影片
更多
2025-03-30
74 瀏覽
諗住返工前喺YOHO附近搵間平靚正嘅車仔麵食。雖然我知道我13:11左右嗌算喺啲繁忙時間，亦都知道係星期日都預咗要等一段時間，但係冇諗過，等兩碗車仔麵，居然要等超過45分鐘（前面只有五張單）。你唔夠人煮得慢唔緊要我體諒，人手唔夠都相信係每一間食肆都都會有呢一個難題，收錢加埋廚房係2個人，但係煮幾碗車仔麵係咪真係需要個客人喺出面等接近1小時。一定唔會再幫襯，尤其是負責收錢個阿叔，行行企企都唔知喺度做乜嘢。到最後，拎完碗麵都夠鐘返工。放飯嘅時候終於有機會嘗試吓究竟係乜嘢嘅車仔麵需要用接近1小時嘅時間去去煮，填紙仔揀餸嘅時候都發現同平時嘅車仔面檔有啲出入，呢一間舖嘅肉類選擇唔多（而且三個餸裏面只係限揀一種肉），另外兩個餸都係圍繞着蔬菜，最後我決定自己再加錢要多一份雞翼。由於我就唔係即時能夠享用，所以我就叫咗舖頭幫我分湯。加熱嘅時候完全都冇酸辣湯嘅香味，而且薯仔同薯仔之間仲有一堆類似生粉嘅嘢黐住響度，肥牛就正正常常，但係食上嚟完全唔覺得係似車仔麵，俾人感覺係食緊酸辣蔬菜湯。我都覺得冇問題，可能因為真係我放咗太耐，令到呢一碗嘅車仔麵精華流失咗；但係當我夾起隻雞翼嘅時候，我就發現仆你個街隻雞翼竟然
雖然我知道我13:11左右嗌算喺啲繁忙時間，亦都知道係星期日都預咗要等一段時間，但係冇諗過，等兩碗車仔麵，居然要等超過45分鐘（前面只有五張單）。
你唔夠人煮得慢唔緊要我體諒，人手唔夠都相信係每一間食肆都都會有呢一個難題，收錢加埋廚房係2個人，但係煮幾碗車仔麵係咪真係需要個客人喺出面等接近1小時。
一定唔會再幫襯，尤其是負責收錢個阿叔，行行企企都唔知喺度做乜嘢。
到最後，拎完碗麵都夠鐘返工。
放飯嘅時候終於有機會嘗試吓究竟係乜嘢嘅車仔麵需要用接近1小時嘅時間去去煮，填紙仔揀餸嘅時候都發現同平時嘅車仔面檔有啲出入，呢一間舖嘅肉類選擇唔多（而且三個餸裏面只係限揀一種肉），另外兩個餸都係圍繞着蔬菜，最後我決定自己再加錢要多一份雞翼。由於我就唔係即時能夠享用，所以我就叫咗舖頭幫我分湯。
加熱嘅時候完全都冇酸辣湯嘅香味，而且薯仔同薯仔之間仲有一堆類似生粉嘅嘢黐住響度，肥牛就正正常常，但係食上嚟完全唔覺得係似車仔麵，俾人感覺係食緊酸辣蔬菜湯。我都覺得冇問題，可能因為真係我放咗太耐，令到呢一碗嘅車仔麵精華流失咗；
但係當我夾起隻雞翼嘅時候，我就發現仆你個街隻雞翼竟然係白烚俾我，有邊一檔車仔麵檔嘅雞翼竟然會係白烚，而係冇任何嘅調味料，最重要就係，其中一隻雞翼個雞皮，仲要染咗一堆不知名嘅綠色。我同事都話你唔講都唔知你食緊飯，一啲香味都冇。
以上只係個人嘅觀點，我唔係阻止客人去幫襯佢哋，只不過我有一次唔愉快嘅用餐經驗。
張貼
