馬來亞春色綠野景緻艷雅

營業中

休息中

【 馬來亞春色綠野景緻艷雅】👆🏻 這個超長的是店名。11：55 平日的星期四，剛開店。店面唔係好多位，若果遲多15分鐘，附近 office 放飯就要排隊。和兩位友人同行，我想食喇沙，友人怕辣，於是點肉骨茶。點了一個海鮮喇沙+魷魚（$84），一個三寶+魷魚($83)。喇沙湯底微辣，有鮮味，有椰汁味。海鮮似乎抵食啲，有原隻蝦。三寶是炸魚餅，魚片，魚蛋，反而唔特別。兩碗都要了油麵，其它選擇包括米粉和泡飯。巴生肉骨茶（$83）個湯底好飲，藥材味有，但唔苦。排骨就 ok，有幾舊瘦肉，有啲柴皮。碗飯好好味，有啲似食海南雞飯啲油飯，好開胃。另叫了沙爹串燒 3串雞3串豬（$70），雞幾滑，沙嗲醬唔辣偏甜。怕辣，所以叫定罐裝汽水，用黎救火，最後用唔著。另外，有紙包裝椰汁都唔錯。據說超長店名原本是歌詞＜檳城艷＞的第一句，原唱是芳艷芬，最早是1954年。那個年代（70年前！）來說相當大膽前衛。另外，只收現金。

今日同同事lunch想食喇沙就去左附近就腳而出名食喇沙面嘅餐廳今次order咗海鮮喇沙佢哋有得揀麵底傳統多數喺米粉加油麵一上枱都幾大碗而且望落去都好似好足料有蝦、豆卜、魚蛋、魚片、蟹柳同雞蛋不過如果以海鮮黎計好似得好少海鮮種類而且都唔算得上係海鮮version不過勝在佢地個喇沙湯底好濃有少少辣但椰香味好足會不自覺飲曬d湯而且都有好多麵一定夠飽lunch time黎食有時都要排隊總括而言價錢偏貴如果可以再多少少海鮮會好d

今日難得同老公撐枱腳，誤打誤撞下黎到呢間餐廳。肉骨茶好暖胃，排骨啖啖肉。海南雞飯d飯好香，雞夠滑，佢送嘅雞湯好好飲。海鮮喇沙湯麵不過不失，味道都算濃，老闆幾好人，食物味道唔錯，都推介。

Went here with my family for lunch as I saw lots of recommendations on Instagram, but turned out to be a bit disappointed. .My sis got Klang Bak Kuk Teh. It included pork ribs, tofu skin, tofu puff, shiitake mushroom, lettuce, fritters and Malay rice. The broth was lukewarm and tasted sweeter than we expected. Although the pork was soft, the overwhelming sweet flavour somehow detered her from having it. My dad and I got Seafood Laksa. It consisted of fish balls, fish cake, shrimp, crab stick and

如題，有驚喜食物方面：叻沙香口惹味但唔辣沙嗲雞肉嫩滑，豬肉入味肉骨茶口味偏甜，肉軟爛送飯一流另外奉送冬瓜茶，對鍾意無糖既人嚟講都係太甜，但都唔錯環境方面：唔算太多位，如果高峰時間未必可以慢慢舒服咁食，餐廳應該都係走一個快食快走既路線完。

一開始朋友介紹來吃，個名咁長😂😂笑左但是，作為不太能吃辣的小廢物來說，這家的laksa真的很好吃，調味出色，湯底有沙爹和花生醬的濃郁香味，少少辣，好惹味，個湯底超級正，吹奏佢1萬年！！麵都好好食！仲可以加埋串燒小食！個麵可以選擇搭配海鮮魷魚，或者丸類，還有menu上的肉骨茶飯都很受歡迎，但是都是推介laksa麵，出色！！好開心搵到hidden gem！位置在巷子裡面，位置不多，也很擁擠，不適合聊天慢慢坐。

鰂魚涌馬拉菜林立，呢間係我試過最有親切感既小店，好似去左馬拉咁！每次食都被驚艷住，肉骨菜同喇沙都係咁濃厚。肉骨茶係呢度招牌，以祖傳三代既秘方煮，湯底非常重藥材味，當然鍾意既非常鍾意，講個人口味吧！我自己就超欣賞。肉質非常非常淋，豬軟骨既部分係入口即化的🥺仲有個飯係蔥油飯，超級超級好食！完全係幸福感喇沙材料好豐富，大大碗，而且個湯汁係掛面，每啖都食飲到佢個湯超級正，重椰味唔辣既咖哩味。當然最後我地都食哂成碗飲哂啲湯見碗底🥹

店面比較細，位置比較隱蔽，暫時只收現金，但lunch hour都多人幫襯，嗌左三寶喇沙，有雞蛋、魚蛋、魚片同魚餅，都幾有魚味，湯底幾香夠濃厚椰味，得閒食翻碗都ok接受到☺️☺️，$72蚊包一杯當日飲品。

🍴 巴東牛肉 参峇魷魚 油麵 米粉 $85 (8/10)份量足但未算大碗，有半隻蛋，芽菜，通菜，四舊豆卜，3-4舊魷魚同牛肉，比較上次食少咗又貴咗😂叻沙好香濃，帶少少椰香，入口好滑，唔辣唔鹹，有微微海鮮味幾香幾好飲。油麵軟硬適中，彈牙，米粉勁吸汁，比較淋身，牛肉煮到好淋，比較爛嘅狀態，有牛肉香，魷魚彈牙細條但得好少，整體嚟講都係好食！🍴 蝦餅 $57 (7/10)炸得比較燶但脆口嘅，蝦餅彈牙有少少蝦，偏貴，味道ok!🍴 黑糖冬瓜茶 跟餐送是日飲品 (7/10)微甜，正常！推薦指數: 8/10叻沙係鰂魚涌最好食嘅一間，個湯香濃不油膩，真係飲得曬個湯。

聽聞鰂魚涌喇沙小店林立，今次就決定試吓呢間openrice 上評價幾高嘅馬來亞春色綠野景緻艷雅！個店名睇落好長，其實佢係一句來自梅艷芳檳城艷嘅歌詞🎼 幾特別🤣喇沙+ 沙嗲(2串豬+2串雞) $79十分滿分想比二十分🩷 喇沙好香濃，係偏甜一啲嘅湯底✌🏻 食落椰奶味夠，香料味都足🤤 我地有嗌埋自家製魚仔炒辣醬，撈埋食帶少少辣味超惹味😍 沙嗲汁係佢哋自家製，食落都係偏甜🤤🤤🤤 重花生香🥜 個人覺得豬比雞更出色，更香口😝 仲有送一杯冬瓜茶😜 冇出面坊間咁甜，反而有股淡淡嘅冬瓜茶香，好好飲💯

依間馬來西亞餐廳開咗都有一段時間，一路都係我食肉骨茶嘅首選，因為佢嘅湯底好好飲，肉已經煮得好林好遠，唔會好似平時煲湯啲湯渣咁實滴滴。另外佢嘅油都好香，會送嘅油炸鬼同埋黑醬油同成個飯都好配合雖然佢嘅位置比較唔方便，又會鰂魚涌地鐵站行，起碼需要10多分鐘，尤其是天氣熱嘅話行過嚟都會幾辛苦，佢舖比較小，可能會坐得比較迫同埋要等位，所以如果想食嘅朋友可能要預早去排隊等位，而且佢哋只收現金所以要去食之前要準備定好現金俾錢

餐廳位置比較隱蔽，要經過一個類似鐵閘嘅地方入去，望向左手邊先至會見到嘢食方面夠晒正宗，而且價錢好抵食，份量都好足，係環境方面比較迫，想傾偈可能都會比隔籬枱聽度😂

🍲 馬來亞春色綠野景緻艷雅 (鰂魚涌) 📍嗰日碌IG 放大鏡🔍嘅時候，見到有個高質喇沙集合嘅post，好似好吸引咁🤤，而有間就係喺M先生返工附近，所以就決定搵佢食lunch啦。🍴正宗巴生肉骨茶 $80 6/10但去到見到痴住咗好多海報喺鋪頭，寫住正宗肉骨茶，三代家傳秘方等等，先發現好似係主打肉骨茶，咁梗係即刻叫返個啦🤩。戴返個頭盔先👷🏻‍♀️，我冇去過馬來西亞或者新加坡食過肉骨茶，所以我唔知點先算正宗。我唯一一次食肉骨茶嘅經驗就係喺北角嗰間古月，下次有機會介紹吓。一上到嚟就俾佢個沙煲震懾到，即刻覺得勁正宗😂。然後有附上油炸鬼，黑醬油，蒜蓉以及指天椒粒，仲有最最最重要嘅油飯‼️因為之前食古月佢係配白飯，仲要呢個油飯唔係平時食海南雞普通嘅油飯而係「馬來蔥油飯」，我覺得勁好食，勁香但唔油👍🏻。 如果油飯單獨俾分嘅我會俾💯。咁係時候講吓肉骨茶啦，um….我就覺得個湯底麻麻地，可能我食唔慣「正宗」啦，飲第一啖湯嘅時候，係feel到好有藥材味，然後就係得返甜味，甘甜嘅味，食到後尾會覺得膩，我係冇飲晒個湯，冇乜層次，感受唔到大蒜味，不過可能係佢標榜唔辣嘅關係啦。相反，之前食古月肉骨茶個湯底係會有多啲層次

之前聽同事推薦呢間小店好食，所以就黎試下～但佢個舖位好細，最多只可以坐30個人左右，啲位有啲窄，坐得唔係好舒服😶但野食比較重要！我地兩個人叫左一個肉骨茶飯，佢同出面既肉骨茶有啲唔同，比較甜，好特別，但食到後面會有少少蓋過左啲藥材味🤔另外仲有叫左喇沙米粉加沙嗲串燒，睇相都知喇沙味非常濃，好食👍🏻但成餐最驚喜都係個串燒啲沙嗲汁，少少辣同帶啲甜味，好惹味，加埋啲肉食非常夾😋諗起都又想去食啦~ 鰂魚涌附近都好多星馬野食選擇，但食完就明點解呢間巷仔舖頭得兩款野食都可以keep左吸引咁多人流，大家有機會都可以一試！

今日lunch同事帶我黎食呢間🤭搵左好耐個餐廳名都唔覺眼係邊，原來一直都係到，係咁長嘅🤣以為係slogan黎🫣店員介紹話喇沙係基本野一定要叫，一於試吓啦！因為本身都鐘意食喇沙，，但鰂魚涌附近的確唔多選擇、甚至乎好似無🤔我今次叫左海鮮喇沙麵，都幾好食喎，最驚喜係個豆卜😆勁入味呀！主要係湯底好濃厚、唔算太辣，而且甜甜嘅喇沙味，整體口感好好🤭有種食完一碗再想食多碗嘅感覺🤣飲品方面，會配返一杯微溫嘅洛神花茶定唔知水果茶，橙橙地色，飲落好清新😛👍🏻呢間我一定會多啲嚟食㗎😋😋