飲茶 (已結業)

//垃圾飲茶//小妹眼見呢間野勁多人食，又勁多人打卡，咁就去潮聖。預左貴，不過冇預左服務態度咁差🌝服務態度差都算，講番啲食物，四個字：不外如是。獨眼蝦餃($49)，皮厚又散；炒貴刁($109)，味道還可，但冇鍋氣，茶餐廳40蚊一碟仲好食；最多人食既公仔流奶包($49)，除左多左兩粒眼搞笑打卡之外，我諗唔到有咩咁特別好食；最離譜既一樣野係咩？係佢用凍水沖茶啊！可唔可以唔好侮辱左「飲茶」兩個字啊？你仲敢膽收每位$16茶芥？全店8成遊客，噢，明晒啦，唔係做你香港人生意架😀

想試好耐，趁今日同“皇貴𤠣“慶生，走去飲慶生茶，上嚟Open Rice ,睇下comments, 發覺都好多唔係咁欣賞，仲要價錢都唔平，但見到食物幾得意有又訂咗就試下囉！不過有時真係聞名不如見面。首先講番好多人都彈佢嘅“服務“先，我自己就覺得唔係話差嘅，我係唔識形容佢，好似扮nice!卻忘記係現實嘅啇業社會,加上唔係出自內心嘅真nice,仲要收得唔平反而覺得不倫不類，第一我地五個人去飲，佢地安排我地座中間d “四腳凳“，我唔喜歡，當時還有好多 “梳化“，咁我地想轉過去，但佢地比我感覺怪一怪，好似唔願比我地轉，總知有好有唔好，到埋單，我問佢有無會員制度蓄分個樓面又唔明，攪咗一大輪又帶我去收銀度話要填表，點知去到個收銀度佢又唔知講乜，仲無端端問番我係未飛行里數，我真係想呱一聲笑出嚟，成班人係未唔識廣東話定點，感覺就連佢地都唔知佢地自己做緊乜，好似個個都係替工嚟咁，反而好多人彈佢地嘅食味呢，我又反而覺得ok ，平時如果d食店如果d sever 咁雲遊式，我真即刻無胃口，可能呢間有 gimmick 嘢睇，可以包容佢多dd,如果心情好，荷包又生性都會去多次，不過佢咁嘅價錢，咁嘅服務……靠gimm

這些點心也太可愛了吧！💓今次特別帶左外國朋友黎呢度飲茶☕️叫左4個點心同炒飯😆一籠八戒 🐷豬仔樣嘅叉燒包 好可愛 💓不過餡料唔多 多啲叉燒會更好~-睇住流奶 最想試既就係呢個流沙奶黃包‼️餡料夠多 好流心😂味道同平時食開既流沙包一樣~-萬聖節限定點心🎃木乃伊腸加左眼仔既臘腸卷👀不過好似狗狗樣個款臘腸卷可愛啲😂蝦靈入眼👁️眼睛造型既蝦餃皮唔會太厚 個蝦都幾大粒~🦐近墨者黑🦑墨魚汁海鮮炒飯 面頭加左蛋白炒飯炒得幾香 都有幾多海鮮但味道比較普通🤔

Halloween 系列飲茶🎃～～～～～～～～～～～～～～～～～～～木乃伊腸（2件）（$59）依個其實姐係臘腸卷，臘腸半肥瘦，唔算好油蝦靈入眼（3件）（$59）依個蝦餃個樣恐怖到唔敢食，食緊隻眼咁，入面同平時蝦餃唔同，多左菜苗同馬蹄。中指叉燒（3件）（$59）依個有D似叉燒酥，中指上面有粒杏仁，模仿指甲。～～～～～～～～～～～～～～～～～～

跟公司同事中午飲飲茶是不錯的選擇，這次就挑了間同事較愛的一間店，店裡裝潢不錯，燈光也亮，相對傳統的茶樓相對不會那麼吵，所以聊天也不會要很大聲。最近的中式包點都很有創意～超可愛～熱騰騰的流心包，味道是新式的密瓜味，所以會偏甜，較適合嗜甜的人。用菌與豆類炒粉是很典型的中式菜，味道還好挺入味。墨魚汁味的粉飯，感覺挺新穎，味道也比想像夾。雞絲粉皮，配上青瓜與蘿蔔絲再加上香濃的花心醬是不死的涼拌菜～這味加了乾椒所以挺惹味。整體這店就不過不失，不過每碟都份量少，較適合女性來。

是日約左frd+bb出黎tst食個飯，為左滿足擁有港女魂既人母frd，我地就try try呢間呃like一流既Yum Cha，bk左位6點，可能時間尚早，未見爆場staff見到我地推住bb車，好細心安排我地坐一個有泊車位既枱安頓左bb就發揮我地既港女魂，呃like！雞絲拉皮(小食set) 夠香夠滑 但唔夠凍口水雞（小食set）同平時食開既唔同，個汁好濃，肉就淡d，我地將塊肉㩒落去沉下汁先食，味道不錯木耳 正常野雞扒麵 炸得好脆 食得慢攤凍左都仲係脆！打卡用奶皇包其實食完前面d野都飽飽地，但為左呃like，都要叫呢個既，味道正常，個樣搞笑

👎👎今日同朋友下晝2⃣️點上去飲茶，d野食食得7788之後，我哋打算叫多個甜品—陳皮燉梨。叫左位侍應落order, 呢名侍應阿姐40幾歲，黑色短髮，叫Venus, 同佢講想加個陳皮燉梨，佢第一個反應係：「咩黎㗎？🤔係咪飲品？」我答「唔係。係甜品！menu有。」佢好疑惑咁問多左幾次先肯走開去落單跟住我地同朋友傾左15分鐘計見仲未有燉梨上，問返Venus，呢個阿姐好唔耐煩咁答：「🙄而家先5分鐘渣，燉野要耐啲」，然後走開。好！我哋等。。。如是者我哋又煩左半個鐘計見燉梨未到，問一位男侍應跟下張單，個位阿姐Venus過黎講：「呢個燉梨冇落單喎，我個經理衰啦，叫佢陪返＄啦！」嘩！佢真係神回覆！🤯我地之前追妳野，妳叫人唔好追，自己又冇落單仲話經理。之後我朋友話：「咁而家妳係咪會落返然後free?」佢話：「咁梗係唔得！」然後轉身閃開。😵😵真吹你唔脹！我哋算，揾返個男侍應埋單，哈又好似關佢事嘅！😡🤬同我哋講：「下？埋左單嗱？仲打算有d好嘢益妳地.」係未short㗎？我好x多謝妳有嘢益我呀？！🤬🤬阿姐，我唔係要R咩著數呀！妳使唔使用啲咁嘅態度對客人，做錯嘢仲腦殘得冇藥可救！仲煩返個客！到走個一刻，佢竟然同我哋

呢間飲茶望住佢開，望住佢大肆宣傳，主打gimmick fushion 點心，分店開左幾間，終於有機會黎試下喇。睇住流奶 - 去之前細心閱讀過open rice 同埋 ig，最想食/玩睇住流奶，應該係嘔奶至真，特意點黎試下，點知，點知流都唔流，比起奶黃包流沙少少，但完全唔流囉，好想喊。味道係可以嘅嘅，但是比49蚊但唔流沙就唔係好值。近墨者黑 （海鮮+蛋白）- 要求少油少鹽，上到黎真係黑過墨斗呀。食到有少少墨魚汁味，有蝦，有帶子，有少許蛋白，不錯。因為樣樣小菜都想食，所以叫左小食拼盤，揀左呷醋木耳，橙棍冬瓜同埋青瓜皮蝦。木耳酸酸地好開胃，橙棍冬瓜略微酸，橙味唔出，有少許人工燈味，青瓜皮蝦就普通，伴碟嘅椰菜絲沙律配以醋同檻欖油仲好味。蟹籽燒賣 - 傳統酒樓菜，不過燒賣皮係綠色嘅，真材實料有蝦不過調味略帶咸左少少。布拉蝦腸 - 亦係一味傳統酒樓點心不過腸粉上枱已經凍左，如果熱騰騰嘅絕對會加分。時令上湯菜苗（小唐菜）- 全場最好味反而係呢碟上湯小唐菜苗，平日我地都唔鐘意食小唐菜，不過呢味勝在清淡，加分。埋點五百蚊左右三個人食，其實新派點心館gimmick已經贏左一半，如果可以花多點心思係食物味道

閏蜜聚餐通常都會光顧「日韓西」餐廳，總覺中菜有點「老氣」，卻忘記了點心的滋味😋 便相約於現代感十足的Yum Cha重拾回憶，也不忘打卡一下。Yum Cha的位置十分方便，就在The One斜對面的酒店內（Attitude三樓），非常接近地鐵站。甫打開升降機門，映入眼簾是霸氣的黑色招牌。透過旁邊窗戶就能見到點心師傅在開放廚房熟練地搓着麵團，蒸籠炊煙裊裊，令我不禁期待內裏的精品。😋幸好預早訂了位，現場坐無虛席，大部分是年輕人和外國人，連裝潢也和西式咖啡館別無他樣。店內都是雲石枱面配上金屬枱腳、流線型的擺設和古典的太空灰沙發，可見店主別出心裁，吸引年輕人和遊客去「打卡」。連碗碟也非常逗趣呢，不知小錦鯉會否偷吃我的食物呢？肌腸轆轆的我們立刻看看餐牌：選擇不少，亦用上很多西方食材如松露、羽衣甘藍等。名稱也頗為「吸睛」：「一籠八戒」、「睇住流奶」更是其中的佼佼者，有些菜式不看英文翻譯也不知是什麼呢😝！看見圖片賣相可愛，我們六人就點了一份四人餐，另加「睇住流奶」、「恐龍排骨」和「松露炆伊」來試試吧！先來小菜三碟：橙棍冬瓜、雞絲拉皮和青瓜皮蝦。這碟其實是橙汁醃冬瓜，充滿夏日風情，入口也覺得清爽涼快。但

相信食肆隨咗食物質素，服務態度都好重要！原來都有不少去過的朋友也有表達服務態度的不滿！我一行7人訂了中午12點，但一去到，門口已經有不少人等緊，但未見有人處理門口嘅客人，那麼你是叫我等？還是不會理這些客人？有幸捉到經理問問，他只懂說「等等」又走了去！我等是不緊要，但你連應我這個 booking, 個客人到咗都未知，究竟門口這班客人等咩呢？！無錯，食物嘅樣貌是很吸睛的！例如：1）奶皇包：奶皇算是流心，但皮較厚2）叉燒包：一般，少餡，皮厚3）臘腸卷：臘腸都算大條，味道ok4) 燒賣：都彈牙，大粒嘅5）春卷：好油，睇個樣都覺，冇特別6）XO 醬炒蘿蔔糕：這個算是好味，夠入味，脆口7）唔記得咩咩泡飯：細到呢～～～總之咁嘅價錢，俾咁嘅環境，咁嘅服務質素，咁嘅食物... 同標題一樣，如果你只係食「樣」，咁你去試啦！

服務極差，貌似經理穿波點恤衫的男子，服務態度超差，食物ok，但服務態度完全係趕客，自己漏落單好似係客人既錯，吾通應該自己去電腦入單先岩?最諷刺的是員工係穿著了一件印有“Happy to help”的制服。

這餐廳的最大特色是點心造型特別，如小豬🐷臉包等，整體食物味道是可以的。我個人比較喜歡前菜的皮蛋，面上冰霧的效果，感覺特別清甜涼快，適合夏天吃。至於炸綠茶奶，它的抹茶味很濃，很香滑，喜歡抹茶的朋有一定喜歡。而那近墨者黑的飯，味道不過不失，除了吃了嘴巴會變黑外，最美中不足的是飯應該是分開做，與盛載的鐵盆無關，飯熱器皿是涼的，與想像的有點落差。這裡環境簡潔，但與朋友相約對話有點辛苦，因為太應聲，有時候聽不清楚。

雖名為飲茶但實際卻更偏於點心舖並不閃一落座便會問要什麼茶 而要在菜單上點 要知道選點心總會選不短的時間 當中侍應不會主動提供飲用水 印象已不良好有5款茶可選 沖茶的水不是滾燙只是熱的 茶沖出來可不香 是為其一大失分處點心一般$60左右 有不少可愛的動物叉燒包是豬仔模樣 - 並不軟熟也沒多少叉燒餡料 醬汁也不多 吃到口裏都乾了奶黃流沙包是橙色煤炭屎鬼抹茶流沙包是綠色煤炭屎鬼兩個樣子相近 就選取了抹茶的 比較特別可是味道只是普普 少許綠茶味(沒有抹茶的甘甜味 若在抹茶中加上牛奶可能會更香而流沙真的是沙 不太流質 擠出來並不順像是不良便便的感覺鴿吞鳳梨是迷你鴿子 菠蘿餡的 一口就能吞下 連鳥籠上倒是挺有趣的就是遊客餐廳確實沒有錯 坐下的大部分都不是本地人 看到外國人他們都沒有點茶 而侍應也沒有特別提醒他們 不知是否會免了茶位？然，侍應的待客之道實在有待加強 不說他們不主動 見到用完的餐盤也不收 就連問他們東西都可以一句不答 沒有任何反應 像是聽不到似的 更是失望如只為了拍照片騙騙like的可以來一試 可是性價比就不高了

和屋企人去試，我已book了位，去到見屋企人站在門口位置等候，原來一直沒有人理佢哋，咁我就走入去求其向一個侍應講我book 咗位啦，點知個侍應口黑面黑掘雷槌咁指住門口話同出面嗰個講，行到出去都無人，跟住有個喺度對住部電腦落單，完全聽唔到我講嘢咁，終於有個人埋嚟問係唔係book咗位，然後先安排我哋入座。到落單啦，叫經過嗰個侍應，點知黑口黑面行過，跟住等多一陣，見另一個侍應行過先幫我哋落單。食到一半叫人斟水啦，個侍應攞咗個水壺後無回頭囉，終於隔咗好耐先叫到另一個開過壺茶俾我哋。最搞笑叫人埋單，個侍應走嚟掉低張單乜都無講就行咗去，我對完單係咁揸住張咭都無人理我，係我屋企人話好似見到人哋自己出去埋，完全無諗過咁嘅價錢仲加一服務費，係要自己出去埋單囉，咁我唯有攞張單出去埋啦，又無指示喎，行到去門口先有人話收銀喺另一邊，行到過去原來喺兩個廚房之間囉，個收銀完全無理我，自己喺度唔知搞乜，搞咗一陣先幫我碌咭，點知又按錯銀碼，又要void單再碌過，真係唔係飽到頂心口，係興到頂心口呀，一定一定一定唔會再嚟呀！

我地5個女仔嗌咗11碟,, 都食得哂 每人200幾。三杯醉雞味道其實唔錯,, 如果唔知佢係醉雞ge話... 因為佢無咩酒味,, 係醬油味。所以應該叫醬油雞會比較啱d。但係味道係好ok ge 炒粉絲雖然個樣係最平凡,, 但係係我地成枱人覺得最好味ge個蛋就不過不失la,, 流心ge,, 但未去到好流心好嫩滑令你有驚喜,, 墨魚汁飯, 菜苗, 雞絲粉皮正正常常無咩特別炸四季豆就真係見人見知~ 我覺得油咗d,, 不過係香ge,, 我d friend就話好味,, 焦糖魚丁好味!!! d魚粒好嫩!!! 上面個d應該係茶葉？😂脆脆地甜甜地~ 好好味!!!綠茶炸鮮奶幾得意😂有d似蜜瓜味又有d似香蕉味,, 但係係ok ge~最失望係個兩籠流沙奶皇包.. 其實味道係ok ge... 不過因為係想食《流沙》 而佢係唔流沙ge... 所以其實好失望....