馥苑海鮮酒家

營業中

休息中

馥苑是我星期六和星期日飲早茶必選的食肆。這𥚃最適合早鳥，如果在8時前到的話，都容易有位，但遇著大節日，例如父親節、母親節和農歷新年就免了，早茶優惠取消，全日正價，還有睇見D熟客指下鼻哥就衝入去，真是火到來！通常我都會叫碗粥，有兩款選擇：夏天就冬瓜咸骨粥和瑤柱南瓜粟米粥，兩個粥都不錯，但咸骨粥好多時有碎骨，可能用新鮮排骨啩，真是要小心食。另外雞扎都是不錯的選擇，雞肉新鮮嫩滑，魚肚大大件，抵食蝦餃都另一個必食的點心，皮薄餡靚，鮮蝦鮮甜爽口，真是太好味了其他點心的質素都有中上水準！如果你能早起，又能接受這裡侍應的晚娘面孔，馥苑不失為一個飲早茶的選擇！

整個九龍城廣場有三間酒樓，因為耐無黎馥苑，於是星期六中午一家人去飲茶。呢間酒樓做熟客生意，熟客就好快有位直入酒樓，唔係嘅就要喺出面等。味道OK但太細碟味道一般冇乜特別賣相麻麻但味道OK個皮夠薄，晶瑩剔透用料新鮮點了一煱魚腐米線味道唔錯足夠五個人分(上圖只是分出的其中一碗)味道只是一般四個人食咗以上的點心$410平均每人$100，貴咗啲囉未必再黎喇!唯一好嘅地方系侍應生算多

家中長老生日，大家族難得聚首一堂, 今次去咗較近便又可以包廳嘅酒家慶祝.從未來過這間, 訂位時已知酒席價錢不是大眾化, 且看看質數是否跟價錢成正比?菜式跟一般12人的酒席內容差不多, 有乳豬, 有炸蝦球, 發財好事, 炸子雞, 鮑翅, 糯米飯, 蒸海斑.講真, 只有第一道嘅乳豬真係好脆, 唔多肥肉, 又好香好味係較出色外, 其他的味道都係一般.蝦球+蚌炒荷蘭豆, 炸蝦球, 炸子雞, 糯米飯, 炒伊麵都係好一般, 菜膽飽翅係比較多翅(當然酒席成7千蚊....), 但個碗嘢好似漿糊水咁, 完全唔得囉....蒸海斑有人話過咗火, 太"鞋", 但我食魚背就OK嘅.發財好事上面有舖花膠(不算太小的花膠, 還好), 呢味又係酒席中嘅重點, 味道還OK, 有生菜墊底, 但太多獻汁, 食完晒仲成碗汁...最後來個美點, 小煎堆, 紅豆沙配芝麻湯丸, 都係中規中矩......總體來講, 這個價錢真係太貴了, 質數未能跟價錢看齊, 這點真的酒家方面要改下喇.

九龍城廣場 食店多款式多酒樓有幾間 揀“馥苑“試吓環境唔算高級 枱與枱有空間侍應要做就做 冇特別關注早茶點心優惠紙 唔算太優惠鮮淮山滑雞粥 $20 味淡 細雞件多碎尖骨 小心迷李臘味糯米飯 $20細細碗 好香臘味 肥膩黑色 唔吸引小籠包~尚可 大大嚿肉唔太肉香 冇爆汁薑蔥牛柏葉~ 一般貨式 夠爽夠冧 駕車早上10點前入車 “冇“商場停車優惠

朝早九點幾就黎到飲茶，可能閒日黎唔洗排隊。不嬲都聽人講呢間酒樓野食唔錯，今日就同屋企人黎試下！我地四個人叫左8樣點心，首先我最想讚下既就係蝦餃皇、烤芋角同蒸粉果。首先講下個蝦餃皇，佢一粒蝦餃入面至少有兩粒蝦，蝦肉又彈，蒸皮又軟硬適中，整體黎講係足料又好味！平時蝦餃食黎食去都係咁，無乜大分別，但呢到既蝦餃真係又大又靚，唔會好似d度縮酒樓咁得一粒蝦仔🌚根住就輪到烤芋角，呢個芋角一牒雖然得三粒，但因為佢又烤又芋頭既關係，所以我諗住少少地過下口癮就夠。點知佢食落雖然滿口芋蓉，好足料，但因為佢又香又脆，加上佢芋頭唔係好大舊，所以食落無想像中咁膩，反而芋蓉同脆皮既對比就好突出，估唔到咁好食！蒸粉果亦都係好野之一，同蝦餃一樣，大大份又足料，我食到佢粉果有蔥、西芹粒、香蘿蔔、花生，個皮亦都蒸得岩岩好，軟林林但唔痴牙，夾埋一齊口感好豐富😋😋但係我覺得燒賣就普通，因為佢亦都係大大粒，可能其他人會鐘意，但我個陣已經食太飽，所以好膩😂總結黎講，呢間酒樓既點簡直大件足料又抵食！

以前我成日去呢間飲茶，呢間點心碟頭大，味道都OK價錢唔平, 但碟頭大, 計返唔貴仲有呢間野有個問題，熟客唔使攞籌等位，所以拿籌等枱會好耐。最憎就係你係出面攞籌排隊，D所謂熟客就自己入去企係到等人埋單坐落去，樓面話佢都無乎，因為係經理批准。

今晚家姐請食飯，揀咗親戚都就腳嘅九龍城。馥苑耐唔耐都會去飲茶食飯，水準好穩定，是晚亦唔例外。9個人叫咗9樣嘢。我最鍾意香口嘢，乳豬層肥膏好薄但又有啲肥唔會乾爭爭，夠熱又皮脆肉嫩🐽。玉樹麒麟蒸素豆腐，啲豆腐軟滑但豆味稍遜，除咗有彈嘅冬菇，原來仲有塊偏腍但仍爽嘅大頭菜，令到口感變化多端。沙薑雞點埋沙薑鹹香惹味，另一大愛💖！南乳炆粗齋有南乳味，啲豆腐索哂汁送飯最好。大海杉有兩食分別係炒同炆，魚肉幾滑唔錯。瑤柱蛋白炒飯粒粒分明，調味剛好唔會過鹹或冇味。其實已經飽飽地，但都加咗兩個餸：燒汁野菌炒豬頸肉，肉算爽、大良炒鮮奶冇燶味亦唔太油有水準。最後，送糖水居然有4款揀😱，我要咗好耐冇食過嘅麥米粥，唔太甜又有粒粒好好咬。成晚我哋都雞啄唔斷傾偈，好豐富同美滿嘅一個聚餐！😄

星期日下午一時半和家人到九龍城馥苑飲茶, 相熟識的支客力推銷吃這個中東鮑魚送魚翅, 在於為難推諉下要了兩客, 不需五分鐘鮑魚已送到枱面, 鮑魚比想像中小, 上面放滿似糊般的毫油及凍冰冰, 鮑魚無鮑魚味,似用急凍鮮鮑如造台式鐵蛋般煮成, 非常難吃, 所謂送的魚翅也似豆粉開水加入無翅的魚骹, 還要每份收$650.00  , 物非所值令人氣憤!

其實這裏是母親大人最愛飲茶的酒家適逄我放假日  母親大人必會拉我到此今天我倆吃了$163下午茶腸粉有點強差人意  一放涼了就變得〝實的的〞  丁點軟滑也沒有這盅頭飯是早茶後才供應  標為特點  份量可以分到2.5小碗看到了吧 排骨的份量很足  鳯爪有隻  再搭些菜  其實叫這點心很划算因為己集齊了很多料這傳統點心是母親大人的情義結  到每家酒家都必要試試這裏的做得不錯  只是我真的對它沒有好感....巨無霸的粉果  皮夠薄  看到餡料多足  味道很好就是了這是新出的點心    面頭還有些咸蛋黃釣味  想不到臘味和菠菜是如此地合拍  不能錯過再來這是下午茶才供應的西洋菜餃  配上蒜茸調味  很好吃吃過很多次  總括來說這裏的點心真是做得很出色相對地小菜方面較為遜色

由於今日係星期六, 爸爸尋晚已經千叮萬囑我地要早啲起身去攞位不過我地9點起左身, 都要到10點鬆啲先出門口, 揸車過去都要10點半先到最後排左半個鐘先有位, 不過以星期六尼講都算快了我地要左8樣點心: 芒果布甸 雞球大包乾蒸牛肉山竹牛肉球 煎蔥花蝦米腸鮮什菌腐皮卷潮州蒸粉果煎釀虎皮椒馥苑係我地一家人星期六飲早茶嘅首選, 一來離屋企只不過廿分鐘車程二來食品質素保持得相當好, 每樣點心都令我地再三回味最後不得不提嘅就係尼度嘅員工嘅服務質素, 大部份侍應都好爽手, 上菜收碟同樣有效率環境就不在話下, 裝修完冇幾耐, 夠哂光猛又夠冷氣, 衛生環境亦冇得彈

跟大班朋友12人晚膳，臨時訂位8pm都有來到打開餐牌，真叫唔落囉！炒碟菜都要$100！ 想叫片皮鴨（$350+！！！）又賣晒，例湯又無，問有咩魚全部都無問侍應有無d抵食d嘅餐，佢拎個牌來， 全部$3500～5900！！！ 咁叫抵食？仲要係普通菜！ 唯有係咁二叫多肉多飯，叫半隻燒鵝肥到無朋友！！！ d 餸又細碟！完全無餸食+食唔飽！ 每人都$150！！！之前在尖東d高級酒樓晚膳，食到食唔晒，都係每人～$250！起碼服務好d!而且個商場又唔方便，泊車又無位，一定唔會再去！

有一段時間沒有去九龍城廣場.原來變化也什大,在最高的一層有二間酒樓,當天選了馥苑.店內環境空間感也不俗,聚會也沒有問題.店員服務態度也可接受,但打開餐牌,價錢一點也不親民.茶錢要10元位,酸菜10元一碟.點心由小點21元至頂點41元不等.蝦餃:每粒也相當大粒,賣相吸引.也因為澄皮厚,不會一夾即穿.蝦肉尚算爽口.可惜蝦肉太乾身.味道更是一點也沒有.明顯是雪了很久的蝦.以37元的蝦餃而言.品質卻令我無奈.蜆蚧魚球:即叫即炸,入口熱辣辣,味道什為香口.蜆蚧醬帶點鹹鮮味道.什為好食.只嫌油份太多,幸好也吃得出魚味,不是毫無味道/排骨飯:上枱時滿滿.還有幾條菜平衡飲食.可惜排骨用料又是雪得厲害的雪藏貸.肉味又是欠決.幸好肉質正常.沒有化學過.飯粒也算乾身.筆挺.粒粒分明.蒸釀豆腐:豆腐有很香豆味.但質地不是順滑.是硬豆腐,料也有肉的鮮味,算是又健康.又好味的一項食物.紅豆沙:其實很足料.全碗也佈滿紅豆.但感覺太杰身.像紅豆溶般.同起沙二字.有很遠距離.味道亦是超甜.在港我只有在西環吃過正宗的紅豆沙.2人埋單要252元.環境.服務不算突出.食物也末見得出色.價錢卻貴.九龍城選擇多.呢間店根本沒有回

今天放假同老婆、阿爸阿媽去左九龍城廣場馥苑飲茶，點左蜜汁叉燒腸、家鄉蒸魚雲、香芋鴨腳扎、叉燒焗餐包、滑雞球大包、羅漢齋粉包、乾蒸牛肉食物質素平均，服務員態度良好，環境有曬酒樓氣氛（嘈）

這日一行3人去九龍城，其中友人提起很久沒去馥苑飲茶，於是便往九龍城廣場出發。我們本想訂位，誰知我們打去訂位時，對方說12：30，3位呀，入來得啦大把位。我們聽到後開始有點擔心－大把位？，也覺得這位員工有點懶，既然客打到電話來，替人做個留位又有幾難呢（除非不設訂位）。其實當我們12時多到達，也已有6、7滿，再到約1點多更差不多坐滿9成，好在現實不如預計般冷清。說回食物，我們共點了：瑤柱豆苗餃餡料其實不錯，豆苗幾新鮮，有瑤柱香。皮是最失敗一環，太稀一夾即爛。(2.5/5)魚香蒸釀茄子很香鹹魚香，茄子蒸得時間剛好，皮乾肉嫩，好吃。(4/5)蝦腸腸粉皮過厚，也過黏；蝦肉雖算爽但沒有鮮甜味，不吃也罷。(2/5)豉汁蒸鳳爪友人評語不錯，很入味。(3.5/5)燒賣味道很一般，肉不是手切的，質感太粉。(2.5/5)雞絲煎芋絲餅最好食是這個點心。煎得很香，芋絲也香甜。上下層芋絲中間如三文治般夾了雞絲，好吃！(4.5/5)叉燒包正確來說應該是叉燒醬包，餡料很少叉燒幾乎都是甜汁。包的質感也太黏和包也偏甜了一點。(2/5)原盅吊片肉餅飯這樣也沒有多吃，肉餅味道一般，飯則不錯。(2.5/5)雷沙麻蓉包最失望是這

每次與家人到九龍城，都一定會幫襯這酒樓的，因為無論是飲茶點心，還是晚飯小菜，都有一定的水準。坐下不久，先來的當然是茶，是鐡觀音來的。甘甘的，真是生津止渴。然後便是點心的出現。最愛的炸物就是芋角。這裏的芋角最扺讚的是它不單外脆內軟，最重要是它沒有一般的油炸味及過濃的芋味。真是水準之作。跟著是煎流沙餃子，是一個全新的嘗試，雖然內裏的奶皇不太流沙狀，但外皮煙煙韌韌，奶皇甜甜的，加上獨特的創意，讚。然而到咸水角時便有一點失望，因為它太黏牙了。雖然餡料夠多，但它的外皮真令人不太喜歡。不過到排骨、燒賣及粉果就不同了。經典的點心，傳統的味道，就是自己最愛的味道。少不了的也有棉花雞。軟軟的魚肚真是百吃不嫌。叉燒腸也是不能或缺的。皮滑，叉燒香，正。最後到兩個小型粉麵：蒸飯及銀針粉。真是一個滿足的午飯。