高山文化咖啡廳

營業中

休息中

這咖啡店在高山劇場新翼內，有落地大玻璃，採光度高，高山景，裝潢簡約，以木系為主。身處這裡，感覺好近大自然，坐得舒適，適合文青閒來一邊看書，一邊飲食，慢活一番。✨️意式花園包括有沙律、風乾火腿 、湯和酸種麵包。沙律係新鮮嘅雜菜，風乾火腿夠鹹香，湯是紫薯湯(每日不同)，而酸種麵包好香脆。另上一份檸檬蜂蜜醬汁，酸酸甜甜，好醒胃。✨️煙三文魚甜酸種麵包 配希臘式乳酪煙三文魚煙熏味濃郁，香滑嘅乳酪上有藍莓醬，十分可口。✨️荔枝玫瑰芝士蛋糕蛋糕上面有一層薄薄荔枝味喱啫內有玫瑰花瓣碎，令其外觀吸睛又好味。蛋糕內混合了香滑嘅芝士，非常滋味。✨熱情果冰茶茶味比較濃郁，提神醒腦。✨柚子冰茶柚子味香，冰凍解渴。📍土瓜環 高山劇場新翼1樓

餐廳環境開揚明亮，裝修簡撲中不失文藝氣息，仲有落地大玻璃，睇風景一流，感覺夠chill。🍽全日早餐(有肉)$128好豐富又健康嘅all day breakfast😋• 有超爽口滑溜而有雞味嘅慢煮雞胸• 煙燻味超濃嘅三文魚• 炒得滑溜溜嘅炒蛋，並使用日本蛋，所以特別有蛋香• 炒得鹹香嘅鴻喜菇• 鹹鹹地嘅紫菜藜麥• 仲有新鮮車厘茄及沙律• 酸種麵包夠香脆煙靭• 最特別嘅係是日精選 - 人參果，清甜多汁，味道有少少似蜜瓜🍝地中海式脆邊蛋意大利粉$88番茄及香草味濃郁，但醬汁濃而不鹹，食出原味道，青橄欖及黑橄欖無論口感及味道配意粉都好正，再加埋煎得靚靚嘅日本蛋，刺穿蛋黃撈埋意粉一齊食，更加味美。🥣紅菜頭湯$18紅菜頭湯坊間比較少有，甜香濃郁，由於紅菜頭偏涼，店家好有心，加咗少少薑一齊煲，令到個湯無咁涼，啱哂寒底嘅我。半價加配飲品好抵🤑🍹青瓜青檸梳打(半價後$24)清爽青瓜香及青檸嘅酸香，非常消暑。☕️檸搖咖啡(半價後$28)原來檸檬同咖啡係非常之夾，酸爽口感與濃郁啡香柔合成一杯好味又獨特嘅咖啡。

呢間Cafe位置喺高山劇場新翼大樓裏面，雖然唔算就腳，但旺區多人，有時候就係想遠離煩囂一下🌿一進店就已經好鐘意依度個vibe，大量綠色植物盆栽，環境十分chill🌿🌿🌿地方闊落，座位分隔得好開，坐得好舒服淺木色系枱凳，加埋大玻璃山景同射入嚟嘅陽光，清幽寫意🌿🌿平日午後時間去到無咩客可以隨便坐，好適合自己一個人睇吓書或同朋友傾計。食物方面主打輕食叫咗「黑椒芝士意大利粉」，只用芝士同黑椒兩種調味，簡單惹味，意粉入味，乾得嚟唔dry，啖啖都有黑椒嘅香味，現磨黑椒夠香「榛子鮮奶咖啡」OK「焦糖朱古力香蕉窩夫」窩夫4件大大塊，外脆內鬆軟，蛋香十足，再加焦糖香蕉同士多啤梨雪糕，真係fat fat🍦

睇完劇場演出，黎到旁邊嘅建築物睇下門口行入黎以為係書店，整面牆都係書裝修好有文化氣息，感覺好舒服旁邊仲有落地大玻璃見到外面風景，見到大家都拎住本書一邊睇一邊食嘢先發現原來可以叫嘢食因為個陣唔太肚餓同朋友叫咗個all day breakfast黎食，份量都幾好，兩個人share 唔會太飽又唔會太少個酸種面包外脆內軟，雞胸肉唔老，仲有煙三文魚，平時食個啲早餐都係加工腸，茄汁豆，呢個係我食過最健康嘅全日早餐，蛋白質好豐富，杯朱古力好暖胃～味道有驚喜：）唔錯😌

與朋友聚餐，餐廳環境簡寬敞，陽光照入，令人有暖洋洋的感覺，正適合與閨蜜共度周日午後的時光。自己點左一個全日午餐，食品新鮮，調味合宜，不會太濃，亦不會過於清淡，特別喜歡那雞胸肉，軟軟嫩嫩的，酸種面包，外脆內軟。餐後來杯榛子鮮奶咖啡，為這周日午聚劃上完美句號。雖然自助點餐，但職員有禮，服務到位，不會令人有壓迫感。下次會再次光顧。

今日禮拜日，難得有時間搵間Cafe坐低食嘢傾吓偈去咗高山文化咖啡廳目測入邊唔算好多客人但係等嘢食就等咗超耐All day breakfast 嚟咗先食晒等咗好耐先至嚟西班牙芝士三文治坦白講，一啲都唔好食烘底做得唔好，唔夠脆兩杯嘢飲之後又係所有嘢都食晒等咗勁耐同經理表達咗一次，我哋仲未有嘢飲然後再等咗差唔多15分鐘先至嚟最嬲係個杯獨立嗌嘅凍檸茶好淡，冇乜茶味，接近水嘅味道真係唔關有冇糖嘅問題然後呢杯嘢就收我$38環境幾靚都唔會再嚟

之前search下search下，發現高山劇場有一間空間舒適嘅cafe 😌有一晚喺土瓜灣做完嘢幾攰下，唔想返屋企煮，斯斯然行咗去食晚飯～🍝 意式茄香流心蛋牛肉醬意大利粉 😋😋😋😋牛肉醬同番茄🍅同意大利粉勻合得好，運用咗鮮色沙律菜🥗擺盤，流心蛋蛋黃若隱若現 😚 整體調味比想像中自然，唔係行濃味路線，可以清晰品嚐到食材本身嘅味道～🍵️ 抹茶鮮奶 (熱) 😋😋😋😋🦄拉花好靚、好清楚 ，抹茶🍵味淡淡然，鮮奶輕身，少甜 🙂 可能都啱小朋友飲～晚餐 💵💵💵 約港幣$120/人💁🏻‍♀️ 由土瓜灣站行去高山劇場大約要10分鐘，會經過一個公園，亦都讓人開始感覺放鬆落嚟 ☺️ 夜晚7點左右，人流唔多，加上cafe其中一面為落地玻璃，又有人造花草做裝飾，令成個空間更加恬靜 😊🙆🏻‍♀️ 最後，喜歡嘅話，歡迎follow @foodirectory.hk！

今天下午，我同朋友去高山一間叫高山文化咖啡廳嘅餐廳，真係好正！一入去，就覺得環境好舒服，啲裝潢都幾有藝術感，唔錯。我哋點咗幾樣嘢，首先係薑餅人咖啡，味道香濃，配上啲薑味，真係好暖心。然後我哋試咗全日早餐，裡面有雞肉、炒蛋、面包同埋蕃茄，份量足夠，吃得我哋心滿意足。熱朱古力亦都好好飲，甜甜地，啱晒我呢個巧克力控。最後，我哋仲點咗意式茄香流心蛋牛肉醬意大利粉，味道真係無得輸！番茄醬同牛肉醬配搭得好好，流心蛋仲增加咗香滑感，真係好好味。總體而言，今次用餐體驗非常愉快，下次一定會再來。

【素食】全日早餐(無肉)：🌈五顏六色嘅美食，色彩繽紛，超級符合五色營養💪榛子鮮奶咖啡：☕香氣撲鼻，入口濃郁，真係一飲難忘😍意式茄香流心蛋牛肉醬意大利粉：🍝茄香同牛肉醬完美結合，有Leng半流心蛋抹茶鮮奶(熱)：🍵口感醇厚，抹茶香氣撲鼻，令人回味無窮👍荔枝玫瑰芝士蛋糕：🍰荔枝嘅清甜同玫瑰嘅幽香完美融合，真係好味到爆😋，仲有餐廳特別提供生日畫碟，令朋友超級surprise🎂🎉總括嚟講，呢次生日飯真係一場味覺盛宴，同時亦係一種視覺享受✨。呢間樓上咖啡店每道菜品都充滿用心同創意，絕對值得一試！

呢日嚟咗呢間餐廳食咗個簡簡單單嘅午餐🤣是日精選 Today Special $88「黑椒芝士意粉 🍝 Cacio e pepe」：Pasta cacio e pepe 同埋 Spaghetti aglio e olio （中文係蒜頭橄欖油意粉） 都係屬於易學難精嘅 意大利麵 recipe，對煮意大利麵有啲研究嘅就應該會明白🤣，Pasta cacio e pepe 同埋 Spaghetti aglio e olio 材料簡單，喺意大利🇮🇹係 Soul Food，煮得好就要用合適嘅新鮮靚料加技巧🤣；呢日嘅「黑椒芝士意粉」好重黑椒味🤣Gingerbread Latte ：夠熱夠滑🤣

📍紅磡✨高山文化咖啡廳✨環境恬靜怡人，充滿悠閒氛圍💛食物選擇眾多，小店用心出品，值得支持🙌🏻🔹南瓜栗子湯湯色金黃，散發出淡淡南瓜香氣，每一啖都可以感受甜美南瓜同濃郁栗子香，口感滑順香甜。🔹All Day Breakfast有齊多樣食材，超級豐富，帶來視覺同味覺享受！沙律新鮮爽脆；菇菌夠鮮香；炒蛋特別選用日本蛋，蛋味十足；鹹香煙三文魚配慢煮雞胸肉，加上酸甜多汁嘅車厘茄，為整個早餐增添層次感，滿滿幸福感。🔹卡邦尼風乾火腿意大利粉意粉醬汁濃郁，選用希臘式乳酪醬，味道香醇，與鹹香風乾火腿交織於一起～意粉煮得恰到好處，彈牙又掛汁，有驚喜。🔹冷萃咖啡使用雲南豆，咖啡帶有淡淡提子味，醇厚咖啡香伴隨果香，令人感到精神為之一振。🔹抹茶鮮奶使用日本抹茶，濃郁抹茶與香滑鮮奶絕對係完美配搭。高山文化咖啡廳✨📍紅磡高山道77號高山劇場新翼1樓

首次到高山劇場看演出，環境非常優美。聴聞有一間 cafe，專程早少少去，順道午餐。Cafe裝潢簡約，落地玻璃𥦬外有自然綠帶，非常舒適。一邊聽住音樂，一邊享用美食，治愈。地中海窿邊蛋意粉果然煎蛋窿邊效果好好。地中海風醬汁少不了橄欖，配合蕃茄，多了一種層次，酸酸甜甜嘅味道融入了偏意粉，濕潤有口感。Gingerbread latte有時怕香料味會過份多影響口感，這個隱隱約約嘅𦍑味，不錯，又不失咖啡甘香味。

高山劇場呢間西式餐廳，以木系好主調，空間寬敞，裝修簡約而有格調，在這里用餐寫意又舒服。全日早餐，有肉食和素食之分，肉食價格為 $128，Dirty額外加 $23，全日早餐非常豐富。這份全日早餐配多樣的食材：沙律菜、炒蛋、酸種包、藜麥、慢煮雞胸、煙三文魚、車厘茄和車厘子。提供食材豐富，營養均衡的餐食。炒蛋恰到好處，滑溜且不油膩，搭配酸種包形成了完美的平衡。慢煮雞胸份量不少，煙三文魚帶來鹹香味，令整道早餐的風味更加層次分明。藜麥增加健康元素，增添嚼勁。車厘子和車厘茄清甜可口。額外加23元選擇了「Dirty」，一個非常意足的一餐。放假的日子。中午在這看看書，曬曬太陽是一件樂事。

今日陪媽咪睇完粵劇，行過隔離呢間高山文化咖啡廳食嘢，餐廳內處處都佈置得都很有文化氣息，坐在大窗旁，望着戶外公園裏的花花草草，非常休閒舒適。✨大蔥薯仔湯，這是個素湯，湯底冇加肉，口感綿綿的，薯仔味十分濃郁，好味道👍✨黑椒芝士意粉，這道也是一個素食，就連蔥蒜都無加，內有鴻喜菇和蕃茄仔，廚師只用黑椒、芝士和小小檸檬汁，就能帶出全個意粉的味道，真係很美味😋✨日式豚肉生薑燒飯，豚肉肥瘦均勻，有嚼勁但不靭，經炒過的洋蔥有種天然的甜味，加上濃郁日式生薑燒汁配日本珍珠米飯，還有健康的沙律菜拌碟，真是色香味俱全，讓人忍不住一口接一口，超滿足🤤✨朱古力咖啡和薑餅人咖啡，兩杯咖啡拉花都好靚，好精緻，薑餅人咖啡我都係第一次飲，味道很特別，又夠順滑，好飲👍

今日嚟到土瓜灣高山劇場睇表演， 新翼一樓有一間好高質嘅cafe -- 高山文化咖啡廳。 餐廳裝修木系為主，佈置優雅舒適， 擁有恬靜而濃厚的文化氣息， 下午坐喺窗邊感受自然日光品嚐美食， 寫意又舒適。我哋叫咗黑椒芝士意粉， 雞肉藜麥野菜沙律配胡麻汁， 西班牙風味烤三文治， 抹茶鮮奶同薑餅人咖啡。黑椒芝士意粉：意粉軟硬度適中口感彈牙芝士味濃郁，黑椒嘅辛辣與芝士嘅香濃形成完美對比。雞肉藜麥野菜沙律配胡麻汁：雞肉鮮嫩， 經過調味更顯得肉質嘅鮮味， 加入藜麥 不僅增加咀嚼感， 還提供豐富蛋白質及纖維， 沙律菜夠新鮮， 最特別佢哋嘅醬汁係店家自家製， 加入豆腐調味更香濃美味。西班牙風味烤三文治：無花果肉、煙薰芝士醬嘅 配搭好夾， 芝士醇厚感與 無花果的清甜 互相平衡， 令到整體味道唔會過於單一， 第一次食呢款配搭好有新鮮咁。佢哋嘅美食都係以營養健康為主，餐牌裏面有好多款菜式都係素食， 適合素食者。