星期六晚要食返餐好嘅慰勞一下過去一周辛勤嘅自己，嚟到位於中環閣麟街嘅鮨弘，品嚐一頓由日本師傅炮製嘅omakase，絕對係至高享受🥰餐廳環境暗黑有格調，餐檯圍住正宗嘅料理桌，可以係一流嘅燈光佈景下好好欣賞師傅嘅精湛手藝🫶🏻呢度主打江戶前派系壽司，特點在於多用醃漬手法將不同刺身嘅味道昇華🌟Dinner Set $1880/pp🐟牛鰍魚刺身先嚟牛鰍魚刺身開場，刺身切得透薄，足見師傅刀功👏🏻白身魚味淡，配少許芥末食可以帶出牛鰍魚原本鮮味。🦀渡蟹第二道前菜有渡蟹，比較少有矜貴🤩採用母蟹，用佢嘅實淨蟹膏加上柚子等做成杰身嘅酸汁，醬汁底下有蟹膏及蟹肉，開胃又鮮味😚🐚鳥貝壽司環節以鳥貝打頭陣，口感爽滑似啫喱😛貝類嘅海水鮮味頗突出。🐟春子鯛春子鯛為鯛魚幼魚，魚身呈淡粉紅色，口感較柔軟細膩😋加上淡淡嘅柚子香可以提香。🐟池魚池魚口感實在得嚟幾軟滑，面頭加上磨成蓉嘅薑蔥，香氣四溢😋🍳茶碗蒸中段嚟個熱辣辣嘅茶碗蒸間一間場，特別地加入玉米汁，玉米味好香好甜🥳蒸蛋裡面加入大蜆，增添煙韌口感及海鮮鮮味👍🏻🐟三文魚採用北海道產三文魚，味道同一般三文魚有啲唔同，魚鮮味較為突出😽🐟醬油漬赤身呢道壽司開始轉用赤醋米，帶微微酸香嘅壽司飯更適合配魚味較濃嘅刺身👏🏻赤身口感幾爽口，有醬油香但不會搶去魚鮮味😋🐟血合同樣係吞拿魚，不過係位處赤身及中拖之間嘅血合，經熟成處理，食落帶輕微金屬味，估唔到吞拿魚都可以有咁嘅食法😆上網睇原來血合含有抗氧化物質，係近年興起食嘅部位呢😛🐟小肌魚之後嚟個魚味更重嘅小肌魚，特別在於用蒜醃漬，醃到魚骨都軟化，食落好軟滑完全食唔到有骨😙呢款魚一年四季都當造，比較少有😍🐟目光魚一夜干見另一位師傅於半開放廚房內喺炭爐上密密燒，原來係烤緊目光魚。經炭火烤製後🔥呢款深海魚隨即滲出魚油💦可以配蘿蔔蓉一齊食減去膩感。烤過後魚肉不僅具炭烤香氣，而且帶有外脆內嫩嘅一流口感😋🦐瀨尿蝦下一道為母嘅瀨尿蝦，第一次食呢一個品種嘅瀨尿蝦，蝦肉中間有一整條硬實甘香嘅蝦膏，口感好得意🤪師傅用未形成卵子嘅蝦膏加上鰹魚做汁，為蝦肉提鮮😙🦐白蝦鮮甜嘅白蝦用上昆布醃漬，面頭再加上昆布碎及蛋黃汁，食到白蝦嘅鮮甜味之餘亦食到蛋香😋🐟赤陸魚另一款炭烤菜式，魚肉超厚身肥美，魚皮脆口富炭香，一咬即爆出魚油，好邪惡😈💛海膽最後一件以手卷作結，好有誠意地即場用炭爐將紫菜烤脆🔥脆脆地微暖嘅紫菜加上軟滑海膽，無得輸。海膽極之鮮甜甘香，creamy程度係入口即溶，係口入面好似滲出海膽汁咁，好正😋🍳玉子看似平平無奇嘅玉子都有驚喜，將蛋汁混合帆立貝精華去炮製，玉子蛋香味十足，甜甜地有啲食甜品嘅感覺，層層相間口感都好好😽🍲麵豉湯裡面有好多香蔥粒，頗香濃。🍧黑糖雪葩甜品環節依然充滿驚喜🥳以貴釀酒呢款帶甜嘅sake搭配黑糖雪葩，就咁食黑糖雪葩會偏甜少少，但飲過香甜嘅sake再食雪葩，雪葩嘅甜度反而剛剛好，黑糖味好香😋另一食法係直接將sake倒入雪葩一齊食，更特別😏推介指數（10分為滿分）：8.5分…查看更多
