高高貓農莊

營業中

休息中

錦上路西鐵站A出口出，首先行出少少見到迴旋處，左手邊係西鐵大樓玻璃屋，沿玻璃屋行過馬路再落行人隧道出右邊就到燒烤場門口，沿途有指示牌。限時五小時，免開爐費及任用燒烤炭，包2款飲品，多款醬料提供。

推薦呢間高高貓👍一入到去喺雪糕櫃隔離比錢 人均160 然後去取餐具區攞燒烤叉、蜜糖、叉、碟等 之後就可以去醬料區睇吓有咩限定嘢食 嗰日有虎皮尖椒同香蕉👍 隔離嗰區就可以夾唔同肉類丸類，eg魷魚、雞翼、扒類、腸等等 當中有啲仲有幾款味道👅 裡面錫紙、燒烤架等就要比錢買我哋用燒烤架時因為燒得多肉搞到網上痴咗好多油 所以面頭燒著咗 負責人好好咁問洗唔洗幫我哋洗一洗個網，又會請每枱一碟菠蘿🍍整體服務好滿意，自備酒水、食物、加炭、各樣醫料都係免費，仲有幾隻貓貓添🐈‍⬛！

如果想服務好，食物質數佳，推薦大家去「高高貓燒烤農莊」BBQ，地點方便，坐屯馬線在錦上路站下車步行約10分鐘就到，食物種類豐富，質素佳，價錢不貴，又免開爐費，最重要係服務好，老闆員工又有禮貌，適合一家大小或朋友相聚的好地方！👍🏻💯💪🏻👏🏻

秋天巳到很久没有燒烤，在尋找中發現錦上路有一間燒烤場，叫高高貓農莊，任燒任食5小時，包2支飲料就去試一試，坐西鐵去錦上路A出口，大約行10分鐘左右就到，現在沿途有工程，但有貼圖可跟著行便可，這裡地方很大，有一隻貓咪很乖乖的，員工姐姐有禮貌，老闆也很健談，有空時會去每一枱聊聊天，也不定時拿一些菠蘿，棉花糖給我們吃，和家人邊吃邊聊天，時間很快地過，已經吃飽飽了，愉快地渡過這一天。

之前幫襯過但已經轉咗名❗️好一段時間冇嚟過❗️錦上路發展不少由錦上路站行過去都唔算遠！燒烤當然要燒雞翼！不過只有一款雞中翼，而味道都一般反而雞全翼有多啲選擇，多春魚佢就1 pack pack👍🏻不過就冇咖喱魷魚🦑厚方包，最驚喜竟然有香蕉🍌及茄子🍆不過香蕉唔多❗️記得好耐之前在另一間燒烤埸食過！但唔知是否自己唔識燒香蕉！覺得就咁食好啲❗️燒燒吓突然職員攞咗2塊菠蘿🍍比我哋又突然間有大大粒嘅綿花糖在埸有個靚女就𣎴時問我哋意見總括嚟講佢食物款式唔多！但服務比起其他燒烤場好最少佢會問客人意見而且可能果日唔太多人，我哋燒超過5小時佢都冇趕我哋走👍🏻**冇錫紙提供！我就自己帶去！我估佢可能都有得賣

今年年頭嚟過，以前呢度係《環保農莊》，錦上路站A出口，行過港鐵大樓再行去四排石，不過當時因為牌照問題要自備食物今日再嚟，轉咗手做《高高貓農莊》，$160包嘢食同兩包嘢飲，而且免開爐費，唔會逐包炭計錢，勁抵🤩係額外買錫紙燒烤網先要收費，價錢都頗為合理公道食物方面，款式選擇尚算合理，雞中翼尚未夠入味，但店家聽取意見後都相當有誠意，話會同供應商反映，仲準備咗菠蘿同特大棉花糖，而且燒烤場一堆醬料自取，通常呢啲要額外加錢😳抵食、抵玩、方便、有心做！一定有下次！

同朋友一齊去燒嘢食，$160任食五個鐘+無限炭+可以自攜食物飲品，呢度仲有棉花糖同菠蘿供應，真係好好食！仲有貓貓店長響到巡場⋯又乖又可愛！職員態度都好好，而且地理位置都算方便，之後會再同朋友屋企人再嚟過！👍🏻

地點方便，西鐵站出走幾分鐘就到。地方大，完全唔會有擠迫嘅感覺，舒舒服服。食物種類多，而且味道好好，同埋提供好多調味料任君選擇，未見過一間燒烤場有咁多嘅調味料提供的，我最鍾意嘅燒麵包，呢度竟然係厚切方包，仲有司華力腸香蕉菠蘿茄子，愛了愛了。燒烤場嘅人無論大人或小孩都非常之好，會有活動俾大家玩，一齊玩一齊傾計感覺似一家人，唔會有隔閡嘅感覺。燒烤場也可以讓客人自攜海鮮入去燒，唔會有額外收費。可以燒嘅時間長，收費好平，出乎意料之外。非常值得推薦！同朋友未燒完已經計劃下一次再嚟呢度燒野食，哈哈哈！