首爾家韓國料理

營業中

休息中

銅鑼灣樓上韓國餐廳🇰🇷💛平時食韓國野都係去尖沙咀韓國街 估唔到過海都有好咪既韓國菜食👍🏻👩🏻正宗韓國人管理 💚有多款燒肉 湯飯 韓國小食選擇 兩個人點超多 食到好飽1️⃣醬油蟹 原隻即點即解凍 蟹膏分量多 醬油咸甜味岩岩好 肉質鮮甜帶少彈牙口感 仲配埋紫菜飯 送飯一流 2️⃣醃牛肋骨肉 特製醬油醃成既牛肋骨肉 大片厚身 油脂分布平均 輕輕燒下就食得 唔會太多筋位易咬開 3️⃣海鮮煎餅薄身唔會好粉 外皮脆口 海鮮分量都多 有章魚 蝦 蜆肉 好香

銅鑼灣搵到間樓上鋪食韓國菜，今晚兩個人一於試試佢先，我見佢地有得選擇自己燒同埋幫手煮埋兩種各有各好。醬油蟹🦀真係食極都唔會厭，好鐘意佢地嘅醬汁夠晒惹味，配埋紫菜飯團，簡直一流，撈埋蟹膏一齊食，你話唔正呀…燒肉方面就有豬五花肉、豬皮兩款，五花肉燒完個邊好脆好香口，豬皮燒到個皮脆脆地，感覺都膠原滿滿，二人份量已經好足夠。蔥花沙律🥗小小辣辣地更加醒胃，生蔥仲加好味😋呢d時間更係要啤啤佢啦⋯⋯飲勝🍻

呢度環境浪漫，韓國裝潢，我地叫左生牛肉唔駛煮加入生蛋提升牛肉既嫩滑口感加埋蘿蔔條既爽脆，牛肉如果再解凍多少少會比較好。牛骨湯煲熱辣辣到出煙好滾湯，飲落好鮮味既牛肉濃湯配埋白飯好夾，牛肋骨既肉好軟腍入味。馬格烈米酒既香甜易入口又好飲推介酒。前菜既泡菜仲用左新鮮菜整首爾家韓國料理地址:銅鑼灣邊寧頓街13-15號1樓(近lee garden 2期附近但唔響lee garden入面，地面邊寧頓街13-15號有升降機可以上到餐廳)

銅鑼灣後街的「首爾家韓國料理」，主要以韓國傳統燒烤為主，這是朋友帶我去，第一次覺得銅鑼灣也可以找到美味又抵食。最重要是肉的質地真的做得很好，無論調味醃料，或是份量，以這個價錢在銅鑼灣吃到真是可以再回來比平時的韓國燒烤質素更高，超高性價比2人套餐也只是$550裏面包含牛肉，猪肉，雞肉•，豆腐煲，生菜/而且老闆說晚市餐牌更有七折優惠（我應該沒有記錯心首先，牛肉的質地非常嫩滑，燒烤時散發出誘人的香氣，肉汁在口中迸發，讓人忍不住一口接一口。接下來是豬肉和雞肉，醃料濃度剛剛好，醃製後更入味，真的另一番風味，肉質鮮嫩，與生菜一起包裹，形成清新的口感，讓人感受到燒烤的豐富層次。肉質比其他燒烤店真的近更優秀，店家不時過來幫你留意溫度，經過烤制後，表面微微焦脆，內裡卻依然保持多汁，入口亦都係超軟熟！搭配上韓式的特製醬料👍🏻👍🏻豆腐煲則是這頓餐的驚喜，韓式辣香豆腐滑嫩，湯汁鮮美，搭配各種蔬菜，搭配燒烤肉類，讓人覺得美味又不油膩。

呢間韓國料理餐廳啲野食好正宗同埋夠晒多款式。上星期約左兩個best friend聚下順便食下好西。餐廳環境幾寬敞，坐得舒服。海鮮煎葱餅：真心好香葱香味，煎得焦黃香脆，每啖都食到彈牙海鮮料。雜錦蔬菜石頭鍋飯：凍冰冰嘅天氣嗌石頭鍋飯就最適合不過，配料有香菇、蘿蔔、菠菜、芽菜、煎蛋，撈埋個韓式辣醬食，頓時暖胃烤調味LA牛排骨：非常濃香嘅牛排骨，表面煎香鎖住肉汁。韓式醬油蟹：醬油蟹真心大推，超級鮮甜完全無腥味，配埋鹹鹹辣辣嘅調味，專登嗌多個白飯配黎食。

上星期和朋友相約去銅鑼灣見面，我地去了一間韓式餐廳，環境佈置充滿韓國風情，店內擺設整齊，桌椅設計簡潔現代，搭配柔和的燈光，營造出溫馨而舒適的氛圍。烤馣牛肋骨：牛肋骨外皮略帶焦香，內部肉質柔嫩多汁，帶有濃郁的牛肉香氣和微微的甜味。搭配烤盤上的洋蔥，增添了清爽的口感，中和了肉的油脂感。韓式醬油蟹：朋友至愛，螃蟹帶有濃郁的海鮮香氣，先是感受到醬油的醇厚，隨後是辣椒的微微刺激，層次分明。年糕水餃湯：這道湯品以清澈的高湯為基底，搭配柔軟有嚼勁的年糕和鮮美多餡的水餃，口感豐富多層次。湯中還加入了細碎的紫菜絲，增添了香氣和口感的層次感。泡菜煎餅：外皮金黃酥脆，內餡則是柔軟多汁的泡菜和蔬菜，有鮮美有微辣，層次分明，整體味道豐富而均衡。

附近燒肉店都滿座就一試這間韓國菜。環境只可以用正常來形容，但氣溫較悶熱，抽氣亦不夠，令店內都有燒肉味。先叫了三品牛肉（包括醃牛肋骨肉、肉眼和另一款忘記了）和一客水冷湯麵。醃牛肋肉和另一款肉都是十分薄片，只有4-5片。加上，肉眼和那忘記名字的肉拿出來是完全未解凍，是結冰的。員工還叫我們慢慢等慢慢解凍。再者，燒肉的爐是不夠熱的（已經是開了最大火）。結果，牛肉一邊燒一邊出水。而且，肉眼是非常低質素的肉，除了未解凍外，懷疑注脂肉，吃起來是非常乾和‘柴’，燒起來會出'肉渣'，完全不值220元。店員提供的3款醬料是完全沒有道味。順帶一提，水冷麵是完全室溫，而且沒有味道，再上店員提供的醋亦沒有味。此外，點了韓式綜合咖啡（價值28元），但喝下去感覺是即溶咖啡。結帳是605元，因為店舖正做晚市7折，雖然價錢不貴，但完全不值。

聽到店員之間都係講韓文，就知係正宗韓餐🤣餐牌有好多鍋物同飯麵，超多韓式選擇💕🍜海鮮刀切麵 $98海鮮有魷魚鬚 蝦🦐 刀切麵係手工切出黎，每條粗幼不一，不過煮得太淋🙈. 🍚牛肋骨湯飯 $118牛肋骨好大舊😍煮到輕輕一刀就離骨👍仲有幾塊牛𦟌，都好軟腍💯呢個天氣飲好暖😋 🧇海鮮煎餅 $88邊位煎得好脆👏海鮮同韭菜都多，唔會太厚粉漿👍📍 首爾家韓國料理 (銅鑼灣)銅鑼灣邊寧頓街13-15號1樓

今天 lunch 叫了人參雞，像是料理包到出來的， 裏面兩根小小已經煮爛的人參，一顆蒜頭，重點雞肉都破碎，完全不是一整隻煮的樣子。雞肉一夾就爛，骨頭爛的。跟我在超市買的人參雞湯包只能說 100% 一模一樣，味道也是。 非常失望。

睇左食評以為不錯 lunch time黎試下。叫左個辣豆腐湯，勁淡無咩味，海鮮「碎」無味有沙，有啲似橡筋😤 前菜泡菜都係無味，只有顏色 好明顯無醃過求祈⋯完全唔正宗，我覺得好似係明洞啲韓國🇰🇷餐廳呃遊客咁。我覺得hungry korean都好食過佢，呢間仲要上樓，仲貴過hungry korean… 唯一最正宗有個韓國阿豬媽 正宗都無禮貌，性價比極低，咁就成100蚊落樓，我覺得50蚊比多佢。好難再黎食，一定唔會推薦😤

睇完食評後決定訂這家韓國餐廳lunch farewell同事。入座時二人俾四人座，已感覺良好，侍應服務友善週到。點了燉牛肋骨飯及人參雞湯飯兩個定食分享，不一會熱辣辣滾住的送上枱，份量適中，食物質素正宗好味，讚埋單發現仲冇加一，性價比再添分。值得再去！

午餐過來食飯，十分高質！😊👍環境舒服，服務態度很有善☺️餐前小菜款式很多，而且十分新鮮！叫了兩個餐，一個韓式拌飯，一個牛肋骨湯。韓式拌飯蔬菜非常新鮮，咬落卜卜脆！😋 配有韓式辣醬，微辣而且好香☺️牛肋骨湯味濃郁，鹽都唔使落🤣 上到嚟嘅時候仲新鮮滾熱辣😃😎非常滿足嘅一餐！佢哋仲用珍珠米，所以飯粒口感非常好👍店內仲有多款韓國特色飲品， 服務貼心☺️👍💯

之前堂食食過覺得okay 小菜款式多～ 但係冇諗過今次外賣自取換黎勁差既體驗。員工 老闆態度惡劣 請大家要三思！！！外送平台訂單編號8075 你哋出漏單 仲cut人線 未見過咁差既服務態度 我地17個order 黎左15個餐only 打去餐廳follow up 就話佢地出齊17樣野 冇錯 聲稱自己唔會有錯 仲話番我地轉頭話我地會唔會有人拎錯拎多 叫我地check清楚 仲話要check cctv ！無賴！唔會再幫襯！味道又唔係特別好！劣評！

夜晚行經銅鑼灣搵到呢間韓國野入到去都真係有韓國人係道食飯好似好正宗咁叫左野食就會送幾小碟前菜我地叫左炆牛肋骨煲個牛肋骨炆得超腍超入味入面仲會有白蘿蔔紅蘿蔔年糕係入面好多料 個汁其實有D濃味建議加多碗飯黎送飯海鮮煎餅煎得好夠乾身入面有八爪魚佢比左魚露我地 魚露唔係好咸沾少少魚露令到海鮮煎餅更加有鮮味牛肉紫菜包飯個紫菜唔係擺左好耐皺哂個D牛肉都有好多入面有蛋條同黃蘿蔔唔需要點任何野都已經好好味兩個人食三個菜已經非常之飽 今餐好滿足

舊同事聚舊日，舊同事飛返來港一段時間，趁呢個時候大家聚下，最近大家比較忙，最後夾到個星期一食飯，好少可星期一飯聚呢。就腳之下銅記食，揀左韓國料理，因為唔想等book定位最安全，用Openrice book有九折優惠。難得peak season之下的星期一唔洗OT，爽~!準時到達，平日的19:30，真係人少少。餐廳面積中等，木系設計暖色燈光感覺好warm。韓國啤酒(HITE)，$50。韓國燒酒(真露)，$70。聚舊就梗係啤啤佢，深水炸彈Happy Monday~乾杯!前菜，開胃爽口，泡菜不俗。紫菜牛肉包飯，$88，紫菜包飯都算大件，牛肉份量豐富，仲有蘋果薯仔蓉伴食都幾清新。辣炒年糕，$100，因為怕辣問左店員可唔可以小辣，可以即要了，都幾細碟，除左年糕仲有蛋及其他配料，年糕微熱口感煙韌，味道甜辣，幾好味呢。半半炸雞(原味及甜酸辣味)，$168，炸雞口感香脆，肉質軟嫩多汁又香口，美味!甜酸辣味，酸酸甜甜味幾少少辣醒胃，更加好味。海鮮豆腐辣湯，$100，材料十足又入味，辣辣地幾暖身，如果冬天飲更加正!有飯後果，感覺好窩心~!食物味道不俗，環境有氣氛，坐得幾舒服，服務態度幾好感到親切，價格合理