食飯

營業中

休息中

美食博覽喺幾個禮拜之前已經圓滿結束，我就當然唔執輸去睇吓有乜嘢平嘢買啦！喺去吓美食博覽之前，首先要醫飽個肚先有力氣作戰，即刻諗起自己一路都好想試吓嘅一間餐廳，咁就梗係唔好錯過呢個機會去試吓！呢間餐廳不論門口同裏面嘅裝修都係走泰國街頭風。全場嘅工作人員都係泰國姐姐，而且一路都播住啲泰文歌，感覺上真係好似置身喺泰國一樣超正！我今次就叫咗個我最鍾意食嘅泰式豬手飯，一個豬肉炒金邊粉(Pad Thai)，一杯泰式奶茶同埋一份芒果糯米飯。呢個豬手飯我覺得有80%泰國嘅味道，佢嘅豬皮好QQ，而且豬肉只需用餐具就可以完美咁鬆開。而且佢個味道亦都有好香濃嘅滷水味，佢仲免費附上微酸嘅豬肉碎湯，啱晒夏天食用。唯一一個美中不足嘅地方就係佢冇酸菜，如果有嘅話就一定Perfect啦！至於佢嘅金邊粉入口微酸，同當地食到嘅都有啲相似㗎，不過略嫌比較濕，但係整體都不錯吃。泰式奶茶反而因為佢用咗淡奶所以感覺爭緊啲，不過因為佢用返泰國本地嘅茶葉去沖制，所以茶味同泰國飲到嘅一模一樣架。最後佢嘅芒果糯米飯我真係極度大推介！呢個芒果糯米飯只需要$40，但係份量就好多，好啱兩個人一齊share食，而且佢嘅飯係熱辣辣新鮮製造，味道同

呢間泰國菜位於大王東街，附近仲有其他食肆，容易搵到！我點了一個炒金邊粉，酸酸甜甜帶少少辣，幾開胃的，不過我之前order前已問係不係不辣😬仲有點了芒果糯米雞😍看落去細碟，但食落去幾滯的😬

✨意外發掘的美食🇹🇭灣仔正宗泰國船麵▫️喺灣仔bakehouse嗰條小巷行多幾步，原來附近就有一間正宗地道泰國船面小店，店內環境好有地道feel，但絕對不地痞！店內亦播有泰國歌曲，店員都係泰國人，好似置身於泰國咁🇹🇭🥰▫️午市時段係12點至5點，$78包左一杯嘢飲，可以揀龍眼冰/泰式奶茶/凍檸茶。散叫嘅話都有好多唔同款類嘅泰式美食，好似泰式沙律、Padthai、串燒同豬手等▫️泰式船麵配料係豬肉丸、豬肉片，免面頭亦配有好多香葉、增添左湯底嘅香味，湯底味道不會死咸，好濃郁香甜😋而面底揀咗金邊粉，食落都有少許嚼口🤏🏻唔似平時啲金邊粉一樣🤔▫️整體來講，食物嘅份量都適中，而且感覺好正宗、好有feel🇹🇭回頭率極高！下次會想試吓佢哋嘅海南雞飯～🤣▫️地址：食飯Kin Kao (灣仔)灣仔大王東街3號大旺樓地舖▫️#goeat灣仔#灣仔美食#灣仔泰國菜#泰式船麵#泰式船河#泰式奶茶#海南雞飯#金邊粉#食飯kinkao#bakehouse#地道泰國菜#正宗泰國菜#thailand#thaifood#samsen#米芝蓮#michelin#michelinhk

乾淨企理嘅地道泰國菜🇨🇷boat noodle with pork ball & sliced pork 泰式船河spicy & sour soup noodle, minced pork & pork ball 泰式酸辣豬肉丸湯粉poached hainan chicken on rice 海南雞飯deep-fried chicken wings marinated with fish sauce 魚露雞翼Thai red milk tea, Thai red lemon tea, iced coffee with milk 泰式奶茶，泰式檸檬茶，泰式咖啡

同事介紹左間幾唔錯的泰國野，系bakehouse 個條街店面唔系好起眼，唔講唔知食泰國野，記住要行到喎后大道東街最入餐牌午市選擇唔算多，不過貴精不貴多啦，最緊要好食呀嘛泰式船河$78叫咗個泰式船河，個湯底好濃郁，有啲似肉骨茶再加藥材味嘅湯底，相信都係真材實料嘅，飲完成個湯都唔覺得口渴配料有豬肉同埋豬肉丸，豬肉好爽好彈牙，豬肉丸亦都好新鮮河粉唔會做得太過分，變到一坺嘢咁，不過略嫌個份量真係有啲細，男仔食其實唔係好飽，話晒都$78一碗麵，建議餐廳加返大少少個份量會好啲

-{灣仔特色泰北菜🥘}嗰日原本諗住去書展點知太多人😂就轉戰去左食飯😂😂😂🤤泰北咖哩湯麵🤤($78)咖哩椰汁味好重😋而且個雞好大嚿食落好淋🥰而啲麵好彈又好掛湯😙成個麵好高質😛👖褲評: 8.3/10🤤泰式豬手飯🤤($78)啲汁有啲滷水味咁😆豬手都好淋😉點嗰個汁就酸酸地不過唔點好味啲🥳不過份量少啲 啲飯偏硬身 撈滷水汁好夾！👖褲評: 7.5/10🤤蟹肉奄列🤤($88)食左1/3都係得蛋🥲再食就發現啲蟹肉偏左一邊 之後蟹肉味都有但淡左啲 個醬係似甜醬咁😌👖褲評: 7/10🤤芒果糯米飯🤤($40)啲芒果好酸😅不過個飯暖暖地 食落好有咬口😇不過個芒果太酸🥲👖褲評: 5/10店員好似全部都係泰國人~裝修好地道feel☺️不過野食一般般 最推介係個咖哩湯麵😜同埋啲水有椰汁味 飲落有啲怪👀性價比: 7/10服務: 7.8/10環境: 7/10

頭幾次都覺得好好食，真係泰式味道，亦都有推介朋友食，直到有次食佢個炒河……完全唔係我之前食嘅味道，炒唔勻，無味，得少少色……唔好食，令人失望。而且，啲女侍應態度愈來愈差，完全懶得理你噉！原本上次都算，我當佢一時失準，無打算寫食評，但今次真係再令我失望。我好鍾意飲奶茶，泰色奶茶其中一個特點係佢比港式奶茶甜。我第一次飲，有waitress問我要唔要少甜，佢話怕太甜，我見佢噉問，我就話好啦，點知嚟到，我覺得得返10％甜，於是決定之後唔會再叫少甜。我嚟就係想要泰式味道呀麻，要唔甜嘅就唔係泰式奶茶啦？！今次我就噉要咗碗泰式船麵同一杯泰式奶茶，船麵keep到係好味，但杯奶茶……佢自己同我少甜咗，我飲咗幾啖都係覺得佢唔夠甜，唔係嗰個味道！於是同一位男侍應講，佢同我攞返去水bar位反映返。點知一個我經常見到嘅其中一個女侍應，攞返杯野出嚟，畀枝透明嘅糖漿我自己加！即係唔覺得自己畀錯少甜我？！求其到呢…個男侍應係之前有道歉嘅，但佢嘅同事嘅做法，我接受唔到。即係你唔覺得自己畀錯我，然後亦要我自己加甜……加埋之前嘅經驗，我真係頂住條氣。味道會失準，態度亦愈來愈差，無咩必要再嚟。隔籬街都有其他船麵值得食，而且水

今日特登去找一間泰國餐廳食嘢，因為之前食過幾間都唔得（包括一間不遠的米豬連泰國餐廳，佢哋可能紅咗就曉….）呢間餐廳細細，乾淨企理，D staffs全部泰國人，有禮，又親切，有問必答。佢哋D泰北菜很好食呀！佢哋個泰北咖喱湯河一定要試，雞髀slow cook但係啲肉一啲都唔霉，真係唔錯，D肉已冧晒加埋佢啲咖喱雞湯麵好好食，上面仲有炸咗嘅麵，卜卜脆浸落啲咖喱汁度very good。麵質似我哋香港人嘅粗麵，但蛋味俾我哋嘅粗麵來得更強，超爽彈牙，好掛汁。豬肉碎生菜包沙律都唔錯，正常，只係我嫌唔夠辣…炸豬腩肉&泰北腸送啤酒一流😋正！。我仲打包左個滷水豬手（唔錯，正常）蟹肉奄烈（打開個盒啲蟹味撲鼻而來，雖然有少少凍咗，D蛋淋咗，但都好好食，我相信如果喺堂食，啲蛋脆卜卜應該好正！）下次我一定帶多啲朋友一齊去再食過！唔錯唔錯價錢又唔貴！總共叫咗8樣嘢&兩支啤酒共$705

斑蘭椰子蛋糕$68見到好多人推介要叫呢款蛋糕，蛋糕的質地比較挺身，一入口斑蘭味好重，外面鋪滿椰子cream 增加蛋糕的濕滑度，而椰子的淡香完全無影響到斑蘭的味道，你可以同時食得出兩種味道，又唔會太甜，非常平衡。另外佢係面同入面都加入咗椰肉，增強咗口感。芒果糯米飯 $40次次去泰國都會食芒果糯米飯！自從無得去旅行都好少再有得食，暖暖既糯米飯再配甜甜既芒果， 🥺係泰國既味道啊, 不過比我想像中細份。泰北咖喱湯麵 $78非常香的咖喱湯底，入口充滿椰子香，湯底的質地是偏濃稠再配搭上扁身的粗麵，不但有嚼勁而且相當掛湯，就算食開BB辣既朋友成碗啪哂都無問題。另外入有一隻啖啖肉既雞脾，用筷子好容易就可以拆到肉！總結：價錢唔算貴既泰國菜，叫咗三樣野而三樣都係好食的，但夜晚去食都幾多人，所以要預返少少時間

突然好想食船麵 可惜Samsen泰麵次次都好爆 結果去左另一間 位於大皇東街既泰國菜 一入到去 發覺樓底都幾高 吊燈藝術感濃厚 揀左個窗邊位 旁邊係透明紅框玻璃窗 一邊食一邊望街景勁relax 泰式船河 ($78) 湯底勁濃郁 揀左金邊粉彈牙入味 加埋泰式香葉 配搭勁有泰式風味🥰

🍴泰式船河 $78河粉比較闊身,好滑好煙韌😍湯底都幾惹味,真係好似喺泰國食船麵咁個人黎講幾鐘意👍🏼👍🏼👍🏼///🍴豉油乾炒河（豬肉）$78河粉一樣咁好食,豉油味好出,味道比湯麵更重口味,我都覺得好味呀👍🏼👍🏼👍🏼///🍴海南雞半隻 $99份量比想像中大,雞肉就算連雞胸都好滑🤤隻雞本身冇咩調味,附上嘅醬汁酸酸甜甜帶少辣好開胃///🍴泰式椰子雪糕 $68記得以前去泰國旅行都係咁會搵呢款椰子雪糕,喺呢度食到好開心😍雪糕好重椰子味,略甜左少少,有椰子肉,重點係要加埋啲花生&脆脆一齊食

Having lived in wan chai for so long, there is never a lack of restaurants to choose from. I had always walked by Kin kao but never found a reason to try it since there were so many other Thai/Vietnamese places to choose from. I was pleasantly surprised at the quality of food and taste. I ordered the boat noodles off the lunch set. For $78 it was not bad, however, the portion was a bit small for the price. The noodles were cooked well — soft and chewy. Each bite was coated in the soup which was

放假同男朋友喺附近經過，見呢間裝飾平實的小店有空位，就入座試試！🍝泰式金邊粉 (5/10)：先說它的外觀，一來到真是嚇咗一嚇。在一間泰菜餐廳，員工都是外籍人士外貌，點解會用D咁港色茶記碟頭飯的碟呢？金邊粉味道好住家Feel，似屋企自家制味道。 不能說難食，但又好似不夠味，略嫌炒得不夠乾身和不夠鑊氣。小篇個人出街食會期望食到些屋企食不到的味道，所以今次在評分上，它就輸蝕少少。🍛泰式雞肉炒飯 (4/10)：飯底偏濕不入味，雞肉粒少，有少少後悔叫咗呢碟，見到隔離枱食海南雞好似仲好添(隔離飯香?)！☕泰式奶茶 (6/10)：不夠濃香亦不夠凍。🏞️環境設施 (5/10)：裝潢平實無華，甚至有點舊式的原始感覺。🤵服務質素 (6/10)：店員落單速度快，但等候食物時間較長。😋回頭率 (4/10)：飯麵有住家味道，但泰式碟頭飯來說，價格略貴不值。

對上一次去泰國已經係一年前.......今日經過灣仔搵地方食lunch就見到呢間餐廳好多人食而且係比較少數嘅泰北菜所以決定試吓! 我order左船麵同炒金邊粉好有泰國街頭餐廳嘅味道麵嘅質地好彈牙同味道非常好會再次幫襯!

🇭🇰Kin Kao·佢裝修 擺盤個D就真係好有泰國風味 但係野食我自己覺得比較一般🙊🙊·泰式豬肉炒金邊粉 l 青咖哩雞 l 泰式海南雞飯 $78泰式蟹肉炒飯$88主食既話我覺得最好食係佢個海南雞飯 佢D雞都嫩既 而且個油飯唔錯 配埋佢個醬汁超開胃😎個金邊粉就偏蕃茄醬味 食落比較杰身😂個蟹肉炒飯都係一般般啦 似中式既蛋白炒飯咁🙊🙊最後個青咖哩雞我就覺得相當麻麻 佢個青咖哩好稀 係好似湯咁 之後D雞份量多既 但係全部都好鞋 而且佢係唔跟飯既 所以大家都係唔好所以大家都係唔好嗌🤭🤣·#rbyeat#rby東南亞菜#rby灣仔·📍灣仔大王東街3號大旺樓地舖