餃子店

最近喺大角咀發現咗呢個宵夜好去處，叫做餃子店，呢度除咗餃子、炒粉麵飯、小炒同埋煎釀三寶之外，我會去飲佢哋是日靚湯，非常足料。另外值得一讚嘅係老闆好有人情味，好nice，睇得出同大角咀啲街坊感情都唔錯。炒飯，份量都幾足料。乾炒牛河，鑊氣十足。煎釀三寶可以叫佢再翻炸加熱，保證熱辣辣，紅腸口感好脆。每日嘅湯都會唔同，根據老細每日去街市買到見到嘅材料，每次去飲都非常足料，值得推薦呢度嘅是日靚湯。煎釀三寶好多選擇。…查看更多

剛上完堂經過餃子店去買外賣，點了乾炒雞河，回到家食時，食到落底係無雞肉，只是一盒齋炒河，非常不老實，真係冇諗到連食材都呃食客！唔好話比錯我囉，收了$41。大家呢以後呢喺呢間嘢買外賣嘅話呢自己呢小心，買完要檢查清楚。…查看更多

夜麻麻想食嗰宵夜，不如嚟大角咀餃子店，星期一至六營業至凌晨二點，星期日全日休息。雖然叫餃子店，原來仲有好多小炒可以食，一次過滿足晒大家口味。🍚肉碎蛋炒飯 $45一上菜已經聞到香味，炒飯火候啱啱好，米飯粒粒分明，非常推薦。價錢又合理，份量夠兩個人一齊share食。🥘乾炒豬河 $40本來驚炒河一定會好油，但又還好，餐廳好貼心，炒河可以自選牛/豬/雞肉，啱哂唔食牛既我。味道不錯，河粉口感有彈性，必食之選！🥟湯餃 $30見餐廳叫餃子店，就必叫份湯餃試吓，價錢好平，30蚊有八粒，大大粒都幾juicy，但味道就平平無奇，建議留肚食小炒。…查看更多

落咗囍臨大角咀這間，真係激發咗我個食慾！首先，椒鹽九肚魚真係爆嘴，炸到外脆內嫩，椒鹽撈得恰到好處，味道正啦！炸餃子皮薄餡靚，咬落去即刻「嘶嘶」作響，雞翼都唔係蓋的，外皮炸得金黃香脆，撈落芝麻更加香口。跟住，蠔餅真係贏晒！脆致致，蠔肉飽滿得滯，一啖一個，嘖嘖美味👍！點止如此，薑蔥蟹慳得嚟又新鮮，撈到我滿嘴都係蟹膏，足足碌著兩隻滿足晒！黃金蝦嘅咸蛋黃外衣簡直係罪惡誘惑，每一啖咸香輕爽，係咁滑口，驚喜之選！至於豉椒蟶子，呢個就真係惹味得黎犀利，每一口都夠晒食指大動💥。最後啲乾炒牛河雖然稍為乾身，但都算係過得去啦，至少呢度嘅鑊氣夠威！啖啖荔心，呢度嘅美食幾有食到「心滿意足」嘅feel，下次一定要再黎，多謝曬！🍴🔥…查看更多

🍊 餐廳名稱：餃子店 🐝 味道：8/10環境：7/10整體分數：8/10/💰人均：$50-100———————————————————隱世平民餐廳真係好襯佢地，而因店舖名稱是餃子店，原來暗地裡海鮮小炒極為出色，性價都一樣十分高。真係感覺做街坊生意同外賣居多，因為入面好少位～椒鹽九肚魚 💰$65每一條被炸到金黃色既九肚魚，表皮酥脆可口，而魚肉嫩滑乾身，配搭掛上魚肉既蒜粒、椒粒，鹹香而帶有一丁點的微辣，十分惹味！欖菜肉碎蛋炒飯 💰$45炒飯有鑊氣，而且飯粒之間乾身，粒粒分明，冇太多油膩味，份量都可多，一個人食真係好足夠。加埋蛋同埋欖菜，味道層次更豐富。煎雞翼4隻 💰$20雞翼有少少乾身，但仍然保持酥脆。會想食完飲翻罐啤酒。不過沒有太大的驚喜，算是過下煎雞翼的癮。…查看更多