魚蛋佬

營業中

休息中

一講起西灣河太安樓，報紙雜誌blogger總係會介紹海南雞飯/雞蛋腸粉/手抓餅，但其實我一路認為太安樓最地道最令人難忘嘅一定係魚蛋佬。魚蛋佬屹立太安樓好多年，由以前嘅推車檔變到今日嘅街角小鋪，無論咩時間去，都總會見到長長人龍。不過唔駛因爲人龍就怕要排隊，因為老闆手腳好快，唔駛一陣間就巳經排到。魚蛋佬最出名嘅未必係佢嘅魚蛋，而係佢秘製嘅沙嗲醬汁。少少辣，鹹度適中，沙嗲味十分香濃，無論配咩食物都好，都十分入味。講真，佢嘅食材未必係最好，但醬汁絕對係我食過街邊魚蛋入面最好食一間。每次黎到西灣河，總係會好懷念佢個醬汁要食返串。另一樣吸引之處係價錢，每樣野都只係幾蚊，好抵食!

看youtube影片推介西灣河必食美食之一，魚蛋佬。晚上７點多時間，開始出現人潮，等了十多分鐘，終於到我們點單。以前已經試過魚蛋＄６、牛丸＄８、腸仔＄３各一串，味道不錯，今次聽了影片推薦加了齋＄６。阿姐先會將串串放在醬汁煮返熱，等串串食物可以吸收醬汁精華。不知是不是由於我們行了十多分鐘去到公園才享用的關係，串串魚蛋佬都已經放涼了，唔太吸收到醬汁精華，而且新嘗試的齋亦不是想像中那麼好食。果然美食都係熱食先會好食﹗

有位女士態度非常之差 上次幫襯完實在不愉快！其實我由細細個就食 係忠實客人 由於經常幫襯一食已經知d汁好似比平時少d 咁我就禮貎地笑住説「咦 d汁好似比平時少既？」個女人立即不停訓話我差不多幾分鐘 我也一路吃唔出聲由佢講 最後還說「收你幾蚊姐 洗唔洗比哂成兜汁你阿 🤬我地成支放入去唔係佢地店咁係咁二掃上去！」😅 係阿⋯我比8蚊 又洗唔洗貼錢受你氣？不如你比返8蚊我算啦 如果咁唔在乎你既客人～～所以以後都不會幫襯！！！

魚蛋佬~屹立咗太安樓已經好多年，佢哋嘅秘製沙嗲汁好味到街知巷聞，每次嚟到太安樓，都一定會幫襯魚蛋佬，因為好味得嚟價錢又唔貴，小食種類得6款：魷魚$9元、牛栢葉$9元、牛丸$8元、魚蛋$6元、腸仔$3元、齋$6元，只要每一款小食，當點上呢個沙嗲汁之後，真係好食好多！

呢間魚蛋永遠都係會有人排隊，而且佢多人排隊真係有佢個原因。佢呢間啲汁好特別，食一啖包你一試難忘，而且越食越會上癮 ，因為喺第二度搵返呢個味道。同埋好得意嘅係，佢篤魚蛋果支籤係掉轉㗎！

第一次去太安樓掃街 唔想錯過任何一間美食 所以就上網搵下大家嘅推介 睇下自己有無遺漏之後就俾我search 到呢間魚蛋佬鍾意食魚蛋嘅我 緊係唔會錯過啦但魚蛋佬嘅鋪位有啲格涉 原本行過果條巷都唔多覺 真係跟住個地址再行多次先搵到一去到就已經有唔少人係到食緊啦 我都唔執輸 試左魚蛋 腸仔 同齋 個醬汁真係全部小食嘅精華 甜甜辣辣 好惹味 搞到我食到停唔到 魚蛋好彈牙 腸仔無咩特別 但個齋吸哂啲醬汁 食落去 啖啖惹味 真係好值得試 而且所有小食嘅價錢都好相宜 真係平靚正

魚蛋佬這麼多年來在太安樓都係堅好味的平民小食! 魚蛋佬未入鋪之前是由一位道友開的小販魚蛋車仔檔, 不過由於佢的食物煮得好好食, 很多人光顧, 賺到錢後便入鋪! 小弟很喜歡食佢的魚蛋和牛丸！除了醬汁好味外, 佢的魚蛋亦夠彈牙, 牛丸亦不會死死實實!所以佢由廿世紀走到廿一世紀仍然屹立於太安樓, 沒有被時代淘汰!不過, 食依D平民小食, 千萬不要問環境和講衛生!太安樓是什麼地方我估許多人都知! 平民地帶, 收6元一串魚蛋! 要衛生和舒適, 這裡就一定無!

係西灣河返工返左幾年 見證住太泰樓既食店又執粒又轉營咁 唯有魚蛋佬做左咁耐都仲有咁多人食!!! 本人放工有肚餓感覺都會黎食返串魚蛋佬🍡魚蛋佬只賣幾樣產品 食過魚蛋 腸仔同齋最後都係魚蛋最好味好重點都係佢既汁好好味呀我譚仔只可以食5小麻辣 都可以接受到6蚊串好抵食 好味過旺角任何一間食店😂同埋依間店舖衛生情況算唔錯 都叫係企理暫時食過左咁多次都冇肚痛溫馨提示 最好即場食最好味 唔知點解外賣冇咁好味 我諗係d汁係晒個袋度仲有佢起碼成4點先開門架 唔好摸門釘嘞

依檔魚蛋，由細食到大，由魚蛋佬做到交比魚蛋仔，係出色既...而且主要食佢個汁魚蛋用中小型魚蛋，唔係細細粒實啲果隻...唔洗諗有無魚味，都話咗，食個汁嘅！其他野都係平時街市買到既貨，而好味小小嘅我諗就係牛丸囉個汁係唔係咖哩...係沙嗲汁，以前魚蛋佬時代個汁係濃味小小，無咁辣，依家魚蛋仔時代就輕微地辣多咗，個味就無以前咗香濃以前依檔野係車仔檔，無定向開檔架，一賣晒就收檔，通常七點左右就收檔，依家入咗鋪，位置不變，但係就開長左時間佢好算多喺雜誌介紹架，但係有機會嚟太安樓，記得要試下，真係好正，想試多啲個汁，可以食齋但係最緊要一樣野，千萬唔好take away ！！要即食，因為入咗膠袋之後果d丸/腸/齋會出返水，會溝淡左個汁，個味差好遠架，而且係唔會額外比汁你

太安樓入面好多好正既美食￣﹃￣，魚蛋ed小食雖然簡單製作，但個沙嗲汁絕對係精髓，一串魚蛋好唔好食，絕對係靠個汁泥昇華(σ°∀°)σ..:*☆，$6 5粒魚蛋雖然唔算平，但如果你有試過，真係會覺得值，而且一試難忘，魚蛋如果淨食會好普通，自己屋企都整到，但個汁(*๓´╰╯`๓)♡，如果你食埋齋，幾舊齋吸曬d汁要埋魚蛋魷魚拎走，個膠袋入面全部都係沙嗲汁，如果冇食過，就要去試下la。每次經過都係好多人排緊隊，但因為員工手腳快，我最耐都只係排5分鐘咋(*˘︶˘*).。.:*♡

是日路過西灣河太安樓，之前早已聽講呢度有間叫魚蛋佬嘅食店，賣啲魚蛋又好食又平，於是趁今日幫襯左鋪頭嘅裝修極之簡陋，我晏晝三點幾埋去嘅時候，已經有人喺度排隊等緊買魚蛋，我前面仲有兩三個人，不過個哥哥仔好快手，唔駛1分鐘就輪到我我買咗兩串魚蛋,同埋一串據聞係必食嘅齋，同我朋友share。魚蛋一串＄6，齋就一串＄5加埋都只係＄17姐。魚蛋同齋沾嗰個咖喱汁係一樣嘅，有少少甜甜地，但唔係太辣。都幾好味，不過可能係希望太大，失望太大，冇我想像中咁好味，但都值得一試。

太安樓呢間魚蛋，由細食到大，超好味! 10多年嚟加過價嘅...$5 加到 ..... $6 xD $6 有5粒，ok 啦! 開響一個唔起眼嘅角落，舖位有啲細，所以未去過嘅可能要揾一搵，同埋晏晝3：00後先開檔，所以唔好咁早去到! 魚蛋汁超多，一定會滴，係一。定。會。所以真係要小心! 我試過兩次滴咗咖喱汁落對新鞋到 ... 勁低能 =_= 其他嘢我都少食，不過全部$10樓下 : ) 地下會貼心地有個箱俾你擺食完嘅竹籤，唔好隨地拋垃圾喇!

太安樓嘅野食，出名平靚正，一場嚟到又點可以唔食埋呢間出名抵食嘅魚蛋佬呢，雖然佢細細間，唔多顯眼，不過都幾多人排隊架。我地就揀咗魚蛋同埋魷魚。一串五粒魚蛋賣6蚊，而魷魚就賣8蚊，市區嚟講，呢個價錢都算唔錯架喇。佢嘅醬汁都幾多，一層厚厚咁包住粒魚蛋，一拎上手就係咁滴。唔食得辣嘅我表示，好蠢咁樣一大啖咬咗落粒魚蛋到，點知辣到hihi⋯⋯ 魚蛋唔算彈牙，但醬汁好惹味、甜中帶辣，最正一定係魷魚，口感爽滑，幾蚊就有一串，抵食！

魚蛋哥🗣你真係好難搵呀！行左三個圈終於搵到啦！位於西灣河太安樓一角不起眼嘅小店，好多人推介話必食去到唔洗排隊，可以即買即食！買左4串魚蛋同3串齋。雖然只得一個醬汁選擇，但個醬汁超好味，係老闆秘製嘅咖喱汁，味香帶少少辣，質地濃厚，怪不得可以一汁走天下。魚蛋爽身彈牙，好有口感。齋老味吸哂醬汁嘅味道，食果時入口充滿香濃咖喱汁，真係令人齒頰留香，回味無窮。街頭小吃都咁有水準睇黎香港人對食物嘅要求越來越高啦！

I always feel hungry after work. Therefore, I went to 魚蛋佬 to taste their m fish balls. I made an order and paid while I was taking on phone. I put one dollar coin and five dollar coin on the plastic table or shell. The male staff accidentally pushed the one dollar coin into the rubbish bin. I picked up the coin from the rubbish bin immediately. However, the staff condemned me and said rudely "you treat me like a beggar." It was because I put the money on the table instead of his hand. I could no