鮨一 (厚福街)

營業中

休息中

這家日本料理餐廳讓人驚喜，天婦羅外脆內嫩，吉列豬扒烏冬，鬆脆，滋味無窮。牛油果軟殼蟹卷鮮香可口，而鵝肝taco 口感豐富。牛舌多汁，燒烤味十足，串燒雞肉更是軟嫩入味，讓人每一口都回味無窮。服務親切，環境雅致，值得一試！

鮨一之前食過覺得好食又新鮮，呢日約齊朋友再訪，多啲人可以點多啲菜式食。🩵白子刺身 $168白子本身冇味，伴上酸甜醬汁，淡淡清香，口感奶滑。🩵秋刀魚刺身 $168秋天係食秋刀魚的季節，秋刀魚有獨特甘甜的魚油芳香，豐腴肥美的鮮嫩魚鮮，被日本人視為「秋の味覺」的代表之一。🩵香箱蟹（乙隻）$168當造推薦，拆肉拆殼，蟹黃蟹籽蟹膏放滿蟹蓋，鮮甜到不得了，真係唔使沾伴碟醬汁。🩵火山卷-日本海膽（六件）$248必點必點，海膽同三文魚籽好新鮮，鮮甜味美。🩵大蝦天婦羅反卷（6件）$128天婦羅碎裹滿外層，鬆軟白飯入邊又再包住天婦羅蝦，多種口感，好食。🩵辣酒煮廣島蠔 $88認為可以encore的煮蠔，好多粒肥美飽滿嘅廣島蠔，辣酒同白蘿蔔煮到入晒味，好值得一試。🩵免治雞肉（自家製) $38🩵鹽燒白鱔 $72🩵日本蕃薯拼南瓜天婦羅 $65🩵和牛粒串 $58🩵鹽燒牛舌 $42🩵煙肉荔枝卷 $28除咗刺身、煮物、卷物，呢度啲串燒同炸物都出色，送酒一流。餐廳好有日本居酒屋嘅氛圍，有壽司吧枱同埋私人房間，餐品唔錯，種類非常豐富，新鮮有驚喜，會再來。

呢晚又來厚福街搵食！來到試日本菜，日本居酒屋裝修，坐bar枱望住師傅煮好有feel!.食日本菜緊係要食刺身！上錦繡刺身拼盤八款刺身，款款肥美新鮮太開心🥳超大隻甜蝦，帶子和三文魚都好厚身😍.沙律🥗配上軟殼蟹和蜜柑，鮮味脆口，口味清甜食落好fresh，出色的前菜👍🏻.天婦羅滿有驚喜，炸得金黃香脆，天婦羅蝦相當厚肉👍🏻 味噌煮牛舌好喜歡湯底濃厚，牛舌份量十足，食落厚肉淋身有咬口，讚👍🏻.鰻魚炒飯，又係食到停唔到，飯粒粒分明，滿滿濃郁鰻魚味道，大大碟兩個人都食唔晒！.最後嘆一杯自家製梅酒🥃口味濃厚又唔會太甜，勁夾海鮮！

想選擇質素有保證價錢親民嘅日本菜，呢間絕對有保證。✨蘭·刺身丼 / 菊·刺身丼前者有海膽、炙燒左口魚邊、吞拿魚腩蓉同三文魚籽，再以金萡點綴，賣相高貴精緻；後者有蜜甘鯛、三文魚腩、油甘魚同海膽。兩者底部都有加左赤醋嘅壽司飯，比一般壽司飯帶有柔和嘅酸度同酒香，味道更具層次感，而且更能襯托出油脂豐富嘅刺身，喜歡🙆🏻‍♀️✨白子刺身口感非常綿滑，好creamy，幾乎入口即溶，配上醬油一齊食好好味。✨火山卷 係滿滿嘅海膽，超級澎湃🤩🤩口感細膩，鮮味甘甜，一啲都唔腥！再加上爽脆三文魚籽，好滿足☺️✨香箱蟹 蟹肉非常鮮甜，而重點係大量嘅蟹籽同蟹膏😍✨秋刀魚刺身刺身雕成葉嘅形狀，賣相好靚，師傅刀工了得。魚肉好鮮甜，油香十足。✨特盛鰻魚超級肥美！蒲燒醬汁甜度剛好，再加上微微焦香，高質🙆🏻‍♀️✨味噌煮牛舌牛舌同蘿蔔用味噌煮得好腍好入味！食完之後暖笠笠。✨三文魚海膽炒飯以三文魚粒炒飯再加上海膽，飯粒分明。

尖沙咀厚福街好多嘢食，呢間鮨一有吧枱可以睇住師傅預備食材，仲有其他日式美食🥢刺身拼盤三文魚、北寄貝、八爪魚、帆立貝、牡丹蝦，好新鮮超正 🍲冬日限定火鍋🥢要咗壽喜燒汁，甜甜哋，成鍋都係野菜，有福袋、娃娃菜、菇、皇帝菜、金菇菜等，索晒壽喜燒汁，好健康🐮肉可以揀A4和牛鍋 或 日本豚肉鍋，一樣200g，我就要咗前者，肉質肥瘦均勻，本身肉質都好滑溜，沾上蛋汁更細嫩🚩鮨一 (厚福街) (尖沙咀)📍尖沙咀厚福街12-12A號藍馬商業大廈18-20樓

表弟的朋友介紹了這家餐廳，我特地來為他慶祝生日。據說這裡的招牌菜是海膽魚生飯，擺盤相當漂亮，但可惜海膽不夠新鮮，入口時帶有一陣腥味。相比之下，刺身的鮮度還不錯， 吞拿魚和帶子鮮味十足。可是油甘魚的筋膜未有處理得乾淨， 魚生有渣，相當沒趣。我們點了一些卷物，發現這家餐廳的壽司飯都是醃製過的。以鵝肝手捲為例，鵝肝本身煎得不夠香脆，再加上這種有味的飯，簡直掩蓋了鵝肝僅存的香氣，吃起來更加油膩。小孩喜歡熟食，點了吉列豬扒烏冬，但豬扒炸得過火，柴了！ 其他菜式便是中規中矩。餐廳位於厚福街，雖然地方狹小，但用餐的空間尚算舒適。值得讚揚的是服務員，一個人招待六張枱，看見他十分忙碌，當然沒有熱情的招待，但他極有禮貌和耐心。 總結，食品的質素是非常一般，以這個價格來看性價比不高，我會考慮嘗試其他餐廳擺了。

黎到尖沙咀最出名食街揾食今次去樓上舖！-海膽山+呑拿魚蓉飯底 唔好同我爭 🥹見網上有comment話海膽唔新鮮 好彩我食又幾正路 無腥臭仲幾鮮甜😙未食就記得影 // #相機有得食先⚡️

朋友生日想食日本菜，我就第一時間揀咗呢間好出色，價錢又親民「鮨一」慶祝💖。千層海膽飯好吸睛，上面有金箔😍，鵝肝手卷、蟹肉蟹膏手卷、刺身和其他料理都超正。💛鮨一千層海膽飯：落咗勁多日本海膽，成座塔咁高，味道濃郁，口感嫩滑，拖羅好肥美，勁好食，可以用紫菜包著佢地，$248 抵到無得彈。🦤鵝肝手卷：有3塊厚厚又肥美嘅鵝肝先$78😆😆🦀蟹肉蟹膏手卷：蟹膏濃郁🥰，$48 超抵🐟秋刀魚刺身：賣相好靚，超新鮮💖，$169 對得著價錢🍤什錦天婦羅：有3飯新鮮大蝦和4款蔬菜，$98 值得叫👅味噌煮牛舌：$68，裡面有10幾舊牛舌！❄️喬麥冷麵：$55 好實惠，好清涼🥰環境都唔錯

十一假期同朋友去尖沙咀行街，記得厚福街藍馬有幾間Cafe同埋餐廳，就揀咗鮨一試吓。「梅」、「蘭」刺身杯 $158 each今次試咗「梅」同埋「蘭」兩款刺身杯，感覺都好澎湃！梅以蝦同蟹做主題，蟹肉、蟹鉗、赤蝦上面加上魚子醬同蟹籽做點綴，蘭就用吞拿魚蓉撈埋蝦肉、三文魚籽做底，上面加上白身魚，仲有加咗金箔嘅海膽！成件事真係好奢侈🤣🤣🤣我最欣賞係佢個醋飯，唔係一般普通壽司白飯，而係已經加咗醬油嘅醋飯，個味道調校得幾好。白子刺身 $148日本鮟鱇魚肝 $84人生第一次食白子刺身同鮟鱇魚肝，本身都驚會好腥，但係食落覺得幾清爽彈牙，完全冇想像中以為會好滑潺潺嘅感覺，我諗我下次都會再試～鹽燒雞中翼（四隻） $52辣酒煮廣島蠔 $88食咗咁多刺身，同朋友都叫咗啲熟食暖一暖個胃，鹽燒雞翼燒得比較乾身脆口，幾啱我口味，辣酒煮廣島蠔比我想像中辣少少，個甜味同辣係平衡到，個蠔都幾大隻，索咗啲湯汁好入味，最欣賞係佢個蘿蔔真係炆得好腍🍲🍲🍲

今日同朋友黎到位於尖沙咀既哩間日式料理餐廳。餐廳係日式居酒屋裝潢，有長形吧枱位置、四人座位及包廂位置。🔸上錦繡刺身當中有八款時令海鮮，包括𩶘魚、的鯛、油甘魚、三文魚腩、帶子、八爪魚、北寄貝及赤蝦。𩶘魚魚肉有質感，味道甘甜；的鯛肉質緊緻富彈性；油甘魚肉質細膩，鮮甜肥美；三文魚腩油脂豐富，肉質鮮美；帶子質感清爽，味道鮮甜；八爪魚柔韌彈牙；北寄貝口感爽彈；赤蝦蝦肉彈牙，味道鮮甜。🔸菊（刺身杯）刺身杯入面有蜜甘鯛、三文魚腩、油甘魚及海膽，底下仲有壽司飯。蜜甘鯛質感清爽，再配搭充滿魚油香既三文魚腩、油甘魚，味道鮮甜，完美清曬杯～🔸蘭（刺身杯）刺身杯賣相吸引，頂層有片片嘅金箔點綴海膽，下面有吞拿魚蓉及炙燒左口魚裙邊，底下仲鋪滿魚籽，海膽清甜，配埋左口魚裙邊及呑拿魚蓉，入口相當滿足。🔥甲羅燒甲羅燒入面有味道濃郁嘅蟹膏，配埋生蛋黃，烤過後充滿香氣，配搭多士好夾～

尖沙咀搵到佔三層日式料理餐廳座位闊落 可以坐吧枱欣賞師傅手藝😳見到佢哋好有心機 將海膽一層層鋪上刺身飯｜蘭 ($158)海膽有金箔裝飾 味道又鮮甜 性價比高🫡左口魚刺身油脂豐富 入口即溶～採用日本米 吞拿魚蓉 爆汁魚籽等等配料｜什錦天婦羅（三蝦四菜） ($98)炸得熱辣辣🔥粉漿唔會太厚品嚐到脆嘅風味炸粉混合爽口鮮蝦 清甜茄子 番薯以及南瓜｜日本安康魚肝 ($84)日本其中一款美味佳餚 質地幼滑😗中意食鵝肝就會接受到呢款料理｜白子刺身 ($168)屬於當造月份 冬天食好補身🤣第一次食配柚子醋 感覺好creamy ｜味噌煮牛舌 ($68)牛舌加蘿蔔用味噌煮好入味omgggg!!!整體比較溫和 肉質有煙韌度🫶🏻

#新痛風丼 🍱 ($198)#火山丼 🍱 ($198)#白子刺身 🍣 ($168)#日本厚岸蠔 🦪 (一隻$78)呢間日本餐廳好多人食😏 平日午市時間都好full😎 試左兩款丼飯🍱 賣相都好𥄫睛😍 個人鍾意痛風丼多啲🥰 有海膽、三文魚籽、甜蝦、吞拿魚蓉😋 全部刺身都好鮮甜🤤 最欣賞甜蝦🦐 甜得黎啖啖肉😌火山丼都好豐富✌🏻樣樣有啲👌🏻三文魚籽粒粒飽滿👍🏻 白子唔係個個都食🤣 不過食落新鮮又酸酸地幾開胃😅 生蠔超大隻😱

約咗朋友尖沙咀食飯，唔想太迫人又因減肥唔想食得太heavy,搵咗樓上舖既日本餐廳，我地晏咗walk in 8:30pm walk in 都要等一陣，証明呢間餐廳都唔錯🤤🤤,建議book 枱先👍🏻 我地2個人食咗6樣野，因份量都大碟，足夠飽到變大肚腩🤰,說好的減肥，又要等下一餐🙃我地叫咗：1. 秋刀魚刺身 💰$168我本人係第一次食秋刀魚刺身， 見佢係今日推介，所以叫咗黎試下。 師傅上碟擺得好靚🌱, 可以將條魚砌成2塊葉形， 因秋刀魚唔大條，佢每件都係細細件，以為會偏腥，但加埋沾佢既秘製醬油，完全無腥既感覺，係肉質林林地既類別2. 青酒煮蜆 💰$72呢個極力推介，蜆既份量超多，又夠大隻，配埋面頭既芫茜粒粒蜆肉都好有咬口，個湯又夠晒清甜，呢個會再encore 😍😍3 什錦天婦羅 💰$98有3隻🦐天婦羅，佢既炸漿份量，一d 都唔厚，蝦又夠大隻，食落去啖啖肉😋，另外配咗青椒，南瓜，蕃薯天婦羅，都係唔錯既，好似把扇個個天婦羅都好食，但我唔知係咩黎？有冇人知係叫咩名😂4. 上十贯目 💰$258有鮟鱇魚肝，三文魚子，海蝦，帶子，赤貝，炙燒吞拿魚，金目鯛，油甘魚，三文魚，蟹棒壽司整睇都好新鮮，起碼隻

前排去咗尖沙咀 想食日本嘢 所以就去咗呢間 諗住試吓 唔知正唔正呢😚👅辣酒煮廣島蠔 $88呢個好食 佢嘅湯底辣辣地 有少少酒味 廣島蠔一齊食好惹味😆👅日本鮟鱇魚乾 $84第一次食鮟鱇魚乾 食落嘅質地似凍鴨肝🤔佢配咗酸酸地嘅醬汁 食落冇咁漏🫣👅雜錦天婦羅（三蝦四菜） $168天婦羅拼盤包咗三隻蝦同埋茄子 青椒 同埋番薯 炸得幾鬆脆 唔會好油😙👅白子刺身 $168小編都係第一次食白子刺身 食落滑捋捋 同埋幾creamy🤣可以一試👅香箱蟹（乙隻）$168都幾多蟹肉 蟹肉食落都甜甜地😋👅鰻魚炒飯 $108呢個好食 炒得幾香 同埋幾重鰻魚汁嘅味 鰻魚份量都幾多🤤👅原條飛魚刺身 $128食落幾新鮮 都唔錯總括嚟講 呢度嘅食物係唔錯嘅 大家可以嚟呢度一試🥰😋 好味：8.23/10🤑 價錢：7.55/10🤗 服務：7.54/10😝 環境：6.50/10😚 衞生：6.50/10🤩 整體：7.69/10

🎵 緣份就像一條橋樑，將你我連在一起... 🎵呢排愛上召喚術係社交平台隨意召集飯腳，緣繫美食之約。位於尖沙咀厚福街嘅鮨一，上錦繡刺身新鮮無雪味，8款刺身各有特色，厚切口感豐富。什錦天婦羅香脆鬆化，三隻蝦加四款蔬菜，炸得金黃酥脆又唔油膩。甲羅煥香濃滑溜，日本安康魚肝油而不膩，味道濃郁。味噌煮牛舌軟嫩可口，口感層次豐富。燒茄子多汁鮮甜，配上木魚絲調味好有和風Style。召喚獸表示很滿意， 下次要再黎食過✨😉🍣