餃掂手工餃子雲吞專門店

餃掂正如其名，主打嘅菜式係餃子。 每款口味嘅餃子又可以細分為煎餃同湯餃， 種類配搭都幾豐富。我哋兩個人要咗八隻至尊松茸豬肉煎餃，七隻野生松茸素湯餃， 一碟四川涼麵， 一碟唐芹拌豆筋同埋一支1.25L嘅豆漿。至尊松茸豬肉餃餃子表皮煎得香脆，質感煙韌。皮內塞滿松露切粒同嫩豬肉，入囗微酸。隨餃附送一碗狀元九鼎湯， 可以配住餃子黎飲。湯嘅味道偏淡，唔會搶過餃子本身嘅味道，岩岩好可以帶出松茸嘅香味。野生松茸素餃蒸餃嘅皮比較厚， 食落飽肚得嚟又唔會好似食肉餃咁滯。 一碟肉餃配一碟素餃就啱啱好。咬開素餃子嗰一瞬間菇味充斥著成個口腔， 松茸嗰隻香味真係冇得輸。四川涼麵最初怕唔夠飽，就點左個凉麵去打底。涼麵扁平，麵質偏硬，淋上胡麻醬，再撒上花生碎，撈勻咗之後再食好夾味。估唔到佢雖然係餃子鋪，但係涼麵都不失水準，掂。豆漿豆漿唔係自家製， 係超市就可以買到嘅品牌， 有些少失望。

今日要參加一個短course嘅closing day，辛苦左幾個月終於完成曬，當然要同同學仔食餐飯！我地其實即興話食飯所以揀左喺附近嘅餃掂。野生松茸素餃(煎餃/7隻$58)呢個真係我嘅最愛，松茸味勁香濃！壽喜燒牛肉餃(湯餃/7隻$54)佢個狀元九鼎湯仍然保持一貫水準，冇味精好鮮甜，牛肉就夠嫩滑！莞茜豬肉餃(煎餃/7隻$52)難得同學仔都ok莞茜，今次試埋呢個，莞茜同豬肉比例剛好唔會太搶！至於香煎軟心芝士餃(煎餃/7隻$57)爆曬芝士好juicy！！飲品方面，我都係飲凍山渣雪梨水($20)而同學仔就飲熱檸檬薏米水($20)同學仔原來未食過餃掂，佢話款款都好食，真係幾掂XD

過年前緊係食餃子🥟啦～餃子🥟代表銀錠，越食得多就賺得多！食餃子🥟緊係去《餃掂》啦！所有餃子🥟都係全手工製作，當中有龍鳳餃子得最喜歡！龍鳳🐉🦚餃子係黑松露同松露，每隻都好足料，無論係煎定係配湯都一樣咁好食！除咗龍鳳餃，當然要食埋傳統嘅韭菜餃同椰菜餃啦！仲有芝粟米🌽餃，每隻餃子🥟咬落去，啲芝士都係流出黎架⋯⋯🤤🤤湯餃嘅湯底都好味好正，餃掂嘅狀元九頂湯非常鮮甜，配埋餃子真係非常好嘅配搭！

味道不錯的店，家庭口味滿滿。有很多手工餃子，而且價錢合理。上班感到不快，愛到店子吃餃子～感受溫暖店舖很大，環境舒適，有小店感覺之溫度。這店位置旺中帶靜，算多人的。主要做街坊生意，店員與食客似乎相當熟。堂食速度很快，感覺熱鬧～念念不忘所有好吃的餃子，是即叫即做至尊松茸豬肉餃煎餃朋友本身不愛吃那松茸豬肉餃，想不到這店的，很愛吃呢～跟狀元九鼎湯。餃子及狀元湯分開上其實感覺不錯，不會將兩者味道混合，試得清楚一點。餃子包得紮實，皮薄饀多，松茸醬，令味道棒呢。重要的是，湯好好棒～有口感。煎餃令人著迷之處是它的皮粟米餃愛吃粟米之朋友，口感很好，很香清新味道蜂蜜檸檬意米飲品特別的是這個，清甜感覺棒棒這兒小吃同樣出色，今次點了小吃，麻辣味之涼面，夠味，份子多多，口感好棒，好想吃光。元貝餃口感豐富，有特別的元貝餃。元貝餃內的味道很鮮香，份量很足食物本身質素我不會懷疑，招牌餃子好吃，份量又足，飲料也棒以松茸餃著稱，吃慣很棒，松茸口味滿滿，其他的餃子其實也很期待，再去吃吃，店面乾淨，亦是很有風格。

由於實在太耐無食過餃子，所以今日決定去試下近排好出名嘅餃掂😆依間嘢仲要米芝蓮推介，就試試佢間灣仔分店睇下咩料先🔥餃掂標榜自己嘅餃子全部手工製作，而且煎餃全部即叫即煎🍳要等20分鐘先有架🥹黃金原味皮蛋 💰28見網上面好多人話皮蛋好食，我哋又叫嚟試下先😌叫得做黃金就應該姐係加咗咸蛋啦，而依個皮蛋嘅蛋黃係咸蛋味🤤雖然唔知佢點整都咁嘅效果，但係我覺得又幾得意😋而且D皮蛋大大粒，口感爽彈，做得幾好👍🏾龍鳳松茸雙煎餃 中💰98見到本menu裏面竟然有黑白松露餃子😮完全無諗過可以係D唔係fine dine嘅小店搵到有truffle嘅餃子🤭即刻叫嚟個煎餃試下先先唔講味道，首先要讚D餃子真係煎得好靚👏🏾大大粒，皮薄，而且煎到金黃色，脆脆地😻入面嘅餡料十分豐富，D豬肉食落去就知係新鮮，同松茸同松露嘅濃烈香味非常夾😎依份煎餃果然係色香味俱全，值得encore🥰芫茜拼元貝豬肉餃 中 💰58試完個煎餃就試下D湯餃先🥹佢依度嘅湯餃會跟埋狀元九鼎湯。佢係一個有鯪魚、鯽魚等煲嘅中湯，不過個人覺得如果用個濃味D嘅同，會同D餃子更夾😆D湯餃同煎餃一樣非常飽滿🤩個大粒嘅程度係你用筷子會夾唔起，要用羹先得🤣元貝豬肉餃食落好香

經常去灣仔做野，要吾貴又好食，我會揀莊士敦道嘅餃掂，好喜歡呢度既水餃。餐廳環境都坐得幾舒服，menu款式幾多。餃掂既龍鳳松茸雙灼餃幾有特色，用左黑松露同白松露， 我個人就覺得黑松露味會突出啲，更加濃郁。粟米豬肉餃幾鮮甜，咬落juicy，size都大隻。小食點了蜜餞雞翼， 醬汁甜甜地幾入味。前菜酸辣雲耳入口非常爽脆，酸酸辣辣送水餃一流💗餐廳自家製飲品可以叫熱飲，自家製檸檬薏米水及山楂雪梨水，岩曬冬天天氣，又夠潤喉。 

天氣凍凍地，最啱就係食碗熱湯餃子，今日同朋友又嚟到灣仔 餃掂！粟米豬肉餃(大碗)$56餃子有厚度，即使係浸湯都唔會粟米粒粒爽口，加上鮮味豬肉，係經典配搭。至尊松茸豬肉餃(大碗)$129灼餃子外皮有質感，又係另一個食法。松茸足料，香氣迫人，每一啖都你享受。重慶鮮肉雲吞(大碗)$52呢個重慶鮮肉雲吞，酸辣度相當吸引，雲吞又腍又滑，口感好好。惹味唐芹拌豆筍$32唐芹、豆筍比例剛好，拌點麻辣醬汁，惹味非常。

今日放工經過呢間專門食餃子嘅餐廳，Menu好多選擇，餃子賣相唔錯，而且價錢都幾親民，就決定晚飯係到解決喇。《龍鳳松茸雙煎餃》入面有黑松露同白松露，餃子皮煎到金黃色，咬落香脆又帶點煙韌，皮薄餡多，每隻都脹卜卜。松茸味道好濃郁，真心有驚喜，如果平時鍾意食黑松露嘅話，一定要試。《香煎軟心芝士餃》作為芝士控既我，見到有芝士嘅餃子，梗係要試吓。入面有半溶芝士，豬肉餡同埋爽口嘅粟米，食落味道又出奇地夾。《麻辣松花皮蛋》皮蛋入面係溏心，口感非常好，點埋麻辣汁一齊食好惹味。《涼拌唐芹拌豆筋》味道酸酸地，愈食越開胃，作為餐前小食就啱晒。《蜂蜜檸檬薏米水》 & 《豆漿》飲品方面好推薦佢哋嘅蜂蜜檸檬薏米水，飲落好清涼滋潤，又唔會太甜。下次可以再黎試埋佢嘅湯餃同埋四川涼麵，見到隔離枱叫，賣相都好似唔錯。

〖 餃掂 🥟 灣仔 〗又到咗食黑松露嘅季節喇！食truffle一定會好貴？ 人氣餃子店餃掂推岀咗黑白松露餃子！平民價錢都食到高級白松露冇藉口唔去試吓啦 【黑白松露龍鳳松茸煎餃子 ($92) 】一次可以食晒黑白松露餃子！餃子全部都係手工即叫即整架 餃子外皮喺比平時嘅厚身估唔到煎完之後外脆又煙韌外皮呈現誘人金黃色 果然煎餃子比起湯餃子更加香口！食松露餃子一定要叫煎嘅！ 【黃金原味皮蛋 ($28) 】呢款出邊好少見到呀 好似係皮蛋同鹹蛋嘅混合體外層晶體係透明中間溏心又散發咸蛋黃香食落好有驚喜！ ========================== 好味指數：😋😋😋打卡指數：👍🏻👍🏻👍🏻抵食指數：🤑🤑🤑🤑 ========================== 📍 餃掂手工餃子雲吞專門店 (灣仔)灣仔莊士敦道44號地下 ==========================

龍鳳松茸豬肉煎餃呢個龍鳳松茸豬肉煎餃係呢度必點既餃子!! 唔好睇個價錢好似貴過其他既好多, 但係入面既材料有好大既分別龍鳳松茸姐係黑白松露, 加埋左係餡入面, 煎香左之後個味道同香味都出哂黎超多既松露係入面, 我個人係鐘意煎多d因為會再香口d重慶鮮肉雲吞呢個雲吞細細粒但係超多餡, 已經浸左係辣既湯底入面, 非常入味而且好夾個隻辣湯既味道嗌左大碗一齊share, 食下食下都不自覺食左好多粒雲吞, 非常滿足韭菜豬肉湯餃最普遍一定會叫既韭菜豬肉餃, 呢個就會係湯餃好食d因為食太多煎野會好熱氣即使係湯底都係可以飲既程度就知道個湯底係幾清甜韭菜同豬肉份量好多, 味道一流

今日食既呢間係位於灣仔既連鎖餃子店餃掂我曾經係旺角食過, 味道同價錢係唔同區都一樣唔算特別貴, 而且可以揀好多唔同既款色韭菜豬肉煎餃餃子最好食都係煎到個皮好脆口, 加埋D肉汁一齊係個口入面先係最好食呢間既餃子夠哂多汁而且係即點即煎, 所以味道特別好味芫茜煎餃我本身都唔係一個鐘意食芫茜既人, 但係呢個芫茜味一點也不重, 反而有一種好香好清新既味道, 即使唔鐘意食芫茜既都接受到麻辣松花皮蛋呢度既小食同樣出色, 一定要叫既就係呢個松花皮蛋, 麻辣味令到個皮蛋好夠味, 而且個蛋黃係半溶既狀態, 所以個口感好正好想係咁食蜂蜜檸檬意米野飲比較特別既就係呢個, 好清甜而且好健康

餃子好味道，口感好實在，咬落去真係覺得個料係足，皮好薄，一d都唔厚，正！會建議大家食餃子餐，加個面share，因為面就真係好普通不食也擺。lunch time都係多人排隊但大家都快食所以唔會等好耐。

《餃掂手工餃子雲吞專門店 - 銅鑼灣》近排食得多濃味野，都會想食返清少少或者簡單啲，通常呢個情況我就會揀湯麵或者食餃子🥟前兩日同我嘅好姊妹喺灣仔行完街，喺囍匯附近周圍搵吓有咩好食，但嗰邊來來去去都係西餐比較多，我哋行返出少少大街，見到有間餃子店，價錢十分親民，而且口味睇落唔係平時超市可以搵得到嘅味道，慳慳地我哋嗰晚就食餃子做晚餐😆夜晚七點左右去勁多人，好多客人都係簡簡單單一碗餃子一碗麵就當一餐，我哋兩個女仔叫咗一款煎餃、一款湯餃，同埋兩個小食😂仲叫咗特飲添💁🏻‍♀️野生松茸素煎餃 七隻 $58松茸素煎餃個皮好薄而個餡料都幾多，一咬落去啲汁咇晒出嚟，因為個皮薄既關係，所以煎完後特別脆口😋雖然佢係素餃子入邊無肉，但係菇菌嘅味道其實都好濃郁，有時唔想食肉的話食幾隻素餃子又可以當一餐😎💁🏻‍♀️龍鳳松茸雙湯餃 八隻 $92龍鳳松茸餃子就即係用咗黑白松露去製作嘅一款餃子，呢一款入面有豬肉，食落又係另外一種感覺🤓餃子同埋個湯係分開上嘅，啲餃就算唔浸湯食都已經好好味，個湯飲得出係魚湯而且冇加味精👍🏻味道清新，飲完個湯成個人都好舒服😌💁🏻‍♀️黃金原味皮蛋 $28黃金皮蛋外皮咬落彈牙，而入面係呈流心狀態，個

超級無敵爆好味嘅餃子唔係講笑係認真💯‼️話說真係好耐冇食過好味嘅餃子，大家若果有不妨交流吓。查實餃子又可以做到幾出色呢？要做到皮薄餡靚肉嫩多汁已經係好出色，湯餃個湯亦都好重要。茹素人仕亦可留意一下呢間舖。有純素餃子。✏️ 野生松茸素煎餃(中碗）餃子入邊有小棠菜木耳金針菇等，但絕對媲美有豬肉嘅餃子🥟火候好好煎至兩邊金黃。呢啲應該就係叫黃金比例高啦煎餃雖則不會跟湯的，但我另外跟朋友嗌多個湯餃。個人喜歡煎餃飲啲湯。湯係自家製粉葛湯💕老火靚湯，剛飲頭湯會覺得有點淡，但飲落就超好味剛好平衡一下煎餃的熱氣感。當然餃子完全無油漬感，皮又薄煎煮得了當！💯‼️✏️ 龍鳳松茸雙灼餃(跟湯)不得了呀不得了👍🏻小朋友係餃子控一啖入邊有晒肉，菜，澱粉質。肉鬆軟無渣！我食得出並無太多味精添加，食完唔洗飲好多水。口感好好，又黑松露白松露再加豬肉餡製成！絕對會追住嚟食。女仔嘅話嗌少份量就可以了，大飽口福！✏️ 四川涼皮涼皮愛好者嘅我必點！好可惜我鍾意食辣又食唔到辣，渣斗呀我。如果你好辣，呢個一定滿足到你，口水直流，不過真的，後勁凌厲，要小心哦😂✏️ 黃金原味皮蛋開胃菜其中之一。皮蛋係糖心的，都不需點醬油都完美，無漬感！好味😋不論

過癮香辣 一口一粒重慶鮮肉雲吞～～～返工搞唔掂，收工就黎食餃掂。打工仔就係咁容易滿足。～～～睇完餐牌之後叫咗一大堆食物作為星期五嘅晚餐，滿足一下心靈，粟米豬肉餃、四川涼麵、松茸豬肉餃、重慶鮮肉雲吞、蜜餞雞翼同凍豆漿等等，驚太飽但都忍唔住叫，食唔曬最多打包返屋企比家人食。～～～松茸豬肉餃，濕潤多汁，松茸份量多，加埋冇味精狀元九鼎湯，係呢度先有嘅獨特味道。～～～香甜香脆🌽粟米豬肉餃亦非常不錯，同平時自己係屋企煮個d灣仔碼頭完全係兩個世界，肉餡味道好新鮮，加少少佢哋自己仔嘅菜脯，味道又完全唔同晒，味蕾感覺滿足。～～～雖然最近天氣凍咗唔少，但係依然阻止唔到我叫四川涼麵，麻醬加辣油，表面再灑上少少蔥花，加埋彈牙嘅麵條，令人欲罷不能，覺得得麵無餸嘅話，就可以叫返個香甜蜜餞雞翼配搭一下。～～～如果覺得齋食餃子太悶棍，重慶鮮肉雲吞都未嘗唔係一個好選擇，雖然都係肉餡，但係佢哋嘅鮮肉雲吞，肉味會更加重，加埋辣而不嗆嘅重慶湯汁，一啖一粒，非常過癮。～～～餃掂手工餃子雲吞專門店 灣仔莊士敦道44號地下