魚眾不同酸菜魚 (馬鞍山中心)

營業中

休息中

呢幾日食都有啲飽，想食啲酸野開下胃，經過見到呢間酸菜魚見入面都好多人就同男朋友入左去試。我地叫左個酸菜金湯爐魚片同老壇酸菜湯鯛魚片另外仲送兩個配料同米線/假/薯粉，識食一定叫蒿荀，一碗真係超飽，下次都係唔要米線轉要配料，同男朋友都覺得爐魚襯酸菜魚多啲。鍾意食酸啲可以叫金湯，鍾意辣可以叫老壇酸菜魚湯

性價比高嘅酸菜魚，合理嘅價錢都好合理嘅質素， 不過佢嘅舖仔都幾細所以坐位算係好逼唔係坐得太舒服， 但係要食個快飯嚟講都ok。 佢嘅鱸魚都幾滑同鮮甜，所以會比較推薦呢款。

假如你平時唔介意食大陸野，以往曾經專登北上食探魚，咁呢一間餐廳好適合成為你既日常LIST。$78青花椒酸菜魚（鱸魚）（豆腐皮+大豆芽）（+$10豆卜）配 絲苗白飯（多飯）一上菜，你會好驚訝佢份量之大。以我壯年男人都飽到上心口食唔哂，建議千其唔好多飯，女仔要搵人share食。魚方面可以選擇鱸魚、生魚片、鯛魚片，但只有前者無骨。入口軟滑有甜味，係幾好食，不過份量比想像中少。配菜免費揀2種，大豆芽呢種例牌菜都要自選，略嫌姑寒。佢有可能好似譚仔咁，愈多配菜份量反而愈少，所以唔洗揀太多。主食可以揀飯、薯粉、米線。真係唔需要加大，成份酸菜魚好大好飽！整體味道，微辣大陸味，你會一路食一路諗究竟碗野用左幾多黑魔法，但你又會情不自禁繼續食哂佢。同一碗野係旺角起碼賣$150，所以如果冬天覺凍/冇胃口唔知食咩好，而你又鐘意重口味野，呢間係一個唔錯選擇！

二人行，點了大份招牌酸菜魚有鱸魚，鯛魚，生魚選擇我們點了鯛魚，魚非常彈口，很好食！喜歡吃辣的，建議加辣！二人黎講，連二碗主食加上有很多配料。份量真的有點太多，食唔曬如果下次再食。應該會點一人份

今日去西貢麥理浩徑四段行山，行經彎曲山，全程上落共4小時，體力己透支哂同雙腳變軟，落到去馬鞍山差唔多下午4點，加上天氣漸冷，想食酸菜魚，加上呢段時間有乜客人，於是入去呢度食，今次揀左老壇酸菜湯鯛魚片$78呢度係手機自助落單，除左揀左酸菜魚外，仲可以配兩款素菜，要左生菜同豆腐，同埋主食要左手打薯粉，鯛魚片數量唔少，但有少少碎骨且唔算太滑，仍有魚味同埋爽口，薯粉軟硬適中，放落酸菜湯幾索味，加上有生菜，酸菜，指天椒等配料，辣度都算可以個酸菜湯魚片$78,加埋杯凍檸茶$7,唔算貴又飽肚，食材唔算高質，但食完酸菜湯魚片可以暖胃

最凍個幾日入左馬鞍山，一心諗住食熱辣辣既湯麵暖身，知道有酸菜魚喺附近，一諗到就口水四流🤤，即使吹到頭髮又亂，臉又凍，都二話不說衝去食了。豆腐皮、海帶、娃娃菜、酸菜金湯鯛魚片 4/5小編就叫左一人份系列慢慢嘆，包2樣餸再㗎另加一樣，2條辣椒中級辣度既金湯🌶️，比起老壇酸菜湯無咁酸，主要辣啲，但就飲起上黎又過癮又暖胃，湯底唔油，唔會飲到一嘴油，湯底都金黃色足料。鯛魚片係爽脆口感🐟，比鱸魚硬身，所以咬起上嚟有咬口又實在。小編以為海帶係粗身一塊，點知黎到係見到一條條粗海帶絲，比較硬身。另外跟既薯粉好淋身，肯定係預先煮好，太淋既薯粉其實扣曬分😓，不過佢勝在個湯底夠好味。地點:餐廳位於馬鞍山中心近西沙路既地舖，附近都多餐廳選擇，但小編行錯路行左去鞍駿街，兜大圈先搵到🫣🫣。環境:座位闊落，唔會坐得太近隔離枱，有私隱度，裝修以鮮明顏色為主，舒適自在。😎價錢:80蚊一碗酸菜魚麵，同出面食差不多價錢，份量唔差，小編大食都覺得啱啱好。服務:提供自助手機落單，一目了然，員工會同客人溝通解釋食材選擇👍🏻。

🌶🐟【 魚眾不同 】🐟🌶⋄ —————⧫♟⧫————— ⋄馬鞍山區內嘅川味小店不多，首選一定係呢間位於馬鞍山中心地下嘅「魚眾不同」👅由於我來食early dinner，所以餐廳內食客唔多，但keep住有客人來外賣自取🥡除咗招牌酸菜魚之外，餐廳仲供應水煮系列、毛血旺、煲仔飯、經典炒飯、口水雞、花膠濃湯雞煲等等，選擇應有盡有🤩最開心係佢有「一人份系列」，適合我呢啲「小毒女」，而且份量都唔細，好抵食😙❤️⋄ ┄ ┄ ┄ ┄ ❖ ┄ ┄ ┄ ┄ ⋄▪️◾️一人份系列◾️▪️🐟主題配搭：鱸魚片（$78）🍲風味湯底：老壇酸菜湯🌊贈送美食2款：豆腐、海帶🥢贈送主食1款：軟滑米線🫘凍飲：紅豆冰（跟餐+$12)每次嚟都想試吓其他款式，但成日比招牌「老壇酸菜魚湯」吸引住😂因為真係好好味🤭酸菜配鮮甜切片鱸魚，再加花椒、辣椒乾、泡椒🌶味道又酸又辣，勁惹味開胃👍🏻份量好充足，魚片極多🐟😍 另外有我自選的配料：兩大舊豆腐加巨量海帶，好味又有營養🤍💚主食可以揀嫩滑米線、手打薯粉或絲苗白飯，佢會另上，好大一碗，自己加入湯中。最後飲晒成杯紅豆冰，我已經飽到唔識郁🤰🏻埋單才$90，非常抵❣️⋄ ┄ ┄ ┄ ┄ ❖ ┄ ┄ ┄ ┄ ⋄

剛開舖店內只有兩枱客，但都安排我地坐在店舖中央二人座位，不但枱面細，且員工在旁邊不斷穿梭20次以上，造成騷擾。想打包拎走買左外賣盒，員工唔知點解要企到勁近，而且自行打包完欲離開時，員工又即時執枱，想趕走我地。此時全店只有一半枱有客人，而且外面無人等位，已告知我地準備結帳，可以稍候1-2分鐘再執枱（因座位實在太逼，而且員工令人感覺想趕客）佢都唔願停止，仲轉而搞啲外賣話只想同我地綁埋個袋。之後又阻住我起身地收拾枱面，場面一片混亂。結帳前已告知我地準備結帳，但行至櫃檯後無人收錢，方發現三位員工皆在一邊傾計，剛好有客人入內先行過來招呼，順便幫我地結帳。食物方面沒有出彩之處，但待客之道極差，完全不尊重客人且態度惡劣。

某日朋友帶我黎到呢個位於馬鞍山中心附近既酸菜魚餐廳,入面間隔闊落,好多位置有卡位同以木質為主既環境,感覺好舒適,傾計食飯唔錯既地方,我地坐低叫左一個花膠雞煲配薯粉,薯粉會分開上唔驚浸淋晒,薯粉透明彈牙,另外仲叫左一碗可以自由配搭選擇既酸菜魚湯麵有辣有唔辣,湯底選擇都多,可以自己選埋要咩配料加落麵度,我地選左鱸魚比較軟滑易咬,薯仔蘿蔔等配料,湯底都幾濃味,飲品叫左柑桔蜜同西洋菜蜜呢D天氣飲好岩好滋潤。

魚眾不同酸菜魚都有幾多分店，沙田區分店位處於馬鞍山中心地下街鋪地理位置都叫做幾方便，位置闊落，光猛明亮而且價錢親民，分量又足，岩哂平時無煮飯既我得閒過去2 人撐檯腳☺️檸檬酸菜湯（鱸魚）薯粉：湯底自選辣／唔辣，配料都可以自由配搭，十足十車仔麵咁魚肉方面揀左口感較為爽滑彈牙既鱸魚，薯粉吸哂湯底，好惹味呀！臘味臘腸煲仔飯：天氣開始凍，叫番個臘味煲仔飯就岩哂～香港地道菜式，味道唔差得去邊，如果有多啲配料就更perfect 啦!📍馬鞍山鞍駿街1號馬鞍山中心地下A03號舖

酸菜魚片沒有鮮味, 而且煮得太淋。我們叫走辣及小辣, 味道比外面的酸菜魚更辣。餐廳很細, 座位十分窄! 台上紙盒卻很大, 而且台中的餐具櫃沒有任何餐具。(要問員工拿筷子)餐廳員工及經理(收銀員)不專業, 服務態度十分差, 會胡亂要求及強迫食客更換座位。(我們旁邊的2位食客但座位問題放棄進食離開餐廳)

夜晚一個人口痕痕又唔想出街就叫左外賣一人酸菜魚少辣，湯底金湯酸菜，鱸魚，加左腐皮、萵筍、肥牛。都成百幾蚊，真係唔平。點知來到極之失望，有一碗白飯+一大兜酸菜魚。試下個湯底先，鹹味重過酸味，叫左小辣又一d辣味都冇，香料味都完全冇。酸菜唔多，而且淋曬，冇爽脆既口感。而d鱸魚基本上係碎曬，根本冇幾件係完整既，而且份量少得可憐！根本唔係主角。萵筍都得幾片，反而腐皮超多，好似一碗麵咁。肥牛份量還可以但咁薄都咁韌，真係難得。呢件真係冇下次。

在馬鞍山沙漠中，與眾不同酸菜魚與眾不同酸菜魚都是不錯的選擇🤤🤤🤤🤤🤤🤤Lunch 黎講有少少貴，一個酸菜魚米線加個肥腸要加$20，連埋杯凍奶茶要$105💰💰💰💰💰💰💰💰💰💰

放左工唸著試試呢間係灣仔新開嘅餐廳，見裝修門面同食品相片吸引就搵個機會試試。點左個menu相片顏值高嘅花膠濃湯雞煲，點知上左菜之後就知道完全中伏。。。我都問侍應確認有無上錯菜。。。侍應當然話無啦，我問個樣點解差咁遠（雞又少花膠又少，價錢合唔合理都唔提了），佢話“圖片僅供應參考”。。。個樣差咁遠我都完全無語（大家睇圖自作判斷吧）。我都只能說呢間嘢真係“與眾不同”。。。至於我會唔會再食，大家都可以估吓。。。

咁多年食晚飯時間都見到好多人係門口等位，已經想食好耐。今次同老公早少少6點半去，一陣已經入到。一睇到menu，已經俾佢個大盤酸菜魚吸引。雖然佢寫3-4人份量，但係都照叫一份招牌酸菜魚，再叫多個小食。一上到枱，嘩咗一聲，咁大盤既。成張枱都差唔多擺滿曬。我地試呢盤招牌酸菜魚是用鱸魚片整既，魚肉好滑大大片，味道一流仲有好多配料薯仔萵筍大豆芽豆腐皮海帶闊薯粉，分量好多呀 加埋食少少米線都好飽老公都係食左2啖飯就夠啦。小食青椒皮蛋好惹味😆叫埋2個凍飲我最鍾意食辣要飲個凍咸檸七，老公就要青蘋果梳打。馬鞍山唔再係美食沙漠啦，🐹下次可以試埋水煮魚同其他野食！