驊記糕點屋

營業中

休息中

元朗國美食雲集係眾所週知😌 但經常黎元朗搵食既我竟然唔識老字號驊記🫣 我間唔時就會突然好想食好多花生既野，例如潮洲花生軟糖、花生糯米糍、角仔等等我都係係IG post 見到介紹元朗必食店舖，先識呢間人氣店🤩店舖細細，只有一位姐姐即叫即整糯米糍。每人限買三盒。當日係星期日，我睇openrice 其他食評話預排半小時，我前面約有8-9個人，我低估左搓糯米糍既時間。等左半小時都唔對路，但已騎虎難下，我係炎熱天氣下排左一小時隊😱 認真我寧願唔食都唔中意排隊🙈 姐姐其實好友善，佢都好辛苦🥲 唔知係咪等得耐，個個都想買多盒抵d咁，個個都買盡三盒🙈 等到2046既花生糯米糍，果真超好食！皮超超超薄！花生靚同足料，我諗九成花生，糖唔會好多，仲要係溫熱嫁😍 你地睇下！無花無假！我一口氣食左六個😆😆😆🙈提提大家要即日食先好味嫁！唔好貪心買咁多啊！🤗

散水西餅、散水蛋糕、散水茶、散水雪花酥等等都耳熟能詳要派就派一種有香港情懷的感覺 🤔元朗有間驊記糕點屋的糯米糍好出名 有紅豆 餡🫘 和花生餡 🥜買來作散水糯米糍在一般情況下，都是即叫即包，逐粒逐粒包不過買大量，要預先預時間和講定聲果然，是世一糯米糍 👍糯米皮好軟熟，夠薄又多料 😋紅豆和花生餡，兩款食落微甜花生糯米糍超有口感用膠剪剪開花生糯米糍，一剪開花生餡湧曬出黎花生粒不會過硬大家試過都覺得好好食下次去元朗一定要買 

話說係永順食完個沙嗲牛行返出嚟旁邊有一間賣茶果、中式糕點嘅舊舖～糯米糍即叫即製，所以都有啲人排緊隊，但因為得花生味嘅關係，我唔等啦～直接買茶果就算～(個人喜歡食豆沙嘅)茶果$30 五個豆沙x2、綠豆、眉豆、蘿蔔茶果我例牌食豆沙嘅～呢度個豆沙偏甜，茶果表面有啲厚，有咬口、唔癡牙！除了甜左少少，其他都OK！下次嚟要試埋佢個砵仔糕！如果糯米糍唔使等嘅話都會試下😛

✨人氣爆餡糯米糍 可惜皮太乾✨.星期六約1點左右去到驊記排遠近馳名嘅花生糯米糍，當時陰陰地天都已經有十幾人排緊，因為即叫即包，大概排咗1個鐘就到我，排咁耐就梗係買多少少，最後買咗2盒花生糯米糍同2隻茶果～佢捧場客真係好多，但人人口味唔同，呢間就唔太啱我口味😮‍💨.▫️花生糯米糍 $6粒（6/10）佢個餡其實幾好食(^^♪幾香花生味而且唔會過甜，亦係食過咁多間糯米糍入面皮最薄餡最多嘅一間，價錢亦非常實惠只係$6粒💓可惜個皮真係非常乾個人覺得幾難食，同煙韌扯唔上任何關係🥲我諗如果同我一樣鍾意食皮嘅會失望，但你鍾意食餡嘅相信好啱你！.▫️蘿蔔茶果 $6粒（7.5/10）個蘿白絲餡幾好食😋價錢又係好抵食，不過個皮都係硬咗少少，茶果都係鍾意附近個間多啲🤣（冇記錯附近個間就貴$3）.▫️眉豆茶果 $6粒（7/10）呢間真係好抵食(˶ˊᵕˋ˵)又係爆晒餡，眉頭都唔錯，不過皮同樣係硬咗少少🤏🏻順帶一提茶果係唔洗排可以直接買.❥…本身以為呢類人氣傳統小店姨姨會幾串，但又估唔到幾nice😳btw食完後我覺得呢間賣點可能係夠經濟實惠，同埋可能係食情懷，加上餡真係好多，價錢又咁平～不過我口味就偏向煙韌嘅皮，所以覺得

上網見到呢間花生糯米糍超吸引 嗰日經過元朗 就特登去咗試吓～呢度嘅糯米糍最特別係即叫即包 所以想食就真係要等一等🤣拎上手嘅時候仲係暖嘅😍糯米皮好煙韌 花生味超級濃郁 再加埋少少白芝麻、椰絲同砂糖 味道唔會好甜 好正！

(*ฅ́˘ฅ̀*)♡┈┈┈┈┈┈┈┈┈┈┈┈┈┈有日屋企人專登入元朗買糯米糍食果日係平日都要排30分鐘呢果然真係幾有名氣🤣┈┈┈┈┈┈┈┈┈┈┈┈┈┈不過細個都已經有食過佢地既糯米糍果陣好平依然一樣皮薄餡靚🤩次次落元朗都會叫屋企人買佢地既糯米糍餡料做得非常足夠而且皮都唔會好硬，係好薄之餘都算煙un 😍餡料非常香，而且又有花生粒粒食一完係會覺得好滿足😝不過一粒係唔夠我食haha┈┈┈┈┈┈┈┈┈┈┈┈┈┈Ig @cheri_foodiary

大熱元朗名物-手工糯米糍 每次經過都見老闆娘自己一個落力地猜 條龍又長期咁長 今日終於的起心肝試下 究竟有咩吸引之處～足足排左45分鐘 終於買到 食落真係名不虛傳 先講份量 $36蚊一盒（6舊） 舊舊都好大件 性價比不錯 再講口感 佢每舊都皮薄餡足 一咬開 大量嘅花生餡湧曬出黎 形容佢做「爆餡糯米糍」一D都唔誇張 餡料中夾雜住少量芝麻同砂糖 香得黎唔會太甜 正

📍「驊記糕點屋」- 元朗今次食食食之旅黎到元朗😌呢間隱世花生糯米糍超出名‼️唔講都唔知原來呢頭有間咁嘅鋪頭🤣🤣🤣👧🏻一直想試呢間好耐架啦😍平時行過都見到長長嘅人龍👯‍♂️👯‍♀️好彩平日行過見到唔算多人排，就諗住試試佢💃點知我前面得5️⃣個人左右都排咗差唔多半個鐘🤭🍴花生糯米糍（6️⃣粒）💰HK$30✨推薦指數：9/10所有花生糯米糍都係即叫即包，非常新鮮，而且每粒都係圓碌碌漲卜卜超大粒🤩‼️拎到返屋企個陣仲有少少暖架😍食落糯米糍個皮好薄，軟糯滑身😋另外花生餡超足料，食到粒粒花生碎，又香又好食，口感非常豐富🤤整體唔會太甜岩岩好😋💯溫馨提示：因為太足料，食嘅時候要小心跌哂啲料出嚟🤣❤️

妹姊妹難得入黎元朗,話去完cafe要黎呢到買糯米糍我都唔知呢到有間係賣糯米糍🙈🙈好喇～～點知去到大概2點半左右....條龍已經長到.....目測前面有幾十人等緊..好喇～～諗住應該唔洗等好耐.....點知等左2個鐘🙈🙈🙈🙈🙈🙈個日仲要係平日黎...諗住等咁耐一次買埋砵仔糕茶果...點知到我地個陣就連最後一個砵仔糕都賣晒...茶果就更加唔洗講～我地每人買左2盒,一盒6粒（＄30）,番到去急不及待食喇!!!!!花生味係香既...亦都唔太甜...但佢個皮真係太薄...而個餡又勁多....食唔到個口感...小妹鍾意偏厚皮少少,但如果鍾意食皮薄既話呢間做得有水準！！！下次想試埋砵仔糕同茶果...如果買到既話🤣🤣🤣🤣🤣

🇭🇰驊記糕點屋·花生糯米糍$5呢間我地去到都幾多人排隊 因為佢係真係即叫即包嘅 網落超級吸引😈😈不過因為喺條街度好難除口罩食嘢 最後我哋都係忍痛攞到返屋企先食🥲我自己覺得雖然佢入面既餡料都飽滿既 但係佢個花生味食落無聞落咁香 我自己都係鍾意食生隆餅家多啲 不過佢個皮係真係做到好薄 就算行完山攞到返屋企都仲係好煙煙韌韌😎·📍元朗元朗安寧路20-24號利群樓地下

【皮薄大大舊花生糯米糍👵懷舊客家茶粿】元朗市中心近大榮華有間長期大排長龍既路邊舖，唔係餐廳，係賣乾糧、蒸糕、各味茶粿、砵仔糕、鹹肉粽既。最熱門係花生糯米糍，即叫即做，要買佢就要排隊。買其他野就唔洗排隊。花生糯米糍 $30/6粒 (💝8/10)花生糯米糍皮薄，即場搓麵粉，入花生餡料，純手工，保證新鮮。每粒都好大粒，花生料好足，甜甜地，好食花生糯米糍值得試既茶粿有分鹹甜兩種，拎番去記得要蒸熱先好食，我揀左：蘿蔔茶粿 $5 (💝7.5/10)-入面有一絲絲蘿白，有肉粒同蝦米仔，清清地蘿白，但味道唔淡架，味道似好豐富既蘿白糕味，食到蝦米香味，加醃過嘅肉味紅豆茶粿 $5 (💝7/10)-滿滿的紅豆蓉，只係加紅豆同糖，微甜，不會太甜兩個茶粿中，蘿蔔味特別d入味，唔似出面蘿白口淡淡，紅豆就好正常無咩特別。不過講定先，本身蘿蔔口味淡過紅豆，建議食左蘿蔔先😚✏✏✏✏✏✏✏👅味道：7.5/10🌌環境：7/10👍🏻推薦：7.5/10______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作

講到懷舊的甜品，你們會想到甚麼？糯米糍有否在你的腦海中閃過嗎？機緣巧合下，小妹找到一間位於元朗的傳統糕品店。門口擺放著砵仔糕、茶粿這類傳統糕點，不過大部份客人都是來買花生餡糯米糍的。大家可以觸覺和味覺去好好品嘗這粒花生糯米糍。先講觸覺。每粒花生糯米糍的size大概是1/3部iPhone 11，一手拿起糯米糍的時候，你會輕輕感受到糯米皮內包裹著的花生餡，那即是代表這個糯米皮不會像小妹的面皮一樣厚，哈哈！再來味覺。小妹必須要說，這個糯米糍真的是超級無敵足料！當我咬開Q彈的糯米皮時，花生餡就衝出來，小妹須一手拿著糯米糍，另一手立馬要盛著衝出來的花生餡，如有儀態負擔的朋友要注意一下。當然你可以考慮將一整個糯米糍放進口裡，那就不用擔心有狼狽情況發生，又可以感受一下被滿滿花生餡包圍的滿足感。啊！由於是每粒糯米糍都是即叫即製的緣故，所以趕時間/沒耐性的朋友要三思。總的而言，花生糯米糍皮薄餡多，如果小妹的銀包都是這樣就好了！

超薄皮勁多餡花生糯米糍即叫即製超新鮮拎到番屋企已經忍唔住要開黎食有無人都鐘意食糯米糍咖🥳🥳呢個皮薄多餡真係可遇不可求經過都見到佢排晒長龍今次因為夜 見無人排隊 就去問下重有無糯米糍賣😆😆😆竟然重有$30 六粒 最緊要既係佢真係爆晒餡 食果陣真係真係要用手兜住 唔係既話會食到成身成地都係🤣佢果皮係薄到我好難想像佢係點樣包住d餡 而拎起果陣又唔會太重而爆開佢既花生粒係比較大粒所以食落係勁有口感至於甜度方面呢個位都幾出色佢唔會太甜 甜度適中 可以食完一粒再食多幾粒都唔會覺得口渴🥳🥳 推介推介

其實本身唔識呢間野，但見好多人排隊😂睇落又真係幾幾吸引就排埋一份😂😂最後排左~45 分鐘🥲花生糯米糍 $5/ 粒🌟🌟暫時係我食過最好食嘅🤩🤩即叫即整，攞上手仲有微暖，食落糯米皮好軟糯好滑🤩（第二日食會硬左啲但都好食🥲）真 皮薄餡靚🤩🤩🤩勁多花生好有花生香，加埋椰絲，食落係甜嘅但唔過分硬花生糖$15🌟花生糖有軟同硬揀，硬嘅version 好脆口！同埋唔會落好多糖去扮大件而係啖啖花生！🤩🤩一樣花生好香龍鬚糖$10有少少太甜☹️龍鬚壓得比較實唔鬆軟

鋪頭逢星期一同五係休息，糯米糍要11點半後先有得賣，係老闆娘自家人手製作，雖然店鋪地點唔就腳，但馳名遠播，所以行開附近就嚟買盒試下🌟糯米糍 $30一盒有6大粒脹卜卜，我最初仲諗如果難食點算🤣拎上手仲暖暖地，老闆娘啱啱包好。雖然好吸引甘，疫情關係，費事係街除口罩食。反屋企切開影反張相先，糯米皮薄得嚟好煙韌，真係僅僅包得住d餡！！！有大量花生椰絲砂糖，口感好豐富，我個人覺得仲好食過深水埗坤記，屋企人食過都讚好食😋仲叫我下次兩買