鮨政

Blingbling美食推介✨📍上環鮨政 Sushi Masa必到上環高質sushi masa✨💠💠💠💠💠💠💠💠今晚又黎到日本師傅主理既鮨政🥰餐廳細細但bar台同卡位~ 咩size既party都適合~ 另外食材都好新鮮，無論係刺身壽司定熟食都係好好味😋✨必食推薦✨[‼️期間限定‼️]🍢吉列芝士豚肉炸串 $148呢串吉列芝士豚肉炸串真係邪惡到爆炸🔥豚肉薄切包住流心芝士，炸到 金黃脆卜卜，一啖咬落去肉汁同芝士 一齊 "吱" 出嚟，熱辣辣 拉到絲，卡路里？食完先算啦！🧀🍣 壽司拼盤 $480- 三文魚、油甘魚、吞拿魚、甜蝦、鯛魚、帶子、蔥吞拿魚腩&三文魚腩細卷賣相好吸引🥰每一款都好新鮮，一魚生切得好厚~！好滿足❤️師傅即場製作架‼️🦑鐵板燒魷魚 $188鐵板燒魷魚鑊氣沖天😋新鮮魷魚即叫即燒，魷魚好彈牙，唔韌，加埋牛油醬好惹味🥰🍺巨峰乳酸汽酒 $50酒精濃度低，飲多兩杯都唔會醉，酸甜平衡，夏日消暑必備！🍇🍹餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5鮨政 Sushi Masa@sushimasa_sheungwan📍上環蘇杭街105號地舖…查看更多

食得太多連鎖壽司店，間唔中都想食吓高質壽司，於是嚟咗上環呢間鮨政。鋪頭由日本壽司師傅主理，魚生用料新鮮，而且都係大大片厚切。壽司拼盤(特上) $580我哋叫咗個特上壽司拼盤，有11款唔同嘅壽司，另外仲有嫩滑嘅厚燒玉子同6件蔥吞拿魚腩細卷。叫得做特上，壽司食材用嘅都係高檔新鮮魚生，好似有大吞拿魚腩、中吞拿魚腩、油甘魚腩、三文魚腩幾款肥美同油香十足嘅魚腩部位。亦有肉質較彈嘅深海池魚同鯛魚、好香炭燒味嘅鰻魚、厚肉帶子、鮮甜creamy嘅海膽、鮮味爆汁嘅三文魚子。而最印象深刻嘅一定係醋鯖魚，師傅加咗少少薑蔥喺面，食落竟然完全冇平時鯖魚會食到嘅腥味。白燒鰻魚 $98除咗壽司我哋都叫咗份白燒鰻魚，魚皮果面燒到好脆，但同時魚肉果面係非常軟熟，分別點鹽、wasabi 或者檸檬汁食，帶出嘅味道又會有d唔同。炸生蠔 $128鋪頭做緊蠔嘅期間限定料理，我哋就叫咗份炸生蠔。生蠔好水嫩鮮甜，吉列脆皮好香口，4隻炸蠔但就已經有3款醬汁佐料(照燒汁、沙律醬同抹茶鹽)可以配搭嚟食。。。鮨政 (上環)上環蘇杭街105號地舖。。…查看更多

鮨政真係一試就愛上😍！無論壽司、刺身定炸物，食材新鮮、質素超高，CP值爆燈！無論打卡影相，定係慢慢享受美食，都一樣滿足～✨ 必食推薦秋刀魚刺身 — 當季限定，入口清爽帶油香，完全無腥味！呢段時間嚟一定要試！👍北海道仙鳳趾牡蠣 — 比一般日本生蠔更大，手掌咁大size，肉質肥美滑嫩，鮮甜濃郁！👍鰻魚龍之卷 — 香濃鰻魚配牛油果、青瓜、玉子同芝士，口感層次豐富！三文魚腩／帶子／海膽刺身 — 新鮮肥美，一試難忘！生蠔／三文魚腩炸物 — 外脆內嫩，別有風味！📍 鮨政 Sushi Masa 上環店@sushimasa_sheungwan上環蘇杭街105號地下🕒 營業時間MON-SUNLUNCH 12:00-15:00 (LO 14:30)DINNER 18:00-22:30 (LO 22:00)☎️ 訂座 / 外賣查詢：2886-9009#SushiMasa #鮨政 #壽司 #刺身 #SheungWan #HongKong #HKfoodie…查看更多

【上環・鮨政】簡約而不簡單的 體驗今日同朋友去咗上環嘅「鮨政」食晚餐，餐廳環境簡約舒適，以木系裝修為主，感覺幾 relax。今次試咗幾款壽司同小食，整體質素唔錯，值得同大家分享下！🍣 壽司類・中吞拿魚腩壽司：魚脂豐富，入口即化，吞拿魚嘅鮮味突出，係必點之選！・油甘魚腩壽司：油香十足，肉質嫩滑，魚油甘香喺口腔停留好耐，正！・帶子壽司：帶子超大粒，鮮甜爽口，加上少少青檸汁，更加提鮮。・魷魚壽司：口感煙韌得嚟又帶點黏糯，鮮味十足，鍾意魷魚嘅朋友一定要試。・三文魚壽司：中規中矩，但魚肉新鮮，油脂分布平均。・牡丹蝦壽司：蝦肉鮮甜彈牙，食落去有種幸福感，推薦！・甜蝦壽司：同樣鮮甜，但相比牡丹蝦，味道稍為淡少少，不過都唔錯。🍤 小食 & 卷物・軟殼蟹鹽卷：外層酥脆，軟殼蟹蟹味香濃，加上微微嘅鹽味，好惹味！・燒三文魚鮭：三文魚鮭燒得香口，魚油香氣撲鼻，送酒一流。・鰻魚龍之卷：鰻魚燒得恰到好處，醬汁香甜，卷物口感豐富，值得一試。・炸小蝦：香脆可口，蝦味濃郁，係一道不錯嘅佐酒小食。整體而言，「鮨政」嘅食材新鮮，師傅手勢唔錯，價錢中上但合理。如果你鍾意食壽司同埋想搵個地方靜靜地享受一餐，呢度係一個好選擇！…查看更多

上環「鮨政」，由日本師傅主理嘅地道日本料理店，所有食材都由日本空運到港，保證超新鮮。餐廳氛圍正宗，食客更可以選擇吧枱享受地道日式風味。🔸 鰻魚龍之卷  鰻魚肥美，甜醬味滲入米飯，係必試招牌之一。🔸 刺身拼盤（2人前）  刺身厚切鮮嫩，種類豐富，色澤鮮亮，每款都保留到原始鮮味，質素極高。🔸吉列芝士豚肉炸串  豚肉外皮炸得金黃酥脆，食落去仲可以把芝士拉絲，好正。🔸清酒煮蜆  蜆肉大粒飽滿，吸收咗清酒嘅香甜，湯頭鮮味十足。🔸炸蝦頭  店員提出可免費把剛才刺身的蝦頭炸至香脆，口感酥脆又帶有蝦殼獨特香氣，Yummy。…查看更多