馬祖台灣養生湯麵館 (厚福街)

營業中

休息中

呢幾年大家開始注重養身，我都唔例外。見到厚福街多左間養生湯麵，即刻就吸引左我入去。餐廳係地舖，非常好找，去既時間係大約晚上8點，人唔多，唔需要等位。《$97 晚市自選麵套餐》套餐包一款小食+一款主食+一杯飲品，都有幾多款揀。小食 - 鹽酥雞小食我揀左台灣鹽酥雞，用一個小小既盤裝住上菜，下面仲放左張吸油紙，果然係食炸野都要盡量健康😂 鹽酥雞大約有5-6粒，外皮炸得香脆，但入面既肉就唔夠 JUICY，而且外面味粉灑得唔平均，面頭幾舊一食落去成口粉，好攻鼻，底果d就冇粉，純粹普通炸雞粒，不過個人覺得唔落味粉都夠味，建議餐廳可以SHAKE均佢又或者直接唔落。主食 - 藥膳黑蒜湯+新竹米粉+配料2款先講湯底，一上枱聞到超香，但唔係藥膳既香味，而係蒜同麻油香。第一啖飲唔出藥材既味道，但係就成口都係油。相信係加左極大量既蒜同油蓋過藥材難聞既味道，個感覺就好似食緊出前一丁黑蒜油味湯底，但加左3 4包麻油咁，最後到差唔多食哂成碗，先食到有藥材味。湯底仲有幾片紅棗，幾粒杞子，同3片木耳。作為標榜養生湯既餐廳，感覺上有點姑寒。麵款都有四種，今次就揀左新竹米粉，米粉就冇咩特別，份量足夠。配料十選二，揀左墨魚春

雖然去食的時候係上年11月間嘢啱啱開嬲到我宜家都記得地方淺窄 我都明想搵個地方擺下個袋都無又無d設計可以勾住見我一個人求其搵個地方俾我食嘢就算諗唔到張凳想向後靠背都無仲不如食大牌檔d工作人員服務態度勁差唔係幫手解決問題要食客自己克服下本身呢間舖都係其他地方經過過以為可能味道不錯點知就是一碗勁油嘅雞湯加6件雞雞湯嘅味仲差過X樂牌清雞湯加3條甜不辣嘅小食就要100蚊落樓怪不得之後經過同街，呢間舖頭都無乜人唔好去搵笨啦

因為同朋友都係尖沙咀做野，就約左收工2人一齊食晚飯聚下舊。朋友想食簡單啲，見佢又寫住養生就揀左呢間試試。我地大概7點去到門口，冇人排隊所以唔洗等位就直接入得。見入面7成滿，有好幾張4人枱只坐左1-2人。安排入座嘅係一位戴眼鏡嘅女侍應，點知佢安排我地坐最近門口的6人枱，而當時已有一位女食客坐左喺最出嘅靠牆位置。女侍應要拉開張枱，叫我朋友坐入去入面個位，再推番埋張枱，變相我朋友被封印左。喺我地睇緊餐牌途中，我見有兩枱食客埋單走左，有兩張空嘅4人枱，就好有禮貌咁問另一位女侍應可唔可以轉坐入面嘅枱，當時我都表明唔介意搭枱，只係想坐得舒服啲。然後個侍應又點左我地去坐最入面嘅二人枱，有一張櫈係圓櫈（其他枱嘅櫈都係有椅背同扶手的）。2分鐘過後，有2個新食客入嚟時反而可以坐舒服嘅4人枱。我覺得餐廳嘅安排好有問題，亦令到我同朋友本來開心食飯嘅心情無晒，只想快快食完就走。食物方面，我地各叫左一碗米碗，分別係麻油雞同蟲草花雞，味道不過不失啦。份量正常，價錢$67-68，以單叫一碗米線嚟講少貴啦。可能因為唔洗收加一服務費，就只有呢種待遇？

馬祖台灣養生湯麵館 (厚福街) (尖沙咀)尖沙咀厚福街10號地下A號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：香辣養生湯農場雞手工麵 $67，愛文芒果茉莉花茶 (跟餐免費凍飲)，台灣麻辣鴨血(3片)拼凍豆腐(3粒)  $32馬祖麵館鄰近港鐵尖沙咀站B2出口，交通方便！😄😄😄香辣養生湯農場雞手工麵：養生湯材料足，有大量的黑木耳和紅棗，也有圓肉和芫茜，黑木耳的口感彈牙，紅棗十分香甜，圓肉夠鮮嫩，芫茜散發特殊香氣，藥膳滋味撲鼻而來，農場雞件夠多夠大塊，啖啖肉雞味濃郁，手工麵煙靭有咬口，水準不錯！❤️❤️❤️愛文芒果茉莉花茶：滋味鮮美且口感柔順。芒果的甜味讓人愛不釋手，而茉莉花的芳香在口中緩緩散開，好味又解渴！👍👍👍台灣麻辣鴨血：鴨血的質地綿軟有彈性，口感順滑，吸收了麻辣汁後更加美味好食，而且辣味適中，不大食得辣的朋友也會感到容易入口！😍😍😍凍豆腐：凍豆腐是蜂蜜的質地，非常滑嫩，冷藏後變得緊實，帶有柔軟的口感和獨特的風味，味道溫和而不過甜，吸收了湯汁後味道更加豐富！😋😋😋

第一次食馬祖係食佢既台式養生火鍋 印象佢中午都係湯麵menu 但未有機會去試～最近發現佢開左幾間分店係淨係食養生湯麵 即管試一試😋藥膳麻油雞手工面🍜雞的份量不少，黎到大大碗夾抵食！藥膳濃味 有足料的紅棗、杞子同木耳，但湯底的酒香與麻油香就唔夠重～不過整體CP值都高💯 岩晒現時冬天氣候進補之選👍🏼鹵水雞翼 5隻滷水雞翼都好入味 加餸無得頂✌🏻上湯豬肉餃🥟個湯底同湯麵既湯底好接近 都係香甜既藥膳味 粒粒都好足料🥟冬瓜茶🍹甜度適中既冬瓜茶 分別嗌左兩杯 一杯凍 一杯熱 我個人比較鍾意飲熱既冬瓜茶 因為味道都比較出d😋馬祖台灣養生湯麵館 (厚福街) (尖沙咀)尖沙咀厚福街10號地下A號舖#香港#香港美食#打邊爐#自助餐#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yummy#yummyfood#hongkongfood#hkfoodie

今日同朋友去咗尖沙咀行街，天氣凍咗好多，好想食一碗熱辣辣嘅湯麵，經過厚福街呢間新開無耐既馬祖台灣養生湯麵館，就急不及待入咗去食啦🥳🥳我叫左個「藥膳桃膠農場雞米線」🍜一上枱嚇親呀，好大碗又足料，絕對夠飽😝藥膳湯底，飲落好清甜，一啲都唔肥膩；雞件新鮮🐓多肉少骨，咬落好嫩滑，件數都幾多，好抵食；除左雞之外，仲有木耳同杞子，滋補、明目又養生，岩哂女士食😍 仲有桃膠，營養豐富且有獨特口感，更具健康價值，令到成碗米線既層次感提高😎配埋飲品同埋小食，呢餐好滿足呀☺️如果想係尖沙咀，搵一間滿足口腹之慾又符合健康需求既餐廳，呢間會係一個好選擇👍🏻

🥢 香辣牛肉湯麵 配冬瓜茶 💰$78牛肉湯底都好濃牛肉味，小辣程度，牛肉唔算好淋，又未去到好韌，麵底揀咗手工麵，手工麵比較粗身有口感，冬瓜茶本身都唔太甜🥢 藥膳養生湯底自選餐 配無糖凍茉莉茶 💰$69藥膳養生湯底唔重藥膳味，有好多龍眼肉同紅棗，湯底就平時嘅清湯濃少少，麵底我揀咗手工麵，其他嘅麵有得揀米線、新竹米粉、油麵，餸揀咗鍋燒牛肉+台灣大甲芋頭貢丸，牛肉就好似吉野家嘅牛肉，冇乜特別😂芋頭貢丸唔夠彈牙，偏淋，但係都多芋頭嘅舖頭好細，午市時間要迫埋一齊坐，都真係幾迫下，如果你想同朋友傾偈就要留意

馬祖台灣養生湯麵館(尖沙咀)尖沙咀厚福街10號地下A號舖今日自己一個食晏，走咗去厚福街搵食，見呢間麵館幾唔錯咁就試下，座無虛席，果然係好食台灣麻辣凍豆腐 $30係鹵得超入味，吸盡哂啲鹵汁，咬落去咇到成口汁，帶點微辣。夾埋芫茜一齊食仲清新藥膳農場醉雞新竹米粉 配飲品 $68超大個碗，超大碗粉，麵同餸嘅份量都好多，好彩揀咗米粉，無咁飽，比咗隻醉雞脾我，份量好多，醃到好入味，好香酒味之餘仲好嫩滑，大大粒去核紅棗滿佈麵上，而個藥膳湯底好夠味，飲完好暖身，冬天食一流

厚福街新開了一間馬祖台灣養生湯麵館，平時見到門口好多人排隊，今日居然沒什麼人排隊，決定來食食。個湯底真係好養生，以為藥膳湯底應該有點苦，居然個湯底好甜，應該加了不少紅棗。但又不覺很濃的紅棗味，怕食紅棗的朋友也可以試試。我叫了桃膠農場雞米線，成碗麵超級大碗，平時算大食的我也吃剩。有很多桃膠，雞很大塊。午市套餐還有免費飲品，幾抵食。

這間係養生湯麵店，湯底用藥膳湯底，有黨參、當歸、圓肉、杞子、紅棗，加雞熬煮，湯頭又滋補又清甜。我哋點咗芋頭丸手工面香辣湯，加桃膠，桃膠很滋潤，對皮膚都幾好。香辣湯有少少辣，很惹味。芋頭丸芋頭味香濃。另一碗係花枝丸手工面，花枝丸既魚味好香，好鮮味～兩碗既手工面有彈性，口感唔錯。上湯墨魚春捲都幾好，墨魚味香濃。愛文芒果茉莉花茶，清新既芒果茉莉花香，黑糖冬瓜茶比較清甜，好喝～

同朋友👧🏻喺呢條街，肚餓不過有啲趕時間，見到呢間，食碗麵又得食碗粉都得，於是就決定入去開餐，想快脆搞掂🤣朋友要咗 $97「晚市自選麵套餐」，係「小食+主食+飲品」- 小食：上湯浸時蔬（小）- 主食有幾樣嘢要揀： 湯底（六選一）、麵底（四選一）、配料（十選二），咁朋友揀咗：藥膳黑蒜湯+手工麺+蟲草花+ 豬肉餃（3粒）「上湯浸時蔬（小）」：時蔬係生菜，簡單幾好食🤣「藥膳黑蒜湯+手工麺+蟲草花+ 豬肉餃（3粒）」：藥膳黑蒜湯底幾濃郁，蟲草花幾好味，手工麺有少少煙韌🤩仲有「一人套餐」，都係「小食+主食+飲品」，咁我揀咗 $106「藥膳古早牛肉湯新竹米粉」，小食揀咗「上湯高麗菜豬肉餃（3隻）」「上湯高麗菜豬肉餃（3隻）」：細細隻一啖一隻簡單幾好食🤣「藥膳古早牛肉湯新竹米粉」：牛肉有四大件，件件都炆煮得好軟熟😋；仲有兩大件白蘿蔔，亦都幾腍🤩；新竹米粉就幾爽滑🤩飲品：「無糖茉莉花茶」同埋「甘橘檸檬特飲」：2杯都熱辣辣🤩

呢間台式養生湯麵館早排喺尖沙咀開咗新分店 店內環境又幾靚喎 晚市套餐人均$100左右 已經有湯麵+小食+飲品✨藥膳農場醉雞新竹米粉 湯底非常清甜足料 見到有好多木耳紅棗 雞件份量足足有半隻咁多 肉質滑嫩有雞味 米粉亦係非常之多 幼身得嚟又索到湯汁🍜✨自選湯麵（兩餸）藥膳養生清雞湯 + 高麗菜豬肉餃 + 墨魚春卷仲可以自選配餸 好似台式車仔麵咁😆清雞湯都好味 味道無醉雞咁甜 餃子同春卷都幾大嚿 味道都ok✨台灣大甲芋頭貢丸大粒彈牙 裡面包住芋頭粗粒 都幾特別 鍾意香口嘅可以揀鹽酥貢丸

67蚊自選養生湯底午市套餐，可以自選麵底同湯底，仲有兩個配料抵到爛，一餐當兩餐食超級飽超級滿足！藥膳醉雞湯底（$67）叫左藥膳醉雞湯底配手工麵，湯頭超甜有驚喜✨有木耳杞子，粗身手工麵超有彈性，補身又飽肚！千析吾好走芫荽，連埋芫荽一齊食湯頭有層次左凍豆腐配麻辣鴨血（$32）凍豆腐有淡淡清香酒味，麻辣鴨血鹵得好入味，但下次去會叫其他小食，炸物會比較大份，呢款份量太少吾夠喉芒果苿莉花茶午市跟餐，好大杯抵飲🍨

呢間餐廳製作不同口味嘅台式藥膳湯麵，配搭台式小食同茶飲🇹🇼💗藥膳農場醉雞新竹米粉 ($68)湯底用十幾款藥材熬製超過5個鐘，包括當歸、北芪 、黨參、杞子、雞殼等🐓先飲到紅棗甜味，之後帶藥材甘香同酒香。三黃雞大大件又嫩滑，而新竹米粉相對較硬身🍜💗滷水雞翼 ($28)滷水雞翼炆得軟淋又入味，容易骨肉分離🐥💗鹽酥濃汁手打牛肉 ($30)鹽酥牛丸炸得酥香，食落彈牙爆汁🐮

來到了尖沙咀的馬祖台灣養生湯麵館，一家以養生湯麵聞名的餐廳，有幾間分店在不同地區。之前在其他分店食過一次，因為他的補身湯仲可以成碗飲，所以今次經過見到尖沙咀有分店，立即去飲返碗靚湯。阿女咁細唔好食咁補，食返個鍋燒牛肉香蔥海苔飯$66。牛肉燒得恰到好處，搭配洋蔥和海苔的鮮美風味，令人食指大動。接著，我嚐了他們的香辣養生湯農場雞手麵，價格為$67。這碗麵條彈牙有嚼勁，湯頭濃郁的辣味讓人胃口大開，鮮嫩多汁的雞肉更是加分不少。除了湯麵，他們的小吃菜單也非常吸引人。我點了他們的鹽酥雞$40。這道小吃外酥內嫩，口感十分迷人。鹽酥雞的皮炸得金黃酥脆，肉質鮮嫩多汁。鹽酥大甲芋頭貢丸$30。這道小吃外層酥脆，內部有著滑嫩的芋頭口感，很特別，第一次時便愛上。黑糖冬瓜茶和愛文芒茉莉花茶。黑糖冬瓜茶的香甜和冬瓜的清爽相輔相成，是一道清涼又美味的飲品。而芒茉莉花茶則是散發著花香。馬祖台灣養生湯麵館 (厚福街) (尖沙咀)尖沙咀厚福街10號地下A號舖#馬祖台灣養生湯麵館 #尖沙咀美食 #鍋燒牛肉香蔥海苔飯 #香辣養生湯農場雞手麵 #鹽酥雞 #鹽酥大甲芋頭貢丸 #黑糖冬瓜茶 #愛文芒茉莉#尖沙咀#尖沙咀美食