髀加燒

營業中

休息中

今日去到南山邨食白汁冰同雞蛋仔但係條隊太長喇所以去隔離餐廳睇吓有咩食 醫下肚先呢間小店有啲長洲feel有生炸雞髀 又有碗仔翅呢啲又係掃街一流！仲有做下午茶餐 真係超抵！佢哋仲有啲飯餐睇得出真係好有心思一於揀呢間試吓啦店員好好 俾我哋隨便揀位坐而家呢啲天氣坐室外吹下風都唔錯店員好有禮貌 亦都好有耐性 用心推介碗仔翅勁足料啖啖都係料 啖啖都爽口店員推介嘅新出嘅香爆魷魚鬚魷魚鮮味彈牙入味 唔會有雪味處理得好好牛扒沙律又係不得了！牛扒好大塊！亦算厚！油香味十足！沙律捨得用料，有我鍾意嘅椰果仲有新鮮蘋果真係要俾個讚！好用心做！太有驚喜！生炸雞髀又係有花心思用錫紙包住，方便我哋拎起食雞髀又係啖啖肉外皮又薄又酥脆 肉嫩多汁完全冇油益味螢光汁都係童年嘅味道優秀小店！Highly recommend！真係要encore！去南山邨掃街嘅朋友，一定要試埋呢間小店！

Fafafoodblog為食花太郎 髀加燒港式炸髀專門店 🍴髀加燒巨人豬扒意粉 65 蚊🐖有兩件大豬扒 近骨位彈牙爽口 其它位唔會整到太硬 有口感 好耐冇食過螢光茄汁 加d三色豆配埋意粉好有懷舊feel 🍴香濃厚切牛舌 48蚊🐂牛舌大件厚切 啖啖肉 就甘加d調味料就好味🍴香爆魷魚鬚38 蚊魷魚鬆好彈牙爽口 個醬汁有d蝦香味 似南乳醬🍴足料碗仔翅22 蚊碗仔翅好足料 木耳粉絲好爽口 咸度適中 點d醋同胡椒粉都好惹味🍴招牌生炸雞脾配薯條62 蚊🐥雞脾即叫即炸 大隻又香脆 , 薯條幼身香脆 點茄汁好食#炸脾 #雞脾 #豬扒 #薯條 #意粉 #碗仔翅 #牛舌 #魷魚鬚 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#髀加燒石硤尾南山邨冬菇亭c4 鋪~~~~~~~~~~~~~~#fafafoodblog #為食花太郎 #fafafoodblog石硤尾=====

今日終於可以食到石硤尾南山邨好出名的生炸雞脾🍗🤭🤭🤭「髀加燒 」位於南山邨冬菇亭，充滿懷舊風味👍 「髀加燒 」除咗山炸雞髀亦有牛扒飯⋯⋯鰻魚飯等等同埋碗仔翅😙😙生炸雞髀果然係招牌菜，外皮香脆，肉質Juicy😙😙😙 厚切牛舌和魷魚鬚等也不錯！魷魚鬚好惹味！沒有加炸粉，原汁原味👍 香煎厚牛舌⋯⋯真係好厚切😂😂😂牛舌口感夠淋，調味亦適中，配埋個黑椒汁好好味🤤碗仔翅有雞絲，冬菇等，味道也不錯！

因為網上影片介紹慕名而來，總算試到一間貨真價實嘅餐廳。街坊式嘅招呼同服務不乏禮貌，有出差錯但即時的致歉令人感覺舒服；夏日炎炎，被安排坐在迫迫的堂食位置感覺還好。排檔環境不能要求太高，畢竟食物才算是主角。招牌生炸髀 - 一睇就知新鮮炸得又香又脆，皮炸得似薯片嘅質感，清脆利落。調味濃淡適中，肉質可算軟嫰但未做到juicy效果。質素評論$36可謂合理，但算不上超值。香煎厚牛舌 - 黑椒汁夠濃香，牛舌調味屬一般正常貨色，本身食材份量搭夠而言，$48唔算太貴，當係配菜而言，算係可以收貨。邪惡芝士薯條 - $28誘惑下連同一試，但最大嘅問題就係唔夠邪惡。豉油西餐嘅粗身波浪紋薯條，配上唔夠重手嘅芝士醬，有點到喉唔到肺嘅感覺。有亨氏茄汁同牛舌嘅黑椒汁搭夠，先至可以全份KO。

炸雞髀即叫即炸，外脆內軟，好味。還可配沙律或波浪薯條雖然做街坊生意，但食物質素不錯，比茶餐廳還要好，只是食物選擇不多。唯一需要改善的地方是支裝汽水不夠冰凍。下次再來可試吃其他小食。

招牌生炸雞脾啲雞皮炸得脆卜卜，入口嘅時候仲有啲油香，好啱配埋枝可樂嚟中和下油膩感，又夠爽。雞肉大大舊又juicy，有嫩滑嘅口感。整體嚟講，性價比好高！碗仔翅加醋，麻油，胡椒粉，兩個字 絕配。啲粉絲吸滿咗湯汁，口感軟糯，再加埋雞脾一齊食，係幾滿足。碗仔翅入面有雞絲，冬菇，用料十足，值得一試。香爆魷魚鬚真係好正！魷魚鬚炸得非常香脆，無落炸粉，原汁原味。魷魚鬚本身嘅彈牙口感。每啖都充滿嚼勁，唔會過韌，食得出係用咗新鮮嘅魷魚去整。調味方面鹹香十足，唔會太重手，岩岩好提升咗魷魚嘅鮮味，食完之後仲會喺嘴度留低陣陣嘅香氣。成碟嘢食就算係單獨食，或者配埋其他炸物同飲品，都非常搭配，完全唔會覺得膩。邪惡芝士薯條炸得金黃香脆，外脆內軟。不過，邪惡嘅地方應該就係嗰啲芝士醬啦，濃香又鹹香，份量都夠！整體嚟講，味道好，有驚喜！香煎厚牛舌係厚切款，入口嘅時候可以感受到牛舌嘅彈牙同肉汁。香煎得啱啱好，表面有少少焦香，入面仲保持住嫩滑。調味方面偏簡單，可能係想突顯牛舌本身嘅鮮味，但如果可以加啲蒜香或者胡椒粉調味，就更加出色。

Nestled in the heart of Shek Kip Mei, this local gem serves up hearty portions of comfort food that are sure to satisfy any appetite.Eel Rice with Japanese SauceThe standout dish here is undoubtedly the eel rice with Japanese sauce. The portion is impressively large, featuring tender eel glazed in a savory sauce that perfectly complements the fluffy rice beneath. Each bite is a delightful mix of flavors, making it a must-try for any eel lover.Double Cheese Pork Chop RiceNext up is the double che

I recently revisited a beloved local snack shop in Shek Kip Mei and it was a delightful experience filled with nostalgic flavors and new favorites.First off, I was thrilled to see the long-lost “bottles Coke” on the menu. There’s something special about that classic glass bottle—the crisp sound of the cap being popped open, followed by that first refreshing sip. It’s a perfect companion to any snack, enhancing the overall dining experience with a touch of nostalgia.The deep-fried chicken leg was

YT有好多片介紹南山邨小食名物，一直都想試下係咪真係咁掂。 想食炸脾，又想食夾餅，但如果兩樣都食哂的話，今日嘅卡路里intake就會爆哂標。 所以決定只吃最邪惡的炸脾。隻雞脾確實係炸得好脆，可惜肉味肉汁皆欠奉，最後要問店員攞茄汁，才覺得有點食物的味道，而不是只有‘油炸味’。

南山邨冬菇亭的《髀加燒》絕對是一家充滿港式懷舊風味的餐廳，讓人一秒回到童年時光。主打的招牌港式生炸髀，堅持即叫即炸，外皮金黃酥脆，內裏的雞肉鮮嫩多汁，口感豐富且份量十足，完美還原了兒時的味道。配上一碗港式碗仔翅，滿滿的雞絲、冬菇絲和木耳絲，每一口都濃郁鮮美，加入麻油和紅醋後更添風味，令人回味無窮。香爆魷魚鬚是另一亮點，魷魚彈牙鮮嫩，搭配惹味醬汁，絕對是下酒的好選擇。邪惡芝士薯條則讓人欲罷不能，炸得香脆的薯條配上濃郁芝士醬，滿滿罪惡卻又令人滿足。脆炸手指魚外層酥脆，內裏魚柳鮮甜，再配沙律醬，簡單卻美味十足。最後點了一道清新的西蘭花作結，為這豐富的一餐完美解膩。整體而言，《髀加燒》以懷舊味道和創新小食完美結合，讓每一道菜都充滿驚喜，絕對值得一試。

作為一名炸髀之忠粉，要是踫到有生炸雞髀的地方，怎不教人神往？先是聞到熱辣辣香噴噴的火喉，已吸引到人不能自已！雞髀由生炸到熟，需要時候，更需要耐性，之不過這份等待原來是值得的！極貝份量的無敵大雞髀，雞皮香脆到爆，卻竟然絕妙到是完全不感受到油膩感的，況且調味勁佳，只食它已經夠味，超級的讚！雞肉又嫩又厚，每一口咬下都雞汁豐盈，鎖緊肉汁，無法停口，是小人到目前為止食到最正的港版炸髀！也許這就是小人對港式生炸雞髀的一份情意結吧！

不枉我山長水遠過嚟石硤尾南山邨搵食✨✨嚟到南山邨可以流水線咁食好西因為隔離就係排哂長龍既南山白汁冰同埋雞蛋仔蛋pre dinner🤣揀左食啲小食先招牌生炸髀配意粉 個炸髀即叫即炸 金黃酥脆既炸雞髀一上枱新鮮滾熱辣就勁香油香！！個皮炸得極通透meet開啲肉「咔嚓」一聲，薄對既粉漿裹住 juicy 的雞肉，肉汁流到成碟都係 **回頭指數**：★★★★☆ 髀加燒巨人豬扒飯兩塊豬扒真係巨大塊😂食到好滿足肯定大過我塊面 調味調得啱啱好 唔會好咸 厚薄適中 所以咬落去一啲都唔柴香爆魷魚鬚呢個真係香爆 超級惹味送酒一流魷魚鬚仲要冇雪味，好新鮮好彈牙😍香煎厚牛舌呢幾塊牛舌超厚身但係超腍入口唔使點咬已經食到好香肉味係個口散發南山村居民好幸福樓下仲有咁多懷舊嘅小食同餐廳可以揀

估唔到係舊屋村都可以揾返懷舊美食---正宗又美味的「生炸脾」。為「生炸脾」慕名而去, 就係位於石硤尾南山村嘅「脾加燒」。假日雖然已有不少港人北上, 但呢間餐廳依然坐滿食客, 可見人氣十足!!餐廳地方不大, 設有室內室外座位。食物款式雖然唔多, 黎到一定要食招牌生炸脾, 而下午茶就更加抵食!生炸雞脾可自選配飯/薯條/沙律, 飲品另加$4。生炸雞脾即點即炸, 製作需時, 但係值得等!! 雞脾大大隻, 炸皮炸得金黃不油, 香脆度十足!! 肉質嫩滑又keep到肉汁, 真係冇得彈!! 配薯條真係飽肚又滿足。脾加燒巨人豬扒飯:同樣係招牌菜果然有番咁上下, 兩大塊豬扒份量十足, 燒到微濃更覺香口入味, 咬落軟硬適中有肉汁, 鐘意食豬扒的不要錯過。香爆魷魚鬚:魷魚鬚爽彈唔韌, 爆炒香口微辣惹味。薯條:散點粗薯條份量多, 外脆內軟不太油, 點埋茄醬食就更加完美。

#吃在南山邨唔講唔知🤔 原來 #南山邨 真係好多好嘢食🤤 每間小店都各有特色！剛剛食完 #夾餅 嘅我哋，行過幾步就到專做 #炸髀 嘅「髀加燒」🍗 舖位面積唔算太大，但係門口就擺滿別具港式風味嘅圓枱同摺凳，真心chill😉等咗大概15分鐘，我哋嘅炸髀🍗終於嚟到我哋面前😎 大過我塊面嘅炸髀，雞皮炸到薯片一樣咁脆，包住充滿肉汁嘅雞肉，而且調味做得非常之好，加配埋罐汽水，都只係$40咋😉 #小秘書真心之讚 🥳📍 #髀加燒 (石硤尾)大坑東道111號南山邨南山商場平台C4號舖

南山村新名物～港式生炸雞髀！有報道話高峰時期日賣200隻😍 雞髀即叫即炸，而且配足料碗仔翅都只需$48起，好抵食！招牌生炸雞脾外皮酥脆，一咬即響，肉質濕潤柔嫩，鮮美肉汁令人回味。雞髀超大隻，肉厚且多汁💦，絕不乾身，調味恰到好處，惹味不過鹹。熱辣辣的雞髀附有小錫紙包裹，好方便。外層脆口，內裡滑嫩，必定要試！足料碗仔翅足料豐富，雞絲、東菇片和木耳絲份量好多，口感順滑。 配以麻油、醋和胡椒粉後，味道層次更加豐富。而新推出的香爆魷魚鬚則爽口不韌，香氣四溢，搭配獨特調味，個人覺得如果帶辣會更吸引！足料碗仔翅足料豐富，雞絲、東菇片和木耳絲份量好多，口感順滑。 配以麻油、醋和胡椒粉後，味道層次更加豐富。而新推出的香爆魷魚鬚則爽口不韌，香氣四溢，搭配獨特調味，個人覺得如果帶辣會更吸引！仲有巨人豬扒，手掌咁大件，鬆軟肉味香