香港仔一品魚蛋王

營業中

休息中

位於牛頭角的「香港仔一品魚蛋王」是一間以粉麵為主的小店，雖然地方不大，但食物質素令人滿意。店內的魚麵爽口彈牙，充滿魚鮮味道，令人一試難忘。雲吞亦是店內的亮點，餡料豐富，蝦仁和豬肉的比例恰到好處，每一口都充滿滿足感。此外，通菜亦炒得嫩滑爽口，保持蔬菜的鮮甜味道，作為配菜非常合適。店內的服務員態度親切友善，特別值得一提的是，他們對一位經常光顧的執紙皮婆婆表現出特別的關懷，這份人情味令人感動。整體而言，「香港仔一品魚蛋王」以其優質的食物和溫馨的服務，成為區內值得一試的粉麵店。

1.牛肚麵$39.00Beef Tripe with Thin Noodles牛肚偏向軟的口感，不是爽口的那種，也很好吃。麵條彈牙。2.紅豆奶茶 (跟餐+$10.00)Milk Tea with Red Beans它共有三款選擇, 可以是奶茶、咖啡或鴛鴦，茶味不算太濃，也挺順滑。我點了少糖真的沒錯，因為那些紅豆🫘已經是用糖拌過的了，起來就剛剛好！餐牌有英文版調味料/醬料很齊全: 胡椒粉、魚露、辣椒醬、醋而且每桌都有消毒酒精，讚！

前排係牛頭角做野，想食個快lunch，咁啱見到呢間唔洗等位就入左去食。我同朋友一齊嗌左牛筋河同崩沙腩麵，再加碟芥蘭一齊share。一黎到第一啖就要飲個湯先，湯底好好飲，清清地又好香牛味👍🏻👍🏻我個人比較中意食佢個牛筋，腍身得黎又唔會腍到好似一pat野咁，保留到有少少咬口，亦都幾入味😋相比之下個崩沙腩就有啲失色，本人比較中意食啲半肥瘦既腩，但佢啲崩沙腩對我嚟講就瘦左啲，唔夠肥美，所以感覺上有少少偏柴，我諗對啲中意食瘦腩既人黎講就會啱啱好，味道上都幾唔錯，夠入味～而碟芥蘭就正正常常，但$20一碟黎講就貴左少少🙈🙈

成日都會黎牛頭角，想食過快餐的話係唔錯ge選擇，一入到去掃完針卡，即刻叫咗碗牛筋河，上菜速度好快，3分鐘左右就到!先講下個湯底，都幾油，而且淡味，但好在佢調味料齊全，我多數會落一湯匙魚露+兩三滴辣椒油(我食BB辣LV，辣椒油好夠辣)，雖然湯底麻麻地，但牛肉用料都有質素，牛筋唔會好韌，如果可以再冧D記更加好la，之前食過牛腩肥瘦適中，而且河粉好幼滑，簡簡單單想食一餐都係唔錯選擇!星期一至五營業時間去到晚上11點，係宵夜好選擇!

⋆⁺₊⋆.香港仔一品魚蛋王..香港仔魚蛋，明如其名，店員都有啲惡ㅋㅋ本身想食魚皮餃河但係咁岩賣晒所以叫左幼麵ㅠ魚皮餃正常有韌性୧( "̮ )୨✧ᐦ̤牛腩幼麵雙拼牛筋加牛丸$38+10+6=$54牛腩煮的時間很到位～軟嫩又不失彈性♡︎牛筋軟爛易入口，可惜的是沒用腩汁湯浸泡ㅠㅠ無任何味道；牛丸普通沒特別彈性，不過真係好平～$6就有2粒(•̀ω•́)✧.⌫ 香港仔一品魚蛋王 (觀塘)觀塘巧明街94-96號鴻圖中心地下G4B號舖..#觀塘咔嚓#粉麵咔嚓

當Happy Friday人人喜愛夜蒲之際，我地兩個好乖地走咗去觀塘工廈學習新知識及技能。見差唔多到點名時間，我地就拿拿聲喺附近食個快飯啦！離遠見到呢間香港仔魚蛋，好吸引，因為快閃食碗粉都好！行近啲再望真啲個招牌，原來仲有「一品」兩隻字架喎！然後我地就入咗去坐低，環境幾逼硤，有啲面壁獨食位。而四人枱都間好咗隔板，都有做防疫措施嘅。夜晚工廈區人流變得稀少，但係相信午市嗰陣一定好多人架喇！二話不說就點咗一個牛筋河同魚蛋麵啦！湯底顏色略淺，冇腩汁嘅顏色，牛筋只有碎碎濕濕四五件左右，但係河粉算幾爽滑。至於魚蛋就俾咗兩粒白魚蛋，同兩塊魚片頭。魚片頭有咬口兼且彈牙，質素比魚蛋更好！每碗$33嚟講，過得去啦！

香港仔魚旦王d食物一向都唔錯，之前食咗牛雜面，今日就外賣左牛腩河🍲返屋企食。同平時一樣，好多外賣客等緊，好彩我之前落咗order，咁就唔使等咁耐😃河粉份量夠，唔會淋，但有點碎。牛腩🐂同腩汁好惹味，加埋啲蔥，味道唔錯呀。hehe😘不過，可惜雖然我已經講咗要瘦腩，但係最後啲牛腩有啲肥喔🤨希望佢哋會改善下啦😉呢間鋪嘅選擇都好多，下次可以試吓第二款，聽聞招牌魚蛋也是不錯的，等我下次試吓先。😉

今日突然間好想食牛雜，就去咗附近嘅香港仔魚蛋外賣牛雜湯面🫕。呢間舖頭位處工廈附近，面積較小，地方比較擠迫。喺而家疫情😷期間，就真係外賣好啲啦。佢嘅外賣單都好多架，所以我通常會打電話去落order先，咁就唔使等咁耐喇。😝呢間舖頭有好多選擇，有湯粉面、潮洲泡飯，仲有套餐配飲品🧋。我order呢個牛雜麵配凍檸茶套餐都係$40，抵食😁。最緊要梗係講返碗麵啦，我鍾意食牛雜係因為有幾樣餸，有牛肚、牛肚、牛柏葉⋯⋯啱晒我‘為食’嘅要求😉😉。通常我會叫多d葱，加埋佢嘅湯底，好惹味，配搭一流😋。牛雜每件都大大件，牛柏葉爽口好有口感。麵🍜唔會淋，份量都夠。杯凍檸茶我鍾意佢唔會‘澀’，order左少冰少甜，都做到我嘅要求，抵讚😗。呢個套餐真係唔錯，10分滿分，我比8.5分。👏🏻

返工多數會黎食呢間，因為我本身都鐘意食潮州粉既關係，最緊要離公司又唔係好遠，所以可能一星期都有幾日黎食，呢間野，我之前成日叫牛腩河，但因為牛腩河太肥，所以少左食，而呢排又想寫下食評，想話比人知咩舖頭好食咩舖頭唔好食，所以我想介紹呢一間，試過牛雜，牛腩，扎肉，雲吞，牛根丸，韮菜餃，魚皮餃，普通和手打墨魚丸，先講牛雜，前個排食，唔係好得，所以無食一排，但而家食返係腸唔苦同少肥膏，叫做好食，其他都係同出面無乜分別，睇你有幾想試個牛腸，不過耐唔耐會切舊牛沙瓜比你食都幾開心，到牛腩，嘩，我食十次，最少有8次係帶根帶少少肥，呢個真係你要有好好既供應商先可以做到，以前我係舖頭訂貨個陣，都係比一，兩次呢種既牛腩比你，之後就係平時食既一係4成肥，一係9成瘦，佢呢度我試十碗最少有八碗做到，所以我推介牛腩，而扎肉，牛根丸，魚皮餃，墨丸，都係叫貨，韮菜餃就幾好食，建議呢邊返工既人可以試下，但最好唔好食飯時間因為我唔想等位。呢間我比到8分。

星期五在公司做到很夜， 都市人真忙碌又要ot! 方便又快捷的選擇就是到香港仔一品魚蛋王吃碗雲吞牛腩河$39做晚餐。 雲吞大大粒， 牛腩都算幾淋， 河粉份量很多， 熱辣辣的湯底加埋腩汁，正！ 這裏的魚蛋也很好吃， 入口彈牙好味。 除了粉麵之外還有飯可以選擇， 之前試過這裏的牛雜飯也很好味， 平時中午時段這裏很多人排隊， 因為店舖比較細座位不太多， 好多時也要買返公司吃。觀塘區很多茶餐廳，但粉麵舖不是太多選擇， 所以每次想吃河粉都會來這裏。

觀塘雖然係一個工廈和商廈區，但同時都係住宅區，所以係觀塘區真係好容易揾到好多又平又好味的餐廳，今次就因為要去apm睇戲，去左觀塘附近揾食，見到呢間河粉舖好似幾正，就揀左佢啦。我叫左一碗牛什河，因為我本身好鍾意食牛什，加上咩都有啲，就可以一次過有多重享受，估唔到都幾大碗粉，絕不欺場，一定夠飽，而且味道好味，湯底又夠清，夾埋河粉一齊食真係更好味，因為河粉可以索到啲湯，成件事更夾。我最鍾意就係入面的金錢肚，佢不會煮得太淋而缺少口感，係爽口的，所以好味，而且價錢不貴又大碗，係幾好的選擇。

有陣時中午食lunch真係食到唔知食咩好，這間香港仔一品魚蛋王我已經食過很多次， 每次都離不開叫魚蛋粉，牛腩河，雲吞或者墨魚丸四寶河等等。 今次又是點了魚蛋粉$35 ( 跟餐熱檸水)， 還有雙拼雲吞牛丸河$42 ( 跟餐熱奶茶 )。魚蛋粉 ~ 平價魚蛋粉味道還可以，魚蛋和魚片都爽口彈牙，整體份量算多，湯底比較清淡。雙拼雲吞牛丸河 ~ 牛丸大大粒有咬口，味道唔錯。 雲吞的肉質太散。熱檸茶和熱奶茶正常茶餐廳味道，這個價錢來說都算平價，間唔中來這裏食一碗暖笠笠的魚蛋粉，都算是不錯的選擇。

夏天天氣熱有時都唔太想食飯，無咩胃口想食下潮州粉面。今日跟朋友中午就係咁，於是就去同佢食下魚蛋粉。個人比較鍾意食河粉，唔鍾意食面。今日就叫左個雲吞河，35蚊一個粉面餐加杯野飲，係觀塘黎講其實都抵食。雲吞有5粒，味道不過不失，河粉量都ok，都夠飽。係一間平民潮州粉面店。

落雨濕濕唔想出去食, 叫左外賣自取。一去到個外賣已經準備好, 行返公司個陣發現佢漏左汽水, 點知又要行返去攞....好在老闆娘認得我，睇一睇張單就俾返汽水我。返到公司, 我叫個碗米粉仲有好多湯, 平時個d好快無晒d湯。我叫左片頭米, 魚皮同菜, 片頭都幾彈牙, 唔腥。魚皮就獨立包裝, 不過好硬身唔夠脆。而菜就正常, 所有野不過不失。

尋日食完牛坑腩，今日去觀塘香港仔一品魚蛋王食返牛腩好唔慣！雖然都軟熟，但唔夠腍，有好少少少少咬到渣。不過HKD30都算係咁，份量都幾飽，湯底鹹咗少少，少少味精嘅感覺，諗唔到食咩都可以再食。美咪指數：7/10抵食指數：7/10