香江花月 (利舞臺廣場)

營業中

休息中

成為咗Lee Gardens Club會員後，發現多間餐廳都有九折優惠，週三晚收早，所以就好即興咁約咗三五知己試試其中一間「香江花月」。聽到餐廳名， XO仔即聯想到「香江花月夜」嘅梅姐，冇諗到餐廳大堂會選用哥哥嘅畫報裝飾正門前方嘅升降機大堂。佔用面積全層嘅火鍋店寬廣開揚，用餐大堂光線充裕，弧形嘅散座又真係幾似電視劇中嘅舞廳格局喎。最中央位置為自助混醬區，兩邊高高嘅圓柱桶均為豉油，混唔混都會收$25/位。每位席上擺有齊備嘅自用及公用餐具，感覺都好衛生。埋位每人先送一杯清新怡神嘅洋甘菊茶，細杯仔底隱約露出條肥嘟嘟嘅錦鯉，相當盞鬼！飲品牌只有一頁。爛飲鬼結果開咗兩枝紅酒。眼見六人用餐要分兩個煲，所以就應推介其中一邊點咗個包一款鮮味頭盤、火鍋湯底及時令海鮮拼盤嘅「鍋心暖意」套餐（優惠價$2,188；原價$2,988）。另從火鍋紙上多個項目加選配料。（厚本彩圖餐牌太多頁，小肥嗰日懶冇影到。）不過就冇試到啲摩登點心同甜品。鍋心暖意套餐之澳洲龍蝦刺身（原隻）：套餐嘅頭盤揀咗鮮甜爽脆嘅澳龍刺身，如果怕生的話可以灼一灼先食。個殼仲可以浸埋入去滾，令湯底更為鮮濃。鍋心暖意套餐之白湯人參鍋（原價$228）：

📍香江花月 (利舞臺廣場) (銅鑼灣)📍銅鑼灣波斯富街99號利舞臺廣場21樓🟡美顏花膠雞鍋 $298今日食香江花月，推介佢哋嘅美顏花膠雞鍋。飲咗兩碗湯之餘仲食晒半隻雞！🟡太極兩儀 $428太極兩儀有紅酒安格斯牛肉同黑松露牛乳梅花豬肉片。以打邊爐的肉來講，呢度真係食過最好食！🟡七彩餃子 $108七色丸有蟹子、紅咖哩、青咖哩、椰芋、南乳、黑松露同鹹蛋黃口味。🟡七色丸 $98七彩餃子好有特色，我哋最鍾意食黑色嘅蟹肉黑松露餃，同橙色嘅金華火腿菜肉餃！🟡一帆風順（秋葵蟹籽墨魚滑）$98一帆風順係用秋葵同蘿蔔切片做成嘅小船形狀，好型！🟡火鍋點心 $98火鍋點心估唔到咁好食！有燒賣、蝦餃、水晶餃、菜苗餃、粉果、水晶奶黃餃同流沙餃。一定要trytry！🟡花花綠綠 $118超級豐盛蔬菜盤，想食邊種蔬菜任君選擇！🟡琥珀誘惑 $88 🟡奇幻歷險 $88特色飲品都好值得一試！琥珀誘惑係用粉紅色玫瑰花同番石榴底加奇異果汁、橙汁同菠蘿汁；而奇幻歷險係豆奶加忌廉同埋梳打加奇異果。真係值得黎試下！

之前見雜誌介紹利舞臺嗰間主打火鍋同精緻點心嘅「香江花月」，一直想搵個機會嚟試下，咁啱今日要嚟銅鑼灣換禮券，趁機過去食個午餐。餐廳陳設以 50 年代嘅舊香港為藍本，甫出升降機，一幅幅經典電影油畫海報隨即映入眼簾。中庭位置放了一部古董電單車，再配以琉璃綠色幕簾，令人有恍如置身於舞台劇場般。另外餐廳設有七彩波波燈鏡房，環境超夢幻，啱晒鍾意周圍去打卡影靚相嘅朋友仔！今次嗌咗一個炒飯同三款點心。姬松茸鮮竹卷：鮮竹卷真材實料，內有竹筍和茶樹菇，菇菌清香怡人，腐竹透薄不韌，加上充滿姬松茸菌香嘅熱湯，滋潤又美味。金粟金魚餃：擺盤好有意景，金魚餃白裡透紅，入面嘅蝦肉大大隻，爽彈味鮮，配上粟米清湯，睇落好似喺池塘暢游一樣，令人賞心悅目。另外呢款紅袍荔枝亦係必食之選，用上紅色糯米皮做出外層，而內餡則以荔枝茸及奶黃混合製成，皮層脆中帶煙韌，奶黃餡心微甜香軟，色香味俱全。最後嚟一碟迷你鴛鴦炒飯，賣相好吸引，色彩鮮艷，綠色嗰邊係菠菜汁配雞肉和菜心，而紅色嗰邊就係紅肉火龍果汁配蝦仁同帶子，食落口感好豐富，非常醒胃，有營又健康。整體來說，餐廳嘅佈置非常用心，座位闊落舒服，店員亦招呼周到，絕對值得再訪。

秋天開始，又係打邊爐既季節開始了～ 一班邊爐精又開始蠢蠢欲動，今年入秋第一次邊爐，朋友揀咗呢間，呢間我都想食好耐，佢環境靚之餘，食物都有心思，🥰 今次去佢銅鑼灣分店，餐廳座位寬敞，佈置好有華洋情懷，每一處都是打卡位，枱與枱之間有足夠空間，坐得舒服。現時仲有幸運轉輪，睇你夠唔夠lucky 嬴取大奬😉好多嘢都想食，但最終因為肚皮有限，所以揀咗： 🥢湯底：雲南野菌乳鴿鍋 湯底選擇頗多，而且每一款都很吸引，例如辣汁花蛤鍋、秘制花雕豬肚湯等等都好吸引，但朋友想吃清淡一點的湯底，所以最後選了這個雲南野菌乳鴿湯，湯底很足料，成隻乳鴿，有很多不同種類的野菌，有些平時都未見過，再加上有補血益氣的乳鴿，清得黎又美顏養生，兩者兼得，所以未開始打邊爐前就先喝了2碗😋 🥢太極兩儀 太極兩儀是2款肉，一邊是紅酒浸安格斯牛，另一邊則是黑松露牛乳浸梅花片，師傅將牛肉及豬肉砌成花並以太極圖案呈上，未食都已經覺得好靚好好味😋安格斯牛肉經紅酒浸透，更加軟腍，而且有淡淡紅酒香 而梅花豬肉片本身脂肪均勻，再浸牛奶就更加嫩滑，而且加上黑松露味好香。 建議食時要將花拆開，將肉片浸在紅酒/牛奶中，味道更凸出 🤤🥢七彩餃子 顏色鮮艷

裝修幾靚，價錢不便宜，食品還可以，但係嗰個鍋的設計完全失敗，食完之後腰酸背痛對住嗰個海底之鍋深不見底，一定要起身彎腰灼肉幾辛苦，要貼返塊膠布先至搞掂，下次一定唔會再來.

【打卡火鍋天花板🍲50年代復古風｜靚爆鏡$168玫瑰牛乳鍋🌹】推薦指數： 🌕🌕🌕🌕🌘*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍HK #銅鑼灣 - 香江花月 𝗩𝗶𝗰𝘁𝗼𝗿𝗶𝗮𝗻 𝗘𝗿𝗮一向都有聽聞呢間火鍋店出名靚🍲 尤其係社交平台成日碌到個玫瑰花瓣鍋🥢 估唔到佢嘅服務同食物質素同佢嘅顏值旗鼓相當，整體覺得物有所值！餐廳佈置分咗唔同主題，共通點就係座位好闊落，超適合鍾意「坐得舒服」嘅母親大人👩🏻一坐低，侍應就遞上免費嘅雪梨茶🍐呢個茶細細杯但好好飲（一口氣飲曬先知原來無得refill🥺雖然侍應好好人偷偷refill半杯仔杯我哋）火鍋湯底選擇都唔少：招牌「牛乳玫瑰鍋」、「美顏花膠雞鍋」、「海鮮冬瓜鍋」etc. 揀完湯底可以去餐廳中央個醬料吧，調製自己嘅醬汁（$25/位）【𝗥𝗲𝘃𝗶𝗲𝘄 食評 💬】◐ 日本牛乳玫瑰鍋 $168｜7/10玫瑰花超精緻😍 無論邊個角度影都好靚！加上侍應會貼心等你影完先開火，以免玫瑰花融化。牛乳味道偏淡，但同其他食材煲完之後湯底變得鮮甜，會忍唔住想飲多兩碗🐟 海鮮類 𝗦𝗲𝗮𝗳𝗼𝗼𝗱 ◐ 日本珍珠蠔 $98 🌟◐ 脆滑桂花蚌 $11

在現今這個追求打卡📸x🥘打邊爐體驗的時代😆，今天造訪了位於銅鑼灣的香江花🌺🌝月！餐廳裝潢高級雅致，有數十款火鍋菜式供選擇！今天一行4️⃣人選擇了鴛鴦鍋～蕃茄🍅窩及芫荽🥘湯底，以及極度IGable 的香江併牛肉🐮🐮🐮🐮🐮🐮🐮🐮拼盤！🥘蕃茄湯底清爽酸甜，芫荽湯底則清新的芳香👍🏻🐮香江併～提供了10+款不同的牛肉，每一種牛肉都有其獨特的口感和風味，嫩滑的牛柳、牛胸爽、牛頸脊、一口牛、牛腱、牛舌等等……一次過滿足了每位貪心人的口味喜好😆😆最緊要係～打卡友善📸☺️📸😄📸🤗🥬其他菜式例如蔬菜、冰豆腐、韭菜餃也非常新鮮！總的來說，餐廳高級雅致的裝潢營造出舒適的環境🌟，數十種菜式的選擇讓客人能夠根據自己的喜好來搭配火鍋，是gals talk 一期一會的優秀選擇🤗🤗🌟食評指數：8/10💁🏻‍♀️人均消費～HKD500

香江花月，一間位於銅鑼灣的高級火鍋餐廳，以其精緻的裝潢和優質的食材聞名。這次的體驗是一場味覺和視覺的盛宴，從湯底到食材，每一樣都令人印象深刻。湯底選擇了日本牛乳玫瑰鍋，這是一個創新的組合，將傳統火鍋的概念提升到了新的層次。牛乳製成的玫瑰花浮在湯面上，不僅美觀，更加入了木瓜等食材，使湯底的味道香濃而細膩。食材方面，美國安格斯肥牛厚切而多汁，肉味濃郁，肥瘦均勻，入口即化。農場走地雞肉質緊實，保留了雞肉的原始風味。七色丸和手打蟹籽墨魚滑則是這次體驗的亮點，每一款都有其獨特的口感和味道，尤其是蟹籽墨魚滑，蟹籽的鮮味與墨魚的彈性完美結合。此外，芝士竹輪卷和台灣牛筋丸也值得一試。芝士竹輪卷有滿滿嘅芝士，牛筋丸則是嚼勁十足。唐生菜和土豆朵朵為火鍋增添了清新的口感，而龍口粉絲則是吸收了湯底精華的最佳載體。由依家起直至3月31日，只要登記成為香江花月會員並訂座晚市火鍋，都能享受包括時令海鮮及酒水在內的全單7折優惠。這是一個絕佳的機會，讓您在享受高級火鍋的同時，也能感受到會員專屬的待遇。

利申：已光顧過利舞臺分店一次，荃灣廣場分店兩次今次因友人都係住港島區，所以決定再次光臨利舞臺分店慶祝生日。一餐飯2個半鐘，途中被男職員係叫咗6次like FB 先有七折，勁煩，其實埋單之前like就得啦，你理得客人幾時like呢？！最後一次重要係叫 : 你哋爭我個FB 未like !! 喺荃灣分店食過兩次，都對貴公司和牛有信心，但今次利舞臺分店嘅日本A5和牛 （$498）呢碟已係重換過一次，黑點真係見到都唔開胃下面呢碟係荃灣廣場分店大家自行判斷，本人下次都係會encore荃灣廣場店！利舞臺分店不了！因為食物賣相，質素，份量，亦有差別！

昨晚於銅鑼灣分店品嚐晚餐，食物美味、裝潢有格調、員工服務質素都非常好；除了有一位扎辮戴眼鏡的男職員態度異常惡劣外，綜合各種因素都非常好。因為同行人士是外國人，落單時間比較慢，和埋單時簽信用卡有少少阻礙，非常不幸地幾次都被該名男職員服務，與其他在場的服務員相比，其態度極之惡劣。該服務質素同餐廳各方面的好處都不成正比，不知該男職員是否職位顯赫，但如此態度真的惡劣不堪。還望貴公司注視這食評啦⋯⋯

💰香江拼 - $798💰七彩餃子 -$108💰鮮冬菇 -$28今次銅鑼灣利舞臺有開咗一間超靚打卡嘅火鍋店，滿足左大家嘅少女心。招牌必點打卡香江拼，有手切肥牛、牛柳粒、安格斯肥牛、牛小腿、黑柏葉、牛心頂、牛脷。 非常豐富，顏值超高，打卡一流😛。唔同口味嘅牛小碟圍住火鍋邊，仲可以自己轉，方便大家食不同嘅配料。啱晒各位牛魔王，大滿足！😍七彩餃子拼盤，被畫餡靚，加上佢唔同顏色嘅膠皮同埋配上佢嘅擺設，又係另一打卡必點之選🥰至於其他蔬菜，配料都非常新鮮，真係色香味俱全。

之前食過銅鑼灣香江花月幾次了，今次屋企五個人試吓佐敦依一間，裝修風格同銅鑼灣有大不同，佢用左六七十年代嘅風格，有好多懷舊中古嘅物品，好有心思吖，座位方面真係舒適，枱與枱之間比較遠，同埋留意都有好多大枱，方便好多大伙人一齊去食. 初初我哋只係食點心，但突然之間食完之後，想打埋邊爐，所以試吓. 點心和打邊爐的食品質素真係唔錯，星期六12:00左右好似剛剛唔係太多人手，但基本上也非常值得推介的一間食店.留意有好多打卡位… 非常開心呀😆😆😆😆

今日約好同閨蜜團拜，我們選擇晚上去打邊爐，在openrice 訂位有85折優惠。但有加一收費。餐廳環境開揚，座位寬敞坐得舒適。 食具同食品都很精緻打卡一流！我們看完餐牌後，覺得套餐低食，但套餐選擇不多，所以我們唯有3個人叫了4人套餐$1388。初時怕份量多，但後來才發現大家想多了4人套餐包湯底，我們揀了日本牛乳鍋，湯中間有朶花賣相非常吸睛還有1個海鮮塔，有1隻花蟹（肉質鮮甜），1 朵牛肉花，1 朵豬肉花， 2隻鮑魚，2隻青口，2隻帶子，2隻蝦和一些蜆。 但好奇怪我們叫的是四人餐，不明白點解全部都係二人份量，我們三個人都唔夠分，何況四個人食？套餐還包6款自選配菜， 我們點了南乳墨魚仔， 脆鯇腩，萵筍，雞髀菇，娃娃菜，韭菜餃。4杯 酸梅湯及4件桂花糕。最後我們叫多了一個烏冬$48才剛好飽雖然食材尚算新鮮，味道不差，但略嫌4人餐份量比較少。

上星期五試咗一次，可以話好參半，小食幾碟都唔錯，炸豆腐，炸尤魚鬚，炸魚皮。到認真嘅牛肉，口感同味道都好一般，湯底就算過得去，總體嚟講性價比就一般， 海底撈嘅肉會好食啲。嗰個所謂既香江拼，個樣係幾靚，但係靚同好唔好食通常都係冇直接關係，結果試完一轉真心覺得有少少被騙，肉質認真麻麻，味道就係冇濃郁牛肉味，最好食應該係牛脷，個安格斯牛小排同係街市買嘅冇分別，可能係個人技術不足牛柳粒比較韌。噤嘅價位真係食海底撈好過。不過，最後食咗個貴花糕，個味道同質感都唔差，值得推薦。

在銅鑼灣買東西前，午餐先飲茶才開戰。蒸點有潮州粉果、叉燒包以及鮑魚糯米燒賣。潮州粉果的皮煙煙靭靭的，跟叉燒包一樣是正常發揮。燒賣以糯米代替豬肉，趁上鮑魚又是另一番境界。五柳炸雲吞乃香口之物，重點就是要去除油膩感，這個就做到了。雲吞皮炸得相當香脆，少少的蝦肉餡還吃得出鮮味來。五柳汁亦甜酸得宜，不俗。小人以往食開的鮮竹卷都是蒸出來的，放湯還是第一次。這碗鮮竹卷一客三條，肉餡飽滿、腐皮腍滑，而最美味的就是湯底夠清之餘更是充滿姬松茸的香氣，鮮上加鮮！不諻多讓的魚翅灌湯餃亦是出色之作！湯底是濃雞湯，啖得出雞的精華所在，餃子很大隻，餃皮軟身得來不會一咬即爛，裡面有不少魚翅，滿滿的豐足感！晶瑩剔透的桂花糕食味不會過甜，從外面看已見到分佈著很多杞子，清清地挺不錯。至於迷你鴛鴦炒飯，紅色那邊是紅菜頭汁加蝦仁，綠色那邊應是菠菜汁加雞肉。炒飯底不太突出，只因都被芡汁完全掩蓋掉，而且調味不足，要加點豉油才好些，以致整碗飯太濕了，相對失色。除了飯之外，點心竟然都做得甚為愜意，吃到食材的鮮味。