鮨亭 (已結業)

今晚去咗屯門置樂附近嘅一間隱世日本餐廳，之前黎開呢一頭都係食泰國餐廳，其實已經見過呢間餐廳好耐㗎啦，佢嘅門口裝飾好隱世feel，而且又有長木枱可以喺門口坐，真係好似去咗日本咁～入到黎就好似去咗另一個世界，室內嘅環境同燈光好溫暖，我哋兩個人叫咗三文魚腩刺身，一客有四件，肉質都好肥美好厚身。之後我哋叫咗帶子壽司同埋海膽壽司，帶子算係好鮮甜，海膽就正常，不過不失～我哋仲試咗辣吞拿魚卷，佢嘅賣相非常之討好，一口一件，感覺啱啱好！同埋佢雖然話係辣嘅，但係唔食得辣嘅朋友都可以試㗎，因為唔係好辣㗎咋！見到呢度仲有燒物，咁多樣串燒類別一於揀啲平時比較少見嘅！冇錯啦，一於試吓燒鮑魚先！燒鮑魚嘅味道都幾清淡，唔使擔心佢嘅味道會太濃～最後主食方面我哋叫左兩樣，第一樣係松葉蟹肉炒飯，第二樣係安格斯牛拉麵～首先松葉蟹肉炒飯真係有驚喜，唔單止賣相靚，而且佢真係用真正嘅蟹肉黎炒飯嘅，唔係蟹柳肉黎架！而且味道都好易入口。最後一樣就係安格斯牛拉麵，整體黎講呢一個拉麵都有齊晒基本嘅配料，例如有兩塊紫菜，竹筍，鳴門卷，仲有溏心蛋一隻，當然唔少得牛肉同埋拉麵啦，所以都算比較抵食～

今晚個朋友又拉左我入屯門傾心事，所以就係佢家附近的日本餐廳吃飯。間餐廳朋友就食過幾次，而我就第一次去，佢話心情惡劣所以只叫左一個九州叉燒拉麵$88，我就叫左個一人前$268。先講朋友的叉燒拉麵。我眼見日式叉燒份量都幾多，佢話個糖心旦好正，又多粟米粒，超正。迷你和風沙律。菜好新鮮又爽口。沙律汁帶點酸。好開胃。三色刺身。平日最怕食劍魚腩，因為好似食肥豬腩，今次又ok，好肥美，肉質軟綿。鱆紅肉質爽口。三文魚厚度剛好。精選壽司，壽司內已有少許wasabi，共四件，每件大細剛剛好，一件一口。安格司牛排，肉質好軟腍，好有牛味，如果燒汁可以少一點就更perfect。蟹籽蒸蛋。蛋好滑，不能不吃。面鼓湯。好似好簡單，唔係味精湯咁簡單，但又幾足料啵。迷你鰻魚炒飯。好簡單的一個炒飯，米粒分明，只是用鰻魚汁炒，加上粟米粒，加上青蔥及魚籽，好快就清碟了。因為怕朋友唔夠飽，所以再後加一個吞拿魚腩蓉卷物。吞拿魚腩蓉鋪到好滿，我就已經好飽停哂口了。朋友話油脂十足，加少許醬油已足夠，新鮮又唔腥，收貨啵。

老婆約咗姊妹，今晚同老媽子仔仔出街食飯，近近地又想食日本野就嚟咗彩華呢條食街😌鮨亭算是我較喜歡的一間日本料理，食物有質素，看得出師傅的心思！因為有老人家小孩的關係，基本上都是吃熟的料理！但也可以媲美高質料理店👍👍鰻魚炒飯只可買聲已經一百分而且很足料，鰻魚鋪到滿滿！鰻魚很香很軟，炒飯濕濕的食到不停口😋😋蟹肉燒飯就比較乾身，香口，蟹肉也多，每一口都有😍清酒煮蜆很出色，超大只，肉汁飽滿！清酒也很香，酒味頗重，能喝醉人😂😂雞泡魚干很香口，點上沙律醬，好Match 豬軟骨湯拉麵也不錯，有四大塊豬軟骨，湯底鮮甜，拉麵🍜彈牙，算是很不錯！我酷愛鵝肝，就叫件鵝肝壽司，很厚很大一塊，外跪內軟，綿綿的很香，滿足👍很不錯的日本料理小店，一定有下次😋😋

是日晚約咗阿妹俾咗d旅行用的「八達通」卡後就和好友在娘家附近食好西，今次我地食日式晚餐，小店的裝潢算是不錯~~~呢間小店的一人前餐係份量超豐富，望住餐牌就決定點呢個~~~好友擔心唔夠飽，決定加個全日自選丼~~~精選壽司4件，有軍艦和切片壽司，感覺好豐富~~~安格斯牛排，雖然感覺跟日式好似關係不大，但都幾好食~~~迷你叉燒烏冬，食咗感覺好飽~~~面殼湯和蟹籽蒸蛋，好友食蒸蛋，因為我好怕蒸蛋味劍魚腩、三文魚、鱆紅刺身，厚切得來食落口感鮮甜~~~由於當日其中一位剌身師傅放假，所以剌身上得慢，我和好友分享一人前那套餐之後，好友都食唔晒佢份丼的飯，淨係食到半碗飯，我們主要共享個丼的剌身~~~呢間小店食物製作絕不馬虎，值得間中去食吓=]

經過置樂俾我發現間抵食又高質素的隱世日式食店蔥碎吞拿魚腩卷色澤粉嫩的吞拿魚腩蓉，肉質綿滑，再配埋香蔥，入口超好味鮨亭豪華卷有帶子，海膽，蔥碎吞拿魚腩，餡料超多，帶子鮮甜，海膽綿滑，入口即化三色丼份量勁多，成座山咁，有海膽，三文魚子，碎吞拿魚腩，未食見到都已經好開心，超滿足特選盛合刺身拼盤有甜蝦，超大隻味道鮮甜；劍魚腩，肉質爽滑油脂豐腴；三文魚，肥美脂香：鱆紅魚，肉質扎實鮮甜及深海池魚，油脂分佈均勻，脂香四溢

本身自己很喜歡食日本料理，屯門區高質的日本料理真的不多，今次比我找到高質的廚師發板👍👍地方裝修很和風，典雅😎一看餐牌之下已經被廚師發板一人前吸引住😍😍一共有八款食物樣樣高質本，以為屯門區很少好嘢食，但這個廚師發板，算是這區數一數二😋😋先來茶碗蒸及麵豉湯，蟹籽茶碗蒸超滑，而且蟹籽一點都不吝嗇，湯也有心機之作，不是清靜的那種築地即送刺身很豐富甜蝦，厚厚的三文魚腩超新鮮，還有油甘魚、真雕薄切😍😍壽司🍣有4件，海膽最吸引，🈵️🈵️的，鮮甜，一點也不腥👍👍再來是甲羅燒及天婦羅，甲羅燒很正，蟹蓋裝住蟹髙😋😋鮮甜無比食埋個牛肉烏冬很滿足很飽，烏冬滑滑的，牛肉切得薄薄很配，連湯都喝完，最後甜品是柚子雪皅，這個價錢這樣的質素真的是超值👍👍

晚上同好友聚會，朋友好鐘意食日本野，所以就係佢地頭附近搵左呢間日本野試下。餐廳好有日式既風味，外面裝修得好似係日本街頭一樣，內部就有一種簡樸既日本居酒屋味道。餐廳MEUN 種類都幾多，而且仲有一個自選丼比你自己揀三種食材，今次我就揀左三文魚、三文魚籽、吞拿魚蓉，而朋友就揀左個三文魚親子丼。首先講份量，真係份量好似坐山咁，砌到好高，刺身都好新鮮，最特別係三文魚籽，味道非常好。海膽松葉蟹腳卷呢個係一個卷物，但舊舊都好大舊，而且非常足料，蟹腳非常鮮甜，加上海膽既味道，令成個卷物好好食，唔係一般既卷物。帆立貝刺身刺身大大粒，非常新鮮，賣相又靚，係我食過最好食既帆立貝。總結，餐廳食物質素出色，環境靜，好適合同朋友傾計，最重要係價錢大眾，抵食。

屯市食黎食去都係連鎖食肆有啲厭，於是決定行過少少去至樂附近搵食經過青善街見到間日本料理小店價錢唔貴環境唔錯就決定入去試試特選盛合刺身拼盤深海池魚肉質細嫩略帶油份；三文魚油脂分佈均勻；鱆紅肉質緊實油脂甘香；劍魚腩肉質柔軟脂肪豐腴；甜蝦肉質腍滑味道鮮甜蔥碎吞拿魚腩碎吞拿魚腩顏色粉紅睇得出的確係用魚腩部位剁製而唔係加入大量赤身濫竽充數；魚蓉口感軟綿幼滑配搭香蔥味道清鮮鮨亭豪華卷蔥碎吞拿魚腩滿到瀉嘅份量的確好豪華；海膽色澤澄黃口感綿密；帶子肉質嫩滑清爽三色丼三色除左三文魚子仲有海膽同碎吞拿魚腩，份量同樣係成座山咁絲毫不吝嗇三種食材都好新鮮，海膽甘香加上三文魚子咸香配搭碎吞拿魚腩好夾好正

今日同男朋友打算近近地係屯門搵間野食就算行下行下就行左黎美食天堂既置樂啦 哈哈見到有間日本野好似未試過MENU個啲又OK ~就走左入去啦入到去估唔到裝修都幾靚 啲STAFF 仲著住個啲和風外套咖~好有日本風味MENU都幾靚~可以散嗌/ 嗌SET都得既~ 同埋款式都幾多元化 不過我地唔係話太餓 就決定散嗌啦上菜好快~ 超級抵讚海膽松葉蟹腳卷勁多海膽呀~ 加埋蟹腳好好食同埋海膽真係好易食得出新唔新鮮而依個就非常鮮甜!!特製海鮮刺身丼勁滿既魚生刺生正呀 好足料一啖刺生一啖飯 勁滿足~雞泡魚乾 初頭嗌既時候完全唔知咩黎 淨係諗住試下咖咋點知黎到佢熱辣辣 咸咸地得黎加上沙律醬真係好夾~蟹籽野菌蒸蛋個湯好濃味~啲蛋亦都岩岩好 唔會話太熟好多蟹籽 撈埋落啲蛋食好正最尾仲有兩個軟殼蟹手卷又係超級大個~ 份量好足連紫菜都係脆卜卜新鮮熱辣岩岩包好咖以前行過都完全無留意過依間小店雖然入左少少 但都幾值得黎食既~

屯門區這條食街雖然不近西鐵站，但是由於很多高質又抵食的餐廳在此聚集，所以我週不時都會去這裡覓食今日就試下這間日本料理鮨亭。雖然這間餐廳價錢是走大眾化路線，但是裝修也花了點小心思。如果坐吧臺還可以欣賞師傅的手勢呢清酒煮蜆$68這煲真的非常出色，蜆肉非常新鮮肥美，而且很大粒，配上鮮甜帶有微微清酒味的湯底，真係好好食，我地連湯都喝了幾碗牛油燒元貝$48蚊/隻這個元貝也很新鮮，不過與我期待的不同，不知道為什麼加了很多配料。雖然好吃但是我比較喜歡沒有配料的那種磯燒元貝三色丼$160三文魚籽、吞拿魚蓉、海膽堆到高高，材料多到我們需要小心翼翼地食先唔會跌落全部材料都很新鮮，海膽creamy沒有藥水味道鹿兒島吉列黑豚$108這個黑豚肉炸得非常鬆化，不是簡單的脆，而是更難得的鬆化如果肉多汁少許可以給更高分！蟹籽野菌蒸蛋$25雖然只是簡單的食物，但仍覺得很滿足。蛋很滑很有海鮮和蛋的香味，好食這餐飯兩個人食了500蚊，價錢不錯，味道又比想像中好，值得推薦

星期二的晚上又約了好友相聚。身為「日本迷」的朋友主動帶路，來到這家帶有日式居酒屋風格的「鮨亭」。可能餐廳位處小區內，抵達時店內人客量不多。但寧靜優雅的環境更適合和友人把酒一番，促膝長談。（現場所見，店內有包房的。）餐牌上已囊括了大部分日本菜式：如剌身、壽司卷物、串燒、天婦羅等等。擺碟精美的一款沙律，甜蝦剌身放在最頂點綴，拍出來的照片會更出色呢。主角沙律菜新鮮，配了黑醋後味酸醒胃。配角剌身份量不多，味道不過不失，但質素當然不及獨立作剌身上場的那些了。海鮮三式分別是鮑魚、帶子和大蝦，每樣2-3件，適合筆者這類有選擇困難、樣樣想試的人。不得不說原來天婦羅在日本是屬於高級料理，而今晚食到的天婦羅入口香脆，不算太油膩，但略嫌炸粉有點過厚。燒香的雞軟骨串配以檸檬汁，惹味中來點小清新。對比其他味菜，這碟相對較為普通，筆者認為定價有一點進取。打卡用一流的丼飯，三色包括了海膽、三文魚子以及碎吞拿魚腩。三色剌身舖滿在丼飯面，尤如一座剌身山，甚為吸睛。另一面的丼飯滿佈著碎吞拿魚腩。丼飯的三文魚子頗新鮮，咸咸的；而海膽感覺入口即溶，甜中帶甘。碎吞拿魚腩亦蠻肥美，配以壽司醬油後送飯一流呢。不過，賣相雖美但進食有

再一個星期五晚，本來好地地約左朋友在家附近的有名泰國菜飯聚，好啦OT狗又出現，意味著飛機✈️又來了，剎那間Happy but alone Friday. 在一個寒風帶微雨的晚上，我唯有孤苦地獨自晚餐去。唔想行咁遠下，兜返前面揀野食，印尼野同日本野之間，我選了日本野（可能因為前文令本人深深不忿），要食點好野補返心頭之恨。一條友的豪氣，我決定全餐刺身，分別點了，鱆紅、帶子、牡丹蝦同中拖羅（本想叫赤身但已售罊。）另叫了一碗麵豉湯補暖。屯門置樂乃是本人中學午餐的老地方，食極都係咖哩屋、娘惹、車仔麵同算不數的茶餐廳，就算食日本野，美其名是壽司店，實際都係牛肉/豬扒/雞排 滑蛋飯 或是鍋類，絕對同日式是遠房親戚關係。不得不令我驚喜，呢間竟然送上那好樣的刺身盤。魚身肥美油亮，刺身厚切不寒酸，令人口水直流，事不宜遲，相機食先再到我食！由淡至濃，一級一級上。帶子：厚切彈牙，可更鮮甜。牡丹蝦：比甜蝦肉質更爽，沾上蝦膏鮮味倍增。鱆紅魚：魚味濃郁，油分多夠肥美，肉質比三文魚實在，更有咬口中拖羅：肥美沒筋，不需嚼太多次已如牛油般溶在口中，魚油芳香停留不散，美味！加埋保暖的麵豉湯，令那一個孤獨夜變得不寒冷（擺明作裝

鮨亭 (屯門)屯門青善街22號康景花園地下3-4號舖食物：九洲叉燒拉麵 $88湯底十分濃郁 好重豬骨味叉燒既肉質好好咬 而玉子好甜大蝦天婦羅$118呢個好出色 出面食到既都係粉多蝦肉小但呢到調番轉 而且蝦肉彈牙 即叫即炸三文魚刺身$48脂肪分佈得好靚 而且好厚肉咬落勁有鮮味 好似岩岩先切咁燒冬菇$35 （2串）愈簡單既食物 愈考師傅既實力而呢串冬茹 只係落左鹽黎調味已經可以簡單帶出佢既味道鰻魚芝士蝦卷（半條）$82鰻魚係即場燒比你 上枱時重係好熱面頭既蝦肉亦簡單帶出蝦既味道壽司類：玉子壽司（$18）非常之甜 咬落有汁螺肉壽司（$22）不過不失啦 合格辣吞拿魚壽司（$28）超過左我預期 推薦位置：餐廳位置就唔係話好方便不過好易搵 用google map就輕鬆行環境： 鋪頭環境有bar 枱同普通枱Bar枱可以睇到個open kitchen 而餐廳都特登設計到有日本風

老遠入屯門gathering,估唔到又俾我發掘到間好食既日式餐廳。哩間餐廳款式都幾多，壽司、拉麵、串燒、刺身，甚至比較少見既泡飯都有。日式泡飯都係第一次食。哩款甲羅燒蟹柳泡飯個湯底勁鮮甜，裡面仲放左啲粟米同菇。珍珠米被湯浸泡後口感依然煙韌。蟹膏分量好多，唔洗慳住食，一啖飯一啖蟹膏，好滿足😌。哩個叉燒拉麵都唔錯。湯底奶白色，湯面冇油層，味道濃郁，食得出冇用味精。拉麵口感煙韌，中式叉燒肉質好淋，估唔到中式叉燒同日式拉麵又幾夾。哩到既壽司質素都好高，用料新鮮。甜蝦同三文魚口感彈牙。哩款饅魚芝士蝦卷大大件，饅魚同蝦肉煙韌彈牙，青瓜爽脆清新，口感非常豐富。金菇肥牛熱辣辣，肥牛一啲都唔韌，醬汁濃，好惹味。吉列拼盤分別有蟹肉薯餅、紫薯栗子餅、豬扒同大蝦。整體黎講都炸得唔錯，炸到金黃色，外皮好簿好脆但唔乾身。

忙左成個星期終於有假放啦😵自從中學畢業之後🙊本身熟絡既中學同學都疏遠左😞甚至搬左去其他地方住😢所以難得相約必定好好珍惜見面機會☺️是日特登入屯門同好耐無見中學朋友相聚🤪適逢行經佢屋企附近呢間日本餐廳不錯吃🇯🇵🍴而且有店員門外既熱心招待😆還掂早到左未夠時間仲等緊中學朋友🙇🏻‍♂️一於黎醫下肚食下小肥至愛先😆呢度環境以木為主既設計🙈周圍掛滿唔同日式風味既擺設同埋布簾😆牆上亦掛滿著各款食材名既價目牌更加地道☺️🇯🇵十足居酒屋風格😆🇯🇵除左高枱Bar位邊睇邊食之外😆👨🏻‍🍳唔想坐Bar位亦有其他散枱讓食客選擇☺️店員亦好熱心體貼地招待😆氣氛亦配搭高質素既日式料理😋🍴另外價錢經濟實惠既午市定食🍱亦吸引到附近唔少學生哥哥姐姐既捧場🤪👦🏻🧒🏻配合具日風地道既環境設計😆🇯🇵亦煮出多款抵食午市定食🍱😋咖哩炸雞定食定食有包埋日式蒸蛋、麵豉湯同埋餐飲☺️定食套餐亦夠哂豐富😆🍱🍴日式蒸蛋夠哂足料之餘🥚🤤有埋粟米粒及蔥花等配料既配合😆蒸得滑嫩入味既蒸蛋亦係充滿口感😋而炸雞炸到金黃酥脆🐔🤤醃製得夠入味之餘🤤肉質嫩滑脂肪比例均勻食落唔會油膩🤤🐷而且造出外脆內軟既絕佳口感😆配合蛋黃醬亦係Perfect Match😋日式咖哩汁亦