飲茶 (南豐大廈)

營業中

休息中

今次喺呢間飲茶，揀咗白桃烏龍茶🍑送點心一流～越飲越出味😌.🦐筍尖鮮蝦餃蝦餃彈牙，大大粒，仲有唔少嘅蝦肉😍.😍睇住流奶呢個係個流心包，一啖咬落去爆漿，真係要睇住流奶，眼仔碌碌，好鬼馬👀.🌸櫻花蝦燒賣燒賣上面有幾隻櫻花蝦，大大粒之餘，仲有先豬肉味😚.🐷一籠八戒呢個係一個叉燒包，造型好得意😂.🐮蜜錢黑椒牛仔骨黑椒汁好惹味，仲有啲薯角配搭，唔使驚食唔飽.🥢XO醬炒蝦腸粉XO醬勁香，仲有爽口彈牙嘅蝦肉，份量都唔少㗎.🍍鴿子吞鳳梨以雀籠形式呈現，好搶眼🌟一絲絲嘅鳳梨，甜度啱啱好😌

今日同朋友去咗行街街😚、行到有D肚仔餓又想食D特式嘢🤔、望見呢間店舖係一間樓上舖、佢嗰店名都幾特別*飲茶 *位於中環南豐大廈、整間店面環境寬敞坐著舒適感覺都唔錯、融入新式裝飾及新款特色食物做賣點☺️、尤其是坐近窗邊枱透明大玻璃窗😲望見窗外景觀晚上係到同靚靚特式點心打咭相當之正🤭！.睇住流奶 $49呢一款係店家招牌之一🤔、整嗰可愛賣相色澤又吸引特別、包著滿滿奶黃望著勁流出嚟😲、入口熱辣辣鬆軟加埋甜香滑口奶黃😋好正！.鴿吞鳳梨 $49呢一款鴿吞鳳梨好特別嗰名🤔、整款好有創意又吸睛😍、真係睇得又食得、細細嗰金光閃閃雀籠放咗3隻小鴿子🤩、真係唔捨得食🤭、入口口感鬆脆散發啖啖鳳梨😋、比起一般鳳梨酥好食D！.一籠八戒 $49整籠一籠八戒可愛豬豬😍、3個真的豬豬造型賣相圓碌碌、小朋友見到都鍾意、食到入口外皮鬆軟包著美味腍嫩叉燒😋、兩者口感好食又夾味道適中！.菠蘿咕嚕肉 $108呢一碟菠蘿咕嚕肉望著睇得吓🤤、夠哂穫氣中西合璧😲、色澤潤澤鮮艷配埋整條菠蘿好吸引😍、咕嚕肉外脆內腍沾滿酸甜汁液😋、令到味道十分之醒胃😚、再食埋一件件菠蘿肉有助消一消！.初嚐禁果 $59呢一款初嚐禁果賣相好特別🤔、賣想造型色澤都好

我對飲茶呢間餐廳絕對唔陌生，係幾年前已經食過佢啲得意點心。當年係旺角分店食既，記憶中除左點心之外，佢個螞蟻上樹都好味。隔左2，3年再去食，啲質素依然keep得到。當晚試左5款點心，2款小菜，全部味道都滿意😋🥢睇住流奶 $49呢個真係必嗌！個包軟棉棉，一搣開滿滿既奶黃流曬出黎，要小心唔好辣親個咀仔。🥢鴿吞鳳梨 $49造型一流，入口仲係暖立立既，食到一絲絲既鳳梨，甜度岩岩好。🥢筍尖鮮蝦餃 $59大大粒蝦餃，蝦肉彈牙，餃皮厚度適中。 🥢櫻花蝦燒賣一上枱已經聞到好香既櫻花蝦味。個燒賣皮唔係平時既黃色而係綠色，食落就同平時既無乜分別，不過視覺上幾特別。🥢魚香茄子春卷 $42軟腍腍既魚香茄子配脆卜卜既春卷 ，呢個組合真係好有新意。🥢鳳梨咕嚕肉 $108呢個特別之處係鳳梨係同咕嚕肉唔係炒埋一齊，咁樣分開個賣相係靚好多既。咕嚕肉全部都係bite size 食落外脆內嫩，酸酸甜甜食完一嚿接一嚿。🥢心太軟豆腐粒 $88呢個亦都係外脆內嫩，豆腐十分滑，椒鹽加蒜炒好惹味。底下仲配左蠶豆同埋腰果，十分脆口。

記得之前黎過飲茶食點心，行到黎叫飲茶，見價錢正常，所以入去一試。3個人叫左個2人餐，如果份量唔多既話就再叫點心。點知估吾唔到份量都唔少食得我地好滿足。前菜 - 涼拌木耳，酸酸甜甜好開胃前菜 - 麻醬雞絲粉皮，涼皮又薄又滑，蔴醬好夠加上清新嘅青瓜配得啱啱好。點心 - 魚香茄子春卷 - 食唔到魚香茄子味 點心 - 蝦餃 - 無汁，無乜特別例牌燉湯 - 大大碗，好飲椰皇燉湯 - 好清甜，不過媽咪懷疑有加糖。我懷疑係用椰青水，不過都好飲好清新。XO醬炒蝦球 - 蝦球好爽口，又夠XO醬，入面有蔬菜。干炒和牛河 - 河粉好滑又薄，醬汁好均勻，和牛唔覺得係和牛，不過無筋同好soft。萬萬都估唔到呢到既點心係極普通，但會再同屋企人黎食。