魚蛋門第

營業中

休息中

友人在外國回港，話最掛住香港的魚蛋粉麵，就同佢去了在油麻地的魚蛋門弟，用心製作的手打魚蛋，真係堅係正，柔軟又有彈性，加入佢地自家制的正宗自家制作的辣椒油，就更絕配囉。同樣自家制的雲吞，不是很大粒，但蝦跟豬肉平均分配， 調味很好。另外牛腩、牛根同豬手，炆煮得入晒味夠晒軟淋，滿滿的骨膠原，配上滑嘟嘟的河粉，美味滿分💯，冇鹼水味的生麵，非常之爽口，加埋醋食就仲正😚。食物質素保持，水準之作，在旺角經營超過50多年，價錢親民抵食。

知道呢間魚蛋門弟，是旺角適來園開的分店，經開路過就唔好錯過，去品嘗下先得。新鋪環境乾淨整齊，燈火光亮又坐得舒服。用心製作的手打魚蛋真係冇得輸，魚味香又柔軟，仲有煮得入晒味的豬手，炆得充滿骨膠原嘅牛根，牛腩、雲吞牛丸都好唔錯👍，點埋佢地自家制的辣椒油，就更惹味啦。河粉滑嘟嘟，幼麵亦沒有鹼水味，食物品質保持有質素嘅水準，仲係一間非常有人情味嘅地方，價錢亦親民抵食。#手打魚蛋 #雲吞 #牛根#豬手 #魚皮 #魚片 #支持小店#辣椒油

如題，好味，會返兜👍放左工一支公周圍hea, 餓餓地，係砵蘭街附近搵嘢食（大家唔好誤會😅），就見到間紅卜卜既小店。 本身都幾鐘意食魚蛋，就入去試試。樓面、老闆好nice, 雖然食店細少（7張2人枱）環境光猛乾淨。叫左個魚蛋牛腩麵套餐，試啖湯底，味道夠濃但唔鹹，魚蛋牛腩（淋）身，唔似d人造彈彈波。菜好青好嫩。麵夠爽硬。👍老闆仲好好人不停送新鮮炸鮫魚皮。勁正👍埋單$60。油尖旺區性價比高😄

這間店出名魚蛋，但今次同朋友嚟叫多咗個豬手麵，豬手都夠腍同埋夠入味，味道啱啱好，如果個價錢嚟講性價比幾高，但麵量可以再多少少咁就會好啲。魚蛋就應該唔洗同大家講，熟客嘅話就應該會成日叫，同埋之前都試過買過一斤返去自己煮，摸落去個質感都摸得出係手打同埋新鮮打起，係真材實料嘅，不錯。👍🏽希望呢間舖頭會同啲外賣平台合作，可以俾到我哋呢啲遠少少嘅例如佐敦或者太子嘅人都可以叫到。整體而言幾好👍🏽，這種小店應該會有潛質做得更好。

深仔記卯咗，就行過嚟呢間，都唔駛我講，一睇就知唔正宗，蔡生話雲吞要喺碗底，要有韮黃，都估到湯冇大地魚味，中哂！點解有菜心嘅？麵太腍，味精湯，夠膽屎收$39碗（深仔記$36），佩服佩服。如果你想靜靜地打躉，滑手機同朋友吹水，呢間係好地方，好過坐對面公園，雖則裝修都有啲心思，有啲懷舊feel，侍應態度不錯，但20度都唔開「冷」氣，只開fan，打開門就算，有食客企正門口食煙又唔理，攪到煙味四處，想人返轉頭都難。

剛剛開張的時候幫襯過一次，見有金茶王坐陣，金茶王經驗豐富，待客至誠，頗令人難忘。雖然當時開張時間短，甩甩漏漏都情有可原。再訪魚蛋門弟，仍然柯單混亂，餐廳小小都可以漏單，再也不想幫襯了，起碼附近的大型茶記有效率有質素。阿姐係有禮貌，職員都算好面口，但沒想到相隔一段時間，以為已經累積一定經驗，不過落單系統即使電子化都可以混亂仍然，真是令人百思不得其解。老實講分量不多，味道只是正正常常，只是貪方便貪快才會去幫襯。油麻地附近餐廳林立，以後移玉步去其他食肆好了。

事緣試左油麻地喱間新店令我好耐無打食評都想share一下經過見到佢地魚蛋係源於適來園就試下啊 可惜太好賣賣哂 唯有試下魚片 魚片並不是那款加了很多粉 彈性很高而是軟彈自然 魚味十足的 再order 牛腩麵套餐 走甜凍奶茶叫餐飲的原因係店內有一位奶茶王所以試一試 哈哈 茶底香濃 奶與茶比例又真係不錯佢仲主動問我走甜味道如何同奉上卡片的確 叫套餐包餐飲價錢比較划算 餐飲亦都不欺場牛腩麵麵底爽 脫鹼也做得不錯 牛腩屬於濃味 配上爽麵 好合我口味所以最後叫左碗淨淨雲吞外賣 晚上試一試

今次試咗油麻地新開張的魚蛋門第 （適來園）嘅手打魚蛋麵🥢，意想不到嘅係是我好耐冇食過的軟漿魚蛋，用筷子夾一夾非常之鬆軟同腍滑🍜，雖然軟漿魚蛋俾唔到我哋一種煙靭彈牙嘅感覺。但他們的魚蛋魚味十足🍲，可以話係香港數一數二好食的手打魚蛋🤩🤩（我個人傾向鍾意魚味重的魚蛋），再加點上少少自家製的辣椒油，是再將魚蛋升上一個更高嘅層次，他們的辣椒油比不上坊間的辣，但那種香辣和持久嘅辣味和魚蛋嘅魚味在嘴角徘徊，完美結合，確實了不起。最後跟餐有杯茶王師傅即沖的奶茶☕️，入口香滑完全不澀，是現在買少見少的奶茶，這個價錢再配上這杯奶茶絕對是非常親民😁😁。與師傅閑聊幾句，他40年前在中大書院canteen做廚師，才得知他是金茶王陳子平師傅☕️，獲獎無數，失敬失敬🫶🏻🙏🏻這間小店看似新穎剛開業，但以他們的水準，完全不似剛開業的樣子，能夠保留適來園的味道，大家可以不妨一試，品嘗一下。🥢🥢🍜