鮨咲 深夜食堂

營業中

休息中

位於尖沙咀緬甸臺小店，店面約十多個座位～ 全部席前座位，由一位師傅料理！Menu款式都幾多，價錢屬中價位，真有種日本漫畫的深夜食堂感覺🔸樽裝酒精類 7折，剛好當日飲烏龍燒酎 $58 有兩杯🍻，買一送一真係好抵飲！🔸池魚刺身（原條） $268席前望住師傅原條片肉做刺身特別吸引眼球，師傅更可因應喜好想厚切還是薄片🔸酒盜芝士 $68其中一道最愛佐酒前菜，cream cheese 真係好正！🔸關東煮盛 $128材料豐富，有各款魚板、竹輪、年糕福袋同日本大根好清甜～🔸三文魚親子丼 @大盛 $128三文魚好肥美，勁多三文魚子加埋蛋味勁濃郁嘅蘭王配赤醋飯，份量都幾大碗～ 兩人share 岩曬🔸蘿蔔糕蘿蔔糕內蘿蔔一絲絲，配上店家自家製xo醬食非常搭！🔸唐揚炸雞 $58大大件，皮脆熱辣辣好juicy!燒物🔸雞頸 $38🔸雞三角 $38日本燒鳥有雞頸就是專業～雞頸係雞後頸肉非常嫩滑，三角骨香脆又係少見～

今日好晏先出到尖沙咀食飯竟然俾我哋發現到呢間開到凌晨兩點嘅居酒屋！位於尖沙咀緬甸臺嘅小店，店面10幾個坐位，佈局氣氛好似食Omakase咁，全部席前坐位，可以望住師傅整嘢俾你食～飲品每日唔同時段happy hour遇到今日係買一送一HighBall, $58 有2杯超抵！🍶🥂打開Menu，原本諗住咁嘅佈局價錢應該唔平，點知嘢食都唔算好貴！前菜食咗個關東煮，呢個係入味嘅關東煮！因為平時出面好多關東煮冇乜味😂主菜嗌咗個刺身壽司拼盤老闆娘同我哋講刺身壽司都係飛機貨，全部都係時令食材～食落真係全部刺身都好新鮮！ 帶子都係即刻望住師傅開🍣小食就叫咗個辣花螺鍾意食辣嘅我超鍾意食！佢真係好夠辣！但係小心唔食得辣嘅就小心啲嗌了😂

木系裝潢，環境舒適的居酒屋，每天以新鮮日本時令食材，炮製每道限定特色料理及刺身等，席前座位更能完美欣賞師傅既精湛手藝，提升視覺及味覺享受！原條池魚刺身師傅都講精湛，池魚薄切每件厚薄平均，肉質纖細柔軟，口感爽脆帶有彈性，順滑鮮甜，咀嚼後帶岀一股淡雅的香氣，魚油甘香細膩，配以秘制醬油，鮮味更突出。北海道海膽刺身將海膽配上香脆的海苔及清爽的青瓜絲，完全是世一組合！海膽入口即溶，口感綿密creamy ，於口內洋溢著澎湃的鮮甜味，搭配海苔一同進食，鮮味倍增，大愛！牛油果三文魚卷卷物配料份量足！每件小卷均有牛油果、三文魚、玉子，牛油果令口感更順滑，加上三文魚及玉子，口感層次豐富，吃岀幸福感豚肉野菜鍋配壽喜燒湯底追加鮮雞肉冬日精選，必點暖笠笠鍋物！豚肉不論Size和肉質都十分驚艷，而脂肪分佈亦相當平均，肉質香濃鮮嫩，鍋內滿滿野菜及雜菌，壽喜燒湯底清甜不油不膩，滋味無窮，滿分！Sake鳴子舞深海酒。槽搾。特別純米酒鮨咲 深夜食堂📍尖沙咀緬甸臺2號地舖

呢間餐廳以新鮮日本時令食材炮製特色料理，席前座位更能欣賞師傅精湛嘅手藝🥢💗泡菜汁花螺（$128）花螺大大粒而且肉質彈牙，煮得入味🐚💗原條深海池魚刺身 ($268)師傅分別將原條深海池魚整成3種食法，第一款係池魚薄切，口感爽脆帶有彈，蘸上薑蔥酸汁食非常開胃；第2款係池魚厚切，口感更豐富，而且食到細膩嘅魚油香；第3款係池魚他他，將池魚肉加入秘制醬油、薑蓉、芝麻等拌匀，風味更濃🐟💗活赤貝 ($88/ 隻)赤貝呈橙紅色帶光澤，爽脆有貝鮮味🦪💗壽司12貫 ($700)大拖羅肥美柔嫩，帶豐潤魚油香；金目鯛鮮嫩柔滑，經火炙後帶出油香；文甲魷魚脆彈，以海膽點綴增加鮮甜；牡丹蝦大隻爽口；池魚肉質緊實爽口；油甘魚充滿魚鮮同油脂🍣💗日本豆腐（$38）日本豆腐炸得外脆內嫩，豆香十足，浸係昆布鰹魚湯入面🍲

🇯🇵「鮨咲深夜食堂」位於尖沙咀鬧中取靜的小巷，主打日式板前料理，以具體時令食材呈現"旬之味"的料理哲學。室內特設約12席吧台座位，可以感受到驚艷的儀式感。依家樽裝酒精飲品更有七折優惠🍻🐚生蠔2隻(Hk$196)：北海道生蠔豐腴肥美，乳脂狀的膠質口感，尾韻浮現出白堊岩層般的微澀回甘🐟梭子魚(Hk$368): 板前師傅功架十足，將刺身片成透光的羽翼，鋪陳在冰雕浪紋器皿間，緊實卻不堅硬的魚肉在咀嚼中緩緩釋放淡雅的甘甜，彷彿含入一汪澄澈海水，卻無半分腥鹹🍣壽司八貫連小卷(Hk$388):有三文魚/ 赤身 /深池/ 油甘魚/ 八爪魚/ 魷魚/ 赤蛾/ 左口/牛油果小卷，師傅手持壽司捏製時的指尖韻律，讓醋飯與魚生交融的過程宛如藝術創作，每件的味道都各有特式🍲豐盛角切刺身丼(Hk$168):豐潤脂香晶瑩的魚生，酸香琥珀醋飯令每一口都是視覺與味覺的雙重掠奪🍺啤酒(Hk$58): 隨著酒杯漸空，讓人也浸潤了微醺的溫度(All subject to 10% service charge)📍鮨咲 深夜食堂尖沙咀緬甸臺2號地舖(港鐵尖沙咀/尖東站 N4 出口, 步行約2分鐘)

忙碌了一天，放工用餐想係一個放鬆嘅環境，慢慢食嘢，唔使限時趕急，同埋係食高質嘅食材！介紹你哋位於尖沙咀既鮨咲，啱晒對食嘢有要求嘅你！由下午五時至到凌晨兩點，用餐無限時，無論係自己一個想靜靜小酌定同朋友聚會談心，都係一個好選擇👍🏻店舖木系裝潢，兩個場吧枱大概容納10人左右，店內有個小黑板係每天嘅新鮮食材推薦，我嗌咗生蠔同粒貝，師傅會即場開殼清洗，有呢個視覺效果再享用食物會覺得特別享受👍🏻 海鮮好新鮮鮮甜，感受到店舖對食材嘅要求。另外嗌咗壽司8貫+小卷，除咗刺身好食之外，佢哋嘅壽司飯都要大讚，調味好適中，唔需要額外點醬料都已經好好食。特別係小卷本身味道比較單一，都因為佢嘅壽司飯大加分！仲有推薦一個比較較少見嘅果酒，西瓜酒，飲落口好似食緊西瓜糖，好特別😋 而家樽裝酒精飲品仲有七折優惠

食材即叫即切, 我地都專注睇表演, 期待滿滿~睇住師傅擺盤送到埋黎, 視覺味覺享受有齊曬~ Sake 清酒 $68/ 90mL樽裝酒精飲品就有七折優惠~ 雞皮餃子 $58/ 3隻外表香脆 內饀肉鮮有肉汁~五花腩 $58手羽先 $48雞翼好味啊, 燒烘得宜, 外皮香口乾脆 無油感, 肉 滑嫩嫩, 我直接食完!係要 Encore 之物!免治雞肉棒 $68呢個雞肉棒大推介! 絕對係 我地食過以黎最好味嘅免治雞肉棒! 表面燒得香脆, 啱啱好, 肉裏紮實有質感! 我地感受到師傅有功力仲用心燒!!!係要 Encore 之物!日本豚肉鍋 $168追加咗雞肉 $68 我哋揀咗寿喜燒湯底, 香香甜甜易入口;豚肉點蛋黃食, 質感味道都好好, 冬日暖笠笠, 滿~足!唔止豚肉嘅份量多, 鍋底雞肉份量都係好多! 我哋兩個都震驚咗一下, 感動!就有得食喇 係我地架呢碗~ 吞拿魚盛丼 $328（夢王蛋、2片大拖羅、2片中拖羅、2 片赤身 同埋 蔥花拖羅蓉）老闆闆娘熱情好客, 加上幾杯清酒落肚…身為 I 人嘅我, 深深被感染, 不知不覺 就樂在其中呢~

最近發覺香港好少舖頭開到深夜，有時候夜得滯肚餓都唔知有邊間餐廳好食，咁啱朋友都算夜收工，帶我嚟食宵夜，啲魚真係新鮮到爆炸，食落去嘅時候覺得都拍得住omakase嘅質素，最近就做緊樽裝酒精飲品七折，超抵玩。‣ 南瓜天婦羅 $38南瓜嘅厚薄切得啱啱好，炸漿包裹住啲南瓜片，外皮香脆唔會太厚。南瓜本身好甜，而個炸漿都好特別，店員同我哋講話唔使擔心大大力點落去啲醬汁就得，發現點極個南瓜依然都係咁脆口，熱辣辣真係超正。‣ 炸雞皮餃子 $58咬落去嘅時候啲肉汁又係爆晒出嚟，雞皮炸得相當香脆，而我都幾鍾意佢係搭配新鮮嘅沙律菜，加埋啲菜一齊食就可以減低個油膩感，雖然其實炸得好好唔算好油。大家記住可以連埋啲菜一齊食唔好嘥咗佢，兩個都係主角嚟。‣ 免治雞肉棒 $68‼️超級推薦‼️免治雞肉棒一咬落去就覺得幸福感滿滿，唔講啲肉質有幾嫩滑，淨係隻蛋都真係冇得輸，夢王蛋用我肉眼所見都見到個蛋黃相當靚，食落口嘅時候相當濃郁，搭配甘口醬油，真係食完對眼識發光。‣ 中拖羅壽司 $78‼️超級推薦‼️魚肉油花分佈均勻，肥美嘅程度啱啱好，一放入口就化。師傅嘅刀功一流，拖羅切得厚薄適中，配埋溫潤嘅醋飯，食落去層次分明。你咬落口就會

🩵尖沙咀｜新鮮食材｜高質居酒屋🩵今次放工同同事食日本嘢，位於K11附近，好易搵，而餐廳佈置係好有日本居酒屋嘅feel，好Chill ，而且全晚都有Happy Hour，啤酒 高球酒 燒酌 梅酒 都有買一送一 ，今次飲左柚子檸檬酒，甜甜地，超岩我地女仔傾偈小酌下🥰依家樽裝酒精飲品仲有七折，超抵🥰💛池魚 $298當日推薦新鮮刺身，見住師傅切出嚟嘅過程已經非常治癒，擺盤非常精緻，食落去超級Fresh，而且魚油甘香細膩，入口質感好爽有咬口，好食😋💙生蠔 $98超級大隻，蠔身修長，食落層次豐富，蠔身爽滑彈牙，味道以海水味+鹹味為主。🧡寿司八貫＋小卷 $388三文魚/深海池魚/油甘魚/赤身/左口群邊/八爪魚/魷魚/赤蝦+自選小卷老闆娘教我哋用旁邊嘅薑點個豉油落個壽司度，份量更加容易控制，用咗呢個方法食落去嘅壽司更加好食😋而每一款壽司呢都超級新鮮，而佢本身嘅壽司飯已經做好咗調味，所以就咁食都非常出色😋🩶牛油果炸軟殼蟹卷 $138呢個超級推薦，軟殼蟹炸得超級鬆脆，加埋新鮮嘅牛油果，味道超級夾，一上就極速清哂😋

店名: 鮨咲 深夜食堂地址: 尖沙咀緬甸臺2號地舖尖東站N4出口，行2分鐘環境: 4.5/5價錢: 4/5味道: 4.5/5鮨咲 深夜食堂主打omakase居酒屋，採用新鮮魚生，味道鮮甜可口，依家樽裝酒精飲品有七折，酒類8點前及11點後做緊買一送一添😚月見三文魚籽甜蝦丼❤️❤️❤️❤️❤️$298店員大力推介呢個丼飯，打卡一流，外表夠哂吸引，有夢王蛋、三文魚籽醬油漬、甜蝦12隻😆將夢王蛋撈埋，入口啖啖蝦嘅鮮甜，加上三文魚籽，口感滿滿😍池魚(原條)❤️❤️❤️❤️❤️$268店員推介原條池魚，即叫即劏，夠哂新鮮😌魚肉味道鮮甜，就咁食已經十分新鮮，好好食，製成二食，一次過試過2種口味😋壽司八貫+小卷❤️❤️❤️❤️❤️$388有三文魚、深海池魚、油甘魚、赤身、左口群邊、八爪魚、魷魚、赤蝦，同自選小卷-牛油果🥑款款都十分鮮甜，深海池魚同油甘魚最有驚喜，新鮮味美，擺盤亦夠哂精美😋啤酒❤️❤️❤️❤️❤️$588點前同11點後有買一送一，除翻開先$29一杯🍻，食住壽司🍣飲住啤酒🍻一流😌

鮨咲隱藏喺尖沙嘴繁忙街道裡，但一入到去氣氛完全唔同，吧枱前可以直望到師傅熟練嘅手勢，首先叫左個sushi set八件壽司加一條小卷，全程由師傅即握帆立貝鮮甜細膩，赤身油脂分布均勻，帶出柔滑嘅口感；油甘魚質地扎實，魚香濃郁；深海池魚稀有又帶有獨特鮮味；左口魚邊、配三文魚子，脆爽嘅魚子同滑嫩魚肉互相輝映。壽司底嘅赤醋飯酸味適中，質感鬆軟但不散仲叫咗赤貝刺身，爽口彈牙，好想encore！原條Aji池魚擺盤精美，魚肉細膩，配埋少許紫蘇葉更加提鮮；日式辣煮螺辣味恰到好處，非常惹味呢度有多款樽裝酒精飲品，當日仲有七折優惠，而Happy Hour直到8點，仲買一送一

曾聽講深夜食堂 嘅治愈點在於美食之外人與人同一屋簷下交換著彼此嘅故事鮨咲 —— 深夜食堂同樣都有可愛處用餐途中老闆的朋友來突發串門舉杯淺酙一番玩玩估歌仔爽快聊聊又回歸人海裹同時挑起老闆嘅興致「開始咗咁就繼續，畀兩杯酒佢哋～」就這樣居酒屋之夜變成估歌仔之夜中途老闆遞上手機看到原來前一夜席上客都很投入玩這個game係個氣氛超好嘅晚上最後我慘敗，輸咗個game 但贏咗一個愉快嘅夜晚大家自問係估歌仔之鬼歡迎光臨當然單純來食個飯食物質素都quite nice當日淺嚐時令菜單上嘅真蠔與燒梭子魚前者清爽，後者魚油香喺師傅輕灸後大爆發配個燒酙與清酒都好ok然後見到有白子鍋可惜售罄換成鮟鱇魚肝鍋 與關東煮大愛鮟鱇魚肝鍋份量十足亦係第一次食到鮟鱇魚肉最後用關冬煮作結清甜嘅蘿蔔成為最滿足嘅結尾

I was super hungry after a long day of work until 11:30 PM, and there weren't many options in Tsim Sha Tsui. But then I found an izakaya that was open until 2 AM and just a short walk away, so I decided to give it a shot!At first, I hesitated to go inside because the outside looked a bit fancy. Thankfully, they had their full menu right at the entrance. After checking it out, I felt much more at ease since they offered not just omakase but a ton of à la carte items like entrées, deep-fried dishe

I was super hungry after a long day of work until 11:30 PM, and there weren't many options in Tsim Sha Tsui. But then I found an izakaya that was open until 2 AM and just a short walk away, so I decided to give it a shot!At first, I hesitated to go inside because the outside looked a bit fancy. Thankfully, they had their full menu right at the entrance. After checking it out, I felt much more at ease since they offered not just omakase but a ton of à la carte items like entrées, deep-fried dishe

食過幾次晚飯，因為性價比高！今次見到新推出的原條活魚刺身，價錢唔算貴. 所以即刻叫左條伊助木同我最愛嘅秋刀魚，師傅好細心唔同部位仲分左刀工同調味，一條魚試到唔同層次，有heart!最正係個象拔蚌刺身，size 夠2個人食，都係4百幾蚊，師傅係你面前開同切，問下我口味再做左3個切法俾我試，值得一讚！北海道燒蠔（可以揀刺身食）都係$78隻。點解要食台山燒蠔呢？😝😋跟住仲食左…紫蘇燒秋刀魚 - 味道好夾，魚油香用紫蘇葉中和一下油膩麻辣東風螺- 從來未食過咁入味嘅螺，如果大隻多少少更正厚切深海池魚壽司-一個字‘鮮’！海膽天婦羅-好耐以前係日本食過，呢個都做得好唔錯！鬆脆外皮，海膽好香濃好鮮，食得出唔係平價海膽個味，雖然少少貴但十足份量！聽師傅講週末做緊全日happy hour, 酒水都幾抵