高妹廚房

營業中

休息中

夜晚收工11:00p.m好多想食既鋪都閂晒門，今日喺地鐵站A2一出，轉左，見到佢重開緊，覺得好神奇，平時朝早係買三文治，晏晝係買三餸飯，估唔到佢咁夜仲有開，一眼俾佢貼住張相既雞雜河粉/薯粉吸引到，決定買碗試食，重麻煩老闆小粉多菜，老闆都好樂意幫忙，返到屋企發覺佢湯同粉會分開放good，用匙羹分開湯嗰層油，飲左一啖湯覺得味道十分唔錯，雞肉味重$38一碗係灣仔已經好抵食。同場見到有類似蔥油燒賣？同埋其他小食，環境乾淨衛生 ，會繼續幫襯嘗試其他野食。

街頭小吃香港周街可見，但要做到好食又有Heard 既真心買少見少。感受到樣樣都係10幾蚊完全無Hea做，真心做出好功夫值得排隊等食的良心小店店鋪竟然糖水/雞粥/糯米飯/雞雜粉/碗仔翅都有真係估佢唔到今日Order左招牌咖喱豬皮蘿蔔+豉油王炒麵蘿蔔豬皮真心好好好食呀配有有少少辣，個汁正到想加碗白飯蘿蔔做到完全冇渣先係最勁，又淋又入味！必吃價錢5貴，細既都係24蚊，已經好大碗可惜返到屋企已太餓掛住食忘記左影相📸️仲有個豉油王炒麵又係好掂👍🏻無諗過街邊小店炒得如此精湛，完全感受到鑊氣充足，火喉又精湛 豉油王炒麵$15碗炸，我今晚既Dinner$40就攪掂啦❤️外賣其間竟然見到户户送都有做呢間小店，真係灣仔打工仔口福深宵食堂必吃之物

灣仔區返工+芫荽控，有多一個早餐選擇喇！平時Lunch time路過，見到餐廳主打兩餸飯外賣，實在冇多加留意😂 點知有日返工經過，竟然見到有芫荽蛋治、仲有芫荽蛋牛治etc…雖然係預先整定放晒出嚟，不過拎上手都仲暖暖地既。因為我鍾意熱辣辣咁食，所以攞咗去焗，焗完包皮脆脆地，雖然隻蛋老咗，但因為芫荽真係好香好好味😂所以整體都唔錯㗎～咖啡就普通茶餐廳style港式咖啡，偏澀。不過短短買嘢俾錢一兩分鐘，我都feel到店員好有heart同好nice，支持一下小店～！