香港地

營業中

休息中

I always enjoy coming here for lunch as they have nice and filling sets. This time, I ordered the pork and fried egg rice. They don’t hold back with the portion, if you’re not too hungry you can even share it with a friend. The egg was cooked very nicely as well as the pork. Just a very flavorful dish overall! Would definitely recommend!

住喺美孚嘅我，現在再找唔到一間正常少少嘅茶餐廳喇😔失望中……其實我一直都欣賞香港地在美孚帶給我一間有水準嘅茶餐廳；不過……大概在一年半前，我開始發現佢嘅水準開始差，餐牌又唔改下啲新嘢，實實在在係太悶了，下午茶（雞脾薯條），廚師竟然真係每次都一樣，白色的好像無炸過，仲要兜少少鹽都無🤦‍♂️救命呀！今年內……每次去都諗住比多次機會佢，但每次都失望而回。我5歲嘅囝問我：點解個菠蘿冰無味嘅？🙄我真係唔識答

首先服務態度差當日我哋係比較晏入去食飯，大概係夜晚9:15左右。一入到去枱上面冇菜單，叫個侍應攞菜單，個侍應將個菜單飛落枱面。之後催我哋落單，我哋同佢講話唔好意思我哋仲傾緊，跟住佢黑面再加翻左我哋一個白眼。後尾落單嘅時候，佢話冇呢樣冇果樣嗰時我哋已經萌生退意，但都算啦，橫掂我哋都坐低咗，所以我哋就嗌左兩個飯再加一個菜心炒牛肉外賣。食飯途中佢突然間上咗一個我哋冇落order嘅飯，當時我哋枱淨係得兩個人，仲要已經食緊兩個飯，請問何黎嗌第三個飯呢…… 係佢攞走返個碗飯之後，幫我哋落order嘅侍應就過咗嚟，喺度質問我哋話確定我哋有嗌到個碗飯，冇錯係質問，嗰個侍應兩隻手撐喺我哋張枱度講：「乜你啱啱唔係嗌咗個碗飯咩？」跟住我就好詳細咁樣講咗啱啱落單嘅情況，百分百肯定我哋係冇嗌到個餸，仲講埋一人一碗飯嘅邏輯，跟住佢就死口唔認，喺度講：「咁唔關事㗎，我明明聽到你落咗㗎，如果唔係我都唔會落啦！」當下真係一頭問號，首先我哋成枱人都好肯定我哋冇嗌，然後嗰碟飯嘅飯名我哋平生聽都冇聽過，我哋連有呢碟飯嘅存在都唔知，請問係點樣嗌出嚟嘅呢？我哋唔係需要五星級嘅服務，但起碼收埋啲黑面同反白眼，以及生安白造嘅生炒牛肉

首先服務態度差當日我哋係比較晏入去食飯，大概係夜晚9:15左右。一入到去枱上面冇菜單，叫個侍應攞菜單，個侍應將個菜單飛落枱面。之後催我哋落單，我哋同佢講話唔好意思我哋仲傾緊，跟住佢黑面再加翻左我哋一個白眼。後尾落單嘅時候，佢話冇呢樣冇果樣嗰時我哋已經萌生退意，但都算啦，橫掂我哋都坐低咗，所以我哋就嗌左兩個飯再加一個菜心炒牛肉（佢菜單下邊有講話所有小菜全部配白飯）外賣。食飯途中佢突然間上咗一個我哋冇落order嘅飯，當時我哋枱淨係得兩個人，仲要已經食緊兩個飯，請問何黎嗌第三個飯呢…… 係佢攞走返個碗飯之後，幫我哋落order嘅侍應就過咗嚟，喺度質問我哋話確定我哋有嗌到個碗飯，冇錯係質問，嗰個侍應兩隻手撐喺我哋張枱度講：「乜你啱啱唔係嗌咗個碗飯咩？」跟住我就好詳細咁樣講咗啱啱落單嘅情況，百分百肯定我哋係冇嗌到個餸，仲講埋一人一碗飯嘅邏輯，跟住佢就死口唔認，喺度講：「咁唔關事㗎，我明明聽到你落咗㗎，如果唔係我都唔會落啦！」當下真係一頭問號，首先我哋成枱人都好肯定我哋冇嗌，然後嗰碟飯嘅飯名我哋平生聽都冇聽過，我哋連有呢碟飯嘅存在都唔知，請問係點樣嗌出嚟嘅呢？然後啲飯真係好難食咖喱唔知點解會有薄

香港地係連鎖茶餐廳早上到來食早餐可選食物都係典型茶餐組合🥤🍴餐廳用QR code自助點餐快捷方便，上餐速度也快🟢仿鮑魚絲火腿通餐$43 凍檸茶加$4通粉足料、仿鮑魚絲、火腿絲份量不少滑蛋賣相好靚，唔會鬆散多士塗滿牛油🧈🧈凍檸茶好大杯味道同其他茶餐廳分別不大，沒有特別驚喜，水準一般🟢蕃茄🍅湯鮮牛肉🐮通粉$38 凍奶茶加$4蕃茄🍅湯底味道比較淡，不算濃郁薯仔🥔好粉好入味凍奶茶都係好大杯兩個早餐共$85 比起其他茶餐廳差不多的選擇略嫌貴咗少少💸💸💸

【 午市套餐夠大碟 】⛱星期日一早帶左兩兄弟去荔枝角公園玩，放左兩個鐘頭電，係時候去醫醫肚喇！我哋揀左間好近荔枝角公園的餐廳食lunch。🧸「香港地」的職員都幾細心，見到我哋有推住BB車，就安排左個比較靜和無人經過的地方俾我哋，我哋就唔使擔心BB車會阻到人。🍅我地點了兩份套餐，一碗係蕃茄濃湯豬扒湯意粉，套餐有跟一碟炒滑蛋，腸仔，火腿和厚牛油多士，不得不讚下塊豬扒，肉質好林好入味，連唔鍾意食肉的哥哥都食唔停口。🍳另外一碟係招牌叉燒滑蛋飯，滑蛋非常幼滑，好香口，連飯一齊食好夾。🧋餐飲點了一杯凍咖啡和凍檸檬茶，都幾大杯，唔錯。

這間茶餐廳中英文釋法頗具新意。門外重點介紹下午茶的出品，令食客一目了然。餐廳有卡位及可移動的散座，當然卡位會較為舒適。下午茶的選擇算足夠。這個乾炒牛河是即炒，入口即知。牛肉切得較細，調味亦佳，入口不覺堅靱，可算頗為嫩滑，河粉屬幼條一類，易於入口，用油份量適中，無油膩感覺，勝於一般用油頗多的炒法。這個牛肉碎茄米線製作亦算認真，賣相可人，用料充足，熱度亦夠，米線頗覺彈口，屬上乘之作。凍飲品屬不過不失之作。整體來說，是日進食的出品屬平均水平之上，性價比亦高。

難得星期六好天氣，相約朋友到荔枝角公園打卡，鳥語花香的環境，影了很多美照。影完相都接近五點，就在附近找下有什麼下午茶可吃，見到香港地食下午茶好抵食。我點了炸雞脾番茄湯米線，朋友點了漢堡包薯條餐，食物好快上枱，我的炸雞脾大大隻皮脆肉嫩，仲要熱辣辣，頗有質素。蕃茄湯米線就正常水準，仲有配一杯熱奶茶，$45感覺有這樣質素，好抵食！朋友的漢堡包也足料，薯條炸得香口，配凍奶茶，也是$45。這個價錢比起其他的茶餐廳更抵，所以香港地的價錢和質素，都令人回頭。

Lunch time 人都算多，等一陣位，叫咗個瑞士雞中翼撈通粉，雪菜肉絲炆鴛鴦米。見到午餐份量都好大碟，本身諗住食撈出前一丁，但係見到撈通粉有推介兩個字又未試過所以就食撈通粉。份量、買相及味道都十分之好，撈通粉個瑞士汁好食，另外個雪菜肉絲炆鴛鴦米，係用咗粉絲同埋米粉，炒野都唔錯，見到隔離枱碟炒飯大碟到嚇親，價錢叫正常，但份量咁大碟都算抵食。另外，熱朱古力要加$3，但夠足濃味。味道：4/5環境/服務：4/5價錢：3/5

係美孚附近番工 講真餐廳選擇吾多如星期六番工既話都會獎勵自己食請特別豐富既早餐🥣去得茶餐廳既 當然係食沙嗲牛肉麵啦E間餐廳既沙嗲牛肉麵正常發揮炒蛋未算嫰滑 不過不失但以連鎖店黎講係叫中等啦🈴

今日去位於美孚香港地食個早餐食到一肚氣，從來未試過一碗沙嗲牛肉麵得三片牛肉，於是我同個侍應反映，佢話係集團指定嘅份量。OK我算數，我照食，最多冇下次。點知差唔多食完嘅時候，個侍應好唔禮貌咁攞一碗沙嗲牛肉俾我，佢話係公司嘅規定份量，但係又唔知點解會放低一碗牛肉俾我！我心諗你當我乞兒啊！同你反映你又話公司嘅份量，轉個頭你又放低碗牛肉俾我，仲要同我講你最好同公司反映及投訴！我都唔知道係公司嘅問題，定係員工嘅問題！總之好嬲，一定冇下次！

經網上外賣平台外送叫咗兩個下午茶餐，干炒牛河+魚旦+百事可樂，另一個楊州炒飯+紫菜魚旦+熱奶茶。干炒牛河d牛肉得個冧字無牛肉味，全碟得一個咸字；楊州炒飯揾唔到叉燒，又係得一個咸字。真係咸到唔寫食評unlike佢都唔得

人口密集嘅美孚新村只要你開餐廳就算幾難食都要排隊今日嘅午餐真係都幾一般先嚟一個三寶米線 魚蛋同魚腐都有就好大陣腥味😨跟住再叫咗一個極度油淋淋嘅乾炒牛河牛河唔夠甜味亦都唔夠鹹味只係得個油味整體嘅味道就叫做唔好味跟住叫咗個唔知咩米粉茶餐午餐肉好淋好粉又係一啲唔好食嘅午餐肉個米粉有啲醃肉 好大陣雪櫃未唔知佢係地係咪擺咗好多日最大鑊係杯雪碧我本來想飲罐裝點知佢哋冇佢哋話得杯裝一沒氣透明嘅糖水現在我眼前兩個字形容 惡劣整體來說 好難有下一次

朋友介紹我美孚有一間好正嘅冰室 今日終於有機會同屋企人去 好期待朋友所介紹嘅冰室可以帶俾我驚喜 餐廳嘅環境好整潔 坐落去好舒服 店員服務態度都好好 我同屋企人叫咗兩個主食分享 我哋叫咗一個去骨海南雞飯 同福建炒飯 先講講個海南雞飯 雞肉鮮嫩 雞油味好香 外貌都好靚 一睇就知係新鮮食材  油飯好惹味 配搭上唔同嘅醬汁 相當之高質素 佢仲有一個老火靚湯 簡直冇得彈 再講講佢嘅福建炒飯 福建炒飯配料好足 有蝦仁翠玉瓜蘑菇等等 果汁都做得好地道 真係一間好地道嘅港式冰室 最後我哋仲叫咗杯凍檸茶 非常滿意 推薦大家嚟美孚一定要試一試呢間冰室十分推介

Spicy noodles taste good. However, beefsteak is average and huge, it is hard to finish. Often, you may need to fight yourself to eat, because didn’t cook well. You may have to ask for a recook. It is very a big portion, If you are hungry, It may be the best things to eat in this restaurant. Coffee and milk taste is ok. Most of the time I go with hot lemon water. The things i really like here the most is, bread and butter.