魚事者 (希慎廣場)

營業中

休息中

今日去左希慎food court搵野食，見到有間新鋪頭就一試！蝦頭油炸蝦球魚麵撈見啲人食評話係米芝蓮推介，就即刻試一試佢麵身比較彈牙，食落口都有好重嘅蝦油味不過我個人就麻麻哋魚麵（first try）ಥ_ಥ但我諗正常嚟講都係好食的！佢配幾粒炸蝦丸，加沙律醬另外仲配咗個少辣XO醬，可以自己再調味另外再嗌多個小食——炸魚無薯條(●°u°●)​ 」配咗個蟹黃醬，個醬好濃味個炸物本身想做到薯條效果，可惜一咬落去冇薯條咁脆，所以質感有啲奇怪另外仲嗌咗佢個熱既招牌奶茶王，茶味幾香不過杯飲品都幾熱，但係隻杯係冇耳仔(´･Д･)」所以都幾辣手整體嚟講，我覺得味道係好食的，只係個人口味未必好啱

鱼事者在做一种脑洞很大但也很好吃的简餐，疫情期间逆市开张，这两年更是愈战愈勇，成功入选了必比登推荐。·主打以鱼为主角的粉面饭和小吃，在香港还是独一家。招牌鱼面用不同种鱼肉、调味和淀粉新鲜打制，碳水比一般面条更少，算是轻食的好选择。·菜单相当有趣，你能吃到没有马铃薯的“炸鱼薯条”，也有没有米的意大利饭。光是推荐搭配都吃不过来，还能像车仔面那样自由组合汤底、鱼面和配菜，品种太丰富了！·【蝦頭油炸蝦球魚麵撈】鱼面是一种吃鱼不见鱼，但满口都是鱼鲜味的独特体验，虾球虾油樱花虾的虾味三重奏更是将鲜味推向了高潮，弹韧的口感令人一试难忘。·【松露汁Fishotto】Fishotto真的太会了，将鱼肉制成“米粒”，比risotto本尊更多一种爽弹，调味就是creamy的黑松露奶油汁，还好是小小一份，吃多了会有点腻。·【芫荽控之選魚湯魚麵】新鮮芫荽打碎成醬，让滋醇的原味鱼汤有了更独特的清香。不仅表面堆出了一座芫荽山，有两大只芫荽韭菜鱼皮饺，就连鱼面都是芫荽味的，简直是芫荽四连击的完美闭环！·【Fish-chos 扮墨西哥魚皮】【魚湯翡翠苗】【椒鹽花枝丸】·主食份量一般，但本来也想试试小食。Fish-cho

之前已經食過一次，覺得幾好食，今日嚟到銅鑼灣唔知食咩好決定再食多次！今次叫咗炸魚冇薯條$30，似炸魚糕條嘅感覺，淡淡魚香，不是好出味的感覺，但佢可以自己自選一個醬，我今次就揀咗蟹黃醬，蟹黃醬味道好濃烈，好香，加埋炸魚冇薯條，確實係絕配。（個人認為炸魚薯條個靈魂就係個醬入面）另外再揀咗個黑白春卷魚麵$51，黑白春卷係魚肉春卷同埋墨魚春卷，我覺得呢兩個春卷都係好香好好食好推薦，個湯底我就揀咗魚湯，淡淡嘅魚香再加埋魚麵，真係幾好食，值得一提嘅係佢嘅魚麵仲可以簡芫荽魚麵，不過今次我就冇試到，下次有機會再試！

呢間係我食過食物賣相同食物質素最大分別嘅一間餐廳😭😭叫咗個松露汁fishotto同蝦頭油炸蝦球與撈麵，賣相真係幾靚,一開始好期待。食落個risotto好似溝稀咗水咁，完全唔creamy，有啲似食泡飯咁😞大伏個撈麵就本身溝咗好多沙律醬，呢個見仁見智，不過本身唔夠熱，似食隔夜嘅撈麵😞另外亦都叫咗個fishchos, 呢個就ok既，正正常常，雖然啲魚皮好快會淋，但係都夠時間食，牛油果醬同salsa撈埋都幾似食緊真nanchos.

今日去咗希慎廣場food court間🐠魚事者食午餐，見到門面都幾吸引就試吓。呢度啲食物價錢合理，選擇又多，最終我叫咗黑白鴛鴦春卷手打烏冬配白雪雪魚湯🐠（$51）。呢個烏冬湯一上嚟已經令人垂涎欲滴。湯底係白雪雪魚湯，味道非常濃郁，魚香四溢。烏冬麵條彈牙，每一啖都充滿魚湯嘅鮮甜。配埋春卷，脆口又入味，真係一個好完美嘅搭配。😋🍜成個午餐非常滿足，每一啖都充滿驚喜。魚事者嘅食物質素真係好高，價錢合理，下次一定會再嚟！如果你未試過，一定要去試吓，絕對唔會令你失望！

<<魚事者>>佢兩間店都去過，一樣水準，一樣好食🐟🐟🐟我唔好食辣，但佢個魚辣醬係我地永遠嘅最愛❤️為此而每次都額外叫一份燒賣，你可以諗下個醬有幾好食😋<<蝦頭油炸蝦球魚麵撈>> - HKD 72永遠係最愛！熱辣辣、脆卜卜、香噴噴既炸蝦球🦐上面加埋沙律醬再配埋爽滑彈牙既魚撈麵，真係打打下字都忽然肚餓🤤試過加底，大概$1x有1.333333份🤔~<<燒賣加魚辣醬>> - HKD 22魚辣醬係全碟嘅靈魂🍽️重味，咸香力十足，再加輕輕既辣味🌶️燒賣成為左辣醬嘅配角，真係吸引力MAX🔥魚麵都可以拎魚辣醬，但麵本身夠味，再加魚辣醬就over左。‼️魚辣醬都有樽裝出售，加埋炒米粉是一流既配搭。<<夏菊羅漢果茶>> - HKD 14熱氣必備💛羅漢果茶下火唔會太甜，羅漢果味適中，配埋魚辣醬就岩岩好🌼抵你2023拎米芝蓮既！

叫咗蝦球撈麵加洛神花茶，其實成個配搭都好有心思，亦都好好味。食物溫度夠熱，炸物都係新鮮起，醬料調配味道出色，款式配搭有多國成份，好有創意嘅fusion魚製食物。覺得呢個餐廳一直都一樣心做，但奈何員工態度差，我喺側變諗緊食咩已經黑口黑面唔耐煩咁嘅樣，俾錢後同埋拎餐都唔會講多謝，全程唔出聲咁，搞到我好似欠咗佢咁，廣場咁多餐廳咁開揚，一眼就睇到邊間有心服務客人，好好味都唔會再幫襯，咁多選擇我寧願幫襯一間得到基本嘅尊重嘅餐廳。

好多年前, 細個食過一次吱出來嗰啲魚麵打邊爐嘅~唔係我口味。鞋鞋地, 太飽肚搞到冇胃口食其他嘢..所以咁多年都冇再食過類似嘅嘢直至search search 下, 見倒”魚事者”最緊要係有魚湯!臨過來之前已經喺openrice刨左個menu, 知道自己要order咩個白雪雪魚湯真係幾, 不過食完已經有啲飽所以冇飲哂~芫荽韭菜魚皮餃子, 偏扁身嘅..個餡夠多菜魚麵係名符其實嘅”爽彈”口感, 比出面食開嗰啲滑身好多幼過烏冬小小, 原條好似食麵咁樣夾上來係冇難度。唔似出面食嗰啲一夾就散到細細條好似生菜魚肉嗰類最後係杯嘢飲🥤腦細光環之陳皮檸檬🤔個人就覺得麻麻地, 冇咩檸檬味~俾啲陳皮蓋過哂微甜,甘甘, 苦苦咁樣><有啲奇怪不過總結來講都係食物先係重點從此對🐟麵改觀~下次仲要試下其他湯底

😋蝦頭油炸蝦球魚麵撈 （米芝蓮推介） $72魚麵質地軟腍腍得來又帶點彈牙，口感都幾好。味道係淡淡地嘅蝦油味道，味道偏淡。附送一碟BB辣XO醬嘅味道，可以自己溝濃味d。炸蝦球唔係原隻真蝦，係炸蝦丸。皮脆肉都彈牙，稍嫌沙律醬太多。😋Fish-Chos 扮墨西哥魚皮 （米芝蓮推介）$35炸魚皮加上墨西哥style 果種蕃茄同牛油果醬，有新意得來味道都唔錯。魚皮炸得好薄脆，好似薯片咁。味道都幾香。不過食到底d魚皮撈埋d汁就會變腍左。😋柚子汁魚皮餃子 $58韭菜芫荽餡，柚子汁酸酸甜甜，都開胃同有新意。☹️ 魚湯芫荽魚麵 （三餸麵 $53）睇之前d comment，對魚湯好有期待。但係食落，冇想像中濃郁鮮甜嘅魚湯味道，反而係稀稀地帶點味精湯嘅味道。自己唔會再返食呢個魚湯，冇咩特別，唔值得推介。至於芫荽味魚麵都幾彈牙，配料就味道正常。👌🏼老細光環知陳皮檸檬 $28比較甜，食唔到咩陳皮味。味道正常。環境：★☆☆☆☆ 食物： ★★★★☆ 推介度： ★★★★☆

諗唔到食咩嘅時候我就鍾意去food court，貪佢多選擇，點都有一間啱自己心水😎去到Hysan 竟然見到鼎鼎大名嘅「魚事者」，如是者我就去咗買嚟試下😋😋蝦頭油炸蝦球魚麵撈 $72佢每一款食物都好似好吸引，店員見到我咁頭痛，揸唔到主意就推介我試佢地嘅米芝蓮推介蝦頭油炸蝦球魚麵撈🍤😋果然冇介紹錯，首先我會覺得佢個主菜係魚麵唔係蝦球，因為魚麵真係好有驚喜，麵條比較粗，口感十分之彈牙🍝上面有海量嘅蝦乾仔，麵條充滿晒蝦球油嘅香味，每一啖都好滿足，側邊嘅炸蝦球都炸得好脆，配埋沙律醬一齊食，好香口🥰.下次再話食food court 就係頹食嘅你地，記得過嚟試試佢💛💛

魚事者📍香港🇭🇰 銅鑼灣.之前北角食過 最記得系魚扮薯條 好食～食過幾次 今次同朋友臨時約lunch去food court最好不過 快靚正～賣相好靚 亦好吸引有食慾～.✨魚辣醬爆雞配清新柚子魚麵撈 $78 柚子好清新 做撈麵好夾 雞比想像更好食 少少辣 岩我呢種想食辣又吾辣得既人.✨魚湯翡翠苗 $29 魚湯令個菜好清甜 份量都合理.另外朋友叫了 魚扮薯條 仍然好味 有幾款醬 我地都最鐘意黑松露醬～仲有櫻花蝦撈麵 勁多蝦勁香 麵條好有蝦味.共 $107..💫 #魚事者 #銅鑼灣 @fisholichk #希慎廣場 #魚——————————————

🤑價錢約$100 係hysan ge food court 唔收加一 點完餐會俾部機你 ready的話 部機就自動響 唔洗等好耐就已經ready➀ 三餸麵 $53▫️蘿蔔 有3大舊 幾甜幾淋▫️卜卜蜆 幾新鮮 而且都俾左成10隻倒 雖然唔算好大隻 但呢個價錢 有蜆呢個餸揀都算特別同性價比高▫️炸魚片 +$5 呢個另上 幾脆同香口白雪雪魚湯都幾清甜 麵底ge爽彈魚麵麵幾特別 似食緊魚蛋麵條➁ 四餸麵 $60▪️魚肉春卷▪️羅定魚腐▪️墨魚春卷▪️豬頸肉 +$10▪️唔太正宗喇沙湯▪️芫荽魚麵 幾特別 第一次見🤣 幾豐富 全部食材都算幾高質

連續2年獲得米芝蓮必比登推介嘅小店，魚事者以魚作為主題提供各款創意小食：包括其中最特別既炸魚無薯條 🍟表面上係薯條，其實全碟都係炸魚肉條今次咁啱喺 Openrice 嘅外賣平台見到有半價優惠 即刻要落單啦！Order 咗佢哋嘅台式肉燥撈魚麵，望落好似烏冬咁但魚麵唔腥有魚味，口感仲比一般既麵條彈牙。🍜帶皮嘅豬肉切成細條，食落油香四溢，鹹香嘅味道令魚麵嘅口味更豐富。溏心蛋超級流心，加分！最後，記得要加埋佢哋勁香嘅手工魚辣醬！絕對係更昇華到另一層次~食完都係自我感覺良好，唔會覺得有負擔~🤸‍♀️

希慎廣場food court 好多選擇，揀左間其他food court 比較少見既餐廳魚事者，用魚做主題既餐廳，主打魚麵叫左個黑白鴛鴦春卷魚湯魚麵，揀左白雪雪魚湯同埋爽彈魚麵，中意芫荽既可以揀芫荽魚麵仲有芫荽湯底。講番個白雪雪魚湯先，好有魚味，唔似有味精😋個麵好彈牙，果然無改錯名，爽彈魚麵👍🏻叫多個小食，炸魚無薯條🍟，個名好得意，食落名副其實無薯條，佢係薯條形但唔係薯仔🥔黎，入面係魚肉，有啲煙靭，好有𡁻口👍🏻價錢又同其他食麵既舖差唔多但係有魚麵食所以十分不錯👍🏻

係希慎商場嘅其中一個餐廳餐點都幾多種類除咗有魚麵自由配搭 仲有其他意粉同飯今次係食魚麵佢地有自由配搭仲有啲推薦配搭(魚面人推介)幫選擇困難嘅大家😆我叫咗S1 黑白鴛鴦春卷魚湯魚麵 $51芫荽魚麵 + 蕃茄薯仔魚湯底+$3黑白鴛鴦春卷：魚肉春卷加墨魚春卷魚肉春卷無咩特別墨魚春卷比較有味有特色 如果叫餸自由點推薦芫荽魚麵 其實無咩芫荽味魚麵都彈牙 幾好咬口但係份量唔多男仔有機會要加底蕃茄薯仔魚湯 都好濃蕃茄味 但係薯仔好多都溶晒搵唔到 但冇味精感覺所以唔錯行過諗唔到食咩可以試吓