魚鈁 (康華大廈)

營業中

休息中

每次收工都有黎食，次次都係叫套餐一直都係咁樣點菜，結果個阿姐將一個套餐拆開散計將本身應該328蚊加一既套餐變成429蚊加一埋單每次都可以電子支付今次直接話只收現金好在有帶錢出門如果唔係咪變成無錢食飯？零服務，態度一般，極度失望埋完單個阿姐仲一直不斷係度自言自語講到好似我地食完唔想比錢咁？呢間野小菜係好食，但咁樣既服務態度真係唔會敢幫襯囉。

街坊海鮮小廚的驚喜盛宴 鮮魚湯底一試難忘！筲箕灣向來是港島區的隱藏美食寶地，而在街坊間口耳相傳的「魚鈁」，絕對是不能錯過的新晉食堂！這家主打魚湯鍋底與地道小炒的街坊小店，憑著「真材實料」與「用心烹調」兩大賣點，成功俘虜一眾嘴刁食客的胃。以下必試亮點，告訴你為何值得專程拜訪——**✨ 招牌鮮魚湯鍋底｜乳白湯底藏不住的真功夫** 揭開碗蓋瞬間，濃郁魚香撲鼻而來，乳白色湯頭宛如絲綢般滑順，入口鮮甜直擊味蕾！主理人每日清晨用魚骨、魚頭熬煮四小時以上，完全不加味精，喝得出純粹的海洋精華。搭配各款魚片及食材，每一口都充滿層次感。**🦑 鑊氣小炒｜大排檔級手藝平價享受** 別以為小店只擅長魚料理，小炒菜式同樣驚艷！「酥炸生蠔」外層薄脆如金絲，內里生蠔彈嫩帶汁；「薑沖雞」鑊氣十足。最驚喜是「生炒骨」，啖啖肉再加上醬汁滲透每絲纖維，大人小朋友都愛！**🐟 隱藏菜單｜每日限定驚喜** 熟客才知道的「海鮮黑板」才是重頭戲！老闆每日親赴街市挑選時令食材，像上周吃到的「蒸馬友」魚油豐腴入口即化，簡單調味已足夠令人回味三日。**🌟 街坊價錢｜酒樓級享受** 人均$100就能吃到高質海鮮，份量十足絕不手軟。

喺筲箕灣咁耐都係第一次食呢間。朋友介紹，原來都唔錯。奇味雞煲夠料，啲雞煮到啱啱好同埋調味都適中，唔算好勁味精。最有驚喜係啲小菜，冇影晒相，麻辣豬手即整，生炒骨配埋士多啤梨同蕎頭，味道精緻。醬茶鴨都唔錯，小菜有出面中菜餐廳水準👍🏽👍🏽

大排檔的感覺相對較少嘈雜，不過乾淨衛生。水果咕嚕肉以淡淡的士多啤梨味道為特色，這種清新的口感和風味為咕嚕肉增添了一份獨特的特色。啫啫田雞煲濃郁的味道，給人一種滿足的感覺，田雞肉質滑嫩。整體而言，這道菜偏咸一些。叫左兩枝啤酒同fd 吹下水

上次食過呢間野都有幾好既回憶，記得果次係食內臟，重好記得啲味都幾濃🙃不過點都好啦試一試佢先再算，話晒午餐同晚餐都好唔同啦🤪今次叫左個乾炒牛河，牛肉又多唔會太老火喉啱啱好又唔會太油，食牛河最驚係唔夠味又或者太油，今次呢個完全無呢樣野，少有叫牛河今次係愉快既經歷，呢間野啲炒野，鍋氣夠晒唔會覺得唔好食😉😉。不過唯一美中不足就係杯野飲，寧願唔叫好過😂😂😂堂食$52，呢個價呢個份量我滿足架啦😗

一個字。抵。288 一鍋兩小菜仲有飯有嘢飲，街坊小店果然係街坊福利價雖然個餐無得揀我最愛嘅椒鹽豆腐同埋麻辣魚春魚卜煲，但真心抵食夾大件，性價比之選🤑🤑今次搞搞新意思試下藥膳雞，以為套餐可能份量會少啲，點知上到嚟嚇咗一跳，勁大pot 😂😂😂 中藥材湯底有肉眼可見滿滿嘅當歸、川芎、淮山、杞子同埋龍眼肉，湯底甘而不苦，行氣活血夠曬滋補~而且啲雞肉點着質唔老，煮住嚟食都唔會柴口。小菜要咗屋企難整到嘅鮮果生炒骨🐖生菓竟然有啲莓果係入面唔係淨係得菠蘿加埋甜酸甜酸嘅汁好消滯，生炒骨外皮炸得鬆脆，最緊要食落唔會一口粉，肉質嫩滑~薑葱雞（又係雞，哈哈哈）夠惹味，雞肉經過薑葱爆炒嘅洗禮變得更加鮮香，超送飯連啲葱都可以食埋~帶點不負責任地講呢個餐真係三個人食都無問題👍 （所以我哋兩個人… 咪唯有打包了😂 ）

我是一個超喜歡吃內臟的人(我也很擔心自己的膽固醇🙈)這邊有我超喜歡吃的魚春😍😍還有雞子❤️❤️所以我就點了麻辣魚春拼魚卜煲再另加雞子❤️完全是超高膽固醇的一鍋😆麻辣味很濃😬很入味～其實也很想吃豬腦😆但有點小擔心一個人吃不完😆愛吃內臟的真的必來😆P.S. 老闆人超好🥹我現金不足 腳又受傷～他叫我下次再來才把剩下的還就好🥹超不好意思的🙈(不過我隔天就特地去還了🙈)

lunch時間，已叫午餐超過25分鐘，向帶眼鏡女店員反映，第一次當聽唔到，第二次要大聲講才有反應，回答竟然是：追我都冇用，又唔係我煮，另外唯一男店員又講:下次打電話叫先，追我同事都冇用，呢間鋪的店員服務，真係一流。如果有呢d體驗可以去試下

📍#魚鈁#MFJ筲箕灣 #MFJ中菜 人均消費: HKD219以前筲箕灣東大街有間小店食雞煲小炒叫 #魚鍋小甜甜 ，出面食雞煲邊爐煲仔菜！ 以為執咗，原來係搬咗同改咗名叫 @fishfranskw 貪方便叫個外賣！外賣嚟講都算選擇多！ ⭐️奇味雞煲🐔$229比我想像中大兜！ 入面真係完整一隻雞，因為連雞腸都有😍 隻雞唔算太肥，但肉質口感都唔錯！ 個汁超濃味！如果打埋邊爐仲正⭐️拍青瓜🥒$42細細粒容易食，好多蒜，入口幾香，青瓜粒夠爽口，唔錯⭐️ 野生椒泡鳳爪🐔$69都有成十隻左右！ 初頭都唔覺得辣，又覺得幾香口開胃，但你吮吮下其實都幾辣🥵 不過都幾惹味🆗蒜泥白肉🐷$64其實佢個肉係幾好食，咬落都幾有口感！但佢做法唔太好，辣油浸得太多，蓋過咗蒜味，而且蒜泥冇調調味唔夠香口⭐️蒜蓉萵筍絲🥬$69好少會淨炒萵筍絲！ 原來蒜蓉炒都幾好味架喎！萵筍C比較爽口，清清地可以解膩解辣！🆗豉椒炒鵝腸🦆$185炒鵝腸就有少許失色，豉椒味唔夠香口，鵝腸亦都有啲韌💯薑蔥魚春🐟$135好少地方有得食魚春㗎！一舊舊咬落去散開一粒粒個口感真係好滿足！加埋薑蔥🆗紅油抄手🥟$51紅噹噹！ 其實一啲都唔辣！味道其實正常，不話啲餃

之前4點幾去左食魚鈁兩個人叫左麻辣魚卜煲 麻辣田雞煲 白飯同一個小炒菜以前一路都幫襯開魚鍋小甜甜。基本上一星期起碼食5餐 唔知而家轉左手定點個魚卜煲黎到真係慘不忍睹 份量好少魚卜唔新鮮炸左過都算 得幾舊大粒魚卜 我估得total 7粒仔墊底既青瓜蘿白亦得好少 連蘿白都覺得係隔夜 我平日食硬蘿白青瓜 今日一上枱就已經冧到透之後個田雞煲上枱都係得好少加埋唔知有冇一隻半田雞 田雞都係唔新鮮炸過完全係碎上田雞 如果呢個係lunch set 份量我覺得無問題 但我比正價份量真係太太太少 對唔住呢個價我同老公食完好似食風 仲要食多個菠蘿油先夠飽希望店主見到有所改善圖一二係而家圖三四係以前

🐟魚鈁🌶每逢秋冬都會特別想食川菜特別係有層紅油喺面嗰種麻辣燙食完個人真係暖笠笠㷫烚烚☝︎( ◠︎‿◠︎ )☝︎本身好耐無去筲箕灣店（前身魚鍋小甜甜）一去變咗越南菜以為執咗粒好彩只係細鋪搬大鋪不過就比以前偏僻咗啦🐟魚卜煲🌶呢個煲正就正在魚卜夠腍滑唔腥魚春就有口感兼夠香(๑❛︎ڡ❛︎๑)☆︎不過可惜依家魚春唔當造只可以叫魚卜煲但都一樣好味魚卜份量好夠唔會得幾嚿🥩肥牛麻辣燙🥬個人覺得可改善因為個鍋仔真係好神奇煲極唔滾唔滾點淥野食？( ･᷄-･᷅ )搞到要用魚卜煲咁細個煲淥🍋珍寶青檸樹🧊魚鈁嘅沙冰係重點推介每款都好好飲¨̮♡︎青檸樹解渴得嚟唔會太酸菠蘿雪山同玉龍冰都好好飲㗎

過嚟呢度食雞煲， 簡單來講，味道係OK嘅，食物質素亦都不俗。不過服務就真係一般般…. 街坊茶記，唔要求得咁多。奇味雞煲$198，味道唔錯，湯底亦都夠濃郁！小食 蒜泥白肉豉椒炒蜆，蜆仔細細，不過都新鮮！今次食啲嘢都比較重口味！家人吃的，睇樣都覺得新鮮！但係就唔啱我！牛骨髓雞煲襯呢個響鈴真係Perfect手切肥牛！$208！ 貴貴地！ 但高質！又係啲重口味嘅嘢… 我冇食仲有嗌咗蔬菜、薯粉，冇影相了。總括來講，味道係OK嘅，食材都新鮮！聽講小炒都唔錯，有機會杯嚟試吓。唔好對服務有期望，可能就會好啲啲。當然，如果啲阿哥阿姐有啲禮貌，感覺會好啲既！始終食飯都唔想受氣。

原本訂左枱星期六晚八點食晚飯。已經提前二十分鐘到，餐廳職員話未有枱要等。八點行入去問竟然話冇枱比我地仲要大大聲話”有生意我緊係做左先，唔通我hold張枱幾個鐘留比你地？”聽到呢句真係呆左，全家人山長水遠由新界揸車出黎食，黎到仲要大條道理唔比枱。乜原來卜左枱都唔會留枱比你，做左幾十年人第一次遇到啲咁嘅餐廳，職員態度仲要非常惡劣！曬幾個鐘最後要食快餐店慶祝生日，搞到屋企老人家超級唔開心呢啲餐廳簡直不知所謂

原本是朋友介紹, 表示餐廳食物質素高, 故此本次特意和朋友由大西北區遠赴港島東區, 就是希望能品嘗一下美食。是次也為此特意預先打電話給餐廳預留訂座(當時在電話清晰對餐廳員工表示要預留晚上8點的8位訂座, 餐廳員工當時清晰回覆沒有問題, 已作預留)。豈料當我們一行人到餐廳時(我們為此特意早10分鐘餐廳, 沒有遲到), 餐廳員工先是回覆我們座位正在準備中, 要我們在外再等10分鐘後回來, 而當我們等候10分鐘後再到餐廳時, 餐廳員工再回覆現時沒有座位, 只能提供3個座位。在此時, 餐廳員工再態度惡劣地說: "唔通hold起張枱係到唔做生意咩, 梗係比其他客坐左先啦, 係咁架喇" ,我們一行人聽後感到極度憤怒及無奈, 首先強調我們完全沒有遲到, 是按約定時間到來的, 另外如果貴餐廳不希望"hold 起張枱唔做生意", 請不要對外接受訂座要求, 大可以全部只接受walk-in。黃店不是大哂, 希望餐廳有基本對食客的承諾, 若做不到請不要接受。

以前東大街有間魚鍋小甜甜以為轉左名做「魚紡」，仲搬左去天悅附近果日同個朋友7點半去到店舖 唔算好多人佢比以前既坐位多好多 地方都闊落左✌🏻🚩鮮茄魚鍋 $ 148 呢個蕃茄湯味好入味，好有鮮味，淨係飲個湯都好滿足🥇簡直一百分，配料都總算多，唔會淨係得幾舊魚🤩👍🏻👍🏻👍🏻 十分推介 🚩魚春拼魚卜 $178 呢碟餸我次次黎都會食，唔係次次黎都咁好彩有得食魚卜，魚卜真係可遇不可求咖😂好入味，份量都好多，真係勁好食👍🏻👍🏻👍🏻👍🏻🚩韭菜雞紅 $56 第一次點黎食，份量都算多，咬落去幾有口感，唔會一咬一碎哂👍🏻🚩蒜茸炒萵筍 $56 呢個咬落去都幾好，唔會好重口味，清清地