影片
以上資料只供參考, 請與餐廳確認詳情
用心製作的街坊小店越來越少，如有，一定要多多幫襯，鼎力支持。土瓜灣北帝街的「飲多兩盅」就是其中一間，小小的店舖，賣的食物卻一點不少，不單每日有不同的老火湯，還有很多款燉湯，自家製的餃子、腸粉、蒸飯、小食、麵、糖水……每樣都是真材實料。《青紅蘿蔔粟米湯》非常多料，和媽媽煲的湯一樣咁好飲《韭菜煎餃》$20餃子煎得很香口，外皮脆，內裡是滿滿的韭菜和豬肉香味《芋頭糕》$15熱辣辣脆卜卜的芋頭糕，叫人食不停口。《鹹香雞髀飯》$68 采用本地走地雞，薄薄的雞皮下沒有多餘脂肪，雞肉紮實有口感，金鳳米飯芳香，絕對真材實料，好食又抵食。《秘製腸粉》$26腸粉皮很薄，有多款餡料都切得很細，口感豐富，味道夾配。
繼續閱讀
無論係春天嘅祛濕湯水、夏天嘅消暑湯水、秋天嘅滋潤湯水、定係冬天嘅進補湯水，湯真係唔少得！不過，作為繁忙嘅都市人，煲湯對我嚟講又好似有一個距離，但出街飲湯，最重要係足料無味精，所以今晚就去到土瓜灣嘅飲多兩盅，晚餐由一碗靚湯開始。節瓜眉豆雞腳湯飲多兩盅嘅原盅靚湯每日都唔同，今日就揀咗節瓜眉豆雞腳湯，湯入面有2大隻雞腳，配料十足，重點當然係完全無味精啦！海底椰川貝燉雪梨湯想滋潤一下嘅，今晚老闆娘就推介海底椰川貝燉雪梨湯！燉湯嘅味道係比較濃，睇得出湯嘅顏色都比較深色，一樣湯料十足，每飲一啖都feel到個湯嘅所有精華都已經燉晒出嚟，飲完個喉嚨真係好滋潤啊！鹹香雞髀飯除咗湯之外，呢度仲有各式各樣嘅主菜。呢個鹹香雞髀飯隻雞髀大大隻，而餐廳為咗方便大家，已經好細心咁切開一件件。雞髀肉帶有淡淡嘅鹹味，唔會太鹹，係家嘅味道。 燒賣燒賣新鮮即叫即蒸，而蝦肉好彈牙，配埋豉油一齊食，好好味！韭菜煎餃韭菜餃係店主自己親手整，粒粒都脹卜卜，超級大隻，一碟仲要有六嚿，全部即叫即煎！一咬開入邊已經係滿到瀉嘅韭菜，個皮非常脆，口感同味道都無得彈！ 自家秘製腸粉平時嘅腸粉皮通常都係白色，佢飲多兩盅係呈半透明水晶狀態，隱約之中仲可以見到腸粉入面嘅餡料。呢碟自家秘製腸粉入邊有肉碎、蔥同埋冬菇，冬菇嘅香味，帶領住整碟腸粉，而且腸粉非常滑又夠薄，絕對係必叫之選。
繼續閱讀
今日去土瓜灣, 經過飲多兩盅, 見佢哋寫住冇味精阿媽靚湯, 同埋即叫即做自家秘製腸粉, 所以入去試下.蓮藕章魚花生綠豆湯： 一路飲一路感受到章魚嘅香味, 蓮藕片爽脆, 花生已略微軟化, 加埋軟綿綿嘅綠豆, 多重口感, 好有住家湯嘅感覺.韭菜煎餃：煎餃外皮金黃, 同內餡嘅柔軟成鮮明對比, 韭菜嘅香氣濃郁, 同豬肉配搭嘅比例非常好, 唔會搶去韭菜嘅清香, 啖啖肉汁.牛肉腸粉：足料大碟嘅腸粉, 腸粉皮有韌性而滑, 牛肉肉質鮮嫩, 配合順滑嘅腸粉同埋豉油, 令牛肉更加鮮味, 果然好味.除咗湯類, 仲有盅飯, 麵類, 包點同埋糖水以供選擇.
繼續閱讀
這間小店內邊只有兩個座位，主打做外賣。餐廳主打阿媽靚湯，盅飯，包點，麵食，腸粉及糖水。餐廳內邊只有老闆娘自己一人打理，很好傾的。點了排骨盅飯，一盅只是$38，飯粒蒸得粒粒分明，排骨食得出是新鮮的，份量都頗多，亦不會太肥，很有家的感覺。食盅飯會送老火湯，今日係老王瓜赤小豆湯，好足料，老闆娘話有清熱，利濕的功效。除左老火湯，仲有燉湯，海底椰川貝燉雪梨湯，十分足料，熱度十足，味道清甜，潤肺止咳。真係好適合我呢班經常無咩湯水飲的朋友。煎韭菜餃及自家秘制腸粉，都是睇住老闆娘即叫即做，特別新鮮。餃子煎得外皮香脆，內邊韭菜滿滿，多菜少肉。腸粉皮薄，內邊簡單舖滿蝦米，蔥花及冬菇粒，好味。最後仲買支足料的海帶綠豆沙拎走。
繼續閱讀
今日我泥到一間專賣自家製燉湯嘅餐廳真係唔講唔知食完之後我已經開始想再返嚟飲多兩盅！😋猴頭菇響螺肉湯 ($78/盅)一打開蓋 香氣撲鼻而來！湯底足料 猴頭菇同響螺肉嘅搭配 真係一流！裏面仲有大量豬展肉 食完都有啲飽肚😂😂而且湯底清澈見底 完全無油膩感✨飲完之後整個人都覺得舒服！鳳爪排骨飯 ($38) 呢個飯都ok 比較清淡鳳爪軟腍入味 排骨係幾嫩嘅 不過蒸飯比較硬價錢幾平 好有性價比！🍚💕買飯可+$10加個今日阿媽靚例湯 今日係節瓜眉豆雞腳湯 每日都會轉款式ga節瓜清新 🥒 眉豆幾夠粉 紅蘿蔔都煲到好腍雞腳都有4隻 勁足料omggg 仲有蠔豉🤣無味精 所以味道少少🤏淡架自家秘製腸粉 ($26)呢款腸粉真係彈牙到不得了🥢💖粉皮咬落去有彈性 口感似鹹版麻薯係童年嘅味道！仲附送咗幾條菜心👍🏼臨走前見到玻璃櫃有好多唔同款式嘅涼茶同埋糖水 買返去飲啦 試試佢袪濕茶 ($20) ☕️✨ 味道微甜 去吓濕👅椰汁鮮奶雜糧花膠糖水 ($58) 🍧🥥甜得剛好 椰香濃郁 食完之後好滿足！呢間自家製燉湯餐廳真係值得一試🤣🤣老闆娘態度好好 亦都好客氣🫶🏻行過路過都可以支持吓香港本地小店
繼續閱讀