馬記牛什粉麵

每星期最期待就係去馬記飲靚湯！充滿人情味，就好似阿媽叫你回家飲湯的感覺！非常足料！健康又滋潤！！而且好多元化！👍🏻Calvin會不定期WhatsApp通知有湯飲👍🏻想知幾時有湯飲可以下次叫佢加你入WhatsApp 廣播📣🥕🌽今日煮左湯🌽🥕海玉竹沙參雪耳百合粟米蜜棗龍眼肉湯得閒黎飲番碗😎🥕🌽今日煮左湯🌽🥕栗子蜜棗眉豆淮山粟米紅蘿蔔豬骨湯得閒黎飲番碗😎🥕🌽今日煮左湯🌽🥕椰子沙參玉竹雪梨薏米蓮子百合鮮淮山粟米雪耳豬骨湯得閒黎飲番碗😎食過再嗌的菜式: ✅蠔仔粥：蠔仔大粒、鮮甜！每次必嗌😝✅鱲魚：鮮甜，唔需要點鼓油都好夠味✅鹹雞：滑！嫩！一啲都唔鞋👍🏻✅豬腳凍：好好食🥹夠彈牙，送粥一流！✅鴨片：送粥都好正😆…Read More

已經成為熟客仔🤣每次入到去，老闆娘、老闆同埋Calvin都會好熱情咁歡迎我，好有人情味的小店！最愛蠔仔粥！因為啲蠔真係好大粒！！！好足料，每次食完都好滿足🥹有時同朋友一齊去就可以試多啲食物！其實馬記根本唔係牛雜粉麵鋪咁簡單，好多特色潮州小菜！！！潮州獅蚶、潮州蝦棗、煎蠔餅… 菜式好多仲有排試…🤣 近節日的時候，可能見我熟客仔，老闆娘有時會請我食湯圓🥹🥹好溫暖🥹…Read More

同事幫小弟慶生，專登帶咗我嚟呢一間小店。雖然佢係叫粉麵店，但佢內藏正宗潮州小菜。叫咗好多倒菜，螄蚶、鱷魚炒菜心、炸雞翼、藕餅、蘿蔔餅、胡椒豬肚湯、咖哩牛腩、煎蠔餅、雲耳蓮藕炒肉片四個人食，食到要拎走。螄蚶佢連埋醃咗嘅生蒜。我平時唔會食螄蚶，一打開就全部血好腥…但係佢呢度嘅螄蚶一啲都唔腥仲好好味，可恨一嚟見到個生蒜就想食咗先，結果辣親個胃……炸雞翼鬆脆又入味。方魚炒菜心，菜心炒到有啲淋，配方魚去炒都係第一次見，方魚脆卜卜，同菜心嘅淋相映成趣。煎蠔餅好足料隻隻大大隻脹卜卜。胡椒豬肚湯好多芫茜，豬肚處理得好好，湯嘅味道啱啱好，鍾意食茜嘅話一定好開心。煎藕餅同煎蘿蔔餅好好食，個人比較鍾意先藕餅，爽脆啲。咖哩牛腩唔會太鹹，有啲辣但好好味。最後見太少菜補多咗個雲耳蓮藕炒肉片，係媽媽嘅味道。食過好多所謂嘅高級食材所煮嘅美食，香港有個普遍嘅現象，就好鍾意將啲新鮮食材擺到咁上緊先肯去煮，只係為咗清咗之前入咗貨又完未用曬嘅食材。結果，每次煮出嚟嘅嘢都係唔新鮮。做餐廳，有時真係好難住究竟要入幾多貨。想賺多啲，又想蝕少啲。如果入埋入埋一堆隔夜菜肉。幾多高級食材，送到廚師手上。結果大家都係食緊隔夜餸。你真係信嗰啲幾餸飯真係新鮮日日即製。開到咁濃味畀你咪就係想冚咗唔新鮮嘅味道。食過好多所謂嘅高級食材所煮嘅美食，比不上廚師花心機親自去揀新鮮食材，然後花心機去煮畀客人食。寧缺勿濫，早啲賣曬賺少咗好過為咗賺多啲入多咗貨。…Read More

週末既中午，一個人帶住阿女參加學校活動。中午放 lunch break 時，我本以為一定要吃麥當勞小妹才會開心。但當我們正準備行出學校門口，問女女有沒有興趣食雲吞麵。沒想到佢竟然一口答應。於是，我就選擇了最近她學校的《馬記牛什粉麵》，兩父女，吃一個親切的粉麵午餐。阿女想食雲吞，所以點了一份雲吞撈麵給她。雲吞，以湯雲吞的形式出現，而麵，就是可口的蠔油撈幼麵。幫阿女弄了兩粒雲吞出來，她吃得非常之滿足，原因就是這兒的雲吞夠大。雲吞，入口有好香既豬肉味，有好香既蝦肉味，當然，不能少的，就是更香既大地魚味啦。我點的，是牛腩雲吞粗麵。上到檯才覺得笨，既然幫阿女叫了雲吞，我應該配魚皮餃，魚蛋之類的東東。而牛腩，是清湯牛腩，加埋蒜粒同芫荽，入口的味道好香，而且牛腩的味道濃濃的，腍得黎又有一絲絲的感覺，不錯。而他們的麵條，是介乎爽口與腍身之間，口感剛剛好。店子雖然好細，好簡單。而往往就是這些小麵店，才會做到一碗用心及美味的麵食給大家啊。這《馬記牛什粉麵》，值得回頭。此外，店叔叔對我這一個算是陌生的客人都當街坊一樣，熱情招待，真係非常之親切。…Read More

在cu上学住马鞍山这边。有时上课前或者晚上上课回来路过会过来吃一顿。这家的牛腩面、牛腩饭、蚝仔饼都很好吃，量大管饱，性价比很高。一家三口经营的小店，虽然店铺不大，但也菜式多多。…Read More

用心煮及製作的餐廳。 充滿街坊人情味。尤其最愛胡椒豬肚湯，唔鹹，胡椒的辣味剛剛好、豬腸豬肚洗得好乾淨，無腥味，如果唔喜歡芫茜的食客，記得叫走芫茜。朋友好喜歡獅蚶，其他朋友試吃都覺得味道好，而且洗得好乾淨，看得出很用心。蠔仔粥Ｄ蠔很肥壯，已經不是蠔仔是蠔佬。雞翼比出面餐廳更大隻。整體來說，是家庭菜式，價錢非常合宜，店主很友善，如果喜歡家庭小菜，簡簡單單生活，喜歡街坊鄰居的人情味，不妨來試試。店舖環境不大，吃飯期間，其實都客似雲來，來等外賣的人也不少。…Read More

原來有好幾年冇幫襯，開張初期有食過幾次，鍾意佢地牛腩有得揀部位，但福安位置唔方便，之後就再冇去了。剛剛搬番馬鞍山，廚房又未執好，同兩個仔沿住海濱，行咗去馬記午餐。舖仔細五張枱，餐牌比以前多了很多款式，有飯有咸雞又蠔仔粥⋯晚餐仲有餸叫𠻹！利害利害👍🏼👍🏼哥哥叫了肥牛麵，細佬就滷水鵝麵，我就牛腩河加腐乳通。牛腩河俾咗D蘿蔔，滷水鵝麵鵝係另上嘅，食物普普通通，不過老闆就好細心，見我哋坐近門口，特登俾兩把風扇仔我哋，話驚我哋熱喎。是日消費：牛腩河+飲品+腐乳通菜$51肥麵+飲品$36 滷水鵝麵+飲品$52 共$139…Read More

我最喜歡牛雜米粉啊！牛雜米粉通常包括牛肚、牛腸、牛筋等不同部位的牛雜，再搭配香濃的湯底和米粉，味道非常豐富。湯頭經常以牛骨和各種香料熬製，時間越長，味道越濃郁。除了美味的口感，牛雜本身也富含豐富的膠原蛋白和其他營養。如果你有機會，不妨嘗試餐廳的牛雜米粉，根據個人口味加入不同的配料，蔥、辣椒等，提升層次。真的是一道值得一試的美食。…Read More

馬記牛什粉麵 今日運動日，踩單車去大埔又踩去馬鞍山游水🚴🏽‍♀️去到馬鞍山覓食，諗起早幾年食過好好食既牛腩河幾年後今日見到多左好多潮洲餸菜入到去望見呢一家人小店都係覺得好親切走時一家人都會停一停低同你講聲拜拜☺️套餐(牛腩河+腐乳通菜+飲品)$50💛牛腩河見到湯都知好濃郁😋牛腩好軟好入味不過食多幾淡覺得有少少咸，今次有偏咸左💛腐乳通菜菜有啲太淋，通菜配腐乳好味價錢：$52 (凍飲加$2)⭐️⭐️⭐️評分：8/10⭐️⭐️⭐️（印象中既馬記會更好味，今日偏咸左少少，不過人情味依舊）📍 馬記牛什粉麵 馬鞍山福安花園地下60號舖…Read More

位於馬鞍山一間潮州食店，由老闆一家人打理，舖面唔算起眼，內裡都冇十分華麗既裝潢，但食既就係滿滿既人情味朋友介紹食佢既潮州蠔仔粥，每隻蠔都大大粒，充滿水份，配埋肉碎，每啖都好足料，價錢亦十分平民枱面放有自家製既菜脯，比客人自己添加，平時唔多食菜脯既我都食得好滋味等上菜既時候，老闆仲問我地熱唔熱，開左手提式風扇比我地，好窩心走既時候，係廚房忙碌中既老闆娘叫我地下次再黎，十分好客潮州蠔仔粥大大粒自家製菜脯…Read More

孤獨美食家第一次黎，突然想食豬耳，再來當然是牛什，店鋪名是牛什想必係有一定自信或招牌菜。等了15分鐘取走外賣，似乎是由家庭成員經營的。牛什：蔥不錯頗香，牛腸很苦，証明唔靚，是全部每條都很苦而偏偏牛腸比例較多，我是吃慣苦瓜都面不改容，而這個居然比苦瓜更難入口，湯汁像是後加並沒有融入牛什，所以吃的是raw原味差不多，而湯汁偏咸，除了咸是沒有任何層次或風味。豬耳：就是滷水的，也是除了咸而且比牛什更咸。所以吃了一半己放棄。原本還留了一半打算改天吃，就只好全部扔了可能牛什不是他們最擅長的，吃的可能是人情味。下次試試其他家常一點的看看如何，我是希望多支持小店但也不是盲目地。…Read More

呢排有啲攰唔想返屋企煮飯，咁就係附近食下粉麵就算。呢間舖仔細細，但選擇都幾多。除咗潮式粉麵之外、仲有雞翼、韮菜餃、仲有好多潮式小食。咁就嚟到長假期，咁食返啲平平地啲套餐就算啦。我嗌咗1個$49套餐，幾豐富有油菜/一碗麵/一杯嘢飲，好抵食！之後再嗌左碗雙拼牛腩墨丸、再加份炸魚片。份量好足。兩個人食啱啱好！炸魚片大塊又好脆，墨丸唔算彈牙有粉感麻麻哋，牛什都幾香牛腩就幾嫩，最後記得加佢嘅辣椒醬，仲有辣菜脯，應該係自家製，食落好香！…Read More

今日中午叫咗個淨牛雜 ($100) 外賣返屋企食，牛雜味道好香，不過就咸咗少少🤏 份量好足夠⋯⋯ 老闆好好人，我同佢講多牛蒡牛腸少牛肚，佢都笑笑口話「冇問題」👍🏼…Read More

外賣「水餃、牛雜米走牛蒡」、凍咖啡返到屋企打開，發現變咗「走牛肚」老公知我最鍾意食牛肚(點知一件都冇)，屋企又冇人食牛蒡，於是膽粗粗拎返兩件牛蒡落樓，睇吓可唔可以換 (求生慾好強)店員話佢聽到「走牛肚」，但仍然禮貌幫我哋換，感激！講返食物：～牛什(特別係牛肚)好好味～牛腸爽滑冇渣～水餃好新鮮足料～有條菜～凍咖啡好飲之前喺呢間小店買過魚蛋粉、墨丸河都好味(傳統潮州粉麵味道)點知牛什、水餃更加出色！搬咗嚟馬鞍山之後，發覺原來好多好嘢食…Read More

昨日中午行過，唔想去商場食連鎖餐。一入去，舖頭細細比較暗的，牆上貼滿好多自家特色小食，有蝦棗、蘿蔔餅、蓮藕餅、潮州滷水鵝等等，就知道自己冇揀錯。我叫左牛坑腩米粉、炸蝦棗，老公叫左肥牛河。牛坑腩好腍，米粉係比較幼，像銀絲米粉個種，個人鍾意呢種米粉 ，牛坑腩好多舊，等於九龍城食的double 份量，米粉就細細個，湯底濃郁。講真37蚊，咁的份量質素超班。老公就叫錯了，37蚊碗肥牛就梗係唔係靚肥牛，黎呢度都係食牛雜牛腩。蝦棗食唔出有蝦，但炸得好鬆脆，唔油，下次要試其他小食。埋單時老闆多謝前多謝後，睇得出緊張自己生意，總體來講，是值得支持的街坊小店呀。…Read More