$398 共18品，CP值高！「鮨政 x 大湖」親民版的廚師發辦，質素如何？試過方有發言權！喜出望外，組合富心思，款式全面，製作認真，調味恰到好處，份量足夠食得飽。面積不大，全店只有一張壽司枱，可容12人，必須訂位。金菇茶碗蒸造型幾靚，見到已經好想食，面頭啲金菇似瑤柱，入口富鹹香更似，蒸蛋非常滑溜，內藏冬菇、肉粒、銀杏，足料製作，味道豐富。白身魚刺身．油甘魚刺身北海道水八爪魚色澤雪白，蘸少許竹炭鹽吃，一片比較爽，另一片有適量嚼勁。油甘魚已配上鼓油，回甘味甜，很討好，可加日本芥末添辛香。磯煮鮑魚伴肝醬配合自身鮑魚肝汁的做法無得輸，豐腴滋味，跟一口飯最完美，鮑魚伴肝醬菜式，永遠都是亮點。吉列帶子伴他他醬吉列帆立貝、他他醬、三文魚子及紫菜的組合，呢道真心好好食，夠熱夠脆，層次豐富。帆立貝酥脆味鮮，他他醬添潤澤，以紫菜包著增層次。角煮豚肉．蘋果蓉，青椒非常懂得配，鹹甜味道、果酸與肉平衡得很好。有肥膏的豬肉上、添加蘋果蓉有助平衡肉膩且添食味，仲有湯汁，又係甜甜的，滋味不膩，最後咬一口青椒，少許辣而已。壽司每一件皆已調味，用上酸度正合我意的赤醋米，刺身新鮮，有鯛魚、深海池魚、赤蝦、鯖魚、帆立貝、真鯛。炸沙追魚熱辣辣，如薯片般薄而香脆，炸醬超薄。招牌飄雪鵝肝吞拿魚壽司招牌菜，在吞拿魚赤身壽司上、刨下大量紅酒煮鵝肝，吃法很有新鮮感，鵝肝以紅酒浸醃過已減膩感，再刨成碎粒，輕盈得多，肥美感卻保持，溶化在吞拿魚壽司上，食味大大提升。角切魚生卷我認為是角切魚生飯的迷你精華版，有兩三款魚，口感鮮美。海膽甜筒想不到與雪糕甜筒配，更加甘香超甜，極之美味。海鮮湯真材實料久熬而成，奶白湯頭，味醇厚。季節甜品即係新鮮水果，超甜蜜瓜，完美的結束。…查看更多
蟹肉茶碗蒸 蝦 油甘魚刺身👍👍👍師傅話先食蝦再食油甘魚油甘魚食完個口都仲有陣油香味🩷磯煮鮑魚配鮑魚肝醬👍👍👍👍鮑魚新鮮好有咬口醬汁調味好香再配埋醋飯好夾非常之喜歡吉列配木鯛他他醬-真鯛-黑鯛-甜蝦-蝶魚裙邊-金鯛-牙帶魚-深海池魚-招牌壽司 拖羅加鵝肝碎👍👍👍用紅酒慢煮的鵝肝碎鵝肝碎凍凍地入口即化好特別海膽吞拿魚溶甜筒🍦👍👍👍👍👍甜筒好脆口 食落好有驚喜師傅好細心每上一件壽司之前都會留意下隻碟有冇留底油份再清潔👍整體都好滿意🫶
食物質素可以，對得住呢個價錢。但套餐內有壽司有七件，師傅只係上咗六件，就同我哋講話已經上晒。後來，俾師傅睇返d相先相信我地，補返壽司，非常之尷尬。
