魚川居 (金漢工業大廈)

營業中

休息中

聽同事說這家魚川居每逢午市都座無虛席，原來因為份量夠大，味道不俗，而且價格合理看看就知道，午市基本上肯定坐滿，一份午餐$54，點招牌式海南雞飯或者酸菜魚米線也不過是$60服務水平比想像好，問他們今天有什麼好吃也非常熱心推介，完全不似是茶餐廳世一無骨海南雞$60是本店唯二的推介之一看樣子就知道雞皮彈牙爽脆，亦不會太肥，雞胸跟雞腿啖啖肉，雞肉調味不多，味道較天然配上泰式酸辣汁，較像正宗的泰國正宗海南雞飯油飯散發淡淡斑蘭跟香茅的味道，飯粒分明不軟爛，相當不俗

朋友介紹工比我，下晝响九龍灣見工。朋友响九龍灣工廠區果頭番工，知我喺該區見工就約我見工之前喺附近一間叫魚川居嘅餐廳食晏。佢知道我係路痴，驚我蕩失路，於是好詳盡話我知點樣行。我跟足佢嘅指示由九龍灣地鐵站A出口開始行，穿過德福廣場1期，直行到德福戲院，見到Simplylife麵包店落隧道，再經天橋落樓梯見「Eastmark 東科商場」有間「享樂烘焙咖啡店」向前直行，過馬路見到對面「福康工業大廈」「多福找換店」直行，再過馬路，見到對面「瑞興中心」，直行見到K仔，再過馬路，見到對面LEXUS凌志汽車旗艦店，馬路邊有個指示牌，寫住「宏照道12-18」，沿住水牌直行，沿途有好多飯店，經過「鴻力工業中心」，向前繼續行，見到「德福鮮豆漿」店，再直行見到「迷你倉」、「歷山文儀中心」、「歷山迷你倉」水牌，停步留心睇睇就見到「魚川居」㗎啦。有咁清晰嘅指示，唔使10分鐘就搵到，呢個朋友真係唔話得👍🏻！「魚川居」地方好大，座位好多，中午時間多人食飯都唔使等，好快已可以入席。朋友從午餐餐牌揀左「招牌酸菜魚米線」、我就揀左「世一無骨海南雞配油飯」share黎食，每份午餐都有一杯飲品，各嗌左熱奶茶同熱檸水。平時午餐茶

地址：魚川居 (金漢工業大廈) (九龍灣)九龍灣宏冠道8號金漢工業大廈1樓5-6室環境：九龍灣返工嘅人應該唔陌生😆係DNA 餐廳舊址，呢間餐廳要上樓的，所以樓下有大個藍白魚川居招牌，好有識別性特點：出名海南雞飯同酸菜魚。 我今次食嘅酸菜魚米線， 魚片量幾多，爽滑彈牙，湯底酸菜勁多，所以酸味重好開胃野😆而米線唔會太淋，lunch 會再encour熱央：呢杯熱央比例唔錯，飲落滑溜，不過如果可以用瓦杯裝，保溫同味道應該可以保存更佳

最近九龍灣工廠區開左新既川菜餐廳，係附近返工既終於可以lunch食酸菜魚!餐廳係金漢工業大廈1樓，地下有大大個招牌，行上樓梯就到 餐廳都好大，就算食飯時間都唔洗等位，直接入去就可以午餐選擇都幾多，有海南雞、酸菜魚、肉燥飯、撈麵，每次黎到都可以試唔同既野，唔會悶世一無骨海南雞油飯 $60叫得世一，當然要試下！海南雞肉質嫩滑，而且無骨，食落好方便，油飯好香又唔會太膩，平時唔食咁多飯都不經不覺食晒。酸菜魚薯粉 $60平時唔係好食得辣，叫少辣就岩岩好。湯底都有幾多酸菜，飲落酸酸辣辣，好正！魚片份量多，而且無骨，薯粉係粗圓身，煙煙韌韌，而旦吸收晒酸菜湯底味道，好好味！午餐配埋飲品都幾抵食，如果外賣自取仲有85折，所以開左無幾耐就成為左我地既飯堂！

九龍灣工業區茶餐廳眾多，要吸引客人必須款式特別，出奇制勝，吸引客人。這間位於九龍灣工業區的茶餐廳是新試業，午餐菜式十分多，照顧到不同口味的客人，有口水雞、手撕雞、豬軟骨、酸菜魚水煮魚等，實在不是每間茶餐廳都有的特別菜式午餐時份堂食八五折，自取八折，如果有九巴員工證或學生證更有優惠。今天叫了世一無骨海南雞飯，無骨的雞食起來十分方便，而且大大件，頗為吸引。雞的肉質嫩滑，不會太大雪味，朋友叫了招牌手撕雞飯，份量也算大碟，味道普通，不算出色。環境方面，茶餐廳尚算寬敞，座位寬闊，下午茶時分的顧客不算太多。如果在九龍灣上班來來去去都是食慣三文治沙爹牛麵，也不妨試一試這間新開的茶餐廳可能你也會喜歡

九龍灣食午飯, 朋友推介- 魚川居, 餐廳位於金漢工業大廈一樓, 樓下見到餐牌上樓梯就見門囗. 餐牌有熱門酸菜魚, 水煮魚可以跟米線/烏冬/薯粉/淮山麵或者白飯.  仲有海南雞飯, 咖喱飯, 肉燥飯 , 泡飯, 魚湯飯/麵, 口水雞, 手撕雞等等美食, 真系選擇困難症發作, 可以日日黎食唔同野.  呢到地方夠大,  搵位真系相對容易, 唔會人迫迫, 或者想買返公司食外賣仲要有85折, 系85折仲要包咖啡或茶,  真系化算今日見唔少人食海南雞飯  ($60),  所以都叫一份嚟試下, 落單5分鐘左右就到, 海南雞份量唔少,  油飯好香加埋無骨海南雞,  肉質嫩滑入味, 真系要一讚.  朋友食酸菜魚薯粉, 湯底夠味連薯粉都入埋味道.下次可以試下泡飯, 魚湯飯/麵, 口水雞, 手撕雞  

講起酸菜魚既話，魚川居一定榜上有名。最近魚川居係我公司附近開咗新分店。餐廳位於金漢工業大廈一樓，我地由呢個角落位上去。入面環境非常大，我地唔駛等位就可以「長驅直進」。比起觀塘分店，九龍灣分店嘅食物款式更多，例如海南雞飯只係九龍灣分店獨有🤩- 世一無骨海南雞雞件充滿油光，肉質非常嫩滑，而且全部去骨，食落非常方便，蘸一蘸旁邊嘅酸甜醬令人更加開胃。油飯粒粒分明，不過略嫌唔夠香料味。- 酸菜桂花魚米線桂花魚肉質爽口彈牙，而且有至少十幾片魚肉。配菜包括酸菜同芽菜嘅份量幾多。湯頭酸勁十足，辣味溫和，入口幾舒服😚- 檸檬茶味道不過不失，唔會過酸。個人認為無骨海南雞幾抵食，不過桂花魚米線就貴咗少少。餐廳大部份時間唔使排隊，啱晒我呢啲只有一小時食飯時間嘅打工仔🤣

.#哈比四圍食 #九龍灣 #九龍灣美食好耐冇浦頭😆最近返工忙到氣都冇得抖丫🙈不過，美食還需要食的😋呢日趁唔係太忙就行遠少少食個lunch，午飯時間就預咗會比較多人，但呢度勝在地方夠大，佔咗成層，所以都唔需要等好耐都有位了😚🐔 海南雞飯 $60行入餐廳都見好多人叫呢個，好似好正咁😆所以我又叫一份嚟試下，嘩！都好多飯吓，我就食唔哂嘅，個油飯好香面層有啲炸蒜，撈埋一齊食好好味，而主角海南雞份量都好多，而且啖啖肉，最緊要係夠滑又夠入味😋

魚川居開左分店啦😊觀塘果間魚川居好受歡迎，最近係九龍灣金漢工業大廈開左分店，而家仲係試業中😛呢間餐廳係工廈附近，位置有少少隱蔽，不過其實都幾易揾係間文具舖隔離個入口上一層就到，有大大個招牌所以一啲都唔難揾😆🔻中午時間已經見到好多人幫襯，大部分都係果頭番工嘅人，環境都幾寬敞，仲有卡位可以坐😛午餐有好多選擇，價錢一啲都唔貴👍🏼🔻試左佢嘅招牌酸菜魚配薯粉 $60呢個酸菜魚可以飯或者各類粉麵😺辣度可以揀小辣/正常/加辣🌶🌶🌶個餐仲包埋餐飲，所以好抵食😻份量仲要好多，面頭舖滿魚，下面有勁多酸菜/芽菜同薯粉😆味道夠曬麻辣，啲魚好滑好嫩，個湯底夠酸，連啲薯粉都好入味😛味道非常好😊🔻佢仲有另一個招牌菜就係無敵無骨海南雞😋下次有機會一定再試😆

魚川居疫情期間都好少出去，見到開始有少少緩和嘅時候，同老婆鍾意呀都去返食堂食啦，對我來講好似過咗一年咁耐今日行去九龍灣嘅MegaBox，當然都係睇吓工廈有咩特別好食，因為都知道依區嘅工廈都出名多選擇，餐廳位於工廈嘅一樓，有直接嘅出入口，因為鍾意食酸菜魚嘅我哋度見到呢間餐廳做緊午市嘅優惠當然就要去試下啦，原來餐廳仲提供左平安卡學生證優惠酸菜魚米線，呢個當然喺邊點啊，佢哋嘅酸菜魚，湯底10分濃郁，而且雨嘅份量都好多，絕對比出邊嘅多好多，而且佢哋嘅魚肉都非常之嫩滑，依個米線絕對係100分之選海南雞飯，呢個又係一個令我喜出望外嘅選擇到佢哋嘅海南雞十分嫩滑而且脂肪唔算好多，海南雞配油飯係特別好味雖然係一樓嘅餐廳，但係有直接嘅出入口我覺得都幾方便，而且佢哋嘅食物質素絕對係一流，絕對係出邊再搵唔到性價比咁高

服務員態度好好，上菜快又有禮貌酸菜魚平時想食酸菜魚出邊份量都太多，呢度一人份量，份量岩岩好，咁就唔怕食唔哂啦😋愈食愈酸 口愈麻嘅感覺好正，對於食唔到辣嘅我揀少辣岩岩好，魚片份量多，薯粉好有彈口，吸哂啲酸夠入味海南雞飯肉質嫩滑，飯嘅油香味夠，不太油，雞肉同肉嘅比例岩好，食落都唔好好油膩🖖🏻🔹🔹🔹🔹🔹🔹🔹🔹🔹🔹魚川居（九龍灣）九龍灣宏冠道8號金漢工業大廈1樓5-6室🔸🔸🔸🔸🔸🔸🔸🔸🔸🔸#九龍灣美食 #九龍灣食好西

工廠區正中酸菜魚之前試過呢間晚市，覺得味道還不錯，咁啱見到佢新開既餐廳就係公司附近，一於來試下佢午市係點先！其實呢間餐廳都算容易搵，正正係KIC對面，好多OL lunch time都過來食，每日lunch都座無虛席，人山人海，要排隊等位先可以入，齋睇條人龍就知道冇黎錯地方！酸菜魚🐟酸菜好爽脆，好正宗，魚肉好大片，而且好新鮮，一啲腥味都冇！湯底好有鮮味！米線係偏幼身，軟硬適中，果然酸菜魚配米線係絕配！水煮魚🌶️麻辣水煮魚一直都係我至愛，魚肉依然好大片，又好鮮嫩，湯底好多辣椒，食到個嘴超級麻，好過癮！呢個我地就配薯粉，薯粉係粗身既，煙韌有咬口，而且吸收左麻辣湯汁之後好惹味！呢間餐廳係九龍灣工廈區，所以地方好大好闊落，就係kic對面，有一個魚川居既招牌，上去就可以了！係附近返工嘅上班族，一定要去試吓啦！

🌶🌶一人川菜lunch😈最近九龍灣新開左間川菜館，一search之下發現佢有間正店喺觀塘。由於附近從來冇川菜館，佢即刻變左我嘅新寵兒，連續食左兩日🤣👻（Sorry唔計星期六日已經第三日）❣️水煮魚 配薯粉($60)其實酸菜魚同水煮魚我一定係揀酸菜魚🤣但第一日見到水煮魚好似多料啲就叫黎試下🤗水煮魚聞落有好濃好香，仲有好多辣椒乾，正‼️怕愈浸愈辣我已經夾哂出嚟😆但係都係愈食愈支持不住🤣魚片同薯粉份量都好多，仲有萵荀、雲耳、唐芹同芽菜。生魚片冇骨啖啖肉😋萵荀有4大舊好爽口😚湯底濃而帶麻非常惹味，絕對性價比高‼️不過薯粉有啲難咬，同埋愈食愈辣嘅關係食得有啲辛苦🤣美中不足係避免唔到水煮魚必有嘅油，令到好快就會飽但整體都非常唔錯❣️❣️酸菜魚 配淮山麵($60)第二日就食返我嘅最愛，酸菜魚果然冇令我失望❣️魚片一樣都非常多，不過就少左萵荀同雲耳，換嚟大量酸菜🤣不過酸同辣嘅比例啱啱好😋其實比較偏酸多，適合我呢啲唔係好食得辣嘅人😂湯底比水煮更清而不膩，冇過多油份唔會食濟👍🏻最重要係因為湯清左，令魚片味道都更加突出🤗淮山麵滑嘟嘟比薯粉更易咬同掛湯😉我飲左好多湯都冇口渴😂十分推薦❣️❣️❣️今日冇食麵要左白飯，食完唔係好夠

尋晚川菜癮又起🙈 咁岩前排幫公司係九龍灣周圍搵fax電話線嗰陣搵到黎呢棟大廈既文具店，發掘左呢間試業中既川菜，今日就捉咗個同事同我去食😆上到去發覺原來呢度超大超多位！！😯⭐️酸菜魚配淮山麵(小辣)&熱鴛鴦💰6️⃣0️⃣有飯有麵任君選配👍 我揀左養生既淮山麵😌 麵質爽口彈牙湯底酸味突出～魚肉份量超足😯 無骨又滑溜，性價比唔錯👍⭐️水煮肥牛配白飯 (小辣)&凍檸茶 💰6️⃣8️⃣呢個肥牛既牛羶味好突出😱 好少可連肥牛都會食到咁濃郁既牛味！！喜歡食牛既朋友仔一定好中意🙌🏻配料仲好豐富👍 有唐芹，大大塊既木耳同萵筍，夠晒均衡💯同事原本係想食呢度既‘’世一無骨海南雞’‘，可惜我地太晏黎到已經賣晒🙈🙈 下次要早啲過嚟試吓先得！😙

天橋底成日有人派傳單，是日收到係酸菜魚店叫魚川居，都好喎好耐無食，就今日lunch time食佢先。跟住地址搵，原來係之前D&A二樓個舖，幾好呀，呢個舖位好大勁多位，不過lunch time呢啲繁忙時段都係爆場要等位嘅。午餐都幾多選擇，有辣有唔辣，是日同個嚐辣嘅同事黎試，梗係要點個辣餐啦。哈哈，落完單伙計話冰用晒，得返熱飲，自己就轉左要罐忌廉，同事就轉左要茶走，甜甜地正好解辣嘛。先嚟嘅係同事點嘅麻辣水煮肥牛淮山麵，辣度要左正常，賣相唔錯呀，紅紅綠綠咁好吸引。先試下個湯頭，麻香帶辣勁，但唔係死辣，辣得黎入口順喉，食下食下同事飲哂成碗湯咁濟。肥牛係正正常常嘅打邊爐肥牛，份量合理。淮山麵爽口有嚼勁，連湯食好正，整體黎講係一碗高質嘅麻辣湯麵，愛辣之人值得一試。自己就點左酸菜魚紅薯粉，辣度要小辣，賣相好正喎，勁多魚片，芹菜同酸菜，聞下啲酸味都飄埋嚟，流晒口水添。湯底夠酸，但小辣略微辣度不足，下次可以試正常先。雖然唔係點桂花魚，但魚片都超滑，無骨就係正啦。至於紅薯粉，呢度用上粗身薯粉，吸湯一流。酸菜同水煮都好食，唔知其他系列又點呢，下次黎試下先。