餃串Party

營業中

休息中

餃串Party一间位於青山道368號喜韻商場地下2號舖，主打每日新鮮，既場包！今日约左朋友過來呢邊吃心心念念的餃子加串燒，一到門口就見到人龍，可能係食飯時間！等左 15 分鐘左右就到我們了，地方小家碧玉都，乾淨整潔！服務態度很好！今日幾人分別點左，沙嗲雞，沙嗲豬，魚腹鰭(大)，雞軟骨，外脆內軟雞皮，沙嗲牛，墨魚咀，每種烤串都好吸引，肉的外層焦香，內裡嫩多汁，不會乾巴巴，超正！涼瓜豬肉餃➕韭菜豬肉餃湯餃雙拼，呢個湯底係番茄湯底，都幾濃郁，每隻餃子都皮薄餡多，涼瓜豬肉都幾特別，喜歡吃涼瓜的，這個必食！脆皮芝士粟米芝士豬肉餃➕椰菜冬菇雲耳豬肉餃煎餃雙拼(8隻)，呢個雙拼都几有驚喜，又可以拉絲，芝士味都几濃！个底都几脆下！餃子都皮薄餡多！飲品有點豆漿，手工冷泡蜜桃烏龙茶，手工冷泡桂花烏龙茶，吃飽解膩一流！一湯一煎，又係雙拼，同朋友分來食真係超正，一次可以食到多款口味

這家位於長沙灣新开的餐館,服務態度超差劣，虧他們還在掛起什麼格言，最基本的待客之道也不懂…. 怪不得人家選擇北上消費，又一例證香港飲食業衰落,入到去已經俾阿姐截住唔俾我自己揀位,，逼我要同他人搭桌，明明四周都有位，跟住仲有個喺廚房坐低咗嘅阿姐對我大聲呼喝！全部都超級冇禮貌，跟住我堅持要坐另一個位，佢哋肯先俾我坐！所以唔該做好員工培訓，對於顧客有咁嘅體驗非常唔好！等了半個鐘，係咁話多單多單！原來係漏單，搞到我呆等左4個字原來係冇單，唔好意思都冇句，只係話冇單冇單。明明落單，結果又話要做外賣單先！垃圾到冇朋友，如果想受氣想排隊就要去呢間！

發現其實自己都幾鍾意食餃子😂🤣所以見到有人介紹有新餃子店都想去試下！依間除咗有餃子之後，仲有串燒🤣都幾特別！湯餃雙拼（8隻） $50🥣五指毛核甘荀粟米海底椰豬骨湯🥟椰菜冬菇雲耳豬肉餃🥟涼瓜豬肉餃‼️湯底極好飲‼️好甜，好自然，自已煲都煲唔到咁好飲😂我絕對會因為個湯而再去食🤣餃子正常大細，餡料都飽滿，第一次見用涼瓜做餡料😄咬落有少少爽，唔苦！煎餃雙拼（8隻） $52🥟韭菜豬肉餃🥟粟米芝士豬肉餃粟米芝士豬肉餃最好食！可能仲因為揀咗煎嘅關係，再香口啲😋😋😋煎餃都唔會好油，好脆，一咬開勁熱🤣🍢魚腹鰭 $15🍢翠肉瓜 $12🍢孜然羊肉 $15🍢雞軟骨 $13佢每串都係十零蚊，都幾抵食🤩試咗依4串全都燒得啱啱好，好香口，然後調味都唔會過重👍🏻特別幾鍾意佢個魚腹鰭，魚油勁香又滑！孜然羊肉都好好味，雖然細細粒但係好有羊肉香🐏

從來唔寫食評嘅我，今次真係忍唔到‼️‼️‼️食過兩次都知要等好耐，但今次實在太過分，坐低即落單，等咗一小時發覺唔對路，同職員反映後，居然漏單，表示會立即處理，再等五分鐘後，野食終於到，比少兩隻餃、米粉、和最緊要嘅匙羹，即時同職員講，轉個頭居然唔記得，好啦！等咗一個幾鐘「終於食得啦！」吓？煮到爛曬嘅？？由排隊到有野食兩個鐘比啲咁嘅野我？？？？支持小店當然好，但呢間店嘅安排好有問題，刻意整好耐製造人龍，本身包好嘅餃根本唔需要搞咁耐，簡簡單單食個餃子需時三小時，時間是金錢呢

餃子款式豐富又夠飽肚，是不少人心目中的清淡首選🥇而這次介紹的餃子店除了有創新口味，其住家清甜湯底亦是廣受好評的原因之一🥰———————————————————————餃子size巨型脹卜卜😳餡子皮非常透薄，每種餡料都清晰可見✨內餡椰菜清甜🌳雲耳相當爽脆，菇味濃郁🍄‍🟫豬肉比例也恰到好處🤌🏻雖然調味清淡但亦不會令人覺得味道太寡👌🏻反而十分清新🍃絕對是我吃過最令人回味的椰菜豬肉餃😋涼瓜比例上雖然與豬肉各佔一半，但涼瓜的甘苦味道不算明顯👌🏻年輕食客也不用太過擔心😂但涼瓜口感偏韌🫤未如椰菜餃的蔬菜般爽脆，同時亦欠缺清甜味道🤨作為餃子餡料雖然特別但未算太過合適🫢與餃子一樣，雖然湯底調味偏清，但相當清甜可口🤗真材實料的家庭味道更加引人入勝🤩坊間有很多餃子店的煎餃為求香口脆身，都會以半煎炸的方式來烹調🔥導致非常油膩😢而這裡的煎餃並非炸餃，是真正的煎餃😎因此不會太過油膩，熱氣感覺亦大大降低😚餃子皮雖然未算太脆，但煙煙韌韌的質感亦同樣深得我心😝餡料方面，粟米新鮮爽甜🌽芝士和豬肉餡混合後鹹香十足🧀無論是肉味還是爆汁效果都是多款餃子口味中最為出眾👍🏻韭菜餃餡料則較為多菜少肉🥬韭菜味十分香濃，但由於沒有太多調

好少寫食評嘅我，要提番有興趣黎食嘅朋友除非你好中意排隊（無論堂食定外賣），否則唔好信戈d咩呢個餃子值得等待嘅comment，因為排隊都排到飽。被涼瓜餃子吸左黎排隊嘅我地，見前面得4個人排緊，諗住應該唔洗排好耐，真係太天真。入座安排失當，未齊人就放人入去坐。排頭戈個人原來係1人排5人座，過半數嘅人都無就放左佢入去，佢d朋友半個鐘後先陸續入座然後慢慢落單，期間岀面條隊就無郁過。到後來，我地係3個人，佢因為無3人枱，就不停入左其他1位2位嘅客入去，要去到我岀聲話你同事話下張到我地，你又係咁放人入去，咁幾時先到我地，佢先無再放人入去。岀餐安排混亂，堂食岀餐超慢。本來見到有兩枱枱面吉嘅以為係食完，點知原來係未到。間舖不停接外賣單，但以為外賣會快？錯啦，岀面等外賣嘅人都等到燥底，入去催左幾次問幾時先有，其實廚房已經係做左外賣單先做堂食單都岀得勁慢，以為係唔夠人啦，點知見到廚房有成6,7個人（佢係開放廚房），完全唔明點解可以咁慢，全部都係新手？最尾等左成個半鐘終於入到去，叫左醉雞捲，湯餃&煎餃。 雞捲味道普通無乜花雕酒香；餃子皮薄多餡，餡料多菜少肉，調味正常，湯清甜；煎餃呈半煎炸狀態，唔太油，但要等

本身覺得呢間食物質素唔差，雖然小貴and出菜慢，但都體諒，周不時會食下。滿心歡喜買外賣返屋企食，叫左椰菜餃粟米餃雙拼，返到屋企發現全部都係韭菜餃，唔食韭菜真係好憎食韭菜㗎嘛！專登去返店舖換，其實來回都要40分鐘。疑似老闆娘不認數，堅持自己沒有出錯，更聲稱每一次都有覆單，不肯更換。講真，叫外賣張單又唔比，點知你有冇落錯單，點去更正呀！其實都係換八隻餃子姐，換都唔換，仲要理直氣壯，搞到成肚氣，未食嘢都已經飽。我同我自己講冇下次，送都唔食，咁嘅態度！

高質餃子街坊小店🧡餃串party✨ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡今次發掘左位於長沙灣高質餃子小店🥟🩷就係呢間餃串party✌🏻餃子全部包到漲卜卜🫶🏻▫️湯餃雙拼（6隻） $42💛粟米芝士豬肉餃💚椰菜冬菇木耳豬肉餃呢到嘅湯餃配左好好飲嘅老火靚湯🥹佢會定期轉湯底 全部都冇添加味精✨今次係五指毛桃粟米甘筍海底椰猪骨湯🧡湯仲有埋啲配料 粟米甘筍比埋我 味道好清甜🥰手工餃子大大隻 皮薄仲夠滑！餡料豐富😍粟米芝士豬肉餃襯湯餃估唔到都幾好食！連埋湯一齊食 食到芝士味但又冇咁膩椰菜冬菇木耳豬肉餃 菜肉比例岩岩好～而且椰菜木耳幾爽口 肉餡肉汁滿滿😳✌🏻▫️煎餃雙拼（6隻） $44💚韭菜豬肉餃💛粟米芝士豬肉餃煎餃即叫即煎 煎至外皮金黃香脆✨芝士餃原來係用左三種唔同芝士混合而成唔怪得芝士味夠哂濃郁 加上粟米鹹甜鹹甜 真係最佳配搭！鐘意韭菜嘅朋友都可以一試 真係超多韭菜！▪️當歸花雕醉雞卷$38雞卷肉質幾嫩 花雕酒味濃 幾入味🐔▪️高蛋白雞胸串 $12▪️沙嗲雞肉串$12▪️雞軟骨串$13▪️翠玉瓜$12見到佢哋仲有串燒賣 叫左幾串試下😋價錢合理 仲有啲幾特別嘅款式添！想

無論出餐服務、員工態度都十分離譜🤬我堂食用QR下單，不足30秒店員已經遞上訂單收據。 我一直耐心等候，因為見到店面周圍都貼滿「耐心等候、不要催單」等警告字句。都體諒可能繁忙時間。但期間見住廚房一直出外賣單，平均3-4單外賣先出1-2單堂食。 而且堂食出單次序極之混亂，比我早落單既未上菜，比我遲半個鐘落單的又比我更早上菜。我點左兩個餃子、一個串燒，足足等左45分鐘，見到比我遲下單既人都開始食餃子，我先忍唔住問店員。店員一句道歉都冇，就咁一句「漏左單，整返俾你。」毫無歉意。隨即我見到有客人食左一啖發現餃子唔係佢點的，店員拎住碗錯既餃子猶豫咗好耐，又問收銀職員點處理，收銀職員大叫唔知道呀，就見住店員將餃子拎返入廚房。 其實真係唔知店員在猶豫什麼？客人用過既餐點唔係應該立即棄置？然後重新出過一份正確嘅餐點給客人？ 面對以上店員混亂且不專業的服務態度，我跟朋友都一致決定立即起身走人。呢間鋪頭貼滿哂叫人唔好催單既標示來做掩護，實際上根本就係自己服務有問題。

服務極差、員工非常沒有禮貌，不是做生意的人，香港有這些人都俾佢影衰晒，香港淪陷啦，不接受意見，員工口黑面黑，以後不會再去這間店，絕不會介紹給朋友，環境差又要搭枱，

經過好多次，終於第一次去食。苦瓜餃子好特別，別的店舖好小有這個菜式，所以便試一試。湯底是紅蘿蔔粟米霸王花，是好味的！苦瓜豬肉餃子就沒有什麼特別！朋友叫了椰菜雲耳豬肉餃，比較好味！排隊人不多，店內有客人已離開有位子，但店員都沒有出來安排進店，要我們主動詢問才入內！QR code落單到等候餃子時間很長，別枱遲過我入去都已有得吃！無所謂，反正不趕時間。叫了淨餃子「苦瓜豬肉餃」終於有得食了！但是，一看見我以為加了麵底！再看清楚，原來餃子皮和餡是完全分離（忘記影下這經典的一幕）從未食過如此餃子！竟然還可以煮成這個樣子送上給客人用膳😰！作為一間餃子專門店這樣的成品真難以想像！再差我在家亦從煮成這樣。本想跟店員問一下，但是，他們忙於和另外一個客人鬧交，所以算吧！都沒有下次了！

呢次探訪咗位於長沙灣嘅餃串Party，試咗兩款菜式，分別係粟米芝士湯餃（8隻）🥣同埋花雕醉雞雞卷 。湯底好有住家感覺，餃子皮薄餡靚，誠意推介❗️粟米芝士湯餃（$50）呢度嘅湯底偏清甜，定期會轉唔同款，但通常都係粟米紅蘿蔔嘅配搭再加上其他嘅配料，上兩次嚟嗰陣有無花果；同蕃茄肉碎。餃子嘅芝士內餡唔會過膩，餃子皮又夠薄，芝士🧀同粟米嘅比例都幾均衡！湯裏面仲有埋配料（例如粟米、紅蘿蔔🥕），邊食餃子仲可以食埋湯渣。唯一美中不足嘅係佢其他嘅餃子款都無乜特別吸引我，所以次次都係嗌呢款，揀唔落雙拼😂花雕醉雞雞卷（$38）雞卷以花雕酒浸製，帶淡淡嘅酒香🍶，雞肉非常嫩滑，完全無渣。上枱嘅賣相都幾吸引，每件雞卷嘅厚度適中，而且酒味同雞肉味道平衡得岩岩好，唔會太重手又唔會掩蓋咗雞肉嘅鮮味🍗。即使平時唔鍾意酒味太濃嘅朋友，呢款雞卷應該都會接受到🥰！整體評價餃串Party嘅性價比都幾高💰，呢兩款菜式既有創意又有質素，特別係醉雞雞卷，算係令我幾驚喜嘅一道小食👏。如果你鐘意芝士嘅話🧀，粟米芝士湯餃係唔錯嘅選擇🌟。不過多人嘅時候，上枱速度可能要再改善，同埋之前食過串燒就細份又唔太吸引，所以都無再嗌了～期待下次再試佢哋其他

月頭有幾日收工臨近食晚飯時間，懶得返屋企再煮嘅關係，索食食埋先返～ 知道有間餃子店新開，最近都幾多人幫襯，於是去咗試試 😌🥟 韭菜豬肉湯餃 配米粉😋😋😋😋當日嘅靚湯係羅宋style蕃茄🍅薯仔🥔甘荀🥕粟米🌽洋蔥🧅肉碎湯，一睇就知好足料！湯餃嚟到，都見到有肉碎同粟米，飲落好家常、甜甜地 ☺️ 而且唔會口渴，配米粉食係唔錯～ 一咬開韭菜豬肉餃🥟，韭菜香湧出嚟，覺得韭菜香嫩過平日食到嘅，豬肉就係配角，每隻餃子都大大隻，小編食六隻夠晒飽 😚晚餐 💵 約港幣$50/人💁🏻‍♀️ 餃子小店空間唔大，坐得幾密下，有時都要排下隊～ 佢哋最出色係串燒🍢，好多人都會嗌嚟當小食或外賣🥡拎走，但小編喉嚨唔生性就冇再特別叫，下次可以試試 😉🙆🏻‍♀️ 最後，喜歡嘅話，歡迎follow @foodirectory.hk！

鋪頭細細，枱椅都比較少，1點幾黎到都坐滿。上菜速度比較慢，都等左10分鐘左右先有野上枱。餃子大細適中，我哋叫嘅係清湯雙拼韮菜同粟米芝士，味道都唔錯，唔會話好咸，應該冇落味精，芝士嗰隻就係冇拉絲，其實亦唔特別有芝士味，但整體味道都夾嘅。而韮菜都中規中矩，冇話好特別，但個皮係薄同滑，食落口感唔錯。個湯底略嫌普通，唔會想飲，米線都係正常發揮。 而個煎餃反而幾特別，皮好薄，但居然唔會穿，好厲害👍本來叫豆腐餃，但佢冇，唯有轉成豬肉，味道可以。

適逢放假又要去荔枝角，咁就順便去長沙灣試吓呢間餃串party啦！.店舖座位唔太多，排咗一陣等張四人枱一早資料蒐集好當然嚟到要食佢嘅餃子啦，仲有最特別嘅係佢有埋串燒同埋見到佢啲飲品類別都幾特別，所以都叫咗一支！今日叫咗呢啲👇🏻🥟每人一碗餃子（雙拼八隻 $50）🧊涼拌黑白雲耳 $30🫔香煎腐皮卷 $28🐟魚腹鰭 $15🐔沙嗲雞 $12🍍菠蘿桂花雪梨茶 $15.湯餃會配埋佢哋每期唔同嘅冇味精湯！我哋飲完都冇口渴！！我哋試咗三款嘅餃子，分別係涼瓜豬肉餃、韭菜豬肉餃，同埋香芹芫荽豬肉餃！三款餃子入邊我最鍾意嘅係香芹芫荽，之後係韭菜豬肉，涼瓜豬肉我就覺得比較特別，因為平時出邊比較少見，但同樣地佢會苦左啲😂下次就未必再叫了～.我好鍾意佢多菜少肉嘅比例！真係超正呀！！見到入邊啲菜都仲係保持到翠綠😍餃子皮亦唔厚，鍾意薄皮嘅人就超開心☺️配搭埋佢哋個湯真係可以清晒成碗！！！大家鍾意亦都可以再點吓啲醋同埋食埋佢嘅菜甫🥟.小食方面，涼拌黑白雲耳 - 因為出面平時比較少見白雲耳，不過味道正常啦，煎腐皮卷都係正常發揮🤓沙嗲雞普通，最有驚喜係個燒魚腹鰭！！即叫即燒！$15嘅價錢真係冇嘢可以挑剔大大串，如果鍾意食魚油脂