香江米線

寸金尺土嘅銅鑼灣有一間新開嘅米線居然主打海鮮 而且價錢同平時啲米線店都差無幾咁梗係食海鮮啦 而且下午茶仲有嘢飲送海鮮至尊米線    -成座海鮮山咁高，睇見都流口水！鮑魚仔爽到彈牙，原隻上夠晒豪！瀨尿蝦就抵死，啲膏多到漏油 仲要勁貼心搣埋殼海蝦大大隻，蝦頭爆膏仲甜過糖，忍唔住連殼都啜埋最正係啲魷魚圈，又厚又脆，掛滿辣湯真係 邪惡到爆 ！湯底先係靈魂！用肉碎吊味，加埋花甲啲海水鮮飲一啖鮮到打冷震紅薯粉索晒湯汁，嗦嗦聲吸到停唔到口最過癮係價錢，$88咋！仲可以要求加酸辣湯 一次過試晒兩個湯底缺點？碗太大食到捧住個肚走海鮮雜錦米線    -海蝦大大隻，蝦肉爽甜，蝦頭仲有膏啜落去鮮味爆棚！魷魚切到啱啱好，又彈牙又掛湯花甲雖然唔算大隻，但粒粒都冇沙海水味濃，啲湯即刻升呢！  牛肉片係驚喜！以為會好鞋，點知嫩滑到呢肉碎就係隱藏功臣，煮到化晒喺湯底飲落去多咗層肉香，唔會太油膩紅薯粉係精髓！煮得啱啱好，煙韌得嚟唔會爛索盡啲海鮮同牛肉嘅精華，一啖粉一啖湯嗦嗦聲 食到停唔到口！湯底本身偏清甜，但加咗少少辣椒油之後，香辣惹味價錢都係$68，咁多料真係抵到爛，大胃王都夠飽唯一挑剔係花甲可以再多幾粒同埋牛肉如果厚切啲會更滿足～ 呢個海鮮湯底真心正！鮮味爆棚，飲一啖成個海洋喺口裡面咁，仲要一啲都唔腥總括來講鮮味足、份量勁、性價比高絕對會再encore！海鮮控同澱粉質愛好者必試！除左米線都有客飯食，打工仔又多一個選擇套餐唔岩仲可以自選…查看更多

這間新開的粉麵店位於銅鑼灣駱克道，鄰近銅鑼灣地鐵站C出口，主打港式風味的粉麵，每碗的配料及份量十足，價錢定位性價比高，湯頭堅持每日新鮮熬製而成。店內環境寬敞舒適，採用鮮艷奪目的紅色為主調，一人或多人同樣合適。下午茶時段，惠顧任何米線可免費享用凍飲一杯。海鮮至尊米線 - $88海鮮類米線湯底為秘製海鮮湯，採用多種海鮮長時間熬成，鮮甜無比。有兩隻瀨尿蝦鮮甜嫩滑好多汁；厚身爽身的鮑魚柔中帶韌；海蝦爽滑彈牙好易去殼；花甲鮮甜無沙。份量十足的米線煙韌彈牙，還有肉碎、金菇、腐皮、蒜粒及酸菜等配料，層次好豐富。香江雜錦米線 - $65其餘米線湯底為招牌豬骨雞湯，富含膠原蛋白和精華，濃郁醇厚且鮮美。有多塊肥瘦兼備的牛肉片、肥瘦相間的五花肉軟嫩入味；兩隻軟糯彈牙的水餃包著濃郁的韭菜，同樣有米線、金菇、腐皮、蒜粒及酸菜等。凍檸檬茶 +$8港式檸檬茶採用優質錫蘭紅茶煲煮，茶味柔和醇厚，伴隨檸檬的香味，清新又清爽。…查看更多

銅鑼灣香江米線的份量較預期為少，未能提供足夠飽足感。湯底口感清淡，但同時帶有魚腥味，影響了整碗米線的味道。從用餐體驗來看，份量與湯底品質均有待改善。本次消費體驗未達個人期望，對餐點品質感到失望。希望店家未來能進行調整，提升餐點的整體表現。…查看更多

上網見到呢個瀨尿蝦鮑魚海鮮米綫，完全被吸引左咯。約左同事去試下。🦐海鮮至尊米線🍜 $88呢個米線一定要叫來試下！真係豪華版米線，海鮮湯底。有鮑魚、瀨尿蝦、 大蝦、 魷魚、腐皮、酸菜同少量肉碎。湯底令人驚艷，第一口已經驚爲天人！！超鮮甜，忍不住飲埋個湯！叫左薯粉超夾。瀨尿蝦同大蝦都好鮮甜，不hea喔。🐚海鮮雜錦米線🍜 $68都係海鮮湯底。海鮮好甜。假價錢好合理。建議要試下海鮮至尊米線。🥢香江米線🌏銅鑼灣駱克道470號地舖…查看更多

去開銅鑼灣行街，見到呢間餐廳主打食米線，海鮮米線都唔出奇，最驚喜係竟然有瀨尿蝦米線，所以一於入去試吓。叫咗個海鮮至尊米線，貪佢乜嘢海鮮都有，有海蝦，有鮑魚，有魷魚，最精彩同埋最期待就係有瀨尿蝦，湯底係用上餐廳秘製嘅海鮮湯底，好清甜，仲有好多配料，朋友最鍾意食佢隻海蝦，超級大隻，非常彈牙。我點咗小辣嘅湯底，辣辣地零捨開胃，最精彩係瀨尿蝦剝咗殼，好大隻仲好鮮甜，下午茶時段仲送埋凍飲，咁多海鮮呢個價錢其實都非常合理，我實在太鍾意食佢嘅瀨尿蝦，下次會叫一碗淨瀨尿蝦米線，一定食得非常滿足。…查看更多