鮨わだつみ

特上壽司拼盤 (12貫)：我哋叫咗個特上壽司拼盤，咩都有啲試吓。拼盤賣相幾精緻，魚生光澤唔錯。三文魚同油甘魚幾肥美，入口有魚油香。赤身顏色鮮紅，食落冇筋，味道濃郁。最驚喜係個海膽軍艦，海膽份量足，味道鮮甜，冇苦澀味。帶子同甜蝦都夠大隻，口感爽甜。自選壽司追加：另外單叫咗幾件：火炙左口魚裙邊－經過火炙，魚油香更加突出，入口即化，值得encore。蔥吞拿魚腩軍艦－吞拿魚腩茸剁得幼細，加上少少蔥花，味道同口感都配合得幾好。壽司飯：特別想讚一讚個醋飯，溫度適中，醋味溫和唔會太搶，飯粒握得鬆緊適中，一夾唔會散。環境同服務：餐廳環境幾安靜，可以慢慢食、慢慢傾偈。師傅喺吧枱後面專心準備，見到都幾乾淨衛生。侍應收碟同加茶都幾密手。人均消費大概四百幾蚊，以呢個質素嚟講算係合理。總結：今次食嘅壽司同魚生，整體新鮮度同處理都幾好，係一間幾穩陣嘅壽司店。適合想靜靜地食餐高質少少嘅日本菜，同朋友或者另一半嚟都唔錯。…Read More

朋友想食Omakase。之前一路都想試呢間，初初開嗰陣時好難book。依家平日容易book了，一於去試吓個午餐。午餐價錢都算抵$1080加一。有三道前菜,10件壽司、甜品和湯。而家係秋刀魚當做，前菜有個秋刀魚卷，非常新鮮非常好食！另一道前菜白子都唔錯，好軟滑。而每一件壽司都好精彩，每件都好新鮮，活北寄貝新鮮到不得了，非常爽甜。飯的軟硬度和酸度都好啱我口味。師傅會問你飯嘅份量足唔足夠，可以根據你喜好加減。由頭去到甜品都非常欣賞，絕對配得上米芝蓮的銜頭。…Read More

Sushi Wadatsumi｜尖沙咀K11Musea｜米其林一星来香港总要吃一次Omakase🍣早有耳闻的Omakase七点准时入场 多一秒都要在门口等已经不是预约困难店了提前3天就预定到了整体是我喜欢的风格没有过多的调味和花里胡哨的融合还原食材本身的鲜味晚市价格不便宜但这个价格算是吊打国内同等价格板前Dinner Omakase💰22806 Appetizers ｜Grilled Dish｜12 Pieces Sushi ｜MisoSoup｜Dessert炭烤白鳗/池鱼/象拔蚌/赤身/大腹/北海道甜虾/海胆/金枪鱼/鮟鱇鱼肝/池鱼/章鱼腿/金木鲷/黑鲍鱼配鲍鱼酱，不得不说最后甜品吉士萄挞，清爽解腻，层次丰富～吃到肚皮滚滚…Read More

香港の探店—Sushi Wadatsumi前排去了榮獲米芝連一星🌟的Sushi Wadatsmi🌸 是一家位於K11 Musea既omakase餐廳的食材非常新鮮確實是「高端的食材往往只需要最簡單的烹飪方式」前菜＞壽司＞甜品🍧都沒有讓我失望！果然千言萬語不如來一口壽司呢期待下次既二訪整體用餐體驗非常不錯，而且師傅知道我鍾意吃鮟鱇魚乾，切左兩大舊俾我！超nice…Read More

最近係一間位於K11 Musea一星既Omakase慶祝，無論係食材﹑環境﹑服務都極高水準，真係勁滿意，必需推介🌟.ᐟ 餐廳以時令海鮮入饌，每朝係日本市場拍賣後即刻空運到港，極新鮮😍 今次就食到當造既螢光魷魚，仲有矜貴既生蠔﹑毛蟹﹑海膽﹑縞蝦﹑花竹蝦等，誠意滿分💯晚市只有7pm一輪，menu亦只有一款江戶前壽司廚師發辦。當日serve我地既係主廚——健師傅👨🏻‍🍳 師傅刀功超勁，準備食材都好快手，成餐飯既節奏都好好，大約2個半鐘多D已經食左二十幾道菜，時間管理呢點做得唔錯👍🏻 師傅亦細心照顧每位客人既需要，例如多飯/少飯﹑多wasabi等，有時客人夾跌左件壽司/食物，師傅仲會即刻整件新既👍🏻 另外我地有叫到一支清酒🍶 店員不時過黎添酒，亦會將酒樽放入冰水保持冷凍，真係好好服務💯值得一讚既係每道菜都花足心思😍 由食材至烹調方法都好講究，添上唔同既調味料都同食材好夾，每一啖都有驚喜🥹.ᐟ 師傅會介紹每一道菜既食法，助手亦會拎食材比我地影相📸️ 滿足哂我地打卡既願望，絕對係視覺+味覺盛宴.ᐟ❝ 𝑫𝒊𝒏𝒏𝒆𝒓 𝑶𝒎𝒂𝒌𝒂𝒔𝒆 $𝟐,𝟑𝟖𝟎/𝒑𝒆𝒓𝒔𝒐𝒏 ❞𝑨𝒑𝒑𝒆𝒓𝒕𝒊𝒛𝒆𝒓𝒔‧ 伊左目‧ 北海道毛蟹‧ 汁煮八爪魚‧ 小長井華漣生蠔‧ 燒螢光魷魚‧ 黑梅貝(螺仔)‧ 大蜆‧ 太刀魚𝑺𝒖𝒔𝒉𝒊‧ 金目鯛‧ 赤貝‧ 赤身‧ 超拖羅‧ 大拖羅‧ 櫻鱒‧ 縞蝦‧ 花竹蝦‧ 池魚‧ 海膽軍艦‧ 鰻魚‧ 太卷 (海膽﹑拖羅﹑玉子)𝑺𝒐𝒖𝒑‧ 蝦麵豉湯𝑫𝒆𝒔𝒔𝒆𝒓𝒕𝒔‧ 焦糖燉蛋布甸‧ 日本珍珠提子撻…Read More