魚眾不同酸菜魚 (紫荊樓)

營業中

休息中

系深圳食酸菜魚，始終同港人口味有所出入，而位於元朗嘅#魚眾不同酸菜魚 ，呢間餐廳價格親民，更有推出一人份酸菜魚系列，入座時間尚早仲有位，不過過多陣就差唔多full晒啦🤗透過QR code落單，配菜，辣度等可自由選擇前菜方面就揀左麻辣豬耳。麻辣味道濃郁，使豬耳非常入味，夠曬爽口!!湯底：青花椒酸菜湯(少辣)主菜：鱸魚片配菜：豆卜，生菜麵食：手打薯粉青花椒令湯底有陣麻味，使酸菜湯好入味，鱸魚肉好滑，手打薯粉係另上，豆卜吸晒湯嗰啲精華，一路食到停唔口!!南瓜雞套餐湯頭甜味十足，雞肉都算滑，只須加十二元就跟特飲!!以呢個價錢十分抵食!!整體來講，份量足夠，味道唔錯，元朗嘅朋友仔有多一個選擇!!

對比其他分店，呢間啲魚偏少叫左酸菜魚+薯粉，5分鐘後就上，但阿姐俾漏左碗粉。隔咗5分鐘我同佢講，佢拎左碗放左係盤上一段時間既粉俾我，我話你放咗咁耐…佢話無分別叫我照食。Black list! 原本想下次試其他，不會有下次。$7x蚊出面好多選擇

酸菜魚係現時非常受歡迎既菜式，基本上好多餐廳也做，不過呢間餐廳既酸菜魚味道好岩我，夠酸亦夠辣，份量亦好足夠，CP值非常高。一人餐非常抵食，先選一款主菜、然後再選湯底、再選兩款配菜、最後可選麵或飯，套餐也可以優惠價配飲品。湯底：老壇酸菜湯 (唔辣)；主菜；鱸魚片；配菜：薯仔，生菜；麵食；手打薯粉老壇酸菜湯底帶酸辣濃烈的口味，鱸魚肉質鮮嫩多汁，與酸菜的酸味相互融合，帶來豐富的層次感。湯底：老壇酸菜湯；主菜；鱸魚片；配菜：萵筍，豆卜；麵食；手打薯粉呢款湯底有少量的辣椒，帶來濃郁的風味，而萵筍和豆卜吸滿將湯汁，非常惹味。

出元朗整電話卡，經過這間酸菜魚飯店，見好多外賣單在門口排隊，時間關係決定入去一試。這間餐廳有推出一人份系列，我們倆每人叫了一份一人份，酸菜魚一人份和胡椒豬肚雞煲一人份。小食方面有酸辣萵筍土豆絲和麻辣豬耳。酸辣萵筍土豆絲與坊間有少少分別，他的做法比較淋軟，帶有酸辣口味。如果鍾意爽脆口感，未必啱你口味。麻辣豬耳是另一道餐前小食，豬耳有爽脆口感，微辣帶汁。老壇酸菜湯鱸魚片包括送2道配菜，我們選擇的是萵筍和海帶，若然不選擇配飯或者麵，可以另外再選一道配菜，豆腐是一個好選擇，吸收了酸菜汁味道特別惹味。胡椒豬肚雞煲搭配米線、白飯或者薯粉。分別呈上，米線盛上一碗，可以按照自己嘅喜好口味濃度自行配上湯汁。值得一提的是胡椒豬肚湯的胡椒味辣勁十足，令人極具滿足感。跟餐加$12有利賓納檸檬梳打特飲，感覺非常超值，帶來涼浸浸又甜絲絲嘅感覺，解辣得來又消滯。

嚟到依間主打酸菜魚的舖 當然要食酸菜魚😆🍲老壇酸菜湯鱸魚片（1人份）選了萵筍+海帶+手打薯粉可以選擇少辣椒和少油（少油這點真的很重要呢）一人份來說 真的是好大一碗酸菜魚湯萵筍海帶的份量 一直食一直有 鱸魚很滑嫩湯頭都不錯👍🏻·🍲 胡椒豬肚雞煲（1人份）配白飯這個雞湯偏甜 相反胡椒味道不太濃郁 不會是很辣那種 豬肚和雞件都挺滑嫩好吃😋配上白飯 完全一絕👍🏻·🫑青椒皮蛋這個小食令我知道依間舖嘅辣度 應該真的很辣很辣 皮蛋上的辣醬很辣很麻 是有後勁那種感覺 太勵害了🤭食得辣嘅一定要試試🥰但依個皮蛋很好食 Q彈口感💕·🥔酸辣萵筍士豆絲這個涼拌小食不是太可食到酸的口味 偏辣一點 萵筍和士豆絲口感非常爽脆👍🏻·這家店除了川菜外 還有一人火鍋、煲仔飯、炒飯等等……有很多很多選擇如果這店在公司附近有分店 一定會是我的飯堂 哈哈🤭

出完街俾陽光炒曬，行到元朗都順手撈一碗酸菜魚阻阻餓。店裏面人真係好多，望落好似好hit咁！今次試咗佢哋嘅生魚片同肥牛，啖啖都咁滑，真係正到爆燈。生魚片魚肉彈牙得黎又唔腥，肥牛就肥瘦適中，嘴嘴腩意唔使嚼就化咗。湯底揀咗個青花椒酸菜湯，微辣得嚟酸酸地，超開胃！配菜我揀哋金針菇同豆腐，金菇爽口又吸湯汁，豆腐鮮滑入味，好入心水！食飯當然少唔得嘅主食，個白飯啱晒唔想太餓嘅我，不過我猛d，撈咗碗薯粉過癮啲！吸滿哋湯汁，攪爛晒成碗，正到飛起！特飲我就點咗杯菠蘿梳打，爽口得黎又消暑，完美咁結束咗個食脾旅程🤤。下次有朋友又想撐飽肚，我一定再帶佢哋嚟試，因為我知道好嘢要同人分享㗎嘛！👍🍍

魚眾不同由開舖食到而家份量越嚟越少， 叫咗個青花椒酸菜魚豆皮雲耳薯粉，薯粉得半碗唔值得幫襯，下單買嘢食個二維碼又有缺點蒜蓉想落多啲又要叫侍應落，不如直接叫個侍應下單，多如！ 回內地食好過啦！

今日經過教育路，順便買晚餐返屋企，但估唔到加左價不特止，仲要份量品質都差左咁多😠😠咁我就叫左1.老壇酸菜湯鯛魚片+萵筍+娃娃菜配飯 $75個湯都係正常，但係鯛魚片完全唔爽脆（仲好意思推介），份量都少左好多，娃娃菜都只係比幾塊（唔知以為係貴價餸）萵筍以下會講埋😤😤2.青花椒酸菜湯墨魚片+萵筍+豆卜配飯 $82湯正常，墨魚片真係好韌，好似食緊擦膠咁🙄🙄，豆卜都正常（好難會唔好食）萵筍真係好刀功，薄到風都吹得起，一陣睇下以下既相片就會明白（可以切到透明）3.凍檸茶（正常）$7我都唔知點解佢可以收呢個價錢，俾既品質衰到咁，我明白百物騰貴，但無理由俾透明既萵筍，墨魚擦膠，同埋咁既鯛魚片，真係好意思賣呢個價錢嗎🤬一直都有幫襯開，但真係做到越黎越差，唔怪之得晚飯時間都冇人再等位，等外賣都係得一條友🤭繼續咁既經營方式真係等執笠啦，水魚都係做一次，作為熟客都唔會再推薦人去食👎🏻👎🏻👎🏻👎🏻

✅酸菜魚真係好重口 好惹味✅性價比幾高 唔貴又大碗 幾抵食✴️冇乜辣度揀嘅 ✴️分店食物水平差不多 但裝修可以差好遠😂（我都食過粉嶺店 覺得粉嶺個間靚好多😂）⭕️魚眾不同招牌酸菜魚 ⭐️⭐️⭐️⭐️⭐️（勁大份 係2-4人份 入面好足料 魚片都有唔少 最平嘅生魚片已經好滑好好食）（啲配料都好多 特別要提寬薯粉 軟硬適中 有咬口又唔會太硬）（辣度方面我覺得係大約譚仔嘅五小 麻味都足夠 整體嚟講係好濃味 同好油的 鍾意重口嘅會覺得好正😂）‼️今次冇影收據，但真心100%全自費！非試食非打手！

呢間主打酸菜湯底嘅餐廳選擇好多樣化，除左有幾款魚肉，湯底亦有辣有唔辣🌶️亦可以好似車仔麵咁選擇配菜，手機落單嗰陣仲可以揀辣度配料多少。不過整體都幾濃味，就算唔飲湯，食完都好口乾，唔適合經常食。🐟🍚 (唔辣)老壇酸菜湯鯛魚片 $73湯入面有大量酸菜，帶有少少甜味，唔辣既酸菜湯冇辣椒，都一樣惹味，配埋豆卜呢啲索汁既配料就岩岩好，鯛魚片肉質爽脆有咬口，雖然每塊都唔大舊，但整體份量都幾多。🐟🌶️🍋 檸檬酸菜湯鱸魚片 $73覺得酸菜湯唔夠酸，呢個湯底就啱你啦，有檸檬嘅清香同果酸，食到底仲會幾塊檸檬片浸著。鱸魚片好滑入口即溶，但夾起個陣多數都散曬。薯粉口感煙韌適中，好快就索曬啲湯汁，冇米線咁爽滑，同埋嗌咗小辣一樣滴曬汗，唔食得辣既朋友要諗清楚~

.今次去左元朗呢間魚眾不同酸菜魚食午餐 呢排凍凍地 就想食下暖粒粒既煲仔飯😙估唔到呢度主打酸菜魚 都有得食煲仔飯 就真係要試下啦😜.煲仔飯大概要等30分鐘店員一知道客人叫煲仔飯就會即刻落單叫廚房整 好高效率建議大家想食煲仔飯 可以先打電話去講定 之後再去咁時間就會差唔多啦☺️.今次叫既係臘味煲仔飯 $68 熱奶茶 +$5小編仲叫左個青椒皮蛋做小食 $25食到飽飽的🥰.煲仔飯一定要加啲豉油啦店員好細心 叫小編慢慢落豉油怕小編落得太多會太鹹啊🥰煲仔飯既飯粒 粒粒分明 好有咬口仲有啲飯焦 好香好脆呢😚至於臘腸就有啲鹹啦 咬啖再送啖飯食會中和番啲😊.青椒皮蛋 正常發揮 辣度小編接受到😇食食下等等下煲仔飯就上台啦😜.🥢魚眾不同酸菜魚 (紫荊樓) (元朗)📍元朗教育路61號紫荊樓地下K號舖

酸菜魚是有名的四川菜，酸辣開胃，魚肉嫩滑而少骨或無骨，再配花椒、辣椒乾、泡椒、大豆芽等墊底增加口感。這間餐廳招牌菜必定是酸菜魚，從湯底到魚的種類選擇也很多款式，還可以選擇辣與不辣。5至6片大大塊魚片，厚身滑溜無骨，沒有腥味。湯底的辣味、酸味溫和，入口舒服，沒有油膩感。配料款式選擇多，吸盡湯底的精華。秋冬時節必食炭爐煲出熱騰騰的煲仔飯，款式都是傳統口味，如排骨、滑雞、臘味等，全部即叫即煲。打開煲蓋，飯香湧出，粒粒乾爽甘香，食到金黃飯焦，是暖胃恩物。另有供應多款水煮系列、一人套餐、炒飯及小食。

不嬲都知元朗多嘢食但要講到捐窿捐罅搵好嘢，當然要問下啲地膽近日凍冰冰，梗係要食返啲辣嘢暖粒粒啦朋友選址了依間，除左主打酸菜魚外天氣凍，店員更推介煲仔飯煲仔飯即叫即整，大約要等半個鐘所以我哋嗌咗一個毛血旺套餐配薯粉食住先毛血旺本來就沒有太多固定食材主打通常有毛肚、鴨血、午餐肉、豆芽……另外可以額外選兩個配菜蘸滿紅紅辣辣的湯汁，而且額外加左生蒜，每一口都是麻辣濃香的滋味尖椒皮蛋川菜中必選，確實是百吃不厭，醬汁很是惹味，而且皮蛋更是流心！窩蛋牛肉煲仔飯等咗半個鐘，果然沒有令我失望，熱辣辣最岩我架啦🔥每啖飯都帶有脆卜卜既飯焦，美味無窮，牛肉食落依然濕潤

魚眾不同酸菜魚 (紫荊樓) (元朗)元朗教育路61號紫荊樓地下K號舖本身我是吃辣之人，也十分喜歡川菜，所到之處必定會找附近的川菜店吃，元朗有很多橫街小巷裏面都埋藏了珍饈百味，今次決定找來一間與眾不同的酸菜米線店「魚眾不同」，一嘗他究竟有那些與眾不同的地方。店裏面裝修光猛，座位濶落坐得舒適。未進入店內，已經聞到濃濃的花椒香味。青花椒酸菜湯墨魚片薯粉$79可選兩款小食海帶 豆腐皮 配薯粉餐牌上見到墨魚片，這個真的是挺特別的，在其他米線店內都很少找到墨魚片，所以二話不說就點了這個菜，果然爽脆，然後就是揀湯底，想吃一點辣和麻的湯底，在店員推介下，就點了這個青花椒酸菜湯，果然一試上癮。辣度適中，本身我也是吃得辣之人，所以覺得這個辣度完全可以接受。還有就是他辣得來帶有一點麻香，舌頭上麻痹的刺激感，很是過癮！薯粉爽口彈牙，配酸菜湯，吸收了當中的精華，很是滋味。菠蘿梳打特飲$12菠蘿梳打，非常清新的口味，而且菠蘿味甚濃，吃着時飲一口，清涼解渴。青椒皮蛋$25椒香味十足的皮蛋，皮蛋晶凝通透本身就是很吸引，加上他獨有的辣椒和辣椒油，配合起上來，香而不太辣，皮蛋有咬口， 十分推介。喜歡吃辣的人就知道當試到一

誰說酸菜魚不能一個人吃？有一人份的酸菜魚、麻辣魚任你配！環境橙紅色的招牌很顯眼，在美食街之一的教育路，選址不錯，所以餐廳人流也很旺，到晚飯時間全場爆滿喔！餐牌除了酸菜魚，還有炒飯、煲仔飯。 鯛魚片配青椒酸菜湯 $70每個一人份系列可以選一份主菜、兩款蔬菜、一份主食和自選湯底。店名既然叫酸菜魚，當然嘗一下酸菜湯配鯛魚片，份量不少，湯底濃郁，大量蒜蓉令整個湯底更香，青椒香和酸辣味剛好，魚肉片扎實不硬，也挺嫩的，配上自選的豆腐和金針菇，加吃辣不能少的手打薯粉，一人份很滿足！ 山城毛血旺配麻辣濃湯 $69另外試一下它的麻辣湯，喜歡它可以選少油，顏色不容置疑夠紅，辣度對於能吃辣的人剛好，還可以更辣，毛血旺有毛肚、鴨血、黃喉、午餐肉、萵筍、木耳等，材料豐富，加上可自選2款蔬菜，要了豆卜和海帶，所以整碗超多料( ´ ▽ ` )ﾉ 少油確實沒那麼油膩，但紅油不在加熱的情況下難免會容易稠一些，如果可以加個小蠟燭，上面換成鐵碗持續加熱，會更棒！