁，加上爆炸薑汁的調味，混合皮蛋口感，味道相當美味特別！鵪鶉蛋加入增添了菜品的豐富度，咬下去粉粉的，第一次鵪鶉蛋打邊爐真係幾好味😍

裝修有種傳統大排檔風格，地方夠大，座位闊落，設有好多卡位，仲有個大魚缸，養住各式各樣既海鮮，有order師傅就即刻撈起，保證夠晒新鮮!醬料選擇唔算好多，不過愈新鮮既食材都唔使點調味就已經好好味，而餐廳的確做到招牌上既"鮮"!招牌濃湯花膠雞鍋 (半只)🐓🎣打邊爐最緊要個湯底，除左大大塊既花膠外，仲有半隻雞，職員叫我地品嚐下個湯，湯頭相當清潤鮮美，無味精味，飲落完全唔會覺得口渴，仲有膠質感。花膠唔止大大塊，仲有成六件，塊塊都口感軟腍，富膠質，相當滋補。職員仲會好細心幫我地剪雞，雞肉長時間既燉煮，依然鮮嫩。手切殼飼牛嫩肉 🥩🐮牛肉油花分明，口感鮮嫩肉味濃郁，放入花膠濃湯灼十幾秒，肉味齒頰留香，令人一試難忘。蘇格蘭聖子王 🐚🏴󠁧󠁢󠁳󠁣󠁴󠁿極度新鮮，送到黎仲識郁，職員仲主動幫我地灼，灼到甩殼就食得，正如上面咁講，靚食材根本唔使咩調味，點少少豉油就食得，肉質滑柔嫩，卻帶爽脆, 味道鮮甜。手工魚皮餃 🥟🐷餃皮煙韌同帶魚肉既鮮味，豬肉餡料新鮮，厚身爽滑，岩晒打邊爐。牛骨髓 🐮唔係間間打邊爐餐廳都有，不過佢其實營養豐富，高蛋白、低脂肪，仲含豐富鈣質，坊間有傳有壯陽壯腰既功效。今次呢個原條牛骨髓夠晒新鮮，

前排一位內地親戚黎香港玩，梗係要盡地主之誼請佢食餐飯啦！問佢想食咩，佢就俾左個「大眾點評必吃榜」我睇，話想試呢間位於尖沙嘴嘅「鮮入圍煮花膠雞海鮮火鍋」，咁就一於去試下啦！作為必吃榜上嘅推薦餐廳，呢度果然幾多內地客黎食，當日另外幾台都係講普通話嘅。餐廳裝修樸素簡單，店員服務都唔錯。呢啲嘅火鍋配料可以自己任意調，幾方便。呢度主打花膠雞，梗係要order啦！店員話我地兩個人可以叫半份，可以先飲湯食雞食花膠先，之後再落豬骨湯打邊爐。啲花膠好厚，食落去feel到啖啖骨膠原！雞肉都仲係好鮮嫩，而且好有雞味。湯底好濃好鮮，好好飲！順帶一提，店員會好細心幫客人煎雞肉嘅，唔洗擔心唔識處理！呢度嘅BBQ配料都好多選擇，價錢合理。外面亦有一個魚缸，裡面有啲新鮮游水海鮮！另外，呢度嘅丸類係標榜用「大埔振興」嘅出品，咁梗係要order一份我最愛嘅芝心牛丸啦！由於親戚唔食牛嘅關係，我地就叫左一份豚肉。啲豚肉色水幾靚，肉質鮮美，打邊爐一流。另外親戚想食香港特色「水魷魚」，咁就order一份啦。呢度嘅魷魚好爽口，唔錯！

今日去完尖沙咀行街，之後就行咗去厚福街H8嗰度揾野食，喺樓下諗咗一陣食咩好，好多間都已經食過，見到「鮮入圍煮」未試過喎，就揀呢間啦😆我地早食，上到去已經見到有經枱已經食緊，入口位有個大魚缸，有當日新鮮嘅海鮮，全部都好生猛🦞🦐花膠雞湯我地兩個人食嗌咗個細嘅，有半隻雞，花膠好足料有5片咁多，塊塊都勁大片，等啲湯煲滾後店員會幫我地剪開隻雞同花膠，記得要飲返碗湯先，雞味濃夠鮮，雞肉緊實，由於我朋友唔食花膠，所以我食咗兩大碗😆澳洲和牛牛展肉牛展只需輕輕淥幾秒就食得，肉質較為偏瘦，口感爽口有咬口，平時較少點牛展，估唔到又真係幾好食喎牛黃喉朋友話要試吓牛黃喉🤣食落爽爽脆脆仲帶點靭性，主要係靠調味料去增添佢嘅味道，個人就幾鍾意呢個口感😋薑汁皮蛋貢丸一啖咬落去會爆薑汁架，薑味唔會好濃，入面仲有啲切碎咗嘅皮蛋，貢丸彈牙，口感豐富鵪鶉蛋大大粒，已經搣咗殼，一啖一粒好過癮娃娃菜記得要一早淥啲娃娃菜，索咗啲湯汁好鮮甜📍鮮入圍煮花膠雞海鮮火鍋 (尖沙咀)尖沙咀厚福街8號H8 8樓人均消費：$400-500食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐

時下嘅打邊爐，除咗有大量嘅台式日式和牛放題之外，正宗港式打邊爐更加係重質不重量嘅代表。🤪對於我來講打邊爐嘅極致就係連個湯底都做到令人陶醉嘅感覺咁無論食咩都特別有加分嘅感覺。😍除咗湯底重要之外，食材嘅鮮亦都係非常緊要，想食到夠先嘅火鍋就唔少得鮮入圍煮。喺呢一度絕對會搵到第一鮮😋濃厚半隻雞煲花膠湯（細）— 🍲呢個湯底除咗係餐廳頂級招牌作之外，亦都係罕有令人着迷嘅湯底。🐥新鮮半隻雞同埋花膠用極長時間熬製出嚟嘅金黃色鮮雞湯，再帶少少雞油，🐥未飲到落肚就已經聞到一陣陣嘅油香，再飲落去絕對係享受，將半隻雞嘅味道均勻咁樣融入喺成煲湯裏面，🍲亦都唔少得花膠融入喺湯底裏面變為更加濃郁同埋充滿膠質嘅花膠雞湯，咁就成為咗全日主角🐥爽彈豬腩片— 🐽既然有一部咁靚嘅盤，當然就要用各式各樣嘅材料襯托一下，🐽一片片圓圓地嘅豬腩片肥瘦均勻適中，淥左大約幾十秒之後就真係夠Q夠彈，🐽喺唔點任何醬料之下原汁原味咁樣食，除咗有豬腩嘅啖啖肉亦都有爽嘅脂肪位，融合埋甜入心嘅雞湯，🐽心靈都即刻滿足晒。水魷— 🦑呢度嘅海鮮除咗夠晒生猛之外就連其他海鮮類都一概高質素，🦑水魷本身就係清淡嘅味道，但係擁有非常爽脆嘅質感， 🦑最適合當然就係

今日去咗尖沙咀呢一邊同朋友shopping，咁啱行完已經差唔多1:30，係最多人食飯嘅時間，咁啱又諗唔到食咩行到去厚福街呢邊，見到招牌上面呢一間鮮入為煮，就決定去試吓啦，橫掂都放假今日，可以慢慢食過打邊爐享受個下午茶，我哋都決定唔諗住叫咁多，因為今晚仲要食飯 一入到去就見到有一個大魚缸入邊有好多唔同新鮮嘅海鮮，有我最鍾意嘅花竹蝦同埋蟶子王，另外如果想鍾意食魚同埋龍蝦嘅朋友亦都可以叫，今日我哋就諗住主打食佢嘅花膠雞鍋，再叫少少普通嘅打邊爐火鍋了就算！🤚🏻花膠雞鍋！首先，花膠雞煲本身嘅湯頭非常清潤鮮美，帶有濃郁雞肉香氣，飲得出本身係煲咗好耐熬製而成嘅湯底，令我哋品嘗到其中既精華。湯頭中既花膠軟綿可口，而且每一件都非常大塊，總共有六件，為成個湯增添了豐富既口感。花膠雞煲既雞肉與此同時亦都十分鮮嫩多汁，入口即化。經過長時間既燉煮，雞肉吸收了湯汁既滋味，口感更為豐富。花膠本身嘅膠質都可以令到雞肉嘅口感更加嫩滑，令我地回味無窮，我同朋友食完每人三件花膠再加埋半隻雞已經好飽，呢個煲非常抵食，我哋差唔多清晒成煲湯，跟住店員幫我哋加豬骨湯再打邊爐！芝士牛丸口感豐富多汁，佢本身牛肉丸嘅肉質鮮嫩彈牙，每一啖

嚟到呢間地理位置極方便🙌🏻位於尖沙咀繁華地段嘅火鍋店！由於唔係喺地舖嘅關係…唔係熱愛打邊爐嘅友人帶去都唔識上去起爐😆😆一入店就有鮮活海鮮同你打招呼！店內尚算乾淨企理！店員亦非常友善殷勤！. ✨花膠雞湯 (小) (半隻) $308雞有半隻份量都夠兩個人食😊重點花膠夠厚身！記得飲啖湯先開始打邊爐🤟🏻🤟🏻好滋陰！. ✨手切極上200日穀飼牛 $338講究地以200日牛牛作食材🐮睇到都知夠嫩！加上手切令牛肉咬落更有質感！而且牛味不容忽視👍🏻👍🏻. ✨牛骨髓 $65唔係度度都有得食嘛😙😙滑嘟嘟白雪雪！唔錯唔錯！！. ✨牛骨汁濃湯牛丸 $55肉汁非常juicy💦一咬牛骨汁洶湧而出！整體牛丸質感亦算彈牙！！. ✨手工魚皮餃 $45細細粒夠飽滿👌🏻餃皮唔會太厚食到一口粉感！. ✨鮮嫩筍尖片 $43夠嫩口！食落無渣😉爽脆口感幾過癮！. ✨ 蜂蜜柚子茶 $30✨ 咸檸七 $32感覺比飲汽水更清熱更養生🤭🤭. ✨醬料費 $15@位✨加一服務費

呢間火鍋店嘅花膠雞湯湯底真係好好味。佢哋建議先飲湯同食花膠。店員好細心幫我哋將個雞剪開好多塊。個湯真係好香濃雞味。費事煲乾水，一邊校到最細火暖住個湯，一邊食雞同飲湯。啲湯飲落唔會覺得口渴。我同我女朋友都飲到唔到好多湯剩先至開始打邊爐。可能飲咗個湯同食咗花膠雞，都開始有少少半飽。我哋就叫左比較瘦嘅牛𦟌肉，之後亦都見到有個幾得意嘅牛部位，叫牛黃喉。牛皇喉食落感覺似魷魚，質感偏爽。跟住佢仲有一個特色嘅院係爆漿薑汁皮蛋貢丸。雖然聽落好似好奇怪，但食落去個味道好似食小籠包裏邊個肉餡咁。因為小籠包個肉餡，通常都係有落少少薑落去咁。餐飲除咗普通汽水，佢哋都仲有一啲梳打飲品。我哋點咗青檸梳打同百香果梳打。整體成餐最吸引都係個花膠雞湯。值得為呢個花膠雞湯而去。

兩個人行到尖沙咀，之前見到鮮入圍煮嘅名幾得意，雖然好似好壞參半d食評，都試下。就走上8樓食野。我哋先嚟嘅主角係半只花膠雞湯，價錢係$308。呢個花膠好厚身，有6塊咁多，好好食有咬口，而且有骨膠原，對皮膚好有益。啲雞湯色黃光亮，好濃香、好好味，我哋每個人飲咗三碗。而啲雞肉好嫩好入味，半只食哂冇剩。講真自己係屋企煲未必有心機😂😂跟住我哋又點咗爆炸薑汁皮蛋貢丸，價錢係$55。呢啲貢丸新鮮好味，咬落入面有薑汁嘅香味，有啲似大閘蟹羔，好特別，之前對皮蛋有d抗拒，不過呢個好食。澳洲和牛牛𦟌肉$168，牛𦟌肉有咬口。娃娃菜$43 ，雞湯煮特別好食。爽脆牛黃喉，$65，鮮嫩爽口好吃。鵪鶉蛋$48，都ok。凍𣏌子茶，大杯，𣏌子明目有益，食完馬上睇野份外清晰。食完已經夠曬飽。唯獨係餐廳環境可能不如平時d邊爐店咁好坐，不過食物質素搭夠。