香港飯堂

營業中

休息中

睇住IShowSpeed嚟到香港，個導遊托哥特登帶咗佢去食呢間茶記，人哋第一次嚟香港，直播住比幾十萬人睇，心諗乜呢間嘢會比澳牛更有特色？直播完第二日即刻去咗朝聖。去到見有位同侍應講一位，佢好串咁話冇位，我指住入面冇人坐嗰啲位問係咩嚟，佢冇答就走咗，心諗jm9。咁等咗陣之後有得入去，冇耐有另一班人入嚟坐咗我之前指住問嗰啲位，有人book咗就講啦，駛乜黑我面啫？咁我叫咗個忌廉炒意粉，wow上菜之係碟意粉係冇汁㗎，問返侍應係咪廚師唔記得咗落汁，佢話問問但係冇返過嚟，我都冇晒期望費事等就咁食個冇味嘅意粉算。平時啲食評就算係負評我都會影幾張相，禽次食完心情差到唔想影，零分，都唔知點解托哥要帶speed嚟呢間食，嘢食又難食態度又差，順便喺度剷埋托哥，好耐冇見過咁廢嘅導遊，大好promo機會就咁比佢浪費晒。

食物差不在話下態度超級惡劣完全唔想做新客因為已經有一班舊嘅街坊捧場客佢只係會招呼熟客新客就係趕客走嗰種千祈千祈唔好幫襯😡😡😡😡😡😡😡😡😡如果熟客就有位新客就會趕客走食唔夠15分鐘收晒你所有嘢叫你埋單走人今時今日咁嘅服務態度仍然可以生存就是因為有一班舊街坊捧場客不如門面寫住指做熟客不做生下啦！簡直垃圾到一個點最慘係個老闆覺得自己了不起大晒目中無人我喺香港咁多年未見過一啲咁嘅老闆😡😡😡😡😡😡

侍應態度極差，問佢攞隻碗仔，佢竟然話“你等吓啦”. 煎蛋轉炒蛋要加5蚊，我真係第一次聽。 啲單亂到飛起，全程就係聽到啲侍應漏單錯單。。。嘢食亦都好唔掂，唔會再幫襯。

香港飯堂星期日 唔想食屋企樓下d茶記 所以決定行遠小小睇下有咩好野食時間大概係 下午茶時間誤打誤撞入左依間飯堂比價錢吸引左 所以～～就入左去了價錢幾親民下午茶既set 大概$4x-$6x不等～內部環境 偏細 座位都有d迫有小量2人卡位叫左個- 下午茶 焗豬扒飯$45 凍飲+$3- 午餐 鰻魚蛋飯$60凍飲+$3焗豬 味道嘗可 豬扒都咬得開 只係番茄汁唔夠濃鰻魚飯 偏咸 同埋醬汁唔係鰻魚汁 係鼓油汁 所以個飯係偏咸 成張單兩個人$115 不過兩個餐整體既份量 對得住依個價錢

其實這餐室，我已經是第二次光顧了，第一次試食最普通/ 最低風險的「常餐」餐肉蛋意粉… 當日感覺份量少又咸，還以為是湯底問題/ 偶有失手。幾個月後再次光顧…來一個下午茶餐「忌廉三文魚炒意粉」，忌廉汁近乎零，只看到意粉和三文魚兩片。當我用叉把意粉捲起，碟底都有一丁點兒忌廉汁🤣。當食物放到咀裏… 叫人驚訝… 我以為自己點了「鹽水煮三文魚及意粉」。魚和意粉各有各的味，好像是各自用鹽水煮完再放在一起😡已給兩次機會，不會再光顧了🙈

一路想黎食呢間茶餐廳 但佢淨係下午先開 唔做晚市 今日放假終於黎試到✨香煎雞扒配沙嗲牛肉串意粉 $60 + 凍檸茶 $3雞扒好大塊 不過雞皮向下擺就知佢唔脆🤦🏻‍♀️🤦🏻‍♀️ 但雞肉都算有肉汁同雞味 但啲汁就唔夠撈晒啲意粉🙈 同埋嗰兩串沙嗲牛肉串一啲沙嗲味都冇😂😂 又有啲鞋✨秘製咖喱牛腩飯 $60 + 熱檸茶一上菜已經聞到好香啦🤩🤩 食落都唔錯 應該落左唔少椰奶 啲牛腩數量都好多 不過都有好多肥膏 食唔到😵😵總括味道都ok 嘅 茶餐廳黎講環境都算唔錯 裝修新淨 味道❤️❤️❤️💔抵食❤️❤️❤️💔服務❤️❤️❤️環境❤️❤️❤️💰午餐人均～$61（唔收+1）

今天早上食了一個不錯的菠蘿油早餐，菠蘿油早餐是$30 另加咸牛肉炒蛋$7♥️價錢也合理，🫶🏻不過今次的菠蘿包不熱，所以差了一點點，如果整返熱先食會好食好多🫠炒蛋也很炒得很好🥰也可以選擇黑松露炒蛋🤓早上時間也常常坐滿💕

香港飯堂係呢佢都開咗好耐，成日都會幫襯嗰間茶餐廳，店舖唔大，所以通常都係叫外賣。價錢合理，食物質素唔錯👍🏻最主要係成日行過路過都會俾佢嘅新鮮出爐麵包吸引😋雞尾包 ($9) 焗得好靚🤩size啱啱好，餡都唔少，麵包唔係空心好鬆軟，但係又唔會好膩，新鮮熱辣出爐果然好食🤤

出差來到北角春秧街附近，呢個平民有錢人聚集嘅社區。做完嘢，梗係要醫肚啦！門口擺左好多出燒麵包吸引左我，於是我就入內食晏！佢雖然係茶記，但裝修得好有特色，帶點懷舊元素。傳統吊扇，仲有一個7-80年代好流行既插電式車站掛鐘。雖然是平日嘅住宅區，但午餐時間很多人，要搭枱。午餐Menu選擇很多，一時間諗唔到食咩好。諗咗陣，還是叫傳統的茶記午飯。Order左一個飯堂特色飯，即係咩？咪就係以前工廠飯堂嘅餐腿蛋飯！配以豉油汁，呢個飯雖然平淡，但食出港式情懷。所有嘢撈埋一齊，中規中矩，唔係特別好吃，但一定唔會覺得難食。佢嘅荷包蛋煎得好好，蛋汁面豉油撈飯，好有兒時午餐既情懷。午餐肉有少少窿邊都幾好食。略嫌佢杯奶茶有少少淡，但淡奶味道都濃郁，合格啦！最重要是食咗飯只需要$53 ，在普通茶記動輒都要$60食一個飯嚟講，呢個價錢CP值算很高！

早幾天去看完醫生後去食個早餐，🤓因為診所附近就是這家餐廳♥️方便就腳看到餐牌價錢也是三十多元不算貴進去後餐廳侍應服務也很有禮貌我叫了個雙蛋多士牛肉公仔麵，飲凍奶茶如果不夠飽也可以買多個麵包食，門口有新鮮出爐麵包賣🥰

近期Omicron 疫情擴散急速，堂食也盡量避免，轉為外賣🥡。午市套餐班塊炒河配熱檸水🍋$53，班塊啖啖肉爽滑，配料份量十足，有冬菇片、芽菜、青菜、紅蘿蔔🥕，河粉炒得有鑊氣，芡汁適中且味道調校得恰到好處。即叫即炒，賣相及味道都唔錯的套餐，性價比高。怪不得很多時店外都有人願排隊等入座。另外，值得一讚👍🏻是午市11點才開始，今天早上10:45已到，收銀姐姐幫手入廚房問大廚師傅做唔做，師傅亦樂意開鑊，服務精神要加許。

我就叫咗個西式嘅早餐老老實實如果你係以西方人角度呢個早餐係零分佢個baked Beans 茄汁豆竟然係凍嘅連埋個沙律都係我唔夠膽講其他西方國家但係英國嘅早餐係冇沙律而且啲菜唔會係凍不過以香港角度嚟睇老老豆豆都係第一次食anyways杯鴛鴦同奶茶先係重點飲完即刻醒神咖啡因勁到衝上腦門其他都不過不失唔錯個黑松露炒蛋係滑嘅竟然有兩種唔同嘅腸仔同埋個煙肉都好好味好多揸車師傅嚟食貪可以睇到出面服務算唔錯不過下次都係食番陀地嘢

好咸⋯好咸咸到苦咸到得咸嘅味道杯奶茶無茶味隻雞翼好似用鹽醃足7749日咁仲要唔熱嘅個烏冬⋯無牛肉亦都唔係鮮茄係家樂牌雜菜罐頭湯⋯岩無味覺嘅人$51蚊就係得幾啖烏冬唔想晒野所以夾硬食哂食仲要罐返啲水落肚沖返醒啲味覺

😡😡😡超級中伏，離晒譜今日5月2号黎食下午茶叫左鮮茄牛脷炒意粉，碟野黎到得6成熱，堂上坐得3枱客，出菜好忙呀？現炒到上枱連烟都冇陣？重有最激氣係半塊鲜茄都冇叫咩做鲜茄呀……？全碟野得幾片洋蔥+4塊又細又薄嘅牛脷，連茄汁味都冇D，我要+左兩篤茄汁先食得完。呢間野响禾富道，我食過1次早餐(一樣5掂)+今次食下午茶，我可以black list佢，以後5使旨意我会再幫襯佢，通知晒D friend 5使食呢間野，離晒譜🤬🤬🤬

真係未去過食一間咁誇張嘅食肆。完全可以用「唔得掂」黎形容。同兩位同事，三個人坐低堂食...午餐A 明明寫住有黑椒汁，同事1落單叫「飯堂特式飯」時問有冇得加黑椒汁，個侍應好唔禮貌咁答「好」同事2 就叫焗意粉食物黎到，首先個「飯堂特式飯」冇加黑椒汁，同事1問一問「可唔可以加返黑椒汁？」另一個樓面諗都唔諗就答我哋一句「今日冇黑椒汁」咁問題黎喇？咁午餐A個黑椒汁係咩黎既呢？我相信呢個問題，要下全能的神都未必有答案。同事2個焗意粉，一擺低，飯黎既喂！同事2就諗住算啦，都係唔緊要既，準備照食...點知佢食左兩啖，就放低手頭上既餐具，一臉無奈喎。問佢咩事，同事2話佢覺得啲飯有陣怪味，所以放棄...我地問同事2 要唔要換返意粉，不過呢位同事好寬宏大量地拒絕左呢個考慮，轉為食左雞扒就起身走人，連杯凍檸水都唔飲...最好笑既係，我地一行三人入座。樓面姐姐將一位客人搬去二人枱，從而俾我地三個人坐4人枱。然後上菜時，佢地就將4個餐送過嚟！最得意嘅地方，就可以話係，一班員工就不停咁check order 紙，搵係咪我地三個人落既單。但心水清嘅話，我地入座前個一位人兄既單，唔知班樓面姐姐又記唔記得改單呢？唔知佢地