馬來一菜館

營業中

休息中

好老實的我平時很少食馬拉野，如果唔係因為今次機會都唔知原來馬拉野係咁精彩既！對於九龍人的我，好少到西環，搵餐廳時真係花多少少時間！這酒店雖然屬於香格里拉酒店集團，但馬來一菜館餐廳以簡約為主，氣氛輕鬆，餐廳環境濶落，價錢還十分親民。好岩一家大細和朋友聚會呀！我們先點上飲品，玫瑰特飲帶點淡淡玫瑰香的冰涼甜奶，味道和賣相都頗討好！薑汁拉茶薑味十足，飲完成個身暖晒！冬天ＢＥＳＴ　ＣＨＯＩＣＥ！柑桔檸蜜酸酸甜甜，飲完好開胃呀！睇完個餐單之後覺得頭都大埋，最後由靚仔經理幫我地ＯＲＤＥＲ啦沙嗲雞肉或牛肉串燒（以傳統馬來醬料醃製的烤雞肉／牛肉串配濃郁香甜的花生醬及飯糕）呢味係我既最愛，牛肉好ＪＵＩＣＹ，好入味！（岩岩我妹妹又唔食得牛，我食晒ＫＡＫＡ）就萛唔落醬都好夠味！可以話係我人生中最好味既串燒！肉骨茶，未飲已聞到好香的肉味, 配上了鮮嫩的肉排及脆卜卜的油炸鬼, 一飲就覺得同平時飲既唔同，我略嫌它沒有藥材的味而且沒有胡椒的香。但如果當佢係一碗湯水飲，味道總萛唔錯！加上白飯，食完成身暖晒！星洲香辣烤魚魚肉以星洲傳統辣醬調味，再以香蕉葉包住來烤！成只糭咁好精美！打開后裏面是壓扁了的魚肉，味道有小小辣加上

昨晚到馬來一，一行六人，可盡慶的點菜。第一次在此吃沙爹，點了羊肉和雞肉，兩款都很入味，肉質嫩滑，配濃濃的沙爹醬，非常美味。最特別是旁邊用米造成的米糕，看似白糖糕，有點實實的，蠻地道。不過旁邊的青瓜有點乾，要改善。（7/10）今年吃得韓式炸雞，但未試過馬來炸雞，頗特別。不是炸很脆那種，但有咖喱香，又不會乾，有特色。（7/10）烤餅即造，熱辣香脆，沾咖喱豆醬。單吃餅已很滿足，豆醬份量有點太大，吃剩很多。炒芽菜$62，芽菜粗粗短短的，很趣緻，入口爽脆，配咸魚粒，簡單美味。（8/10）海南雞飯、炒貴刄、肉骨茶都是來此必吃的。海南雞飯的金黃色飯是至愛，單吃飯已相當滿足。雞嫰滑無骨，是懶人恩物。有湯有飯，份量十足。（8/10）肉骨茶的湯是精華所在，帶微微藥材味，令你想一喝再喝。肉太大塊，碰都不敢碰，只加了兩片油炸鬼，香脆的油炸鬼沾上湯汁，份外好味。（9/10）眾人一邊吃貴刄，一邊叫辣，但又辣得夠味，令人又愛又恨。（9/10）Rose syrup$25, 只是紅色糖水，沒玫瑰味，不建議點。（3/10）人多吃得盡慶，一次可品嚐多點菜式。枱太細，菜要分批來才放得下啊！

喜愛馬拉食物的朋友若光顧馬來一菜館的自助午餐，定會滿載而歸，食得開心。除了味道夠地道，大廚所用食材亦絕不欺場，尤其見到肥啫啫芽菜同埋角豆（corner bean）登場，確實勁合皮。自從離開檳城，一直掛念着肥啫啫芽菜，今次重遇，狠狠地狂吞它入肚，以表達對它的愛！在這裡，享用了很多美點，其中巴東牛肉配椰汁飯，更獲大家一致讚好。多得廚師推介，嚐試了一款混合印度風味的湯麵，味道更勝蝦麵呢，力推！別錯過蝦麵檔旁，放有一款黑醬汁撈水果油炸鬼，聽落覺得食材配搭非常古怪，不過按店員指示加入其他配料同撈後進食，味道很有趣，值得一試。吃掉炒蜆、加多加多、炒麵、肉骨茶、惹味咖喱魚及燒雞脾，眼睛自動轉向甜品部。雙色庶糖糕精香少甜，食得安心；椰絲卷皮軟饀豐，齒甲留香。榴槤粉絲莫錯過榴槤泡芙及D24榴槤雪糕，D24的吸引力，你懂的。放下食具，是時候來一杯即製香濃拉茶。每呷一口，越覺幸福、滿足。

還記得多年前出差到星加坡, 當地同事帶我到公司附近的hawker center (當地的熟食中心名稱)吃午飯, 她叫了來一碟叫rojak的食物, 原來是馬來西亞地道的沙律, 以幾款新鮮水果及蔬果製成, 混了一個味道甜中微辣的特製醬汁, 當中最令我驚喜的是沙律中還包括脆卜卜的油炸鬼, 這份地道小吃, 多少年過去, 我至今仍然十分懷念。最近得知在西環一間酒店裡有間馬來西亞及星州菜的餐廳有這個沙律, 就趁週六的時間, 找來粉絲陪我一嚐心願...期盼重溫當年的味道。餐廳位於酒店的2樓, 中午12時前來, 餐廳還沒有客人, 面積諾大的餐廳裝飾沒帶半點馬來風味, 反而是光潔明亮, 簡潔有致, 有些靠近大玻璃窗的位置, 陽光透映到座位, 增添了一份既溫暖且悠閒的感覺。用木板製作的餐牌很別緻, 把餐牌逐頁揭開來看, 馬來西亞、星加坡及印尼的多款地道食物都有提供, 還有一頁把所有招牌食物的相片刊登, 如果客人不喜歡東南亞菜式, 餐廳還另有西餐提供, 為酒店客人提供不同的飲食需要。先點了個我最期盼的Rojak (囉惹醬蔬果沙律) ($62), 不用10分鐘即送上, 賣相並不討好, 在沙律上的醬汁是深啡色的

Cafe Malacca is the long standing restaurant in Traders Hotels (now called Hotel Jen and part of the Shangri-La Hotel Group.) They serve authentic Malaysian and Singaporean classic Hawker dishes- especially from Penang! (How exciting! I still remember going to Malaysia, Singapore- and just feasting away at all the delicious food!) I was excited to go for a Cafe Malacca for a tasting and see what all the buzz was about! Also they're in this year's Bib Gourmand Michelin Guide. Get ready for a feas

車胎人推介餐廳馬來一菜館一直在都係我心中想試餐廳LIST中,等了好耐,無緣見面,原因就係太遠了,地鐵唔到麻.但一些不好的事情發生,做就我到了瑪嘉烈醫院探望.晚餐就和家人齊齊到這裡輕鬆一下吧.雖為酒店餐廳,但價錢就不算太過份,所以場內不少街坊進食座位不算太舒適,梳化位好霸氣,使你不能背靠椅背$118 海南雞,雞肉不夠嫩滑,彈性亦不足,雞味亦不見濃郁,下了甜醬油,輕微提鮮.油飯就以香料味為主,雞油感不太強烈,不是令到我好驚喜那種每口雞油香的感覺.飯粒濕度適中.$28 桔仔水,清清酸酸甜甜,十分開胃,擁獨特既香氣,不是一般LIME能做到,所以必飲(但距離原味好遠)$68 炸雞,雞肉炸得極為乾,雞肉沒有肉汁,調味幾近沒有,香料味亦好淡,食不出是什麼風格.失敗之作$?? 馬拉盞炒菜,醬夠濃,菜索了醬汁極為惹味,不愛菜之仕亦會愛上,把其掃光$68 炒蘿蔔糕,蛋加上甜醬油,蝦米等等材料與蘿蔔糕炒香,把單調既蘿蔔糕變成重口味既小食,咸甜辛混為一體,加上濕潤既蛋,十分美味單純以車胎人推介餐廳的度來看,我認為是不能接受的,有些菜式有好大改善空間.海南雞,炸雞為首要改良既地方.希望下次來會有更佳表現

馬來西亞一個是港人常去的旅遊點,雖然小妹未曾去過既旅遊點但係小妹也知道它們當地的美食是什麼的!!!!當然不少得是咖央多士當然是必吃之物啦除左就係海南雞飯~但係而家好似好多地方都係出名之菜XD今次小妹就竟然去挑戰吃馬來西亞既美食因為星馬的美食其實多數也是辣的~所以小妹從來真的沒想過到星馬旅遊XDD而今次既挑戰地點就是西環的盛貿飯店既【馬來一菜館】或者大家話下....西環?我十世都未必去啵當然小妹都係去過一次半次就是好友大婚做姊妹先第一次去但係呢個酒店係石塘咀街市隔離~其實都唔難搵架!!不如就介紹一下呢間【馬來一菜館】間既環境先其實呢個餐館本身屬於酒店既早餐部,係下午時份都會有半自助既星馬野食既咁呢個餐廳本身大約分為兩個區域一邊就係似係平時FoodCourt 既座位~一邊就有普通既餐(木台)及梳發位置的座位其實我想都起碼有50(木台)~每個位置都好闊落唔洗驚坐到迫迫咁啦今次我跟新認識的Lagoon小姐 一同品嚐今次既美食係等候美食既同時,她就為了我介紹以下既飲品呢杯係【香茅特飲】呢以香茅飲品配以斑蘭味果凍 $23/杯而我自己飲既呢一杯就係【柑桔特飲】$23/杯呢杯柑桔同平時我地飲開個D 好

西環食肆很多，但想要環境食得舒適，又唔太貴，呢間在酒店內餐廳都算首幾名選之一，食物東南亞為主，晚上有自助餐供應，今次選擇食午膳，酒店擺位闊落，唔會檯貼檯，交談有私隱，叻沙椰汁味唔錯，用料新鮮，份量亦唔少，味道算正宗，最後來杯熱咖啡，又一餐

其實不少在港的馬來亞菜餐廳售的都是經改良的馬來亞菜，以迎合港人口味。一直都在尋覓一間夠地道的，轉折下，經人介紹終於來到這間馬來一菜館。餐廳位於西環盛貿飯店。環境當然也有一定水準吧，裝修別緻，枱與枱之間隔得夠開，私隱度高，氣氛也不錯。甫坐下，侍者便主動為我們介紹該店的招牌菜以及不同的特色等等，十分貼心，而餐牌中馬來亞菜的選擇其實不算多，所以很快便輕鬆作好決定。先來的是很少有的地道前菜，囉惹醬蔬果沙律$62。囉惹醬中的蝦醬是自家製的，味道濃烈，帶少許辣勁，惹味得來又醒胃。同時，蔬果的鮮甜也沒有被掩蓋，加上，一顆顆的炸油條甚是脆口，令整體口感生色不少。然後，就到這道炒蘿蔔糕$88，可選配或不配鮮蝦，而愛吃海鮮的我們當然要配鮮蝦。馬來亞那邊的炒蘿蔔糕都是偏腍身的，這兒亦貫徹了正宗做法。蘿蔔糕面帶微微的焦脆，內裏卻軟腍得不得了，加上豆芽，菜甫一同炒香，很是入味香囗，此外，鮮蝦亦夠爽嫩彈牙，不錯！接著亦是一道較少接觸的星洲香辣烤魚$42以香蕉葉包裹，加入特製辣醬烤成，味道更顯明更香。而且，魚肉以免冶的方法處理，較為特別。魚肉吃下就像蟹膏的質感，一粒一粒的，十分有趣，同時，辣得來又夠香，所以，不會吃

亞媽話要請食生日飯, 唔好太嘈, 又唔好太遠, 最好一程車到~跟住又話大熱天時無乜胃口, 唔好食西餐....正當我稔到頭大時, 就係OPENRICE 見到各食家對馬來一菜館既好評啦!囉惹醬沙律 (Rojak), 個汁好得, 加埋炸到脆卜卜既油炸鬼, 真係一流~炸雞, 麻麻地, 有D乾, 可以不試蝦麵, 好香, 足料, 都幾辣亞參另沙, 酸酸地, 好開胃... 但我自己都係鐘意新加坡叻沙多D~檳城炒貴刁, 炒得好香, 有鑊氣, 加埋臘腸好惹味, 不過對我黎講好鬼辣羊肉/雞肉/牛肉串燒, 沙嗲醬甜左少少, 但幾好味, 可以解辣~  個唔知係咪米線糕既伴菜有D奇怪...香蘭椰絲卷, 超新鮮, 超香, 超好味~  必食!榴槤布甸, 都幾滑, 好香濃既榴槤味

去完馬來西亞後，對當地的美食念念不忘。餐廳位於西環 Trader's Hotel內，既然近水樓台，怎能不試呢。食物水準中上。午餐lunch set $110 有前菜，主菜及甜品。最推薦的是rojak salad及班蘭椰絲卷，吃後很想encore.反而nasi lemak 就比較失色，白飯的椰子味太淡。

久不久就會周末中午來馬來一午膳，原因有三：1）味道好，夠冶味2）不用等位，坐得舒適（周末是要hea嘅）3）價錢相宜來此有兩樣東西是我必吃的，肉骨茶和炒貴刅。肉骨茶是用一小托盆上，有一小煲連排骨的肉骨茶、一碗白飯、一小碟小塊的油炸鬼和一小碟醬油和辣椒。肉骨茶味道正宗，沒有太重的藥材味，排骨入味又夠稔。吃時在湯中加些飯，輕輕把小塊油炸鬼沾點湯吃，有層次、又好味。排骨沾一點點醬油，已經很好吃。炒貴刅是我又愛又恨的一道菜，炒得香口冶味，有爽口芽菜、彈牙大蝦、焦香臘腸，好吃得停不了，可恨是自己吃不得太辛辣的食物，每一次吃都是一邊吃、一邊流鼻水，所以已一早點了凍死薏米水解辣。始終此店是在酒店內，服務有一定水準，侍應也多。二百多元消費，非常滿意，也沒有到星級食肆的壓力（貴的星級餐廳總有很大期望，也常存落差；老店又人多，又要看店員面色，還要受氣）。推介一試，吃上癮別怪我啊！

有朋友睇過小弟食評介紹賣星馬菜嘅馬來一，心郁郁有興趣一試，而小弟亦都好鍾意馬來西亞依個地方，尤其檳城及浮羅交怡。人少食唔到幾多嘢，所以，就不如多約幾個老友記，一齊過嚟馬來一品嚐其地道星馬美食。今日週中閒日，我哋又嚟得早，所以人客唔多，不過坐落就越嚟越多人。雖然裝修唔豪華，但喺勝在簡約舒適，地方闊落，我哋揀咗中間靠牆圓枱，貪其騷擾少啲，而背後幾張星馬街頭小攤檔黑白相，甚有味道。由於小弟嚟個幾趟，而朋友就首次到，自不然乘機將點菜重任交晌我手中，其實，未嚟之前已心裡有數，有幾款地道又富特色嘅菜式都好想俾佢哋試，所以，今次點菜無乜難度 。晌星馬，最抵就喺飲嘢，尤其一啲大牌檔、熟食市場，啲果汁抵飲到暈，一杯1L鮮菠蘿汁，都喺馬幣6蚊左右（~HKD15），而一杯近1L嘅榴槤牛奶，只賣坡紙2.5（~HKD16） 。當然，晌香港就無可能咁平啦，不過，嚟食星馬菜，點杯飲品多少都喺慣常。 涼粉冰 $23屬新加坡特色飲品，梳打水加涼粉條，算唔上好特別，只喺帶嚟涼快清爽嘅感覺。 香茅特飲 $23 之前飲過，覺得特別所以介紹朋友一試，以香茅煲水，香茅味非常突出，飲一啖香茅味已衝緊入喉嚨，而青青哋嘅斑蘭

夜晚9點幾到成家店都坐滿人，嚟到先知原來係酒店2樓，餐廳裝橫好舒服好優雅。食物方面，海南雞飯味道令我回想起新加坡好地道既雞飯味，油飯好香好好味，雞好滑好正宗，加埋D醬一流！炸雞非常普通，食唔出咩味，有D乾。檳城Laksa係出乎意料咁好食！酸酸地好開胃！第二道好似未食過呢種Laksa！或者要去馬來西亞一趟find out下係咪真係咁既味！最後臨走外賣榴蓮布甸，係好濃好Rich好奶既榴蓮Pudding，有D似澳奶雙皮奶既質感，不過呢碗多咗榴蓮味！好正吖！如果唔係地方唔就腳都會成日嚟！

Set Lunch HKD148+Gado Gado as a small appetizer was good with an authentic peanut sauce.  Emping was slightly less crispy.Nasi Lemak for main dish was below my expectations.  Sambal (albeit dry), Ikan Bilis, and Chicken pieces (2) were acceptable.  Nasi was cooler than expected without the  Lemak fragrance and taste I am used to back home.Coffee and Kueh.  Forget the coffee...hotel buffet restaurant standard, bland.  Choose Barley instead.  Kueh Dadah was a nice end of meal treat.