香港地道冰室

營業中

休息中

唔知點解夜晚冇咩人入到去都係得我一張枱食食吓先有兩張枱入嚟其實$88嚟講有咁多選擇，我覺得都非常之抵仲要真係唔錯，食物都好大件味道亦都非常之好食驚唔夠飽，仲可以加$6一個白飯或者意粉

嗰日去呢間餐廳嘅原因，因為我個朋友仔同我講有$88八個餐揀一個餐我哋又諗唔到食咩，所以就揀咗呢一間，我揀咗佢個蝦多士芝，士牛油雞翼同埋羊扒羊扒個size就不過不失啦，佢個蝦多士都真係幾靚，好脆，芝士雞翼都好好味～不過你話呢個餐飽唔飽呢，晚餐嚟講就唔夠嘅，如果放喺下午茶嗰度食就一流啦我朋友仔就叫咗個吉列豬扒意粉，見吉列豬扒都幾大，而且都幾好味，我都吉咗幾舊嚟食配咗個咖喱汁，變咗日式吉列豬扒，個咖喱汁都幾好味如果佢吉列豬扒有得走飯意粉，或者本身可以當小食咁叫嘅話咁就非常之好啦佢個餐牌嘅選擇基本上全部都係差嚟嘅，變咗我有啲小食上添加都揀唔到希望老闆喺轉餐方便可以有更多唔同嘅配搭，餐廳唔易做，而家依個市道飲食業真係好難生存，多元化嘅選擇係好緊要備注一題，入邊嘅員工好親切，雖然係電子落單，但係有啲乜嘢唔明佢都會好細心咁樣幫你

平時都鍾意周圍去發掘好野食，食過唔少平靚正嘅小店，但呢間隱世小店真係有啲意想不到！我真係估唔到呢度啲食物會咁高質素，食物送到上黎嘅時候，我已經忍唔住要即刻拎手機出黎打個卡，雖然我嘅攝影技術就麻麻哋，但都要分享一下呢度嘅美食。首先講下啲羊架，羊架啲肉味好濃，仲好厚添，基本上未食已經聞到嗰陣香味，再加上啲肉汁係咁滲出嚟，真係做得幾好，食完一啖又一啖，好滋味我本身對黑松露有強烈嘅癡迷，好鍾意呢種獨特嘅香味，所以去到每次見到黑松露相關嘅食物都一定會試下，果然呢個黑松露忌廉湯冇令我失望，非常 creamy，香滑又唔會太膩。整體感覺都不錯，值回票價，下次一定會再嚟！

個餐湯細到一啖就飲晒！自己落單個系統完全係白癡，揀完之後又走來問返你！咁不如你哋幫我落單！香草羊架意粉個意粉，個羊架肥膏多過肉，啲肉就韌到好難食！望到個廚房原來一早煮好咗再加返熱俾你食！煮完又煮唔靭就有鬼！個意粉完全未煮腍！另外個肉醬意粉，完全冇汁，淨係見到蕃茄色嘅肉碎，真係肉碎意粉多過係肉醬意粉！入到去見到好似新開！整體都乾淨嘅！但中午都好似冇乜人食。真係坐低咗，食完先知賴嘢！有待進步！唔係都幾難有返頭客！

今日行過尖沙咀見到有間冰室個大招牌幾得意就入去試下！挑戰一下豬鞍扒先🤔好有驚喜 塊扒又厚又Juicy！🤩成個餐都好精緻🤤真心係高質素🤤以為自己入咗西餐廳添😯差啲唔記得講！南瓜蓉好好食！南瓜蓉好好食！南瓜蓉好好食！重要嘅事要講三次‼️講真冇諗過竟然連配菜都咁做得咁認真 真材實料🫡今日幾好彩 盲中中試到呢間冰室 上黎openrice睇先知道原來係新開嘅🫰真好 以後去尖沙咀又有多個食野嘅選擇🙌睇餐牌其實有好多野都想試 但胃容量最誠實😂佢哋一個餐咁齊全 食一個餐都飽晒😂唯有第日再去🤤p.s.見到隔離有人食鮮茄牛腩螺螄粉好似都幾正🤫咁啱聽日都會過去尖沙咀 等我聽日試試佢🫢