鮨樂 (業豐大廈)

營業中

休息中

是日30號，出糧日，每月就只有這一天，當然要約同我一樣咁鍾意食嘅細妹去非常放肆地食一餐😂😂😂今日就選擇左呢間中環嘅鮨樂因為我同細妹都好鍾意食日本嘢，今日可以不問價錢鍾意食乜就食乜，兩個女人飲飲食食嘅威力究竟有幾勁，食到連待應們都嚇一跳😂餐廳非常不錯，首先服務非常之好，Joey 經理細心為我們介紹餐牌，有什麼酒好飲有什麼好食，佢介紹嘅嘢我哋都有點，全部基本上都好啱我哋口味，質素亦非常之高，當然我哋亦都不太計較價錢，能夠盡情地飲飲食食，由7點食到人哋打烊，今晚非常開心，盡慶💛▪️Sake $50 per 100ml x N🤷‍♀️▪️白子 $ 48▪️岩𧐢 $96▪️大拖羅壽司$96▪️炙燒魚背壽司$56▪️厚鰻魚壽司 $56▪️石垣鲷壽司 $64▪️蔥粒吞拿魚腩手卷$48▪️海膽三文魚籽卷 $218▪️鹽燒油金魚鮫 $98▪️炸雞軟骨 $58▪️赤鯥壽司 $116▪️安康魚肝小食 $58▪️特盛北海道海膽軍艦 $156▪️特盛蔥粒碎吞拿魚軍艦 $48▪️関池魚刺身 $128▪️燒雞泡魚 （經理送）▪️鹽漬蘿蔔/牛蒡（經理送）✨整體食物質素，服務態度非常之好，絕對需要回頭的日本餐廳✨

中伏！可以話係我一生人食過最細粒嘅壽司。味道方面可以，不過$148呢個價錢實在太貴。堂食好似大件D。總之，建議大家唔需要去，除非想節食！仲有就係門口個妹妹話套餐包沙律同湯，點知收咗錢俾咗個盒我又話堂食先有送。唔係化？

我哋今次叫咗兩個四百幾蚊嘅set，首先嚟咗一個茶碗蒸，我諗呢個已經算係全餐最好食嘅嘢。但係作為1個怕腥海膽嘅人，我都唔係好頂得順個茶碗蒸上面嘅海膽。但係我都可以照比呢個茶碗蒸一個合格嘅分數。嚟到呢個set嘅戲肉，就係壽司。但係我咁大個人，都係第一次食完全冇味嘅壽司。每舊魚其實放咗入口都冇味，完全分唔到自己係食緊啲乜嘢。啲壽司入面，剩係得個魷魚壽司係比較有味，而且都食得出佢係爽口嘅，所以應該都新鮮。呢個卷仲好食過上面圖片嘅壽司，已經係最有味嘅嘢啦。呢個雪糕就完全冇特別，我諗睇圖片都睇得出。就係好普通嘅綠茶味雪糕，奶味係比較重嘅，加咗一啲紅豆。總括來講，我非常之唔推薦呢一間餐廳，其實佢價錢唔算特別平，但係居然所有魚都係無味嘅。

北海道岩蠔＄48。新鮮，都幾肥美，唔係重海水味或者金屬味嗰款。秋都魚壽司＄28。是日推介又試埋。唔腥，但又唔係特別好食咁啦。特選北海道丼＄208。好嘅：海膽有鮮味，牡丹蝦鮮甜，帶點黏口，帆立貝同三文魚子正常。唔好：啲飯太酸，蟹肉無味。

中環是高檔次地區, 區內食肆價格偏高, 今天選擇一間較為經濟日本壽司/魚生定食, 地點位於德己笠街, 向上行向高望便會看到"鮨樂" 招牌店舖簡約裝修, 環境舒適, 員工服務良好. 安排入座後, 服務員會送上餐牌, 介紹當日時令食物, 自行點餐📝首先送上乾濕紙巾, 熱茶. 隨即送上沙律&麵豉湯, 新鮮沙律菜, 青瓜, 粟米, 車厘茄配日式芝麻沙律醬, 味道清新&開胃麵豉湯是用鰹魚湯底, 加上紫菜, 又夠熱, 非常好飲😋👍特選三色丼$238(上) 特選北海道丼$208(下)丼的器皿是一個木盒, 看來比較簡約. 丼份量不是太多, 相比之下魚生份量較丼多😅 不過我覺得男士單單食一個丼是不夠飽肚🤭特選三色丼, 蔥粒碎拖羅, 海膽&三文魚籽. 特選北海道丼, 海膽, 三文魚籽, 帆立貝, 牡丹蝦&蟹肉. 整體魚生質素可以, 海膽味較淡, 牡丹蝦size偏細, 三文魚籽大大粒, 反而蔥粒碎拖羅有驚喜😁整體用餐經驗都不錯, 下次經過中環想食日本壽司/魚生定食, 可以再來😊

來食第二次 第一次係晏晝 第二次係夜晚 兩次表現都好正常 好穩定 食材新鮮 壽司飯幾好食 質地幾好 服務態度好 值得一讚嘅 店員我不斷幫你斟茶 你杯茶唔會凍 唯一冇咁好嘅係 同隔離位冇乜距離 坐得冇咁舒服地方尚算乾淨

行完街超級肚餓，照道理應該食咩都好味，見近近地去咗呢間日本餐廳，真係食到懷疑人生……經侍應介紹，佢哋話今期白子（一種魚的精囊）係seasonal，所以叫咗一份嚟食，感覺似豬腦， 好彩有d 柚子汁，好似fresh d...叫咗左三多丼and 海之幸丼，所有吞拿魚都係冇味，係一d 魚油香味都冇，包括吞拿魚茸都係。。而d三文魚子就普通啦，同埋d海膽臭臭地😵‍💫之後叫咗個炸廣島蠔，燒牛舌，同埋一條鹽燒喜之次，因為太肚餓，其實每樣有三件，不過食咗先記得影😅 幾樣都整得幾好，都好juicy,讚！ 👍🏼之後朋友話唔夠飽所以加單叫咗兩個手卷，一個係軟殼蟹手卷，令一個係蝦天婦羅手卷， 兩個賣相比一般炸物淺色, 不過食完，朋友話個軟殼蟹手卷好腥，我坐隔離都聞到🤢不過值得一提嘅係，啲服務好好，雖然樓下reception姐姐有啲黑黑地面，不過上到樓上之後，有兩個朋友個電話冇晒電都可以借到chargers, 而d侍應都好多禮貌，同埋又唔算貴，算佢地啦。。。

鮨樂📍中環冇好認真影哂成餐，純粹想寫篇野提自己唔好再去食🤣上到坐吧枱角落，四個壽司師傅喺吧枱入面好忙咁整1 set set嘅「omakase」，個觀感已經有少少差🥴食完嘅感想係：呢個價錢食壽司喺港島有更加多更好嘅選擇🤧🍱梅 壽司盛盒(12貫) $298壽司係冇得自選嘅，上枱嘅時候侍應冇提議話可以由邊邊食起，個人覺得可以循例都講返，因為唔係個個客都會有認知點食最好(例如我)，而且感覺會貼心啲🥴可能壽司師傅比較忙嘅關係，刺身上面嘅刀紋都唔係特別細緻🥲蝦嗰件本身好期待，但係食落口一啲都唔甘甜，反而有啲蝦腥🦐而松葉蟹就有啲乾🦀食落一路都冇咩驚喜，去到拖羅表現正常，但係又唔係特別出色，最後個甜蛋都係太乾😵‍💫🍣Omakase 12貫 $498前菜係松葉蟹膏加雞泡魚刺身，第一啖食落去已經有蟹殼碎sosad🤭跟餐嘅12件壽司同梅個份都係差唔多水準，但係個甜蛋軟同濕潤好多😛但係卷物嘅吞拿魚茸又有成陣腥味，成餐飯好似歷奇大冒險咁😂ps 佢個lunch omakase係一盤咁上pps Omakase同埋壽司盛合都會跟一個沙律，作為一餐嘅開始，個沙律濕到食完個底係有水漬，對客人來講個觀感已經幾差😵‍💫仲要沙

中環食Lunch真係好多人，尤其食日本嘢！個日想食壽司但又無book定位，就試下去呢間Walkin，又好彩有位。壽司都OK係正常水準，我鍾意佢定食套餐有得揀冷麵，而且都係150蚊內，我覺得性價比算幾高😁

之前路經中環呢間日本野，人流唔算很多，之後book了午餐試下。一入去，餐廳裝修非常日式化，店員會問你名字，再安排上面職員叫你名字帶你入座，整體服務質素不錯。是次叫了一個don set和omakase, 非常抵食，海膽三文魚子蒸蛋好食，海膽唔會苦，成個味道好match。而最意想不到是玉子燒，食落口感軟綿，像食緊日式芝士蛋糕，值得推薦！而麵豉湯亦是會令我再幫襯既原因！至於刺身就很鮮甜，個人認為吞拿魚很肥美，食落口感不錯，卷物反而普通，最後會上甜品，份量足夠。整體來講係中環，呢間日本野算性比價高，值得一試😛

呢晚係中環搵嘢食，搵到呢間樓高2層嘅壽司店，可以坐席前或者其他吧台，可以單點或者有omakase嘅套餐。呢度嘅服務幾好，侍應都好有禮貌好主動😻就算今次叫咗單點，埋單每人都係3百幾，但食物款式同質素都好好，媲美omakase，晚餐嚟講性價比算好高👏🏻👏🏻👏🏻壽司中拖羅、油甘魚、真鯛、珍寶虎蝦、甜蝦蟹味噌、北海道帆立貝、炙燒魚背、炙燒三文魚腩、炙燒北海道帆立貝`、炙燒佐賀和牛、黑松露炙燒三文魚壽司全部質素都好好，壽司飯質感調味適中，唔駛點豉油都ok，所有魚生質素都相當新鮮鮮甜又厚肉，當中拖羅幾正幾甘香油份高，和牛輕輕燒過之後好香好好食，其他都食得過😋😋😋特盛蟹肉蟹膏軍艦、特盛芥辣八爪魚軍艦蟹肉蟹膏軍艦啲餡料多到滿瀉😗😗完全蓋過壽司飯。蟹膏雖然味道唔算好濃郁，但同蟹肉一齊食嘅鮮味都足夠🦀🦀海膽三文魚籽卷就咁睇以為得海膽同埋三文魚籽，原來飯下面仲內有乾坤😮😮有滿滿嘅拖羅蓉😛海膽鮮甜唔腥，夾埋拖羅食好有鮮味。不過呢度嘅三文魚籽唔知點解好硬，好似有層硬嘅皮咁好難咬，紫菜都好快淋咗😅😅蟹肉海鮮蒸蛋蛋嫩滑，加埋蟹肉幾鮮甜。岩蠔岩蠔係special餐牌先有嘅限定款式，同朋友一人叫咗一隻，$48隻其實好抵

這間立食非常出名, 一直聽同事夥伴討論然後終於今日經過有得食, 而且人流不多就入去見識.壽司套餐有幾個級別, 也可以單點或者套餐轉加, 這裡的壽司賣點就是料大片質感厚實豐富.等了不久, 終於等到. 然後大口大口的品嘗.  壽司料確實不孤寒大大份的切給你, 油脂濃郁新鮮.而且人不多站立食用完全不受妨礙, 非常舒服的享用了美味的午餐.

「鮨樂」中午時間嘅中環真係好多人呀！ 今日嚟咗中環鏞記附近嘅鮨樂同朋友食飯🍚🍙遠處就見到舖頭好搶眼嘅招牌👁👁之前一直都冇入去食因為以為佢全部都係立食😆原來入邊雖然冇卡位但係全部都有壽司吧位既。中午時間坐滿晒客人好旺呀🤤➡️特選刺身丼有三文魚，油甘魚，帶子同埋甜蝦🦐全部刺身都大大件 雖然講唔上10分鮮美但係性價比十足👍飯嘅份量就少啲不過都夠食 跟埋湯同埋沙律 性價比10分唔錯了➡️特盛壽司定食呢個係朋友叫嘅，就咁樣睇佢賣相都10分唔錯，有咁多壽司再加埋海膽都只係二百零蚊性價比亦都相當之不錯如果想食壽司但係又唔想食嚟食去果幾間連鎖店，筆值又有限嘅話呢個都係10分唔錯嘅選擇「鮨」喺古時候係肥魚嘅意思 傳到去日本呢一個漢字就變成我哋成日講嘅sushi啦🍣

男朋友帶左我去呢間中環雙層壽司店佢哋既食材每日由日本豐州市場直送🇯🇵 lunch set 仲包沙律同麵豉湯🍲 呢個價位喺中環黎講性價比都唔錯👌🏻超中意便當木盒既設計🍱好精緻✨ 特選三色丼 $238海膽好creamy鮮甜無腥味🤪而葱粒碎拖羅食落口感綿密，三文魚籽份量夠多又飽滿海之幸丼 $248呢款丼飯有嘅刺身種類更加豐富🥰咁多款之中本鮪大拖羅一定係最推介👍🏻牡丹蝦、三文魚籽、白身魚、本鮪拖羅魚茸都好新鮮😊 如果飯既比例多少少就好😜男仔可能唔夠食🙈三文魚壽司盛合 $62呢個set有三文魚壽司、三文魚腩壽司同三文魚小卷，啱晒三文魚控呀🍣三文魚腩好厚切肉質肥美🤤鹽燒牛舌 $38油脂豐腴🥰做appetizer 幾好呀☺️

朋友推介呢一間，嗰日我哋喺中環行完街見落雨就走過來幫襯下。成間餐廳裝修都好新淨，食都食得愉快啲！松壽司盛盒 （8件）$168壽司係按照當日師傅嘅心情同貨源而定。我哋嗰日有油甘魚、甜蝦、拖羅、尤魚、玉子加其他唔知咩魚。每款都好新鮮同肥厚。食落好滿足！甜蝦真係好爽甜。原來呢個盛盒都有玉子！我獨立叫多咗一個tim 😅油甘魚油脂分布冇油甘魚腩咁好食。自家製厚玉子 （$9）真係好厚！佢哋玉子係比較結實，玉子裏面唔會太濕潤，甜甜地。我個人就鍾意係濕潤琳琳地嘅玉子，所以呢一個就一般般啦。玉子暫時係我心目中最好食嘅係壽司郎嘅玉子🥰😆油甘魚腩 （$25）（餐牌有👍）超級推介！油脂分布啱啱好！食落係同普通嘅油甘魚唔同，更加多油份更加爽同埋結實。珍寶虎蝦 （$16）落單嗰陣時以為係生嘅，上咗菜先知原來係熟蝦…味度好普通，可以唔使嗌。岩蠔 （$38）呢個啱好好好食！勁肥美，唔係有太大嘅海水味，好容易人口又creamy! 蔥粒碎拖羅小卷 （$48）好抵食有八小件。食呢個唔會太大expectation 因為淨係諗住填飽個肚，但係佢個拖羅蓉都唔差。仲有就係是日推介，不過食完冇太大印象🙈羽太魚壽司 （$38）琉球軍曹