鮨德

營業中

休息中

今日有同事走啦，一行人歡送她。 一於黎一黎平時既飯堂， 鮨德。 我就叫左海膽雜錦魚生。 雖然海膽細到呢，放大鏡先見到，但好彩魚生片好厚，補翻數啦。 整體黎講已經算唔錯，好多片，不過就冇另外一個碟俾我整wasabi 醬油。同事叫左壽司便當🍱有8件壽司，如圖所示，唔差既。 同事就覺得呢個價錢算好唔錯。另外一個叫左吉列豬排，好伏。 好柴，好乾。呢間真係唔好食非壽司的東西。 至於其他魚子蔥吞拿魚蓉就好好食！ 值得推薦啊！ 記住午餐🥣先好黎哈哈

第二次過嚟食繼續支持香港人舖頭算係美孚比較高質嘅日本餐廳壽司幾新鮮！叫左多幾款share試🤤👉🏻雞軟骨 幾好🎈雜錦天婦羅🍤蝦唔錯👉🏻海鮮鍋加烏冬 普通 材料吾多添🎈甜蝦帶子魚生丼 可以encore👉🏻鵝肝帶子壽司卷encore item (但唔好鵝肝嘅可能唔鍾意個口感)🎈三文魚壽司 good❤️👉🏻帆立貝壽司 good❤️🎈油甘魚壽司 朋友話ok👉🏻海膽壽司 good❤️

今晚和朋友聚舊，我們叫了軟殻蟹天婦羅 🍤🦀海膽海鮮丼🦐🦑🐟、鳗魚飯🍱 、香蔥吞拿魚腩🐟壽司🍣，正👍👍👍，尤其海膽海鮮丼，剌身非常新鮮，香蔥吞拿魚腩大大嚿，賣相亦吸引，不過鰻魚飯就較為遜色，鰻魚烤得唔夠香😅

這幾個月無得去旅行，食完依間日本嘢就滿足左我去日本的願望首先，鋪頭嘅裝潢佈局十分講究。從門口到走進餐廳之前，有一長長的嘅玄關。灰色嘅水泥地板，兩旁係休雅的竹林，響寸金尺土嘅香港，咁奢華嘅裝修的確少見。而裏面嘅飯台、椅子，都擺放得好舒適。吧台會有啲特別嘅裝飾物，如裝滿蟹仔嘅玻離缸。一路食一路望住佢地爬黎爬去，真係好得意。再黎就係食物！雖然睇餐牌時會覺得價錢稍高，但當睇見大大份又鋪排得有藝術感嘅食物送上黎時，就覺得好驚喜！我自己覺得最驚喜嘅食物係天婦羅温泉蛋，外脆內滑不特只，炸皮嘅味道亦食得出有被調較過。整體口感非常新𩓙特别。土佐豆腐味道都好好，同樣外脆內滑各式魚生都好新鮮，厚度切角得剛剛好。連墊底嘅菜都好新鮮好好味！最後係魚頭，估唔到咁大份！而且碳燒味好出好野味。食完之後我同屋企人都超級飽哈哈！

今星期有時間。空閒來了美孚逛一逛。突然來到中午 心血來潮想食日本餐。 上網找一找便 看到德鮨這間餐廳。好，就去試一試。去到門口，發覺裝修很特別，有竹林般的擺設. 在門口等了一陣就有位了。Menu 裡面，選擇也非常豐富有刺身飯，也有熟食。刺身壽司丼很吸引，不過最後都係決定食 鰻魚飯！在我滿心歡喜的等待鰻魚飯期間，有前菜同湯可以先慢嘗，以一解我相思、等待、期待、盼望之苦。邊等邊吃終於來了鰻魚飯！提起筷子，一差落個鰻魚已感受到其外脆內軟的質感。咬落去d 燒汁同鰻魚肉 ，鰻魚油混合在一起，個種感覺口感真的是非筆墨所能形容！好好味呀！！ 最後我食晒個鰻魚飯。下次會再來👍👍

因為喺附近返工所以黎附近揾食聽講呢度係良心店星期六晚9點幾黎到 都要等一等先有得入座但由於我坐房入面嘅座位叫侍應往往要走返岀去先揾到人不過整體黎講 壽司好大件 件件都大到流唒岀黎好對得住個價錢女仔細食嘅話 可以吾使叫太多最想推介吞拿魚軍艦好新鮮吞拿魚完全吾會有渣食完好滿足

今日突然想食日本野😋搵一搵見到美孚呢間日本餐廳大概12:30到，不用等位。佢有一個lunch set 同 lunch menu我揀左一個海膽雜錦魚生飯 + 一個lunch setLunch set 大概$140: 包括左沙律+飯類+烏冬（凍/熱）+ 小食（天婦羅/燒物）！！超多野🤣而海膽雜錦魚生飯 $95 都超多料！有海膽，蟹籽，三文魚，北寄貝等等⋯仲包沙律，茶碗蒸，麵豉湯！總之一定夠飽😆😆 魚生新鮮！冷烏冬好好味，好彈牙😍 唯一係個燒魚略鹹⋯本來仲想叫其他壽司，但真係太飽😆下次會試下其他野👍🏻

告別hm office既星期五😟人很宅食飯又吾想又吾敢走太遠起勢搵附近有咩食終於搵到間有興趣又可以食既居酒屋Check左係可以食架💛九點到依然幾多人 有啲surprise👉🏻明太子雞翼熱辣辣 夠惹味👉🏻帶子鵝肝反卷❤️帶子成功令脂肪類鵝肝冇咁油膩👉🏻三文魚茶潰飯比相像中好味湯夠濃👉🏻雜錦天婦羅普通 不算太脆👉🏻鯖魚魚夠滑 juicy二人行，每人$200，性價比ok☺️近近地想食個好啲啲既可以黎呢度

之前話過我會再回頭食，此話一出，唔洗一個月就已經再食。因為同朋友兩個人食所以食唔多⋯但每樣少少都好精彩。價錢合理、食材新鮮。下次繼續想食日本菜，又唔想試新野嘅話，就再黎。

平日午餐時間，叫咗四次斟茶都冇，係咪客人要自備食水？埋單反應就好快，坐咗個半鐘就主動要求埋單，趕客離開。服務不濟，但公道講，套餐價錢適中，份量夠，味道正路，如果不介意服務係可以一試。

雖然地理位置有啲那個，如果唔係去食都唔會去嘅地方，但我還是願意回頭番去食！凍凍的蕃茄，加上胡麻醬，看似好簡單，但好好味，因為個蕃茄新鮮！😋刺身壽司係好新鮮，仲真係好滿！舊壽司堆到好高！蟹籽沙律，超級大盤，好COM食，食左好耐😂係好味嘅😌這個青瓜就普通啦，上面的味噌，我麻麻地。這兩份正常發揮，不解釋了。這個鐵板牛舌個汁 ... okay嘅唔識形容。但我比較prefer食燒嘅牛舌多啲😜這個不錯，正常發揮。

美孚呢個大型住宅區，竟然搵到一間裝橫高檔、充滿日本格調既日式料理餐廳。見到裝修咁靚，以為價錢會好貴，但其實經濟又實惠❤️。魚子蔥吞拿魚腩拌飯（$89）貌相一流，蔥吞拿魚腩新鮮肥美，沈咗少少芝麻喺上面，配料十足，三文魚子又鮮甜，最驚喜嘅係有鵪鶉蛋俾食客撈飯😋 視覺同味覺嘅享受都💯😍。壽司定食配牛肉細烏冬（$88）有六件壽司加牛肉烏冬，壽司上面嘅魚生都好新鮮，切得又唔薄，食完覺得好滿足好飽😋👍🏼。每款定食都配上沙律、茶碗蒸蛋、甜品。茶碗蒸蛋做得非常之出色！！口感滑溜溜，又有啲冬菇、雞粒同魚蛋喺入面，好正❤️。

假日午飯時間，到附近商場「曼坊」搵食，雖說是商場，但其實店鋪並不多，而且以食肆為主。於1/F見到一間頗雅緻的日本餐廳「鮨德」，午市定食有蠻多選擇，價錢亦很相宜，決定入去試試。餐廳不設取籌，顧客都在店內等候，剛巧進了第一批食客，原以為要等很久，但只等了十分鐘就有枱。🔶 燒雞扒定食（沙律·茶碗蒸蛋·白飯·甜品）雞扒面層的皮燒得很脆，但雞肉仍然嫩滑多汁，醬汁不太鹹，珍珠米的白飯很有飯味。🔶 壽司定食配牛肉細烏冬（沙律·茶碗蒸蛋·甜品）有六件壽司及兩件厚玉子，魚生很新鮮，而且切得不算薄，有咬口感。細份量的牛肉烏冬，肥牛很肥美。

第一次去食銀鱈魚西京燒$118，太肚餓冇影相但係好好食，價錢合理 ，午餐係會跟埋沙律、麵豉湯、茶碗蒸。第二次去叫咗個壽司定食跟細烏冬$88，跟沙律同茶碗蒸烏冬竟然係麵豉湯做湯底，麻麻地壽司都係不過不失，啲飯好易散， 吞拿魚蓉好多 ，其他都係一般般薄切，反而玉子有驚喜。好彩冇眼闊肚窄呀多個手捲，食完都夠飽， 但係下次唔會再嗌呢個set 😂可能試下雜錦魚生飯。p. s. recep黑衫女好似長期爭佢錢咁黑口黑面，而且等位冇籌，只係一堆人企曬喺出邊 佢間中會出嚟問下你幾多位。 入面侍應ok嘅態度，但係個個都好善忘，我就坐喺茶水位隔離，都叫咗叫咗三次加茶先至加到畀我😂 我爭啲想自己斟。然後埋單佢又唔記得咗直到我望住佢先記得😅

美孚有3間日本餐廳，鮨德係最新嗰間，亦係我認為性價比最高嗰間。餐廳門口無接待處，要先經過一條走廊到用餐區先有人接待。首先食品種類同款式都幾多，食物質素亦唔錯，最重要係價錢唔貴，今次都叫咗幾多嘢，個個都食到好飽，埋單時見到銀碼感覺幾抵食。最開心係食海膽刺身，本來以為係平時一板細細嚿嘅海膽，點知上枱時嘅刺身係肥肥厚厚嗰種，$198真係抵，而枝豆亦幾大碗抵食，另外櫻花蝦炒飯炒得好香，其他食物亦唔錯，而服務態度都算良好，餐廳座位亦闊落，值得推介！