影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
我和 Honey 都喜歡吃海南雞飯，今天來到西營盤水街馬泰餐廳，一試这里的海南鸡饭，餐厅不大，但是很干净明亮，服务人员热情好客， 令人有賓至如歸的感覺。晚飯時間人客不少，餐牌裡的選擇更多，我们选了海南鸡饭，还有这里的特色甜品，厨师推介馬來班蘭伽央多士。海南雞🐔飯套餐送到，包括一大碟皮脆肉嫩的無骨海南雞，一碗粉葛雞湯，一碗黃澄澄的雞油飯，還配搭新鮮青瓜，酸羅蔔，酸辣醬汁和醬油，油飯粒粒晶瑩，雞肉啖啖鮮美，＄82一個套餐，真是物超所值。馬來班蘭伽央多士有四塊，一朵紫紅蘭花伴碟，賣相很好，味道不錯，牛油和伽央混合，濃香的椰子味，脆脆的多士，絕對是一個好甜品。😋😋埋單只需要＄202，真是抵到爛，值得回頭。👍👍
繼續閱讀
西環有間專食馬來西亞同泰國料理既餐廳，銅鑼灣都有分店，餐牌有好多選擇🤗 價錢好實惠，全部都想試😍 馬來斑蘭咖央多士 🍞超好食既多士😍 斑蘭多士夾住咖央漿同邪惡即牛油🧈 咬落去入口即溶，好正！🤭🤭菠蘿海鮮炒飯 🍍 出色既泰式菠蘿炒飯，有好多海鮮同菠蘿粒😌 賣相都好正，成個菠蘿咁上😍香茅厚切豬扒摻摻喇沙 🍜呢個可以揀豬扒或者雞扒，都超厚切🤗 仲有好多芽菜添😆 喇沙湯底好香濃，仲可以揀少辣添 🌶️ 😆
繼續閱讀
超抵食下午茶！昨天咁啱去開HKU, 完左個talk想喺附近周圍行吓，5:50 pm入餐廳，原來仲有下午茶，咁梗係食下午茶啦！（其實原本係諗住食晚餐嘅）我哋叫咗個海南雞飯同埋海南雞喇沙，仲包飲品，另外加錢叫咗兩款小食。其中，杏仁炸蝦，水準超高，超好味！豬頸肉份量亦不少，很飽！鍾意玩嗰個魔法飲品，應該係透過酸鹼原理，令到飲品由紫色變做粉紅色😆見到餐廳keep住都多人，我估應該都幾受歡迎，見到隔籬枱嘅生菜包，好吸引，好想食，但已經好飽，唯有等待下一次，可以想試吓其他嘢食😆
繼續閱讀
餐廳俾人感覺好親切,服務仲要又快又好,真係有返啲街坊Feel！👩🍳👨🍳 💚 *斑斕咖央多士*：呢款甜品真係好邪惡！鬆軟嘅多士配上香濃嘅斑斕咖央醬，每一啖都係幸福嘅滋味～💚💛 🍖 *無骨豬手飯*：香嫩嘅豬手淋上特製醬汁，仲要冇骨！食落唔單止滿足，仲方便快捷，簡直係懶人福音～ 🥢 *無骨海南雞摻摻喇沙*：兩種特色菜一次過滿足你嘅胃口！香滑嘅海南雞搭配濃郁嘅喇沙湯底，真係一啖就上癮！ 🍹 *凍泰式檸檬茶*：清新解渴，茶味與檸檬完美結合，炎熱天氣必飲！ 🍊 *凍鹹柑桔水*：鹹鹹甜甜，飲落有啲復古味道，幫你即時降溫～ 呢度嘅選擇真係多到令人眼花撩亂，大家仲唔快啲約埋朋友一齊試吓？😋✨
繼續閱讀
朋友係西營盤返工，星期六約左佢係附近一間餐廳食飯。餐廳主打馬來西亞和泰國菜，款色包括肉骨茶、巴東雞肉椰漿飯、摻摻喇沙及娘惹糕點等地道食物。海南雞飯加錢轉左雞脾肉, 肉質鮮嫩， 油飯軟硬適中，充滿雞油味，伴碟仲有青瓜、酸蘿蔔和花生。另外佢個湯有蘿蔔、栗米和雞肉等， 味道鮮甜，飲落似無味精既住家湯。馬來海鮮喇沙滲滲，入面有豆卜、魷魚、蝦、蟹柳、蜆等多款海鮮，湯底味道香濃，微辣又帶點椰香，十分惹味，而摻摻係用左米粉溝油麵，口感豐富。
繼續閱讀
您可能會有興趣的...