馬六

營業中

休息中

💪🏻 椰子斑蘭冰 (+$8)好少可飲到斑蘭嘅飲品，作為斑蘭愛好者，我覺得呢個沙冰好好飲😋 好香嘅斑蘭味，而且成杯都係綠色好靚🤣 斑蘭配椰汁都好夾，同時飲到2種嘅味道！💪🏻 海南雞喇沙摻摻 ($58)喇沙湯底好濃郁，有好香嘅椰漿同蝦醬蝦膏味道，送麵一流！豆卜都索晒喇沙湯。海南雞係無骨，而且雞肉好滑身😋！💪🏻 巴東牛肉配斑蘭椰醬飯 ($62)巴東牛肉嘅味道同我之前係峇里食嘅相近，香料味同椰香味都突出！牛肉都炆得好入味同好淋，主要用牛腩位去整，肥瘦均勻。💪🏻 娘惹芝麻蝦多士+娘惹焗釀蟹蓋 (+$18/$22)蝦多士好香芝麻味，亦可以點南洋風沙律醬。蟹蓋mix咗一啲雜菜一齊整。味道：7.5/10性價比：8/10 食住瘦指數：💪🏻💪🏻/5 *下午茶價錢

呢間餐廳有好多分店之前喺西灣河分店食過，覺得唔錯今日咁啱係北角嗰邊所以同朋友入去食個快餐🍽️餐廳食物種類都幾多👍🏻今次叫咗兩個餐1️⃣娘惹蔥油辣菜圃厚切豬扒飯今次叫咗走蔥油豬扒好厚身，份量好足夠調味啱啱好，唔會太油膩👍🏻2️⃣海南雞飯配肉骨茶一般海南雞都會配雞湯不過呢間就有得揀配肉骨茶👍🏻 本身係配油飯，我轉左白飯，少飯肉骨茶湯煮得濃郁，散發着不同藥材嘅味道🤤🤤湯裡浸泡著大塊豬骨😍豬骨煮得軟又入味😋海南雞飯同其他餐廳一樣轉雞髀要加錢我冇加到，整體肉質都唔錯，唔會嚡有幾件雞係雞髀位置，有幾舊係雞胸位置，加半隻雞翼海南雞飯配上三款醬汁，薑蓉，黑醬油，辣椒醬海南雞同汁嘅份量好足夠☺️

中晒伏！嘢食完全無味！建議就算食馬六都去其他分店食 今日同埋屋企人去完醫院覆診，由三點搞到成七點先終於走到諗住搵個地方食完飯快快手返屋企休息下啦，自己餓到暈暈地咁，行過附近呀媽就見到就話想食海南雞飯就即刻入左去坐低揀食咩好。估唔到係呢個情況下會令到我上網寫第一次食評！ 揀咗晚餐3樣野食，分別係海南雞飯，燻鴨飯同埋咖哩豬扒飯，三樣嘢都可以話完全無咩味，嚴重懷疑佢地係唔係無落鹽，d飯仲凍凍地，尤其係海南雞同咖哩完全無味，咖喱只係感覺到少少辣，係我成餐飯難得食到既味道。反而加$8蚊飲咗杯椰汁冰味道係最正常。 我一開頭以為自己味覺有問題，諗住喺餐廳問下屋企人覺得點，又估唔到連呢個時間都無侍應係外面無人等位既情況下好快已經清枱趕客走，由坐低到埋單都無30分鐘，真係要讚下佢地好勤力！ 最後埋單一出門口行咗幾步，屋企人第一句即刻話D嘢無味既，你地果D我試完都係無咩味，真係無下次！一家人係外面食飯遇到咁既經歷都成幾年無試過，難忘既回憶！

馬六的下午茶餐抵食選擇多。今日和朋友late lunch，一起去馬六吃下午茶餐。我們叫了一份馬六無骨海南雞飯和巴東牛肉配班蘭椰醬飯，再加配兩份小食。無骨海南雞飯($65)加了$10轉雞肶。雞肶肉滑無骨啖啖肉，好食。雞油飯熱辣辣粒粒分明有飯味。青瓜清爽，紫菜湯不錯。巴東牛肉($62)微辣，肉質軟硬適中，加理半隻蛋，好食。小魚干，炸花生米和青瓜增加口感，椰醬飯有特色。街頭雞肉串燒($26)一份兩串，雞肉調味適中，加埋沙爹醬和青瓜惹味。怡保芽菜($26)又肥又清爽，不油腻。特飲芒果冰(+$8)酸甜。美祿哥斯拉(+$8)香甜，上面的朱古力脆波波好味。兩個人食飽飽，共$205，抵食。

見呢間野食唔貴，過黎食下星馬野。啲晚市套餐連埋野飲around 70 80幾蚊咁，啲野都大碟，性價比唔錯～馬六什錦班蘭椰醬飯，本身係貪圖佢係樣而嗌架因為好想試下個綠色嘅班蘭飯～個飯食落充滿住啖啖椰香，旁邊嘅配料有巴東牛肉、班蘭包雞、脆魚、雞蛋。由其鍾意個巴東牛肉，佢隻醬好惹味同肉質好腍架馬六娘惹茶燻鴨飯。平時配海南雞嘅食得多，見呢個咁特別嘅就嗌黎試試佢，係有啲似平時煙鴨胸咁，食落幾香，同埋啲鴨估唔到咁厚肉。醬就同平時海南雞一樣，同埋都係油飯。其實呢碟我覺得係幾新穎好食👍飲品：椰子斑蘭冰&馬來桔仔紅茶

放工約咗朋友食飯 呢一間星馬菜其他分店我有去過質素好好 價錢又好親民 所以今日再約朋友過嚟 地舖位置方便 近地鐵站座位有好多 好多卡位 可以同埋朋友慢慢傾偈野食真係好多選擇 好鍾意佢哋呢度嘅班蘭㗎央多士餡料好多 仲有一大舊牛油 好邪惡得嚟好好食呢度出名嘅 海南雞飯套餐 跟餐有紫菜湯雞真係好嫩滑 雞嘅味道亦都好鮮甜 加上油飯 真係好高質素另外呢度啲喇沙都做得好 好點咗 豬扒喇沙摻摻 豬扒份量好多 喇沙湯好鮮美 有豆卜 雞蛋等等 真係夠曬飽小食都好特別 有焗釀蟹蓋 好鮮甜 好香蟹味脆炸芝士 好得意 芝士好香脆 飲品方面都 好多選擇 呢度出名嘅係有凍香茅橙茶 茶同埋橙香味好夾 夏天飲啱曬凍班蘭椰子沙冰 先打出嚟班蘭味好重 呢度仲有熱白咖啡 星馬味道 咖啡味好香濃敦厚 我對於呢一餐好滿意大飽口福 cp值好高 我真心推介

近呢幾日新加坡菜係香港多左好多店，其中馬六係香港擴張得好快，基本上差唔多香港主要地區都緊有一間。身為一個已經食左佢幾間分店嘅新加坡菜愛好者，果然放工帶埋女朋友去食北角嘅呢一間。每次去馬六都會比自己試下叫好多唔同嘅食物，今次叫左4樣。咖哩豬扒配米飯 ($72)新加坡咖哩一直都係我至愛，今次呢個咖哩做得出本地水準，香草同香料味都恰到好處，無太咸，配上白飯一流。豬扒唔算係好薄，炸完仲有水份。雞肉串燒 ($26)串燒上面加左少少香茅醬，令到雞肉更加惹味。斑蘭咖央多士 ($28)我平時比較少食甜野，女朋友叫到我就試食左一舊，發現原來牛油+斑蘭醬係咁惹味，感覺係波蘿油嘅升級版咁。咖哩蟹肉配薄餅 ($68)今次試試新野，咖哩+蟹肉原來個味都幾夾。薄餅點埋會多左少少口感。

餐廳：馬六地點：炮台山電氣道菜式：馬拉野餐牌：茶餐12選一，有多款飯粉麵小食，配冷熱飲品6選一，另外仲有小食追加同加$8升級飲品。馬六無骨海南雞飯 $65海南雞肉有兩排大概12件，半胸半脾，入面收埋半隻雞翼，加$10可以轉脾位，雞肉都算嫩，皮滑溜，伴有4片青瓜，跟有大大碟三色醬汁。雞油飯大大碗，非常黏口。仲有一碗紫菜蔥花湯。海南雞喇沙摻摻 $58 喇沙好少見配海南雞，海南雞一排大概六件海南雞，雞肉嫩滑。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。其他配料有半隻超好味糖心蛋，7條豆角，豆卜4件，同少少爽口芽菜，脆脆放係匙羹上，加埋更加香口。班蘭咖吔多士 $28 班蘭咖吔多士一客四件，每件1/4份。烤得脆口多士入面一大片厚身牛油同班蘭咖吔醬。連呢個餐都跟飲品。怡保芽菜 $26 叫左一份小食。怡保芽菜熱辣辣上枱，芽菜份量唔少，面頭加上蔥花同脆碎，味道唔錯，微微辣，唔會太油。古仔路芒果冰（跟餐加$8）古仔路芒果冰用杯裝，中間明顯有冰沙，芒果味道唔假，夠解渴，咬落有粒粒碎冰。老街椰汁冰（跟餐加$8）老街椰汁冰椰汁味好香，飲完好似

超級抵食下午茶，好地道既味道❤️，海南雞喇沙摻摻 $58下午茶份量都好大份😆，海南雞好多舊，仲要舊舊都皮滑肉香，雞皮係好彈滑好食🤤，入面係粗麵加粉絲，食落口感好豐富，湯底仲要濃郁，豆卜索哂啲湯汁食，超級好食馬六娘惹茶燻鴨飯 $62茶燻鴨真係必食，有皮既部分更係肥美感好足，肉既鹹香好惹味，一啖肉一啖油飯，超級滿足😌班蘭咖哋多士 $28不過不失，要有既風味都有齊新加坡鹹蛋黃魚皮 $22超出色魚皮，鹹蛋黃極濃郁，中意食鹹蛋黃既必食，價錢仲要好抵😍娘惹焗釀蟹蓋 $22釀蟹蓋外皮焗得香脆，入面有好多唔同既蔬菜配上肉，食落口感好好👍🏻凍南洋白咖啡 +$3凍馬來手工拉茶 +$3

抵食自選晚餐$86起包主食、小食及飲品，仲係冇加一服務費👍招牌蝦麵套餐$92呢個係摻摻麵，係我近排食過最好味的，摻摻麵即係油麵和米粉兩溝，口感特別，湯底用料與別不同，好香濃蝦嘅鮮味，帶啲椰香奶香，同埋一點點嘅辣味。配有有大蝦，豬頸肉、五香卷、櫻花蝦、豆卜。開邊大蝦保留左蝦肉自身嘅鮮味，豬頸肉有三大片，咬落爽口有肉味,正😋，五香卷都有三件，外皮酥脆，餡料嫩滑飽滿。雞肉串燒（套餐小食）雞肉醃製得非常入味，沙嗲醬香。👍🈚️骨海南雞套餐$92啖啖肉嘅海南雞件好香，冇骨，雞肉肥美，雞皮尤其香滑。油飯味香但唔算太油，微微的油黄色😋紫菜湯清香👍 檳城五香卷（套餐小食）肥瘦猪攪碎後加入五香粉醃製，用腐皮卷成條狀再炸至金黃色，外皮香脆，肉質鮮嫩👍凍玫瑰黑粉、椰汁涼粉（跟餐）玫瑰非常香甜，椰汁味道濃郁特飲都駛加$值得一讚👍

招牌蝦麵 $62蝦湯比預期濃味，有蝦丶五香卷丶豬頸肉丶櫻花蝦，摻摻麵底，即係油面加米粉娘惹古方生魚皮 +$26唔多食店食到，見到有即點，魚皮質感好爽脆，加埋薑蔥絲丶辣椒粒丶麻油等調味，正！娘惹蟹肉酥盒(4件) $48魚仔醬櫻花蝦蘿蔔糕 $48一口大小，微微脆邊，鹹香魚仔醬，加埋櫻花蝦，更惹味馬來桔仔紅茶 跟餐+$3紅茶底幾好味，但桔仔味唔夠，可能切開一半會易拮丶再出味啲桔仔話梅水 跟餐+$3有桔仔又有話梅，似係由柚子蜜做底，略嫌偏甜

~ 由於今天的時間比較急趕和不太餓；所以，打算吃下午茶餐就算了。 分別點了：1）巴生肉骨茶湯米餐 跟餐飲（熱）~ 無論是湯或湯料的份量相當之少，雖然下午茶的份量應該是比正常餐少一點，但份量跟價錢一點都不相符。 而且，肉骨茶的肉質非常之不好吃，看似煲了很久很久咯！ 湯的味道也偏淡，整體來說是不太及格。另外也點了2）巴東牛肉牛角包跟餐飲（熱）~ 牛角包出奇地細，包身的狀態可以說是：又扁..又平！而且包裡的汁多過肉，真的想說： 巴東肉~ 你在哪裡啊？製作可以說是非常馬虎 。這一次的光顧，真的被打擊，不夠膽再去了！或者應該說：不敢再來這一間！~~ 希望其他分店不是這樣啦！~~

今日要同朋友去油街實現到睇展覽，睇完之後我哋就喺附近搵嘢食，見到馬六有下午茶套餐就入去食。雞絲豬頸肉清湯檬粉豬頸肉入口爽脆唔肥膩，雞絲嫩滑，我揀咗檬粉，口感幼滑，我鍾意佢個清湯底，好清甜，豆卜吸收晒湯底味道幾好食。馬六無骨海南雞飯雞肉啖啖肉已經去哂骨，肉質嫩滑，雞皮爽口，加埋醬汁惹味。生魚皮爽脆魚皮加埋薑葱花生一齊食口感豐富，味道少少辣辣地。椰青清甜解渴，仲有好多椰肉食。凍桔仔話梅水味道酸甜甜好開胃。

今日喺港島區搵嘢食 鄰近砲台山地鐵站 馬六 地舖主打新泰星馬菜 喇沙 海南雞飯全部都好有質素魚仔醬櫻花蝦蘿蔔糕切到好靚 一粒粒砌積木咁成個金字塔 玩味十足 粒粒都好香 好有玩味同朋友share開心曬 煎到好香口 做小食啱曬馬來咖哩厚切豬扒轉雞油飯豬扒炸到好香 分量好多 咖哩味好香港送飯啱曬仲有一個大塊嘅蝦餅同埋脆魚仔 花生咁樣做餸 好有層次感跟餐飲品嗌咗個桔仔茶葉茶香味十足 甜甜酸酸好開胃 呢度嘢食種類選擇好多 卡位又好坐裝修新淨可以隨時食個午餐下午茶

明明叫招牌蝦麵，蝦得2舊，仲要係一開二！！湯底味好怪！！炸雲吞小食又油又硬......好肚餓但係都無食哂，唔好同自己個胃作對！！下午茶$83一啲都唔平！ ！ 唔會再幫襯！！