魚がし日本一 (AIRSIDE)

營業中

休息中

一家在香港屹立30多年，結合傳統壽司攤概念的立食餐廳，為東瀛美食愛好者提供正宗江戶前壽司體驗。餐廳主打立食文化，店內亦設高凳，隨顧客選擇用餐形式，氛圍輕鬆。點了三味吞拿魚丼和廚師特選壽司10件配吞拿魚蓉手卷。三味吞拿魚丼包含赤身、中拖羅和大拖羅，魚生新鮮、厚切，油脂分布均勻，每款各三片，份量足。赤身鮮美；中拖羅柔軟；大拖羅入口即化，搭配醋飯。廚師特選壽司10件，新鮮味美，廚師發辦經過精心挑選，由較淡口的貝類，到魚生，再到較濃味的海膽，後上的吞拿魚蓉手卷亦香脆味美。餐後附贈的鯛魚湯溫熱清甜，含一片魚及一口飯，未知概念是否源自日本「結尾茶泡飯」的食法。甜點是雲呢拿雪糕。飲品方面，選擇了靜崗碳酸蜜柑有汽水，清爽解膩。

尋找香港美食 啟德隱世美食是日繼續在九龍城找尋隱世美食，竟然找到這間日本小店，這裏主打魚生丼飯，店面不算大，大概也只有十來個座位，全部都是吧枱高腳椅子座位，面向着廚師們，很有VIP的感覺！三文魚親子丼點了最基本的三文魚親子丼，片片三文魚厚度剛好，味道鮮香，配上大大粒爆汁魚籽，口感層次不錯，絕對是入門級丼飯首選！油甘魚洋蔥焦醬丼煮過的洋蔥帶微焦，醬汁鹹中帶鮮，拌上片片清香的油甘魚，剛好放大魚香鮮味！這裏丼飯每一碗都有紫蘇葉、薑和芥辣醬，還有一定要試那片漬蘿蔔，入口爽甜，咬下去十分多汁，絕對是水準之上；飽滿的飯粒也灑上紫菜飯素，味道更豐富！汽水吃日本菜，小朋友最愛的應該就是點一支波子汽水，拍的一聲把波子推入玻璃樽裏，小朋友覺得很新奇，媽媽又可重溫童年回憶，當然波子汽水的味道也真的很不錯！甜點飯後送來了每人一碗魚湯，熱騰騰十分濃郁，裏面除了有一片魚肉之外，也有少量飯，增加了口感，有驚喜！另外也送上每人一客雪糕，都是雲呢拿味，淡香細緻，也算水口準！後記最貼心的是，甫坐下就送上濕紙巾，可以先抹抹手，感覺很溫馨；這裡唯一缺點應該是魚生和飯的溫度不算溫也不算冷，大概就是室溫的感覺，入口少了一份清新

全部都係吧枱嘅位置，有少少居酒屋嘅feel，收工過嚟食嘢就啱晒❤️，位於港鐵站附近嘅商場夠哂方便三味吞拿魚丼🐟（$248）最鍾意食吞拿魚呢一個丼飯，有齊赤身，中拖羅大拖羅。先吃赤身感受魚肉嚼勁，再讓中拖羅的油香過渡，最後大拖羅入口即溶超罪惡❤️❤️❤️特選壽司10貫🍣（$398）有活北寄貝，油甘魚，甘目鯛，油甘魚， 拖羅，海膽等等，仲有吞拿魚肉手卷全部都好新鮮鯛魚茶漬飯🐟鮮甜☺️雲呢拿雪糕🍨比較重嘅奶香

呢度裝修好特別，座位不多，只有一張吧枱雖然是立食壽司，但仍有提供高身座位廚師能夠專注服務每一位顧客主打做日式丼飯，壽司，仲有廚師發辦我哋點咗🐟 三味吞拿魚丼 $248一款有齊大拖羅、中拖羅同赤身三款吞拿魚，鮮味肥美，尤以大拖羅及中拖羅油香特別重，肉質鮮嫩無筋，壽司飯粒粒分明，醋的比例剛剛好。另外，有醃蘿蔔，甜甜酸酸好開胃。最後，再上一個鯛魚茶漬湯，好特別，入面有一件鯛魚壽司，已經用湯撞熟了魚片，湯有魚嘅鮮甜及麵豉湯嘅味道，喝完很滿足。🍣 廚師特選壽司10貫 + 手卷 $398廚師發辦輕量版，廚師揀選時令食材，包括海膽、吞拿魚、真鯛、池魚、油甘魚等等貴價食材，廚師上菜時說明食壽司嘅次序，感覺很周到，壽司食材新鮮。跟著，再上一個吞拿魚手卷，師傅說手卷已經調好味，不用再蘸豉油味道好好。 同樣地，最後來一客鯛魚茶漬湯。飲品：🍹柚子碳酸有汽水 $38🍹靜岡蜜柑碳酸有汽水 $38奉上冰杯，好有誠意，兩款日本產嘅汽水味道好好🍨 最後再食埋雲呢拿味雪糕作結大滿足

最近行行下AIRSIDE發現咗一間超正嘅壽司丼飯店佢哋嘅三味吞拿魚丼真係一絕🤭三種唔同部位嘅吞拿魚 包括赤身、中拖羅同大拖羅每一片都厚切又新鮮 入口即溶 油脂分布均勻配上醋飯 真係食到停唔到口仲有鯛魚茶漬湯 清新又暖胃成個set $248 真係好抵食👍廚師特選壽司10貫+手卷 $398比起丼飯佢係少貴嘅壽司全部由師傅即場手握 每一件都幾有心思魚生夠新鮮特別係海膽同拖羅 鮮甜到爆ah食完真係超級滿足 食到捧住個肚走😋信州蘋果酸有汽水 $38 - 酸甜清爽 好開胃柚子炭酸有汽水 $38 - 柚子香氣撲鼻 解膩一流🍹雪糕（雲呢拿）$38 雲呢拿籽嘅香氣好濃郁 口感幼滑完美為呢餐畫上句號🍨晚市好full 😭😭 早D黎如果想試多啲款式 可以約多幾個朋友一齊share ga~

朋友話啟德有一間高質日本菜餐廳，主打魚生刺身丼飯，餐廳舖面唔算大，都有十幾個位，全部係吧檯高身凳，會見到廚師工作，都會見到是日嘅食材名稱，感覺好有feel三味吞拿魚丼 $248三味吞拿魚用上中拖羅、大拖羅+赤身，三款吞拿魚肉口感嫩滑，但係按照油脂感排序，就係赤身<中拖羅<大拖羅，魚肉鮮甜，亦都可以加薑片、蘿蔔片或者紫蘇葉食，唔同嘅口感廚師特選壽司10貫+手卷 $39810貫壽司，分別有活北寄貝、沙甸魚、魷魚、鰹魚、靖魚、赤蝦、油甘魚、甘目鯛、拖羅、海膽共十款壽司，最鍾意拖羅&海膽，前者油脂感重，後者香濃鮮甜；吞拿魚蓉手卷，吞拿魚蓉口感綿滑香甜鯛魚茶漬湯食完主食，仲有鯛魚茶漬湯，面頭嘅鯛魚爽口鮮甜，茶泡飯嘅感覺柚子碳酸汽水 $38靜岡蜜柑碳酸汽水 $38叫咗兩支碳酸汽水，味道清爽精選雪糕 $38雲呢拿雪糕，見到有一點點雲呢拿籽，texture細滑

逛完Airside有點餓，見《寿司鱼がし日本一》裝修新簇，價錢合理。我們點左廚師特選壽司10貫+手卷 $398:海膽：勁鮮甜香滑美味拖羅：肥美油脂足好好食甘目鯛：幼滑柔軟油甘魚：味清甜靖魚：昆布帶出魚鮮味夠特別鰹魚：清甜味道魷魚：口感軟滑赤蝦：鮮甜沙甸魚：肥美可口活北寄貝：爽口彈牙鮮甜吞拿魚蓉手卷：魚蓉綿軟很滑。火炙漁夫丼$208:有白子、甘目鯛、三文魚、帶子，火炙帶出魚鮮甜味，保留魚肉嫩滑，日本米飯香糯軟滑可口美味。配鯛魚茶漬湯：小碗內有一件鯛魚壽司，很特格味道不錯。甜品：雲呢拿雪糕，有雲呢拿籽香濃軟滑美味。飲品：晴王葡萄汽水、桃子汽水，香香甜甜地好好飲。

最近啓德新開了保齡球場，打完波決定去Airside 覓食，介紹去一間不錯日本過江龍壽司店，在地下當眼處，食材由日本空運抵港入到店內有壽司bar 枱，可以立食及有坐位，位置都舒適，空間感足夠, 我們點了兩款魚生丼飯，有湯、甜品雪糕及無酒精飲品三味吞拿魚丼有赤身、中拖羅及大拖羅，－次過滿足三種願望，食齊拖羅不同部位，拖羅脂肪分布平均，油脂甘香，入口即溶化，魚身厚實，好滿足油甘魚洋葱焦醬丼油甘魚味道甘香鮮味，幾有油香，面頭鋪上焦香梅子醬，味道好夾食落有層次感另外有湯附送及自家製雲呢拿雪糕飲品分別是靜岡柑橘炭酸有汽水及完熟桃子炭酸有汽水，配搭魚生丼飯味道不錯

💖 魚がし日本一 (AIRSIDE) (九龍城)✨九龍城啟德協調道2號AIRSIDE G樓G001號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️行過幾次呢間舖頭架啦，今日又黎行街，所以就提早book定位同老公預早慶祝情人節😳-三味吞拿魚丼🍱 $248配埋鯛魚茶漬湯，好鬼飽肚🥰。大拖、中拖+赤身，賣相好吸引🤤。大拖油香滿滿亦冇筯，超加分🥰，中拖都比想像中油勁多🤭！赤身都比一般嘅重魚香，好唔錯😬。旁邊仲有醃製過嘅蘿白，食得到蘿白香。鯛魚茶漬湯又係有驚喜✨，好濃魚香，想添多碗添🤭-廚師特選壽司10貫+手卷🍣 $398平民版Omakase❣️10 貫有海膽+大拖已經值回票價🤩，仲要有個拖羅蓉手卷😝。食材新鮮，即時製作，每款都有師傅介紹🥳。壽司冇加太多其他類型嘅醬汁，反而更能食到魚嘅鮮美飲品方面叫左晴王麝香葡萄酸有汽水同信州蘋果炭酸有汽水🥤另外仲叫左雲呢拿雪糕作結！想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

🌸海鰻魚丼份量好多，好甜美又新鮮，無咩幼骨，啖啖肉好好味，而且丼入面嘅酸蘿蔔都好好味！我都好鍾意飲佢地嘅暖暖茶漬湯，完全係由鯛魚熬製而成，真係好鮮甜味美，真係好好飲🌸香蔥吞拿魚腩丼，吞拿魚腩好新鮮，份量勁豐富，每啖飯都食到滿滿嘅吞拿魚腩，充滿魚油甘甜，真係好滿足！茶碗蒸蛋好嫩滑，入面仲有冬菇同埋雞肉🌸雪糕🌸完熟桃子炭酸有汽水🌸晴王麝香葡萄炭酸有汽水餐廳舒適，設有立食開放式壽司吧枱，上面仲有魚仔豉油樽嘅燈，好可愛！餐廳店員服務態度好友善，抵讚！魚生刺身都好新鮮高質，整體份量都好多呢

服務態度一般叫咗一個鰻魚飯20分鐘未到問佢追一追侍應Hea我哋，話要啲時間整到30分鐘左右，再問一問侍應才認真跟進跟住送碗湯同埋口窒窒咁解釋咗一輪，但係都冇話漏咗單最後40分鐘先到同埋啲位坐得好唔舒服！

一間好嘅料理餐廳，你會見到佢哋製作食品認真，同埋食材嘅處理。會帶俾你感受到食材上嘅新鮮同本身嘅味道。今次揀咗廚師發辦壽司，時令刺身🥰食物嘅質素很高，刺身很新鮮，而且食到魚本身的鮮甜味😋😋牡丹蝦仲爽口彈牙🦐軟殼蟹手卷，很鬆脆不油膩💪🏻魚生嘅厚度帶俾你有口感，不會太厚也不太薄，而且帶有鮮甜嘅味道，真是想吃多幾片。除咗食物高質之外，店員也很貼心服務，依家呢種服務態度真係要好好珍惜🫰🏻🫰🏻一定要encore😉😉

Lunch at @airside Uogashi Nihonichi（AIRSIDE）第一次嚟airside食日本嘢，這間小店都算有驚喜❗️Lunch Time $200左右有lunch set，今日挑選了吞拿魚腩don set🍱一如其他日式小店，份量唔算多，但魚生新鮮，選擇亦多👍🏻座位只有十多個的小店，反而令人覺得溫暖☺️今天都係湊巧Walk in有位，如果人多就要預多啲時間等位了🌟食評指數：8/10💁🏻‍♀️人均消費～HKD280 （lunch)🗺️ 地址：魚がし日本一 (AIRSIDE) (啟德) 啟德協調道2號AIRSIDE G樓G001號舖👀想睇更多餐廳分享，請like & follow @_jolly.foodie_ 🤍#ktfood #ktjollyfoodie #JKHK

刺身 丼飯味道唔錯，丼飯份量ok, 拖羅肉質唔錯；對得住個價錢，但侍應服務減晒分，有位唔知係店長定侍應嘅呀姐，態度比較一般，明明餐廳有好多位，有食客入黎坐個陣就話個位book, 要求個客坐第二邊（跟住轉個頭另一對walk in 客就坐左嗰個位）；食完丼飯壽司都未上已經收左d 碟同紙巾，準備趕客走咁，但明明間鋪好多吉位，呢個價位都仲喺茶記服務水平，唔會再簡呢間餐廳黎食，airside 入邊千両，鮨點食得倨好多😂

日本過江龍壽司店，主打抵食又當造的海產壽司及丼飯，除左定食外仲有平價版"廚師發辦"。提供時令食材，非常有驚喜!! 🍣- 廚師特選壽司 HK$398 🍱- 海膽壽司 ⚫🍣海膽鮮甜又綿密，沒有明礬臭味，非常好食!!- 昆布鯖魚壽司 🐟🍣鯖魚完全唔腥，經爽脆昆布芯醃製過後鮮味更突出!!- 深海池魚壽司 🐟🍣肉質清爽彈牙又超重魚油香氣!!- 赤蝦壽司 🦐🍣肉質超甜又結實充滿彈性，鮮度十足!!- 蜜柑鯛壽司 🐟🍣養殖時以蜜柑皮為飼料，入口淡淡的蜜柑香氣，非常清新美味!!- 活北寄貝壽司 🐚🍣非常新鮮，肉質爽口清甜，充滿貝類香氣!!- 蔥吞拿魚腩蓉手卷 🐟🍣紫菜有鮮味且厚度適中。- 中吞拿魚腩壽司 🍣- 池魚壽司 🍣- 金目鯛壽司 🍣- 伊佐木壽司 🍣\- 鯛魚茶漬湯 🍲